മധ്യവയസ്കന്റെ മൃതദേഹം പമ്പ നദിയിൽ

ചെങ്ങന്നൂർ :മധ്യവയസ്കൻ്റെ മൃതദേഹം പമ്പ നദിയിൽ നിന്നു കണ്ടെത്തി. ചെങ്ങന്നൂർ കീഴ്ച്ചേരിമേൽ ചരിവുപുരയിടത്തിൽ സി.എസ്. രാജേഷി (52)ൻ്റെ മൃതദേഹമാണ് പമ്പ നദിയിൽ വീയപുരത്തുനിന്നും കണ്ടെത്തിയത്. ഇയാൾ ഇടനാട്ടിൽ വാടകക്കു താമസിച്ചു വരികയായിരുന്നു.

കഴിഞ്ഞ വെള്ളിയാഴ്ച ഉച്ചക്ക് രണ്ടു മണിയോടെ ചെങ്ങന്നൂർ ഇടനാട് പാലത്തിൽ നിന്നും ഒരാൾ പമ്പ നദിയിലേക്ക് ചാടുന്നത് സമീപവാസികൾ കണ്ടിരുന്നു. പാലത്തിൽ നിന്നു പുരുഷൻ്റേതെന്നു കരുതുന്ന ചെരുപ്പുകളും കണ്ടെത്തി. ചെങ്ങന്നൂർ അഗ്നിശമന രക്ഷാസേനയുടെ നേതൃത്വത്തിൽ തിരച്ചിൽ നടത്തിയെങ്കിലും ഫലമുണ്ടായില്ല. മക്കൾ: ശിവറാം,ശിവാനി