ഭാര്യയെ ഷോക്കടിപ്പിച്ച്​ കൊലപ്പെ​ടുത്തിയ കേസില്‍ യുവാവ്​ കുറ്റക്കാരൻ

വെ​ള്ള​റ​ട: ഭാ​ര്യ​യെ ഷോ​ക്ക​ടി​പ്പി​ച്ച്​ കൊ​ല​പ്പെ​ടു​ത്തി​യ കേ​സി​ൽ യു​വാ​വ്​ കു​റ്റ​ക്കാ​ര​നെ​ന്ന്​ നെ​യ്യാ​റ്റി​ന്‍ക​ര അ​ഡീ​ഷ​ണ​ല്‍ ജി​ല്ലാ കോ​ട​തി ജ​ഡ്ജി എ.​എം.​ബ​ഷീ​ര്‍ ക​ണ്ടെ​ത്തി. നെ​യ്യാ​റ്റി​ന്‍ക​ര അ​തി​യ​ന്നൂ​ര്‍ വി​ല്ലേ​ജി​ല്‍ അ​രു​ണ്‍ നി​വാ​സി​ല്‍ അ​രു​ണാ​ണ്​ (32) പ്ര​തി. കു​ന്ന​ത്തു​കാ​ല്‍ ത്രേ​സ്യാ​പു​രം പ്ലാ​ങ്കാ​ല പു​ത്ത​ന്‍വീ​ട്ടി​ല്‍ ശാ​ഖാ കു​മാ​രി​യാ​ണ്​ (52) കൊ​ല്ല​പ്പെ​ട്ട​ത്.

2020 ഡി​സം​ബ​ര്‍ 26ന്​ ​പു​ല​ര്‍ച്ച 1.30നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം. വി​വാ​ഹം വേ​ണ്ടെ​ന്നു​വെ​ച്ച്​ ക​ഴി​ഞ്ഞു​വ​ന്ന ശാ​ഖാ​കു​മാ​രി 28 വ​യ​സു​കാ​ര​നാ​യ അ​രു​ണു​മാ​യി പ്ര​ണ​യ​ത്തി​ലാ​യി. ത​ന്റെ സ്വ​ത്തു​ക​ള്‍ക്ക് അ​വ​കാ​ശി​യാ​യി കു​ഞ്ഞു ജ​നി​ക്ക​ണ​മെ​ന്ന ആ​ഗ്ര​ഹ​മാ​ണ് ശാ​ഖാ​കു​മാ​രി​യെ പ്ര​ണ​യ​ത്തി​നും പി​ന്നീ​ട് വി​വാ​ഹ​ത്തി​നും പ്രേ​രി​പ്പി​ച്ച​ത്. 50 ല​ക്ഷം രൂ​പ​യും 100 പ​വ​ന്‍ സ്വ​ര്‍ണ​വു​മാ​യി​രു​ന്നു അ​രു​ണ്‍ വി​വാ​ഹ പ​രി​തോ​ഷി​ക​മാ​യി ആ​വ​ശ്യ​പ്പെ​ട്ട​ത്.

