ജി​ല്ല​യി​ൽ അ​ന​ധി​കൃ​ത ടെ​ന്‍റ് ടൂ​റി​സം വ്യാ​പ​കം

മേ​പ്പാ​ടി: സു​ര​ക്ഷാ സം​വി​ധാ​ന​ങ്ങ​ളൊ​ന്നു​മി​ല്ലാ​തെ പ്ര​വ​ർ​ത്തി​ക്കു​ന്ന അ​ന​ധി​കൃ​ത ടൂ​റി​സം ടെ​ന്‍റു​ക​ൾ ജി​ല്ല​യി​ൽ വ്യാ​പ​കം. അ​ന​ധി​കൃ​ത ടെ​ന്‍റു​ക​ളി​ൽ സ​ഞ്ചാ​രി​ക​ളെ താ​മ​സി​പ്പി​ക്കു​ന്ന റി​സോ​ർ​ട്ടു​ക​ളെ നി​യ​ന്ത്രി​ക്കു​ന്ന​തി​ന് ബ​ന്ധ​പ്പെ​ട്ട​വ​രു​ടെ ഭാ​ഗ​ത്തു​നി​ന്ന് യാ​തൊ​രു ന​ട​പ​ടി​യും ഉ​ണ്ടാ​വു​ന്നി​ല്ലെ​ന്നാ​ണ് ആ​രോ​പ​ണം. വ്യാ​ഴാ​ഴ്ച പു​ല​ർ​ച്ചെ നി​ല​മ്പൂ​ർ സ്വ​ദേ​ശി​നി നി​ഷ്മ മ​രി​ച്ച ടെ​ന്‍റും അ​ന​ധി​കൃ​ത​മാ​യാ​ണ് പ്ര​വ​ർ​ത്തി​ച്ച​തെ​ന്ന് പൊ​ലീസ് പ​റ​ഞ്ഞു.

ര​ണ്ടു​വ​ർ​ഷം മു​മ്പ് മേ​പ്പാ​ടി എ​ള​മ്പി​ലേ​രി​യി​ലെ ഒ​രു റി​സോ​ർ​ട്ടി​ൽ രാ​ത്രി ടെ​ന്‍റി​ൽ താ​മ​സി​ച്ച യു​വ​തി കാ​ട്ടാ​ന​യു​ടെ ആ​ക്ര​മ​ണ​ത്തി​ൽ മ​രി​ച്ചി​രു​ന്നു. അ​ന്ന് ജി​ല്ല ക​ല​ക്ട​ർ നേ​രി​ട്ടെ​ത്തി റി​സോ​ർ​ട്ട് അ​ട​പ്പി​ച്ചു​വെ​ങ്കി​ലും ആ​ഴ്ച​ക​ൾ​ക്കു​ശേ​ഷം വീ​ണ്ടും പ്ര​വ​ർ​ത്ത​ന​മാ​രം​ഭി​ച്ചു. ടെ​ന്‍റ് ടൂ​റി​സ​ത്തി​ന്‍റെ ര​ണ്ടാ​മ​ത്തെ ര​ക്ത​സാ​ക്ഷി​യാ​ണ് തൊ​ള്ളാ​യി​രം ക​ണ്ടി​യി​ൽ മ​രി​ച്ച നി​ഷ്മ​യെ​ന്ന യു​വ​തി. പ​ഴ​ക്ക​മേ​റി​യ പു​ല്ലു​മേ​ഞ്ഞ ഷെ​ഡ്ഡാ​ണി​വി​ടെ ത​ക​ർ​ന്നു വീ​ണ​ത്.

മേ​പ്പാ​ടി പ​ഞ്ചാ​യ​ത്തി​ൽ പ്ര​വ​ർ​ത്തി​ക്കു​ന്ന റി​സോ​ർ​ട്ടു​ക​ൾ, ഹോം ​സ്റ്റേ​ക​ൾ എ​ന്നി​വ​യി​ൽ പ​ല​തി​നും നി​യ​മ​പ​ര​മാ​യ രേ​ഖ​ക​ളി​ല്ലെ​ന്നാ​ണ് പ​റ​യ​പ്പെ​ടു​ന്ന​ത്. അ​നി​ഷ്ട സം​ഭ​വ​ങ്ങ​ളു​ണ്ടാ​വു​മ്പോ​ൾ കു​റ​ച്ചു ദി​വ​സം അ​ട​ച്ചി​ടേ​ണ്ടി​വ​രു​ന്നു എ​ന്ന​ല്ലാ​തെ മ​റ്റൊ​ന്നും സം​ഭ​വി​ക്കി​ല്ലെ​ന്ന് ബ​ന്ധ​പ്പെ​ട്ട​വ​ർ​ക്കും അ​റി​യാം. അ​ന​ധി​കൃ​ത റി​സോ​ർ​ട്ടു​ക​ളും ഇ​വ​യോ​ട​നു​ബ​ന്ധി​ച്ച് സു​ര​ക്ഷി​ത​മ​ല്ലാ​ത്തി​ട​ത്ത് ടെ​ന്‍റു​ക​ളി​ൽ സ​ഞ്ചാ​രി​ക​ളെ താ​മ​സി​പ്പി​ക്കു​ന്ന​തി​നും നി​യ​ന്ത്ര​ണ​മേ​ർ​പ്പെ​ടു​ത്ത​ണ​മെ​ന്ന് അ​ഡ്വ. ടി. ​സി​ദ്ദീ​ഖ് എം.​എ​ൽ.​എ ആ​വ​ശ്യ​പ്പെ​ട്ടു.