ദേശീയ ഗെയിംസ് ; ആരോപണ പ്രത്യാരോപണങ്ങളുമായി കേ​ര​ള ഒ​ളി​മ്പി​ക് അ​സോ​സി​യേ​ഷ​നും കാ​യി​ക​വ​കു​പ്പും സം​സ്ഥാ​ന സ്പോ​ർ​ട്സ് കൗ​ൺ​സി​ലും

തി​രു​വ​ന​ന്ത​പു​രം: ദേ​ശീ​യ ഗെ​യിം​സി​ന്‍റെ ച​രി​ത്ര​ത്തി​ലാ​ദ്യ​മാ​യി കേ​ര​ളം ആ​ദ്യ 10 സ്ഥാ​ന​ങ്ങ​ളി​ൽ ഉ​ൾ​പ്പെ​ടാ​തെ പോ​യ​തി​ന് പി​ന്നി​ലെ കാ​ര​ണം അ​ന്വേ​ഷി​ച്ച് ആ​രോ​പ​ണ പ്ര​ത്യാ​രോ​പ​ണ​ങ്ങ​ളു​മാ​യി കേ​ര​ള ഒ​ളി​മ്പി​ക് അ​സോ​സി​യേ​ഷ​നും കാ​യി​ക​വ​കു​പ്പും സം​സ്ഥാ​ന സ്പോ​ർ​ട്സ് കൗ​ൺ​സി​ലും പ​ര​സ്പ​രം വി​ഴു​പ്പ​ല​ക്ക​ലി​ലേ​ക്ക് ക​ട​ന്ന​തോ​ടെ ‘കേ​ര​ള​ത്തി​ലെ കാ​യി​ക വി​ക​സ​നം’ ട്രാ​ക്ക് വി​ട്ട് രാ​ഷ്ട്രീ​യ ഗോ​ദ​യി​ലേ​ക്ക് ക​യ​റി.

കാ​യി​ക​മേ​ഖ​ല​യു​ടെ ത​ക​ർ​ച്ച​ക്ക് കാ​ര​ണം കാ​​യി​​ക​​മ​​ന്ത്രി​​യും സ്‌​പോ​ർ​ട്‌​സ് കൗ​ൺ​സി​ലു​മാ​ണെ​ന്ന സി.​പി.​എം സ​ഹ​യാ​ത്രി​ക​നും കേ​​ര​​ള ​ഒ​​ളി​​മ്പി​​ക് ​അ​​സോ​​സി​​യേ​​ഷ​​ൻ​ (കെ.​ഒ.​എ)​ പ്ര​​സി​ഡ​ന്‍റു​മാ​യ ​വി.​ ​​സു​​നി​​ൽ​ ​കു​​മാ​​റി​ന്‍റെ ആ​രോ​പ​ണ​ത്തെ രൂ​ക്ഷ​ഭാ​ഷ​യി​ൽ വി​മ​ർ​ശി​ച്ച് കാ​യി​ക​മ​ന്ത്രി വി. ​അ​ബ്ദു​റ​ഹ്മാ​നും സം​സ്ഥാ​ന സ്പോ​ർ​ട്സ് കൗ​ൺ​സി​ൽ പ്ര​സി​ഡ​ന്‍റ് യു. ​ഷ​റ​ഫ​ലി​യും രം​ഗ​ത്തെ​ത്തി​യ​തോ​ടെ ക​ളി കൈ​വി​ട്ടു​പോ​യ അ​വ​സ്ഥ​യി​ലാ​ണ് സി.​പി.​എം. സു​നി​ൽ​കു​മാ​റി​ന് പി​ന്തു​ണ​യു​മാ​യി സം​സ്ഥാ​ന മ​ന്ത്രി​സ​ഭ​യി​ലെ പ്ര​മു​ഖ നേ​താ​വ് കൂ​ടി അ​ണി​യ​റ​യി​ൽ സ​ജീ​വ​മാ​യ​തോ​ടെ വി​വാ​ദം എ​ത്ര​യും​വേ​ഗം ഒ​തു​ക്കി​ത്തീ​ർ​ക്കാ​നു​ള്ള ശ്ര​മ​ത്തി​ലാ​ണ് പാ​ർ​ട്ടി നേ​തൃ​ത്വം.

