വിദ്യാര്‍ഥിനി ജീവനൊടുക്കിയ സംഭവം: അയല്‍വാസിയായ സ്ത്രീ അറസ്റ്റില്‍

വി​ഴി​ഞ്ഞം: അ​സ​ഭ്യം പ​റ​ഞ്ഞ​തി​ൽ മ​നം​നൊ​ന്ത് വി​ദ്യാ​ർ​ഥി​നി ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ അ​യ​ൽ​വാ​സി​യാ​യ വി​ഴി​ഞ്ഞം വെ​ണ്ണി​യൂ​ർ നെ​ല്ലി​വി​ള സ്വ​ദേ​ശി​നി രാ​ജ​ത്തി​നെ (54) വി​ഴി​ഞ്ഞം പൊ​ലീ​സ്‌ അ​റ​സ്‌​റ്റ്‌ ചെ​യ്‌​തു. പ്ര​തി​ക്കെ​തി​രെ ആ​ത്മ​ഹ​ത്യ​പ്രേ​ര​ണ കു​റ്റം ചു​മ​ത്തി കേ​സെ​ടു​ത്ത​താ​യി പൊ​ലീ​സ്‌ അ​റി​യി​ച്ചു. വെ​ണ്ണി​യൂ​ർ നെ​ല്ലി​വി​ള നെ​ടി​ഞ്ഞ​ൽ കി​ഴ​ക്ക​രി​ക​ത്ത് വീ​ട്ടി​ൽ അ​ജു​വി​ന്‍റെ​യും സു​നി​ത​യു​ടെ​യും മ​ക​ളാ​യ അ​നു​ഷ​യാ​ണ്‌ (18) ക​ഴി​ഞ്ഞ ദി​വ​സം വീ​ട്ടി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

രാ​ജ​ത്തി​ന്റെ മ​ക​ൻ ര​ണ്ടാം വി​വാ​ഹം ന​ട​ത്തി​യ​ത​റി​ഞ്ഞ്‌ ആ​ദ്യ ഭാ​ര്യ സ്ഥ​ല​ത്തെ​ത്തി. അ​വ​ർ അ​നു​ഷ​യു​ടെ വീ​ട്ടു​വ​ള​പ്പി​ലൂ​ടെ​യാ​ണ്‌ വീ​ട്ടി​ലെ​ത്തി​യ​തെ​ന്നും അ​തി​ന്‌ സ​ഹാ​യം ചെ​യ്‌​ത​തെ​ന്നും പ​റ​ഞ്ഞ്‌ രാ​ജം അ​സ​ഭ്യം പ​റ​യു​ക​യാ​യി​രു​ന്നു. ഇ​തി​ൽ മ​നം​നൊ​ന്ത്‌ അ​നു​ഷ വി​ടി​ന്‍റെ ഒ​ന്നാം നി​ല​യി​ൽ ക​യ​റി മു​റി​യ​ട​ച്ച് ആ​ത്മ​ഹ​ത്യ ചെ​യ്യു​ക​യാ​യി​രു​ന്നു​വെ​ന്ന്‌ വി​ഴി​ഞ്ഞം പൊ​ലീ​സ് പ​റ​ഞ്ഞു.

ധ​നു​വ​ച്ച​പു​രം ഐ.​ടി.​ഐ​യി​ൽ ഒ​ന്നാം വ​ർ​ഷം പ്ര​വേ​ശ​നം നേ​ടി​യ​താ​യി​രു​ന്നു അ​നു​ഷ. എ​സ്.​എ​ച്ച്.​ഒ ആ​ർ. പ്ര​കാ​ശ്, എ​സ്.​ഐ ദി​നേ​ശ്, എ​സ്.​സി.​പി.​ഒ സാ​ബു, വി​ന​യ​കു​മാ​ർ, സു​ജി​ത എ​ന്നി​വ​രാ​ണ് പ്ര​തി​യെ അ​റ​സ്റ്റു ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്യു​മെ​ന്ന് പൊ​ലീ​സ് പ​റ​ഞ്ഞു.