എ​ന്നു തീ​രും ഈ ​ദു​രി​തം; ക​ൽ​പ​റ്റ ന​ഗ​ര​ത്തി​ലെ ഡ്രെ​യി​നേ​ജ് നി​ർ​മാ​ണം ഇ​ഴ​ഞ്ഞു നീ​ങ്ങു​ന്നു

ക​ൽ​പ​റ്റ: ജി​ല്ല ആ​സ്ഥാ​ന​ത്തെ ഡ്രെ​യി​നേ​ജ് നി​ർ​മാ​ണം ഇ​ഴ​ഞ്ഞു നീ​ങ്ങു​ന്ന​തി​നെ​തി​രെ പ്ര​തി​ഷേ​ധം വ്യാ​പ​ക​മാ​കു​ന്നു. മാ​സ​ങ്ങ​ളാ​യി ന​ട​ക്കു​ന്ന പ്ര​വൃ​ത്തി ഇ​നി​യും പൂ​ർ​ത്തി​യാ​യി​ട്ടി​ല്ല. ദേ​ശീ​യ​പാ​ത​യി​ൽ ക​ൽ​പ​റ്റ ന​ഗ​ര​ത്തി​ലെ പ​ഴ‍യ ബ​സ് സ്റ്റാ​ൻ​ഡ് മു​ത​ൽ ആ​ന​പ്പാ​ലം​വ​രെ​യു​ള്ള ഡ്രെ​യി​നേ​ജ് പ്ര​വൃ​ത്തി​ക​ളാ​ണ് ഒ​ച്ചി​ന്‍റെ വേ​ഗ​ത്തി​ൽ നീ​ങ്ങു​ന്ന​ത്.

ഡ്രെ​യി​നേ​ജ് നി​ർ​മാ​ണ പ്ര​വൃ​ത്തി​ക​ൾ​ക്കു​വേ​ണ്ടി പ​ഴ​യ ബ​സ് സ്റ്റാ​ൻ​ഡ് അ​ട​ച്ചി​ട്ട് ദി​വ​സ​ങ്ങ​ളാ​യെ​ങ്കി​ലും ഇ​വി​ട​ത്തെ പ്ര​വൃ​ത്തി​യും പൂ​ർ​ത്തി​യാ​യി​ട്ടി​ല്ല. ഇ​തു കാ​ര​ണം കോ​ഴി​ക്കോ​ട് ഭാ​ഗ​ത്തേ​ക്ക് പോ​കേ​ണ്ട ബ​സു​ക​ളും മാ​ന​ന്ത​വാ​ടി, സു​ൽ​ത്താ​ൻ ബ​ത്തേ​രി ഭാ​ഗ​ത്തു​നി​ന്ന് വ​രു​ന്ന ബ​സു​ക​ളും ബ​സ് സ്റ്റാ​ൻ​ഡി​ന് പു​റ​ത്ത് റോ​ഡി​ൽ നി​ർ​ത്തി​യി​ട്ടാ​ണ് യാ​ത്ര​ക്കാ​രെ ക​യ​റ്റു​ക​യും ഇ​റ​ക്കു​ക​യും ചെ​യ്യു​ന്ന​ത്. പൊ​രി​വെ​യി​ലി​ലും മ​ഴ​യി​ലും നൂ​റു​ക​ണ​ക്കി​ന് യാ​ത്ര​ക്കാ​ർ ദി​വ​സേ​ന ബ​സ് കാ​ത്തു നി​ൽ​ക്കു​ന്നു​ണ്ട്.

കൂ​ടാ​തെ, ദേ​ശീ​യ​പാ​ത​യി​ൽ ബ​സു​ക​ളെ​ല്ലാം നി​ർ​ത്തി​യി​ടു​ന്ന​തു​കൊ​ണ്ട് ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കും രൂ​ക്ഷ​മാ​ണ്. ന​ഗ​ര​സ​ഭ​യു​ടെ സൗ​ന്ദ​ര്യ​വ​ത്ക​ര​ണ​ത്തി​ന്റെ ഭാ​ഗ​മാ​യാ​ണ് ഡ്രെ​യി​നേ​ജി​ന്റെ പു​ന​ർ​നി​ർ​മാ​ണം. നി​ർ​മാ​ണം ഇ​ഴ​ഞ്ഞു നീ​ങ്ങു​ന്ന​ത് യാ​ത്ര​ക്കാ​രെ​യും ക​ച്ച​വ​ട​ക്കാ​രെ​യും കാ​ൽ​ന​ടക്കാ​രെ​യു​മെ​ല്ലാം ഏ​റെ ദു​രി​ത​ത്തി​ലാ​ക്കു​ന്നു. കാ​ൽ​ന​ട യാ​ത്ര​ക്കാ​ർ റോ​ഡി​ലൂ​ടെ ഇ​റ​ങ്ങി ന​ട​ക്ക​ണ്ട അ​വ​സ്ഥ​യാ​ണ്. ഇ​ട​ത​ട​വി​ല്ലാ​തെ വാ​ഹ​ന​ങ്ങ​ൾ ക​ട​ന്നു​പോ​കു​ന്ന ദേ​ശീ​യ​പാ​ത​യി​ൽ ഇ​ത് അ​പ​ക​ട​ത്തി​ന് കാ​ര​ണ​മാ​കു​മെ​ന്ന് വ്യാ​പാ​രി​ക​ൾ പ​റ​യു​ന്നു.