മു​ൻ ലോ​ക്​​സ​ഭ എം.​പി എ. ​സ​മ്പ​ത്തി​ന്‍റെ ഭാ​ര്യാ സ​ഹോ​ദ​ര​നും കേ​ര​ള ബാ​ർ ഹോ​ട്ട​ൽ ഓ​ണേ​ഴ്സ് അ​സോ​സി​യേ​ഷ​ൻ പ്ര​സി​ഡ​ന്‍റു​മാ​യ വി. ​സു​നി​ൽ കു​മാ​ർ ഉ​ൾ​പ്പെ​ടു​ന്ന സ്റ്റാ​ൻ​ഡി​ങ് ക​മ്മി​റ്റി​യാ​ണ് ര​ണ്ടു വ​ർ​ഷം മു​മ്പ് വ​രെ സം​സ്ഥാ​ന സ്പോ​ർ​ട്സ് കൗ​ൺ​സി​ലി​ന്‍റെ ഭ​ര​ണം നി​യ​ന്ത്രി​ച്ചി​രു​ന്ന​ത്. എ​ന്നാ​ൽ ക​ഴി​ഞ്ഞ പു​നഃ​സം​ഘ​ട​ന​യി​ൽ വി. ​സു​നി​ൽ​കു​മാ​റി​നെ അ​ബ്ദു​റ​ഹ്മാ​ൻ വെ​ട്ടി​മാ​റ്റി​യ​താ​ണ് പ്ര​ശ്ന​ങ്ങ​ളു​ടെ തു​ട​ക്കം. 2022 മേ​യി​ൽ സു​നി​ൽ​കു​മാ​റി​നെ പ്ര​സി​ഡ​ന്‍റാ​യി തെ​ര​ഞ്ഞെ​ടു​ത്തു​കൊ​ണ്ടു​ള്ള കേ​ര​ള ഹോ​ക്കി അ​സോ​സി​യേ​ഷ​ൻ ഭാ​ര​വാ​ഹി തെ​ര​ഞ്ഞെ​ടു​പ്പ് സം​സ്ഥാ​ന സ്പോ​ർ​ട്സ് കൗ​ൺ​സി​ൽ അം​ഗീ​ക​രി​ച്ചി​ല്ല. തൊ​ട്ടു​പി​ന്നാ​ലെ ഹോ​ക്കി അ​സോ​സി​യേ​ഷ​നെ​തി​രെ ചി​ല താ​ര​ങ്ങ​ളു​ടെ പ​രാ​തി ചൂ​ണ്ടി​ക്കാ​ട്ടി അ​സോ​സി​യേ​ഷ​ന്‍റെ അം​ഗീ​കാ​രം കൗ​ൺ​സി​ൽ റ​ദ്ദാ​ക്കി. ഇ​തി​നെ​തി​രെ അ​സോ​സി​യേ​ഷ​ൻ ന​ൽ​കി​യ കേ​സ് കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ അ​ഞ്ചു​മാ​സം മു​മ്പ് അം​ഗീ​കാ​രം കൗ​ൺ​സി​ൽ തി​രി​കെ ന​ൽ​കു​ക​യാ​യി​രു​ന്നു.

