കാണാതായ പെൺകുട്ടിയെ യു.പിയിൽനിന്ന് കണ്ടെത്തി മീനങ്ങാടി പൊലീസ്

സു​ൽ​ത്താ​ൻ ബ​ത്തേ​രി: മീ​ന​ങ്ങാ​ടി ചെ​ണ്ട​ക്കു​നി​യി​ൽ​നി​ന്ന് കാ​ണാ​താ​യ പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ യു.​പി​യി​ലെ കൈറാ​നി​യി​ൽ​നി​ന്ന് ക​ണ്ടെ​ത്തി. മീ​ന​ങ്ങാ​ടി സ്റ്റേ​ഷ​നി​ലെ എ.​എ​സ്.​ഐ സു​ബൈ​ദ, ഹെ​ഡ് കോ​ൺ​സ്റ്റ​ബി​ൾ ഉ​നൈ​സ്, അ​ഫ്സ​ൽ എ​ന്നി​വ​രാ​ണ് കു​ട്ടി​യെ ക​ണ്ടെ​ത്തി​യ​ത്.

യു.​പി പൊ​ലീ​സി​ന്റെ സ​ഹാ​യ​ത്തോ​ടെ മീ​ന​ങ്ങാ​ടി പൊ​ലീ​സ് മൊ​ഹ​ല്ല ദ​ർ​ബാ​ർ ഖു​ർ​ദ് സ്വ​ദേ​ശി ഫാ​സി​ൽ ഖു​റേ​ഷി​യു​ടെ വീ​ട് റെ​യ്ഡ് ചെ​യ്താ​ണ് കു​ട്ടി​യെ ക​ണ്ടെ​ത്തി​യ​ത്.

കു​ട്ടി​യെ കാ​ണാ​നി​ല്ലെ​ന്ന് കാ​ണി​ച്ച് ര​ക്ഷി​താ​ക്ക​ൾ ര​ണ്ടാ​ഴ്ച മു​മ്പ് മീ​ന​ങ്ങാ​ടി പൊ​ലീ​സി​ൽ പ​രാ​തി ന​ൽ​കി​യി​രു​ന്നു. മീ​ന​ങ്ങാ​ടി​യി​ൽ വ​സ്ത്ര വ്യാ​പാ​രി​യാ​യി എ​ത്തി​യ ഫാ​സി​ൽ ഖു​റേ​ഷി​യാ​ണ് കു​ട്ടി​യെ പ്ര​ലോ​ഭി​പ്പി​ച്ച് കൂ​ട്ടി​ക്കൊ​ണ്ടു​പോ​യ​തെ​ന്ന് ക​ണ്ടെ​ത്തി​യി​രു​ന്നു. തു​ട​ർ​ന്ന് ഫാ​സി​ലി​നെ തേ​ടി ഹൈ​ദ​രാ​ബാ​ദ്, ഡ​ൽ​ഹി എ​ന്നി​വി​ട​ങ്ങ​ളി​ൽ പൊ​ലീ​സ് പോ​യെ​ങ്കി​ലും മ​ട​ങ്ങേ​ണ്ടി​വ​ന്നു. ക​ഴി​ഞ്ഞ ശ​നി​യാ​ഴ്ച​യാ​ണ് അ​ന്വേ​ഷ​ണ സം​ഘം യു.​പി​യി​ൽ എ​ത്തു​ന്ന​ത്. ഫാ​സി​ലി​നെ അ​റ​സ്റ്റ് ചെ​യ്തു. പെ​ൺ​കു​ട്ടി​യു​മാ​യി അ​ന്വേ​ഷ​ണ സം​ഘം മീ​ന​ങ്ങാ​ടി​യി​ലേ​ക്ക് തി​രി​ച്ച​താ​യി മീ​ന​ങ്ങാ​ടി സ്റ്റേ​ഷ​നി​ൽ​നി​ന്ന് അ​റി​യി​ച്ചു.