ഡ്രെ​യി​നേ​ജ് നി​ർ​മാ​ണം ന​ട​ക്കു​ന്ന​തി​നാ​ൽ പ​ല വ്യാ​പാ​ര സ്ഥാ​പ​ന​ങ്ങ​ളും തു​റ​ന്ന് പ്ര​വ​ർ​ത്തി​ക്കാ​ൻ ക​ഴി​യാ​തെ മാ​സ​ങ്ങ​ളാ​യി അ​ട​ച്ചി​ട്ടി​രി​ക്കു​ക​യാ​ണ്. തു​റ​ന്ന സ്ഥാ​പ​ന​ങ്ങ​ളി​ലേ​ക്കാ​ക​ട്ടെ ആ​ളു​ക​ൾ​ക്ക് എ​ത്തി​പ്പെ​ടാ​ൻ ഏ​റെ ബു​ദ്ധി​മു​ട്ടേ​ണ്ടി​വ​രു​ക​യും ചെ​യ്യു​ന്നു. ടൂ​റി​സ്റ്റു​ക​ള​ട​ക്കം നി​ര​വ​ധി​യാ​ളു​ക​ൾ പ്ര​തി​ദി​നം എ​ത്തി​ച്ചേ​രു​ന്ന ജി​ല്ല ആ​സ്ഥാ​ന​ത്തെ പ്ര​ധാ​ന ബ​സ് സ്റ്റാ​ൻ​ഡാ​ണി​ത്. അ​തി​നു സ​മീ​പ​ത്തെ ഡ്രെ​യി​നേ​ജ് നി​ർ​മാ​ണ​ത്തി​ന് ഇ​നി​യും ദി​വ​സ​ങ്ങ​ൾ എ​ടു​ക്കു​മെ​ന്നാ​ണ് പ​റ​യ​പ്പെ​ടു​ന്ന​ത്.

ഗൂ​ഡ​ലാ​യി ഭാ​ഗ​ത്ത് പു​ന​ർ​നി​ർ​മി​ക്കു​ന്ന ഡ്രെ​യി​നേ​ജ് നി​ർ​മാ​ണ പ്ര​വൃ​ത്തി​യി​ൽ അ​പാ​ക​ത​യു​ണ്ടെ​ന്ന് ആ​രോ​പി​ച്ച് പ്ര​തി​ഷേ​ധം ഉ​യ​രു​ക​യും ദേ​ശീ​യ​പാ​ത സ​ർ​വേ വി​ഭാ​ഗം ന​ട​ത്തി​യ പ​രി​ശോ​ധ​ന​യി​ൽ അ​ള​വി​ൽ അ​പാ​ക​ത ക​ണ്ടെ​ത്തു​ക​യും ചെ​യ്തി​രു​ന്നു. പി​ന്നീ​ട് പ​ഴ​യ ബ​സ് സ്റ്റാ​ൻ​ഡ് പ​രി​സ​ര​ത്തും സ​ർ​വേ​യി​ൽ അ​പാ​ക​ത ആ​രോ​പി​ച്ച് ഡി.​വൈ.​എ​ഫ്.​ഐ രം​ഗ​ത്തെ​ത്തി. ശേ​ഷം പൂ​ർ​ണ​മാ​യും അ​ള​ന്നു തി​രി​ച്ച ശേ​ഷ​മാ​ണ് നി​ർ​മാ​ണ പ്ര​വൃ​ത്തി​ക​ൾ ആ​രം​ഭി​ച്ച​ത്. നി​ർ​മാ​ണ പ്ര​വൃ​ത്തി സം​ബ​ന്ധി​ച്ച വി​ഷ​യ​ത്തി​ൽ ജ​ന​പ്ര​തി​നി​ധി​ക​ള​ട​ക്ക​മു​ള്ള​വ​ർ മൗ​ന​ത്തി​ലാ​ണ്.