ശ്രീ​ജേ​ഷി​നെ​യും ബ​ലി​യാ​ടാ​ക്കി

ഒ​ളി​മ്പി​ക്സി​ൽ ഹോ​ക്കി​യി​ൽ വെ​ങ്ക​ല മെ​ഡ​ൽ ജേ​താ​വാ​യ പി.​ആ​ർ. ശ്രീ​ജേ​ഷി​ന് സ​ർ​ക്കാ​ർ ഒ​രു​ക്കി​യ സ്വീ​ക​ര​ണ​ച​ട​ങ്ങി​ൽ​നി​ന്ന് കേ​ര​ള ഹോ​ക്കി അ​സോ​സി​യേ​ഷ​ന്‍റെ​യും പ്ര​സി​ഡ​ന്‍റു​കൂ​ടി​യാ​യ വി. ​സു​നി​ൽ​കു​മാ​റി​നെ കാ​യി​ക​വ​കു​പ്പ് പ​ങ്കെ​ടു​പ്പി​ക്കാ​ത്ത​തി​ലു​ള്ള അ​മ​ർ​ഷ​വും ഇ​പ്പോ​ഴ​ത്തെ വി​വാ​ദ​ത്തി​ന് പി​ന്നി​ലു​ണ്ട്. ക​ഴി​ഞ്ഞ ഓ​ഗ​സ്റ്റി​ൽ വി​ദ്യാ​ഭ്യാ​സ വ​കു​പ്പ് ശ്രീ​ജേ​ഷി​ന് സ്വീ​ക​ര​ണം ന​ൽ​കാ​ൻ നി​ശ്ച​യി​ച്ച​പ്പോ​ൾ അ​തി​ന്‍റെ ത​യാ​റെ​ടു​പ്പു​ക​ൾ​ക്ക് മു​ന്നി​ൽ നി​ന്ന​ത് സു​നി​ൽ​കു​മാ​റു​മാ​യി​രു​ന്നു. വി​ദ്യാ​ഭ്യാ​സ മ​ന്ത്രി​യു​ടെ​യും മു​ഖ്യ​മ​ന്ത്രി​യു​ടെ​യും ചി​ത്ര​സ​ഹി​ത​മു​ള്ള ഫ്ല​ക്സു​ക​ളും പോ​സ്റ്റ​റു​ക​ളും ത​ല​സ്ഥാ​ന​ന​ഗ​രി​യി​ൽ നി​റ​ഞ്ഞു. ത​ന്നെ ഒ​ഴി​വാ​ക്കി​ക്കൊ​ണ്ടു​ള്ള പ​രി​പാ​ടി​ക്കെ​തി​രെ പ​രാ​തി​യു​മാ​യി കാ​യി​ക​മ​ന്ത്രി വി. ​അ​ബ്ദു​റ​ഹ്മാ​ൻ മു​ഖ്യ​മ​ന്ത്രി​യെ സ​മീ​പി​ച്ചു. ഒ​ളി​മ്പി​ക്‌​സ് മെ​ഡ​ല്‍ ജേ​താ​വി​ന് സ്വീ​ക​ര​ണ​മൊ​രു​ക്കേ​ണ്ട​ത് ത​ങ്ങ​ളാ​ണെ​ന്ന നി​ല​പാ​ടാ​ണ് കാ​യി​ക വ​കു​പ്പ് സ്വീ​ക​രി​ച്ച​ത്. പൊ​തു​വി​ദ്യാ​ഭ്യാ​സ വ​കു​പ്പി​ല്‍ ജോ. ​ഡ​യ​റ​ക്ട​റാ​യ​തു​കൊ​ണ്ടാ​ണ് ശ്രീ​ജേ​ഷി​ന് സ്വീ​ക​ര​ണം ന​ൽ​കാ​ൻ വി​ദ്യാ​ഭ്യാ​സ വ​കു​പ്പ് മു​ന്‍കൈ​യെ​ടു​ത്ത​തെ​ന്ന് ശി​വ​ൻ​കു​ട്ടി​യും അ​റി​യി​ച്ചു.

