കെ.​എ​സ്.​ആ​ർ.​ടി.​സി യാർഡ് നവീകരണം; നെടുമങ്ങാട് നാളെ മുതൽ ഗതാഗത ക്രമീകരണം

നെ​ടു​മ​ങ്ങാ​ട്: നെ​ടു​മ​ങ്ങാ​ട് കെ.​എ​സ്.​ആ​ർ.​ടി.​സി ബ​സ് സ്റ്റാ​ന്‍റ്​ യാ​ർ​ഡി​ന്‍റെ ന​വീ​ക​ര​ണം ര​ണ്ടു​ദി​വ​സ​ത്തി​നു​ള്ളി​ൽ ആ​രം​ഭി​ക്കാ​നും ജൂ​ണി​ൽ വി​ദ്യാ​ല​യ​ങ്ങ​ൾ തു​റ​ക്കു​ന്ന​തി​ന് മു​മ്പ് പൂ​ർ​ത്തി​ക​രി​ക്കാ​നും മ​ന്ത്രി ജി.​ആ​ർ അ​നി​ലി​ന്‍റെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ൽ തീ​രു​മാ​നി​ച്ചു. ഇ​തി​ന്‍റെ ഭാ​ഗ​മാ​യി ഗ​താ​ഗ​ത ക്ര​മീ​ക​ര​ണ​ങ്ങ​ൾ കൈ​കൊ​ള്ളു​ന്ന​തി​നും യോ​ഗ​ത്തി​ൽ തീ​രു​മാ​ന​മാ​യി.

എം.​എ​ൽ.​എ യു​ടെ ആ​സ്തി​വി​ക​സ​ന ഫ​ണ്ടി​ൽ നി​ന്ന്​ 80 ല​ക്ഷം രൂ​പ ചെ​ല​വ​ഴി​ച്ചാ​ണ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​ത്. പ്ര​വ​ർ​ത്തി​ക​ൾ ആ​രം​ഭി​ക്കു​ന്ന ബു​ധ​നാ​ഴ്ച്ച മു​ത​ൽ നെ​ടു​മ​ങ്ങാ​ട് ബ​സ്സ് സ്റ്റാ​ൻ​റി​ൽ നി​ന്ന്​ പു​റ​പ്പെ​ടു​ന്ന സ​ർ​വി​സു​ക​ൾ ചു​വ​ടെ ചേ​ർ​ത്തി​രി​ക്കു​ന്ന പ്ര​കാ​രം പു​ന: ക്ര​മീ​ക​രി​ച്ചി​ട്ടു​ണ്ട്.

തി​രു​വ​ന​ന്ത​പു​രം, വ​ട്ട​പ്പാ​റ ഭാ​ഗ​ത്തേ​ക്കു​ള്ള ബ​സ്സു​ക​ൾ നെ​ടു​മ​ങ്ങാ​ട്-​തി​രു​വ​ന​ന്ത​പു​രം റോ​ഡി​ൽ പു​തി​യ​താ​യി നി​ർ​മ്മി​ച്ച റ​വ​ന്യൂ ട​വ​ർ ബി​ൽ​ഡി​ങ്ങി​ന്‍റെ എ​തി​ർ​വ​ശ​ത്തു​നി​ന്ന്​ പു​റ​പ്പെ​ടും. നെ​ടു​മ​ങ്ങാ​ട് ഗ​വ. ഗേ​ൾ​സ്‌ എ​ച്ച്.​എ​സ്.​എ​സ് റോ​ഡി​ൽ പെ​ട്രോ​ൾ പ​മ്പി​ന് സ​മീ​പ​ത്തു​നി​ന്നു പു​റ​പ്പെ​ടും. കാ​ട്ടാ​ക്ക​ട ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ കു​ള​വി​ക്കോ​ണം ബ​സ് സ്റ്റോ​പ്പി​ൽ നി​ന്നും ക​രി​പ്പൂ​ര് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ നെ​ടു​മ​ങ്ങാ​ട്-​സ​ത്രം​മു​ക്ക് റോ​ഡി​ൽ ടൗ​ൺ എ​ൽ.​പി. സ്കൂ​ളി​ന് മു​ൻ​വ​ശ​ത്തു​നി​ന്നും മ​ഞ്ച-​അ​രു​വി​ക്ക​ര ഭാ​ഗ​ത്തു​ള്ള ബ​സു​ക​ൾ ച​ന്ത​മു​ക്കി​ൽ നി​റു​ത്തി യാ​ത്ര​ക്കാ​രെ ക​യ​റ്റു​ക​യും ഇ​റ​ക്കു​ക​യും ചെ​യ്യും.