മോ​ഷണവാഹനത്തിന്‍റെ ഇ​ന്ധ​നം തീ​ർ​ന്നാ​ൽ ഉ​പേ​ക്ഷി​ച്ച് അ​ടു​ത്ത വാ​ഹ​നം മോ​ഷ്ടി​ക്കും; നാലംഗ അന്തർസംസ്ഥാന കവർച്ചസംഘം അറസ്റ്റിൽ

നെ​ടു​മ​ങ്ങാ​ട്: നാ​ലം​ഗ അ​ന്ത​ർ​സം​സ്ഥാ​ന ക​വ​ർ​ച്ച​സം​ഘ​ത്തെ നെ​ടു​മ​ങ്ങാ​ട് പൊ​ലീ​സ് അ​റ​സ്റ്റ് ചെ​യ്തു. നെ​ടു​മ​ങ്ങാ​ട് പ​ത്താം​ക​ല്ല് ശി​വ​ദീ​പ​ത്തി​ൽ അ​ന​ന്ത​ൻ (26), ക​വ​ടി​യാ​ർ അ​മ്പ​ല​മു​ക്ക് ആ​ര്യ ലെ​യ്​​നി​ൻ ടി.​സി 4/136 മു​ല്ല​ശ്ശേ​രി​വീ​ട്ടി​ൽ​നി​ന്ന്​ പോ​ത്ത​ൻ​കോ​ട് ക​ല്ലു​വി​ള കൃ​ഷ്ണ​കൃ​പ​യി​ൽ താ​മ​സം രാം ​വി​വേ​ക് കൃ​ഷ്ണ (24), ക​ട​യ്ക്കാ​വൂ​ർ തി​ട്ട​യി​ൽ​വീ​ട്ടി​ൽ അ​ഭി​ൻ​ലാ​ൽ (27), ശ്രീ​കാ​ര്യം പു​ളി​യ​റ​ക്കോ​ണ​ത്തു​വീ​ട്ടി​ൽ ഋ​ഷി​ൻ (27) എ​ന്നി​വ​രാ​ണ് അ​റ​സ്റ്റി​ലാ​യ​ത്. അ​ന​ന്ത​ൻ 65ൽ​പ​രം കേ​സു​ക​ളി​ൽ പ്ര​തി​യാ​ണ്. ക​ഴി​ഞ്ഞ​ദി​വ​സം രാ​ത്രി കാ​പ്പകേ​സ് പ്ര​തി​യാ​യ പോ​ത്ത​ൻ​കോ​ട് ക​രൂ​ർ ഇ​ട​ത്താ​ട് രാം ​വി​വേ​കി​നെ അ​ന്വേ​ഷി​ച്ച്​ വീ​ട്ടി​ലെ​ത്തി​യ പൊ​ലീ​സ് സം​ഘം ന​ട​ത്തി​യ പ​രി​ശോ​ധ​ന​യി​ലാ​ണ് ഇ​വ​ർ പി​ടി​യി​ലാ​യ​ത്. ഇ​വ​ർ​ക്കെ​തി​രെ വാ​ഹ​ന​മോ​ഷ​ണം, ക​വ​ർ​ച്ച എ​ന്നീ കു​റ്റ​ങ്ങ​ൾ​ക്കാ​ണ് നി​ല​വി​ൽ കേ​സെ​ടു​ത്തി​രി​ക്കു​ന്ന​ത്.

ഒ​രു​സ്ഥ​ല​ത്തു​നി​ന്ന്​ വാ​ഹ​നം മോ​ഷ്ടി​ക്കു​ക​യും ഇ​ന്ധ​നം തീ​ർ​ന്നാ​ൽ വ​ഴി​യി​ൽ ഉ​പേ​ക്ഷി​ച്ച് അ​ടു​ത്ത സ്ഥ​ല​ത്ത് നി​ന്നും വാ​ഹ​നം മോ​ഷ്ടി​ക്കു​ക​യാ​ണ് പ്ര​തി​ക​ളു​ടെ രീ​തി​യെ​ന്ന് നെ​ടു​മ​ങ്ങാ​ട് എ​സ്.​എ​ച്ച്.​ഒ വി. ​രാ​ജേ​ഷ്​ കു​മാ​ർ പ​റ​ഞ്ഞു.

ക​ഴി​ഞ്ഞ​യാ​ഴ്ച ആ​ര്യ​നാ​ട്​ മൂ​ന്ന്​ മൊ​ബൈ​ൽ ക​ട​ക​ളി​ലും ഒ​രു ചെ​രു​പ്പ് ക​ട​യി​ലും മോ​ഷ​ണം ന​ട​ത്തി​യ​തും ഇ​വ​രാ​ണെ​ന്ന് സ​മ്മ​തി​ച്ച​താ​യി പൊ​ലീ​സ് അ​റി​യി​ച്ചു. നെ​ടു​മ​ങ്ങാ​ട്-​പോ​ത്ത​ൻ​കോ​ട് പൊ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് പ്ര​തി​ക​ളെ ക​ഴി​ഞ്ഞ​ദി​വ​സം രാ​വി​ലെ ക​സ്റ്റ​ഡി​യി​ലെ​ടു​ത്ത​തെ​ന്നും പൊ​ലീ​സ് പ​റ​ഞ്ഞു.