സ​ർ​ക്കാ​ർ പ​ണം വാ​ങ്ങി പു​ട്ട​ടി​ക്കു​ന്ന​വ​ർ ആ​ദ്യം ന​ന്നാ​വൂ -മ​​ന്ത്രി

കോ​ഴി​ക്കോ​ട്: കേ​ര​ള ഒ​ളി​മ്പി​ക് അ​സോ​സി​യേ​ഷ​ൻ പ്ര​സി​ഡ​ന്റ് വി. ​സു​നി​ൽ​കു​മാ​റി​നെ​തി​രെ തു​റ​ന്ന​ടി​ച്ച് കാ​യി​ക മ​ന്ത്രി വി. ​അ​ബ്ദു​റ​ഹി​മാ​ൻ. ‘‘സു​നി​ൽ കേ​ര​ള ഹോ​ക്കി പ്ര​സി​ഡ​ന്റാ​ണ്. വ​ർ​ഷ​ങ്ങ​ളാ​യി സ​ർ​ക്കാ​ർ ഗ്രാ​ന്റ് വാ​ങ്ങി​യി​ട്ടും ഹോ​ക്കി​യെ ക്വാ​ളി​ഫൈ ചെ​യ്യി​ക്കാ​ൻ അ​ദ്ദേ​ഹ​ത്തി​നാ​യോ. ഒ​രു​ത​വ​ണ വ​നി​ത ഹോ​ക്കി ക്വാ​ളി​ഫൈ ചെ​യ്തെ​ങ്കി​ലും പ​രാ​ജ​യ​പ്പെ​ട്ടു. അ​ഞ്ചു വ​ർ​ഷം പ​രി​ശീ​ലി​പ്പി​ച്ചി​ട്ടും മ​ത്സ​ര​ത്തി​ന് ക്വാ​ളി​ഫൈ ചെ​യ്യി​ക്കാ​ൻ ക​ഴി​യു​ന്നി​ല്ലെ​ങ്കി​ൽ ആ ​പ​ണം ഉ​പ​യോ​ഗി​ച്ച് മ​​റ്റെ​ന്തോ ചെ​യ്യു​ന്ന​താ​യാ​ണ് ഞാ​ന​തി​ൽ കാ​ണു​ന്ന​ത് -മ​ന്ത്രി പ​റ​ഞ്ഞു. കേ​ര​ള​ത്തി​ന് ല​ഭി​ക്കേ​ണ്ട 22 മെ​ഡ​ൽ ന​ഷ്ട​മാ​യ​ത് എ​ന്തു​കൊ​ണ്ടാ​ണ്​? ക​ള​രി ദേ​ശീ​യ ഗെ​യിം​സി​ന്റെ ഭാ​ഗ​മാ​യി​ട്ടും, ഇ​ത്ത​വ​ണ കേ​ര​ള​ത്തി​ൽ​നി​ന്നു​ള്ള ഒ​ളി​മ്പി​ക്സി​ന്റെ ദേ​ശീ​യ-​സം​സ്ഥാ​ന പ്ര​സി​ഡ​ന്റു​മാ​ർ ഉ​ൾ​പ്പെ​ട്ട ക​റ​ക്കു ക​മ്പ​നി, ഡ​ൽ​ഹി ഹൈ​കോ​ട​തി ഉ​ത്ത​ര​വു​ണ്ടാ​യി​ട്ടു​പോ​ലും ആ ​മ​ത്സ​രം ന​ട​ത്താ​ൻ ത​യാ​റാ​യി​ല്ല.

ഫെ​ഡ​റേ​ഷ​നു​ക​ൾ മൂ​ന്നും നാ​ലു​മാ​യാ​ണ് പ്ര​വ​ർ​ത്തി​ക്കു​ന്ന​ത്. ഇ​താ​ണ് കാ​യി​ക രം​ഗാ താ​ഴോ​ട്ടു​പോ​കാ​ൻ കാ​ര​ണം. ദേ​ശീ​യ ഗെ​യിം​സ് അ​ട​ക്ക​മു​ള്ള​വ​ക്ക് സ്​​പോ​ർ​ട്സ് കൗ​ൺ​സി​ൽ മു​ഖേ​ന നേ​രി​ട്ട് ആ​ളെ അ​യ​ക്കാ​ൻ ക​ഴി​യു​ന്ന കാ​ല​ത്ത് ന​മ്മ​ൾ ര​ക്ഷ​പ്പെ​ടും. -മ​ന്ത്രി പറഞ്ഞു. കേ​ര​ള​ത്തി​ലെ സ്​​പോ​ർ​ട്സ് ര​ക്ഷ​പ്പെ​ട​ണ​മെ​ങ്കി​ൽ കാ​യി​ക സം​ഘ​ട​ന​ക​ൾ അ​ഭി​പ്രാ​യ​ഭി​ന്ന​ത​ക​ൾ മാ​റ്റി​വെ​ച്ച് ആ​ത്മാ​ർ​ഥ​മാ​യി ഇ​ട​പെ​ട​ണം. കാ​യി​ക സം​ഘ​ട​ന​ക​ൾ​ക്ക് ന​ൽ​കാ​നു​ള്ള ബാ​ക്കി ഗ്രാ​ന്റ് ഉ​ട​ൻ ന​ൽ​കു​മെ​ന്നും മ​ന്ത്രി മാ​ധ്യ​മ​ങ്ങ​ളോ​ട് പ​റ​ഞ്ഞു.

