വരൾച്ചാ ആഘാതം കൂട്ടി തേക്കിൻ തോട്ടങ്ങൾ

പു​ൽ​പ​ള്ളി: തേ​ക്കി​ൻ കാ​ടു​ക​ൾ വ​ര​ൾ​ച്ച​ക്ക് ആ​ക്കം കൂ​ട്ടു​ന്ന​താ​യി നാ​ട്ടു​കാ​ർ. വ​ര​ൾ​ച്ച​യും കാ​ലാ​വ​സ്​​ഥാ വ്യ​തി​യാ​ന​വും സ​ജീ​വ ച​ർ​ച്ച​യാ​യ വ​യ​നാ​ട​ൻ വ​ന ഭൂ​മി​യി​ൽ നി​ന്ന് തേ​ക്ക് മ​ര​തോ​ട്ട​ങ്ങ​ൾ ഒ​ഴി​വാ​ക്കു​ന്ന​തി​നു​ള്ള പ​ദ്ധ​തി​ക​ൾ ഇ​നി​യും യാ​ഥാ​ർ​ഥ്യ​മാ​യി​ട്ടി​ല്ല. വ​ർ​ഷ​ങ്ങ​ൾ​ക്ക് മു​മ്പ് വ​രു​മാ​നം ഉ​ണ്ടാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് പ​ല​യി​ട​ങ്ങ​ളി​ലും തേ​ക്ക് പ്ലാ​ന്റേ​ഷ​നു​ക​ൾ ആ​രം​ഭി​ച്ച​ത്.

വേ​ന​ൽ ശ​ക്ത​മാ​യ​തോ​ടെ തേ​ക്ക് മ​ര​ങ്ങ​ൾ പൂ​ർ​ണ​മാ​യും ഇ​ല പൊ​ഴി​ച്ച് നി​ൽ​ക്കു​ക​യാ​ണ്. ചൊ​റി​യൊ​രു തീ​പ്പൊ​രി വീ​ണാ​ൽ പോ​ലും കാ​ടാ​കെ ക​ത്തി​യ​മ​രു​ന്ന സ്​​ഥി​തി​യാ​ണ്. തേ​ക്കു​ക​ൾ മ​ണ്ണി​ലെ ഈ​ർ​പ്പം ന​ഷ്​​ട​പ്പെ​ടു​ന്ന​തി​ന് ഇ​ട​യാ​ക്കു​മെ​ന്ന തി​രി​ച്ച​റി​വ് സാ​ധാ​ര​ണ​ക്കാ​ർ​ക്ക് പോ​ലു​മു​ണ്ട്.

വ​ര​ൾ​ച്ച രൂ​ക്ഷ​മാ​യ പു​ൽ​പ​ള്ളി മേ​ഖ​ല​യി​ൽ ഒ​ട്ടേ​റെ തേ​ക്ക് പ്ലാ​ന്റേ​ഷ​നു​ക​ളു​ണ്ട്. തേ​ക്കു​മ​ര തോ​ട്ട​ങ്ങ​ളി​ലെ ചൂ​ട് കാ​ര​ണം വ​ന്യ​ജീ​വി​ക​ൾ ഇ​വി​ട​ങ്ങ​ളി​ൽ ത​ങ്ങു​ന്നു​മി​ല്ല. വ​നാ​തി​ർ​ത്തി​ക​ളി​ലെ കൃ​ഷി​യി​ട​ങ്ങ​ളി​ലേ​ക്ക് വ​ന്യ​ജീ​വി​ക​ളെ​ത്തു​ന്ന​തി​നും ഇ​ത് കാ​ര​ണ​മാ​കു​ന്നു. ചീ​യ​മ്പം 73, പാ​മ്പ്ര, ഇ​രു​ളം, പാ​ള​ക്കൊ​ല്ലി ഭാ​ഗ​ങ്ങ​ളി​ലൊ​ക്കെ വ​ന്യ​ജീ​വി ശ​ല്യം രൂ​ക്ഷ​മാ​ണ്. ഇ​തി​ന് പ്ര​ധാ​ന കാ​ര​ണം തേ​ക്ക് പ്ലാ​ന്റേ​ഷ​നു​ക​ളാ​ണെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.