നഗരവാസികൾ കാത്തിരിക്കുന്നു; ഗാന്ധിപാർക്കിന്റെ നവീകരണത്തിനായി

തി​രു​വ​ന​ന്ത​പു​രം: പ​ണി​ഞ്ഞി​ട്ടും പ​ണി​ഞ്ഞി​ട്ടും തീ​രാ​തെ കി​ഴ​ക്കേ​കോ​ട്ട​യി​ലെ ഗാ​ന്ധി​പാ​ർ​ക്ക്‌. ക​ഴി​ഞ്ഞ ഏ​പ്രി​ലി​ലാ​ണ്‌ സ്‌​മാ​ർ​ട്ട്‌ സി​റ്റി പ​ദ്ധ​തി​യു​ടെ ഭാ​ഗ​മാ​യി പാ​ർ​ക്കി​ൽ ന​വീ​ക​ര​ണ​പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​ത്‌. ര​ണ്ടു​മാ​സ​ത്തി​നു​ള്ളി​ൽ ന​വീ​ക​ര​ണം പൂ​ർ​ത്തി​യാ​ക്കി ജൂ​ണി​ൽ പൊ​തു​ജ​ന​ങ്ങ​ൾ​ക്കാ​യി തു​റ​ന്നു​ന​ൽ​കു​മെ​ന്നാ​ണ്​ അ​റി​യി​ച്ചി​രു​ന്ന​ത്.

എ​ന്നാ​ൽ, നാ​ലു​മാ​സ​മാ​യി​ട്ടും ന​വീ​ക​ര​ണം പൂ​ർ​ത്തി​യാ​യി​ട്ടി​ല്ല. ക​ഴി​ഞ്ഞ ര​ണ്ടു​മാ​സ​ത്തി​ലേ​റെ​യാ​യി പാ​ർ​ക്കി​ലേ​ക്ക്‌ പൊ​തു​ജ​ന​ങ്ങ​ൾ​ക്ക്‌ പ്ര​വേ​ശ​ന​വും അ​നു​വ​ദി​ക്കു​ന്നി​ല്ല. 1.8 കോ​ടി ചെ​ല​വി​ട്ടാ​ണ് പാ​ർ​ക്ക് മു​ഖം​മി​നു​ക്കു​ന്ന​ത്. ആ​ഗ​സ്‌​റ്റ്‌ 15ന്‌ ​ന​വീ​ക​ര​ണ​ത്തി​ന്റെ ആ​ദ്യ​ഘ​ട്ട​വും ആ​ഗ​സ്‌​റ്റ്‌ അ​വ​സാ​ന​ത്തോ​ടെ അ​വ​സാ​ന​ഘ​ട്ട​വും പൂ​ർ​ത്തി​യാ​ക്കു​മെ​ന്നു​മാ​ണ്‌ അ​ധി​കൃ​ത​ർ പ​റ​യു​ന്ന​ത്‌. നി​ല​വി​ൽ പാ​ത്ത്‌ വേ​യു​ടെ​യും എ​ക്‌​സി​ബി​ഷ​ൻ കോ​ർ​ണ​റി​ന്റെ​യും പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ക​യാ​ണെ​ന്നും അ​ധി​കൃ​ത​ർ പ​റ​യു​ന്നു.

ത​ക​ർ​ന്ന്‌ ശോ​ച്യാ​വ​സ്ഥ​യി​ലാ​യ പ​ഴ​യ മ​തി​ൽ പൊ​ളി​ച്ചു​മാ​റ്റി പു​തി​യ മ​തി​ൽ നാ​ല​ടി​പൊ​ക്ക​ത്തി​ലാ​ണ്‌ നി​ർ​മി​ക്കു​ന്ന​ത്‌. ഇ​തി​നെ​തി​രെ ചി​ല കോ​ണു​ക​ളി​ൽ പ്ര​തി​ഷേ​ധം ഉ​യ​രു​ന്നു​ണ്ട്‌. ആ ​മ​തി​ലി​ൽ ഗാ​ന്ധി​ജി​യു​ടെ ച​രി​ത്രം ത്രീ ​ഡി രൂ​പ​ത്തി​ൽ രേ​ഖ​പ്പെ​ടു​ത്തും. പൊ​തു​ജ​ന​ങ്ങ​ൾ​ക്ക്‌ ന​ട​ക്കാ​നാ​യി ക​ണ്ണ‌​ട മാ​തൃ​ക​യി​ലാ​ണ്‌ പു​തി​യ പാ​ത്ത്‌​വേ​യു​ണ്ടാ​വു​ക. നി​ല​വി​ൽ ഗാ​ന്ധി​പ്ര​തി​മ മാ​ത്ര​മു​ണ്ടാ​യി​രു​ന്ന പാ​ർ​ക്കി​ൽ ഗാ​ന്ധി​ജി​യു​ടെ അ​പൂ​ർ​വ നി​മി​ഷ​ങ്ങ​ളി​ലു​ള്ള ചി​ത്ര​ങ്ങ​ൾ ഉ​ൾ​പ്പെ​ടു​ത്തി​യ എ​ക്‌​സി​ബി​ഷ​ൻ കോ​ർ​ണ​ർ വ​രും. പാ​ർ​ക്കി​ലു​ണ്ടാ​യി​രു​ന്ന ഗാ​ന്ധി​ജി​യു​ടെ പ്ര​തി​മ, ത​ണ​ൽ മ​ര​ങ്ങ​ൾ, ഇ​രി​പ്പി​ടം, ഓ​പ​ൺ ഓ​ഡി​റ്റോ​റി​യം, വി​ശ്ര​മ​സ്ഥ​ലം, കു​ട്ടി​ക​ൾ​ക്കാ​യി ക​ളി​സ്‌​ഥ​ലം എ​ന്നി​വ​യും ന​ഗ​ര​സ​ഭ​യു​ടെ വ​ക പാ​ർ​ക്കി​ങ്​ ഏ​രി​യ​യും ചെ​റി​യ സ്‌​നാ​ക്‌​സ്‌ കോ​ർ​ണ​റു​മെ​ല്ലാം ന​വീ​ക​രി​ച്ച പാ​ർ​ക്കി​ലു​മു​ണ്ടാ​കു​മെ​ന്ന്‌ അ​ധി​കൃ​ത​ർ പ​റ​യു​ന്നു. ബൊ​ള്ളാ​ർ​ഡ്‌ ലൈ​റ്റു​ക​ളും ആം​ബി​യ​ൻ​സ്‌ ലൈ​റ്റു​ക​ളു​മൊ​ക്കെ​യു​ണ്ടാ​കും. മാ​സ​ങ്ങ​ളാ​യി ഇ​വി​ടെ പാ​ർ​ക്കി​ങ്​ ഇ​ല്ലാ​ത്ത​ത്‌ ചാ​ല​യി​ലെ വ്യാ​പാ​ര​ത്തെ ബാ​ധി​ച്ച​താ​യി പ​രാ​തി​യു​ണ്ട്‌. ന​വീ​ക​ര​ണ പ്ര​വ​ർ​ത്ത​ന​ത്തെ​ക്കു​റി​ച്ച്‌ ന​ഗ​ര​സ​ഭ അ​റി​യി​ച്ചി​ട്ടി​ല്ലെ​ന്നാ​ണ്‌ വാ​ർ​ഡ്‌ കൗ​ൺ​സി​ല​ർ പ​റ​യു​ന്ന​ത്‌.