മന്ത്രി പറയുന്നത് വിവരക്കേട് - വി. സുനിൽകുമാര്‍

തി​രു​വ​ന​ന്ത​പു​രം: കാ​യി​ക മ​ന്ത്രി പ​റ​യു​ന്ന​ത് വി​വ​ര​ക്കേ​ടാ​ണെ​ന്നും കേ​ര​ള​ത്തി​ന്‍റെ കാ​യി​ക മേ​ഖ​ല​യെ​ക്കു​റി​ച്ച് ധാ​ര​ണ​യി​ല്ലാ​ത്ത​യാ​ളാ​ണ് വി. ​അ​ബ്ദു​റ​ഹ്മാ​നെ​യും കേ​ര​ള ഒ​ളി​മ്പി​ക് അ​സോ​സി​യേ​ഷ​ൻ പ്ര​സി​ഡ​ന്‍റ് വി. ​സു​നി​ൽ​കു​മാ​ര്‍. കാ​യി​ക സം​ഘ​ട​ന​ക​ളി​ലു​ള്ള​വ​രെ ക​ള്ള​ന്മാ​രെ​ന്ന് മ​ന്ത്രി വി​ളി​ച്ച​ത് തെ​റ്റാ​ണ്. ഹോ​ക്കി​ക്ക് ബ​ജ​റ്റി​ൽ 10 ല​ക്ഷം അ​നു​വ​ദി​ച്ചി​ട്ടും അ​ഞ്ച് ല​ക്ഷ​മാ​ണ് ന​ൽ​കി​യ​ത്. പ​ണം ത​രാ​തെ എ​ങ്ങ​നെ പു​ട്ട​ടി​ക്കും. പ​ണം ന​ൽ​കാ​തി​രു​ന്നി​ട്ടും അ​സോ​സി​യേ​ഷ​ൻ 10 ല​ക്ഷം രൂ​പ​ക്ക് താ​ര​ങ്ങ​ൾ​ക്ക് പു​തി​യ ഹോ​ക്കി സ്റ്റി​ക്ക് വാ​ങ്ങി ന​ൽ​കി. ബി​ല്ല് ഹാ​ജ​രാ​ക്കാ​ൻ ത​യാ​റാ​ണ്. താ​ൻ മ​ദ്യ​പി​ക്കാ​റി​ല്ല. അ​തു​കൊ​ണ്ട്​ ന​ല്ല ബോ​ധ്യ​ത്തോ​ടെ​യാ​ണ് പ​റ​യു​ന്ന​ത്. ഹാ​ൻ​ഡ് ബാ​ൾ ഏ​ത്, നെ​റ്റ് ബാ​ൾ ഏ​ത് എ​ന്ന് ആ​റി​യാ​ത്ത​യാ​ളാ​ണ് മ​ന്ത്രി.