2020 ഒ​ക്​​ടോ​ബ​ർ 29നാ​യി​രു​ന്നു വി​വാ​ഹം. വി​വാ​ഹം ര​ഹ​സ്യ​മാ​യി​രി​ക്ക​ണ​മെ​ന്ന്​ അ​രു​ണ്‍ നി​ര്‍ബ​ന്ധി​ച്ചി​രു​ന്നു. വി​വാ​ഹ​ശേ​ഷം അ​രു​ണ്‍ ഭാ​ര്യ​വീ​ട്ടി​ല്‍ത​ന്നെ ക​ഴി​ഞ്ഞു വ​ന്നു. കു​ട്ടി​ക​ള്‍ വേ​ണ​മെ​ന്ന ആ​വ​ശ്യ​ത്തോ​ട്​​ അ​രു​ണ്‍ വി​മു​ഖ​ത കാ​ണി​ച്ചു. ഇ​ല​ക്​​ട്രീ​ഷ്യ​നാ​യ അ​രു​ണ്‍ വീ​ട്ടി​ല്‍വെ​ച്ചു ഓ​വ​ന്‍ റി​പ്പ​യ​ര്‍ ചെ​യ്യു​ന്ന​താ​യി ഭാ​വി​ച്ച്​ ശാ​ഖാ​കു​മാ​രി​യു​ടെ കൈ​യി​ല്‍ ഷോ​ക്ക് ഏ​ൽ​പി​ക്കാ​ന്‍ ശ്ര​മി​ച്ചി​രു​ന്നു. ശാ​ഖാ​കു​മാ​രി​യെ തെ​ളി​വി​ല്ലാ​തെ കൊ​ല​പ്പെ​ടു​ത്തി സ്വ​ത്തു​ക്ക​ളു​ടെ അ​വ​കാ​ശി​യാ​വു​ക​യാ​യി​രു​ന്നു അ​രു​ണി​ന്‍റെ ല​ക്ഷ്യം.

ഡി​സം​ബ​ര്‍ 25നു ​ക്രി​സ്​​മ​സ് രാ​ത്രി ബ​ന്ധു​ക്ക​ള്‍ പി​രി​ഞ്ഞ​ശേ​ഷം പ്ര​തി അ​രു​ണ്‍ ഭാ​ര്യ​യെ കൊ​ല്ലാ​ന്‍ പ​ദ്ധ​തി​യി​ട്ടി​രു​ന്നു. പു​ല​ര്‍ച്ച 1.30ഓ​ടെ കി​ട​പ്പു​മു​റി​യി​ല്‍ വെ​ച്ച്​ ശാ​ഖാ​കു​മാ​രി​യു​ടെ വാ​യും മു​ഖ​വും അ​മ​ര്‍ത്തി ബോ​ധം കെ​ടു​ത്തി​യ ശേ​ഷം ഹാ​ളി​ല്‍ എ​ത്തി​ച്ച്​ ക​രു​തി​വെ​ച്ചി​രു​ന്ന പ്ല​ഗും വ​യ​റും ഉ​പ​യോ​ഗി​ച്ച് ഇ​ല​ക്​​ട്രി​ക് സോ​ക്ക​റ്റി​ല്‍നി​ന്ന്​ വ​ല​തു കൈ​ത​ണ്ട​യി​ലും മൂ​ക്കി​ലും വൈ​ദ്യു​തി ക​ട​ത്തി കൊ​ല​പ്പെ​ടു​ത്തു​ക​യാ​യി​രു​ന്നു.

കേ​ടാ​യ സീ​രി​യ​ല്‍ ബ​ള്‍ബ് സെ​റ്റ് ശാ​ഖാ കു​മാ​രി​യു​ടെ മൃ​ത​ദേ​ഹ​ത്തി​ല്‍ വി​ത​റി​യി​രു​ന്നു. ഇ​രു​ഭാ​ഗം വാ​ദം കേ​ള്‍ക്കു​ന്ന​തി​നും വി​ധി പ​റ​യു​ന്ന​തി​നു​മാ​യി കേ​സ്​ വ്യാ​ഴാ​ഴ്ച​യി​ലേ​ക്ക്​ മാ​റ്റി. വെ​ള്ള​റ​ട പൊ​ലീ​സ് ഇ​ന്‍സ്‌​പെ​ക്ട​റാ​യി​രു​ന്ന എം. ​ശ്രീ​കു​മാ​റാ​ണ് കേ​സ്​ അ​ന്വേ​ഷി​ച്ച​ത്. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ര്‍ പാ​റ​ശ്ശാ​ല എ. ​അ​ജി​കു​മാ​ര്‍ ഹാ​ജ​രാ​യി.