എന്നുതീരും പുളിഞ്ഞാൽ റോഡ് പണി...? കൂ​നി​ന്മേൽ കു​രു​വാ​യി ജ​ല​നി​ധി പൈ​പ്പി​ട​ൽ

വെ​ള്ള​മു​ണ്ട: നി​ർ​മാ​ണം തു​ട​ങ്ങി വ​ർ​ഷ​ങ്ങ​ൾ ക​ഴി​ഞ്ഞി​ട്ടും പ​ണി പൂ​ർ​ത്തി​യാ​വാ​തെ പു​ളി​ഞ്ഞാ​ൽ റോ​ഡ്. റോ​ഡുപ​ണി ഇ​ഴ​ഞ്ഞു നീ​ങ്ങു​മ്പോ​ൾ ക​ന​ത്ത പൊ​ടി​യി​ൽ ജ​നം രോ​ഗി​ക​ളാ​യി മാ​റു​ക​യാ​ണ്. യാ​ത്രാ​ദു​രി​തം വേ​റെ​യും. വെ​ള്ള​മു​ണ്ട ഗ്രാ​മ​പ​ഞ്ചാ​യ​ത്തി​ലെ പു​ളി​ഞ്ഞാ​ല്‍-​മൊ​ത​ക്ക​ര തോ​ട്ടോ​ളി​പ്പ​ടി റോ​ഡു പ​ണി​യാ​ണ് നാ​ലു വ​ർ​ഷ​മാ​യി​ട്ടും പൂ​ർ​ത്തി​യാ​കാ​ത്ത​ത്. പ്ര​ധാ​ന​മ​ന്ത്രി ഗ്രാ​മീ​ണ റോ​ഡ് വി​ക​സ​ന പ​ദ്ധ​തി​യി​ല്‍ ഉ​ള്‍പ്പെ​ടു​ത്തി ഒ​മ്പ​ത് കോ​ടി രൂ​പ ചെ​ല​വി​ല്‍ 2021ലാ​ണ് റോ​ഡു​പ​ണി തു​ട​ങ്ങി​യ​ത്.

10 മീ​റ്റ​ര്‍ വീ​തി​യി​ല്‍ നി​ര്‍മി​ക്കു​ന്ന റോ​ഡി​ൽ മി​ക്ക ഭാ​ഗ​ങ്ങ​ളി​ലും നി​ല​വി​ൽ പൊ​ടി ശ​ല്യ​വും ചളി​യു​മാ​ണ്. ചെ​റു​മ​ഴ പെ​യ്താ​ൽ പോ​ലും റോ​ഡി​ലൂ​ടെ​യു​ള്ള കാ​ല്‍ന​ട​യാ​ത്ര ദു​രി​ത​മാ​ണ്. ഒ​ച്ചി​ഴ​യു​ന്ന വേ​ഗ​ത്തി​ൽ തി​ക​ച്ചും അ​ശാ​സ്ത്രീ​യ​മാ​യി ന​ട​ക്കു​ന്ന പ്ര​വൃ​ത്തി​ക്കെ​തി​രെ വ്യാ​പ​ക​മാ​യ പ​രാ​തി​ക​ൾ ഉ​യ​ർ​ന്നി​രു​ന്നു. ഇ​പ്പോ​ഴും ഒ​രു ഭാ​ഗ​ത്ത് പോ​ലും കൃ​ത്യ​മാ​യി നി​ർ​മാ​ണം പൂ​ർ​ത്തി​യാ​യി​ട്ടി​ല്ല. പു​ളി​ഞ്ഞാ​ല്‍-​മൊ​ത​ക്ക​ര തോ​ട്ടോ​ളി​പ്പ​ടി റോ​ഡി​ൽ ജ​ല​നി​ധി പ​ദ്ധ​തി​യു​ടെ പൈ​പ്പി​ട​ലി​ന് കു​ഴി​ച്ച​തു​മു​ത​ൽ ഇ​ര​ട്ടി ദു​രി​തം പേ​റു​ക​യാ​ണ് ഗ്രാ​മം.

ഒ​രു ഭാ​ഗ​ത്ത് സോ​ളിങ് ന​ട​ത്തി​യ റോ​ഡു​ക​ൾ മണ്ണുമാന്തി യന്ത്രം ഉ​പ​യോ​ഗി​ച്ച് കി​ട​ങ്ങു​ക​ൾ നി​ർ​മി​ച്ച് പൈ​പ്പി​ടു​ക​യാ​ണ്. ഒ​രു മാ​ന​ദ​ണ്ഡ​വും പാ​ലി​ക്കാ​തെ​യാ​ണ് പ​ണി ന​ട​ക്കു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. ഏ​റ്റ​വും കൂ​ടു​ത​ൽ ചൂ​ട് അ​നു​ഭ​വ​പ്പെ​ടു​ന്ന സ​മ​യ​ത്ത് പൊ​ടി​പ​ട​ല​ങ്ങ​ൾ കാ​ര​ണം ന​ട​ന്ന് പോ​ലും ഈ ​റോ​ഡി​ലൂ​ടെ പോ​കാ​ൻ ക​ഴി​യി​ല്ല, പ്ര​ദേ​ശ​ത്തു​ള്ള വീ​ടു​ക​ളൊ​ക്കെ പൊ​ടി​പ​ട​ല​ത്താ​ൽ മു​ങ്ങി​യി​രി​ക്കു​ക​യാ​ണ്. എം.​പി​മാ​രു​ടെ ശി​പാ​ർ​ശ​യി​ലൂ​ടെ​യും സം​സ്ഥാ​ന ലെ​വ​ൽ ക​മ്മി​റ്റി​യു​ടെ​യും ശപാ​ർ​ശ​യു​ടെ അ​ടി​സ്ഥാ​ന​ത്തി​ൽ കേ​ന്ദ്രം അ​നു​വ​ദി​ക്കു​ന്ന റോ​ഡി​ന്റെ നി​ർ​മാ​ണ ചു​മ​ത​ല സം​സ്ഥാ​ന സ​ർ​ക്കാ​രി​നാ​ണ്.

ഈ ​റോ​ഡി​ന്റെ വി​ഷ​യം മു​മ്പ് എം.​പി കേ​ന്ദ്രാ​വി​ഷ്‌​കൃ​ത പ​ദ്ധ​തി​ക​ളു​ടെ അ​വ​ലോ​ക​ന യോ​ഗ​ത്തി​ൽ ഉ​ന്ന​യി​ച്ചി​രു​ന്നു. ജ​ൽ ജീ​വ​ൻ മി​ഷ​ന്റെ പൈ​പ്പി​ട​ൽ ക​ഴി​ഞ്ഞാ​ൽ റോ​ഡു​ണി തു​ട​ങ്ങുംമെന്നാ​ണ് നി​ർ​വ​ഹ​ണ ഉ​ദ്യോ​ഗ​സ്ഥ​ൻ പ​റ​ഞ്ഞ​തെ​ന്നാ​ണ് സ​മ​ര​സ​മി​തി​യ അ​റി​യി​ച്ച​ത്. എ​ന്നാ​ൽ, നി​ർ​മാ​ണ പ്ര​വൃ​ത്തി പ​ഴ​യ​പ​ടി ഇ​ഴ​യു​ക​യാ​ണ്. അ​ടു​ത്ത മ​ഴ​ക്ക് മു​മ്പെ​ങ്കി​ലും പ​ണി തീ​രു​മോ എ​ന്നാ​ണ് നാ​ട്ടു​കാ​രു​ടെ ചോ​ദ്യം.