ആഗ്രഹം ബാക്കിയാക്കി ദമ്പതികള്‍ വിടപറഞ്ഞു​​; മക്കള്‍ സ്​നേഹത്തണലിലുറങ്ങും...

നേ​മം: ക​യ​റി​ക്കി​ട​ക്കാ​ന്‍ ഒ​രു വീ​ട് എ​ന്ന സ്വ​പ്‌​നം സാ​ക്ഷാ​ത്ക​രി​ക്ക​വേ ജീ​വ​ന്‍ ന​ഷ്ട​പ്പെ​ട്ട ദ​മ്പ​തി​ക​ളു​ടെ മ​ക്ക​ള്‍ പ​ക്ഷേ, ഇ​നി സു​ര​ക്ഷി​ത​ര്‍. ക​ര​മ​ന നെ​ടു​ങ്കാ​ട് സോ​മ​ന്‍ന​ഗ​ര്‍ സ്വ​ദേ​ശി​ക​ളാ​യ ബാ​ബു​വി​ന്റെ​യും (55) ഭാ​ര്യ ബേ​ബി​യു​ടെ​യും (50) ജീ​വ​ന്‍ വി​ധി ക​വ​ർ​ന്നെ​ങ്കി​ലും അ​വ​രു​ടെ മ​ക്ക​ള്‍ ഇ​പ്പോ​ള്‍ സു​ര​ക്ഷി​ത​സ്ഥാ​ന​ത്താ​യി. ന്യൂ​റോ സം​ബ​ന്ധ​മാ​യ രോ​ഗം ബാ​ബു​വി​നെ വേ​ട്ട​യാ​ടി​യ​പ്പോ​ള്‍ ബേ​ബി​യു​ടെ ജീ​വ​ൻ ക​വ​ർ​ന്ന​ത്​ അ​ർ​ബു​ദ​മാ​യി​രു​ന്നു.

അ​ട​ച്ചു​റ​പ്പി​ല്ലാ​ത്ത, മേ​ല്‍ക്കൂ​ര ചോ​രു​ന്ന വീ​ട്ടി​ലാ​യി​രു​ന്നു ര​ണ്ടു​പെ​ണ്‍മ​ക്ക​ളു​ടെ​യും ജീ​വി​തം. ക​ര​ള​ലി​യി​ക്കു​ന്ന ജീ​വി​തം നേ​രി​ല്‍ ക​ണ്ട നെ​ടു​ങ്കാ​ട് വാ​ര്‍ഡ് കൗ​ണ്‍സി​ല​ര്‍ ക​ര​മ​ന അ​ജി​ത്ത് വി​ഷ​യ​ത്തി​ല്‍ ഇ​ട​പെ​ട്ടു. അ​തേ​സ​മ​യം രേ​ഖ​ക​ള്‍ ശ​രി​യാ​യി​രു​ന്നി​ല്ല എ​ന്ന​തു​കൊ​ണ്ട് മെ​യി​ന്റ​ന​ന്‍സ് ലി​സ്റ്റി​ല്‍പെ​ടു​ത്തി വീ​ട് പു​ന​ര്‍നി​ര്‍മി​ക്കാ​ന്‍ സാ​ധി​ച്ചി​രു​ന്നി​ല്ല.

ഇ​തി​നി​ടെ റോ​ട്ട​റി ക്ല​ബ് ഭാ​ര​വാ​ഹി​ക​ളു​ടെ സ​ഹാ​യ​ത്തോ​ടു​കൂ​ടി വീ​ടി​ന്റെ പു​ന​ര്‍നി​ര്‍മാ​ണം ആ​രം​ഭി​ച്ചു. അ​ഞ്ച്​ ല​ക്ഷ​ത്തോ​ളം രൂ​പ ചെ​ല​വി​ലാ​യി​രു​ന്നു ഇ​ത്. എ​ന്നാ​ല്‍ നി​ര്‍മാ​ണ​ഘ​ട്ട​ത്തി​ല്‍ ത​ന്നെ വി​ധി ദ​മ്പ​തി​ക​ളു​ടെ ജീ​വ​ന്‍ ക​വ​ർ​ന്നു. ര​ണ്ട് പെ​ണ്‍മ​ക്ക​ളും ഒ​റ്റ​പ്പെ​ട്ട അ​വ​സ്ഥ​യി​ലാ​യി.

ദൂ​ര​സ്ഥ​ല​ങ്ങ​ളി​ല്‍ താ​മ​സി​ക്കു​ന്ന ബ​ന്ധു​ക്ക​ളാ​യി​രു​ന്നു ഇ​വ​രു​ടെ അ​ഭ​യ കേ​ന്ദ്രം. വാ​ര്‍ഡ് കൗ​ണ്‍സി​ല​ര്‍ ത​ന്റെ പ്ര​വ​ര്‍ത്ത​ന​ങ്ങ​ളു​മാ​യി മു​ന്നോ​ട്ടു​പോ​യ​തോ​ടു​കൂ​ടി അ​ട​ച്ചു​റ​പ്പി​ല്ലാ​ത്ത വീ​ടി​ന് മേ​ല്‍ക്കൂ​ര​യും മ​റ്റ് സം​വി​ധാ​ന​ങ്ങ​ളു​മാ​യി. ഒ​ടു​വി​ല്‍ വാ​ര്‍ഡ് കൗ​ണ്‍സി​ല​റു​ടെ സാ​ന്നി​ധ്യ​ത്തി​ല്‍ റോ​ട്ട​റി ക്ല​ബ് ഭാ​ര​വാ​ഹി​ക​ള്‍ ദ​മ്പ​തി​ക​ളു​ടെ ഇ​ള​യ മ​ക​ള്‍ക്ക് വീ​ടി​ന്റെ താ​ക്കോ​ല്‍ കൈ​മാ​റു​ക​യാ​യി​രു​ന്നു.

ത​ങ്ങ​ളു​ടെ മ​ക്ക​ള്‍ സു​ര​ക്ഷി​ത​രാ​കും എ​ന്ന ഉ​റ​ച്ച​വി​ശ്വാ​സ​ത്തി​ലാ​ണ് ദ​മ്പ​തി​ക​ള്‍ ഈ ​ലോ​ക​ത്തു​നി​ന്ന് വി​ട​വാ​ങ്ങി​യ​ത്. കു​ടും​ബ​ത്തി​ന് സു​ര​ക്ഷി​ത​മാ​യ വീ​ട് ഒ​രു​ക്കാ​ന്‍ ക​ഴി​ഞ്ഞ​തി​ലു​ള്ള സം​തൃ​പ്തി​യി​ലാ​ണ് വാ​ര്‍ഡ് കൗ​ണ്‍സി​ല​ര്‍.