മൂന്നര കോടിയുടെ കയർ വേലി തകർത്ത് കാട്ടാനകളുടെ വിളയാട്ടം

മാ​ന​ന്ത​വാ​ടി: വ​ന്യ​മൃ​ഗ​ശ​ല്യം പ​രി​ഹ​രി​ക്കാ​നാ​യി ആ​ധു​നി​ക സം​വി​ധാ​ന​ത്തോ​ടെ നി​ർ​മി​ച്ച ക​യ​ർ വേ​ലി (റോ​പ്പ് ഫെ​ൻ​സി​ങ്) ത​ക​ർ​ത്ത് കാ​ട്ടാ​ന​ക​ളു​ടെ വി​ള​യാ​ട്ടം. മാ​ന​ന്ത​വാ​ടി ന​ഗ​ര​സ​ഭ​യി​ലെ പാ​ൽ വെ​ളി​ച്ചം മു​ത​ൽ കൂ​ട​ൽ​ക്ക​ട​വ് വ​രെ വ​നാ​തി​ർ​ത്തി​യോ​ട് ചേ​ർ​ന്ന് മൂ​ന്ന​ര​ക്കോ​ടി രൂ​പ മു​ട​ക്കി പ്ര​വൃ​ത്തി പൂ​ർ​ത്തി​യാ​ക്കി​യ വേ​ലി​യാ​ണ് ത​ക​ർ​ന്ന​ത്.

കൂ​ട​ൽ​ക്ക​ട​വി​ലു​ള്ള 12 മീ​റ്റ​റോ​ളം ഭാ​ഗ​മാ​ണ് ഒ​രൊ​റ്റ രാ​ത്രി കൊ​ണ്ട് കാ​ട്ടാ​ന​ക​ൾ ത​ക​ർ​ത്ത​ത്. ത​ക​ർ​ന്ന ഭാ​ഗ​ത്തൂ​ടെ കൃ​ഷി​യി​ട​ത്തി​ൽ പ്ര​വേ​ശി​ച്ച കാ​ട്ടാ​ന​ക​ൾ വ​ലി​യ നാ​ശ​മാ​ണ് വ​രു​ത്തി​യ​ത്. ഒ​രു മാ​സ​ത്തി​നി​ടെ മൂ​ന്നാം ത​വ​ണ​യാ​ണ് കാ​ട്ടാ​ന​ക​ൾ പ്ര​തി​രോ​ധ സം​വി​ധാ​ന​ങ്ങ​ൾ ത​ക​ർ​ക്കു​ന്ന​ത്. ര​ണ്ടാ​ഴ്ച മു​മ്പ് പാ​ൽ​വെ​ളി​ച്ചം ഭാ​ഗ​ത്ത് സ​മാ​ന രീ​തി​യി​ൽ കാ​ട്ടാ​ന വേ​ലി ത​ക​ർ​ത്ത് കൃ​ഷി​യി​ട​ത്തി​ൽ പ്ര​വേ​ശി​ച്ച് കാ​ർ​ഷി​ക വി​ള​ക​ൾ ന​ശി​പ്പി​ച്ചി​രു​ന്നു.

വ​നം വ​കു​പ്പ് സ്ഥ​ല​ത്തെ​ത്തി അ​റ്റ​കു​റ്റ​പ്പ​ണി ന​ട​ത്തു​ക​യാ​യി​രു​ന്നു. നി​ർ​മാ​ണ​ത്തി​ൽ അ​പാ​ക​ത​യു​ണ്ടെ​ന്നാ​ണ് നാ​ട്ടു​കാ​ർ ആ​രോ​പി​ക്കു​ന്ന​ത്.ഇ​തി​നി​ടെ പ്ര​ദേ​ശ​ത്തെ വ​യ​ലു​ക​ളി​ലേ​ക്ക് കൊ​യ്ത്തു യ​ന്ത്ര​ത്തി​ന് പ്ര​വേ​ശി​ക്കാ​നാ​കാ​ത്ത വി​ധം അ​ശാ​സ്ത്രീ​യ​മാ​യി വേ​ലി നി​ർ​മാ​ണം പൂ​ർ​ത്തി​യാ​ക്കി​യ​തി​ലും പ്ര​തി​ഷേ​ധ​മു​ണ്ട്.