ബാ​ങ്ക് വായ്പ ശ​രി​യാ​ക്കാ​മെ​ന്ന് വാ​ഗ്ദാ​നം; വ്യ​വ​സാ​യി​യി​ൽ​നി​ന്ന് 62 ല​ക്ഷം ത​ട്ടി​യ​യാ​ൾ പി​ടി​യി​ൽ

വൈ​ത്തി​രി: ബാ​ങ്ക് വായ്പ ശ​രി​യാ​ക്കി​ത്ത​രാ​മെ​ന്നു പ​റ​ഞ്ഞ് വ്യ​വ​സാ​യി​യി​ൽ​നി​ന്ന് 62 ല​ക്ഷം രൂ​പ ത​ട്ടി​യെ​ടു​ത്ത പ്ര​തി​യെ വൈ​ത്തി​രി പൊ​ലീ​സ് ത​മി​ഴ്‌​നാ​ട്ടി​ൽ ചെ​ന്നൈ​ക്ക​ടു​ത്ത് പോ​രൂ​രി​ൽ​വെ​ച്ച് അ​റ​സ്റ്റ് ചെ​യ്തു. ത​മി​ഴ്‌​നാ​ട് തി​രു​വ​ല്ലൂ​ര്‍ അ​യ്യ​പ്പ​ക്കാം ഇ​രി​ക്കാ​രി സ്ട്രീ​റ്റ് ദി​ല്ലി കു​മാ​റാ​ണ് (31) പി​ടി​യി​ലാ​യ​ത്.

വൈ​ത്തി​രി പൊ​ലീ​സ് ഇ​ന്‍സ്‌​പെ​ക്ട​ര്‍ അ​നി​ല്‍കു​മാ​റി​ന്റെ നി​ര്‍ദേ​ശ​മ​നു​സ​രി​ച്ച് എ.​എ​സ്‌.​ഐ മു​ര​ളീ​ധ​ര​ന്‍, സീ​നി​യ​ര്‍ സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ ഗോ​വി​ന്ദ​ന്‍കു​ട്ടി, സ​ബി​ത്ത് മു​ഹ​മ്മ​ദ് എ​ന്നി​വ​രാ​ണ് പ്ര​തി​യെ അ​റ​സ്റ്റ് ചെ​യ്ത​ത്. പോ​രൂ​രി​ൽ ത​മി​ൾ നാ​ടാ​ർ സം​ഘ​ത്തി​ൽ​പ്പെ​ട്ട​യാ​ളാ​ണ് ദി​ല്ലി കു​മാ​ർ.

കൂ​ടെ​യു​ണ്ടാ​യി​രു​ന്ന ര​ണ്ടു​പേ​ർ പൊ​ലീ​സെ​ത്തും മു​ന്നെ മു​ങ്ങി. വാ​ഹ​നം ത​ട​ഞ്ഞ് പ്ര​തി​യെ ത​ട്ടി​ക്കൊ​ണ്ടു​പോ​കാ​ൻ സാ​ധ്യ​ത​യു​ണ്ടെ​ന്ന​റി​ഞ്ഞ പൊ​ലീ​സ് മൈ​സൂ​രു​വ​രെ മൊ​ബൈ​ൽ ഓ​ഫ് ചെ​യ്താ​ണ് യാ​ത്ര ചെ​യ്ത​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്ക് റി​മാ​ന്‍ഡ് ചെ​യ്തു.