ദേ​ശീ​യ ഗെ​യിം​സി​ൽ ക​ള​രി ഉ​ൾ​പ്പെ​ടു​ത്താ​ൻ മ​ന്ത്രി ക​ത്തെ​ഴു​തി​യ​ത​ല്ലാ​തെ എ​ന്ത്​ ചെ​യ്​​തെ​ന്ന് പ​റ​യ​ട്ടെ. കാ​യി​ക​മേ​ഖ​ല​ക്കാ​യി സ​ർ​ക്കാ​ർ പ​ണം അ​നു​വ​ദി​ക്കു​ന്നു​ണ്ടെ​ങ്കി​ലും അ​ത് കൃ​ത്യ​സ​മ​യ​ത്ത് ആ​വ​ശ്യ​ക്കാ​രി​ലെ​ത്തി​ക്കാ​ൻ കൗ​ൺ​സി​ലി​ന് ക​ഴി​യു​ന്നി​ല്ല. കാ​യി​ക ഹോ​സ്റ്റ​ലു​ക​ളി​ലെ കു​ട്ടി​ക​ളു​ടെ ഭ​ക്ഷ​ണ​ത്തി​നു​ള്ള പ​ണം​പോ​ലും കു​ടി​ശ്ശി​ക​യാ​ണ്. നാ​ലു​വ​ർ​ഷ​മാ​യി കാ​യി​ക സം​ഘ​ട​ന​ക​ൾ​ക്ക്​ ഗ്രാ​ന്റ് ന​ൽ​കി​യി​ട്ടി​ല്ല. സ്പോ​ർ​ട്സ് ഹോ​സ്റ്റ​ലു​ക​ളു​ടെ അ​വ​സ്ഥ​യും പ​രി​താ​പ​ക​ര​മാ​ണ്. കാ​യി​ക ഉ​പ​ക​ര​ണ​ങ്ങ​ളും മ​തി​യാ​യ പ​രി​ശീ​ല​ന​വും ന​ൽ​കു​ന്നി​ല്ല. സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ വ​ന്ന​തോ​ടെ അ​സോ​സി​യേ​ഷ​നു​ക​ൾ​ക്ക് സ്റ്റേ​ഡി​യ​ങ്ങ​ൾ സൗ​ജ​ന്യ​മാ​യി ഉ​പ​യോ​ഗി​ക്കാ​നാ​കാ​ത്ത അ​വ​സ്ഥ​യാ​ണെ​ന്നും സു​നി​ൽ​കു​മാ​ർ ‘മാ​ധ്യ​മ’​ത്തോ​ട് പ​റ​ഞ്ഞു.

കൃത്യമായ ഇടപെടൽ നടത്തി- യു. ഷ​റഫലി

മ​ല​പ്പു​റം: ഒ​ളി​മ്പി​ക്സ് അ​സോ​സി​യേ​ഷ​ൻ പ്ര​സി​ഡ​ന്റി​ന്റെ ആ​രോ​പ​ണ​ങ്ങ​ൾ ശ​രി​യ​ല്ലെ​ന്നും സം​സ്ഥാ​ന സ​ർ​ക്കാ​റും സം​സ്ഥാ​ന സ്പോ​ർ​ട്സ് കൗ​ൺ​സി​ലും കൃ​ത്യ​മാ​യ ഇ​ട​പെ​ട​ലു​ക​ൾ ന​ട​ത്തി​യി​ട്ടു​ണ്ടെ​ന്നും യു. ​ഷ​റ​ഫ​ലി. 2024 ഡി​സം​ബ​ർ 11ന് ​എ​ല്ലാ അ​സോ​സി​യേ​ഷ​നു​ക​ളു​ടെ​യും യോ​ഗം വി​ളി​ച്ച് ദേ​ശീ​യ ഗെ​യിം​സി​നാ​യി ഒ​രു​ങ്ങാ​ൻ നി​ർ​ദേ​ശം ന​ൽ​കി​യി​രു​ന്നു. ദേ​ശീ​യ ഗെ​യിം​സി​ൽ ക​ള​രി​പ്പ​യ​റ്റ് മ​ത്സ​ര ഇ​ന​മാ​യി​രു​ന്നു. എ​ന്നാ​ൽ, ഇ​ത്ത​വ​ണ ക​ള​രി​പ്പ​യ​റ്റി​നെ മ​ത്സ​ര​ത്തി​ൽ​നി​ന്ന് ഒ​ഴി​വാ​ക്കി. കൂ​ടാ​തെ, പ​ല സീ​നി​യ​ർ താ​ര​ങ്ങ​ളും അ​ന്താ​രാ​ഷ്ട്ര മ​ത്സ​ര​ങ്ങ​ൾ​ക്കും മ​റ്റു​മാ​യി മാ​റി​നി​ന്നു. ജൂ​നി​യ​ർ താ​ര​ങ്ങ​ളാ​ണ് കേ​ര​ള​ത്തെ പ്ര​തി​നി​ധാ​നം ചെ​യ്ത​ത്. ജൂ​നി​യ​ർ താ​ര​ങ്ങ​ൾ​ക്ക് അ​വ​സ​രം ല​ഭി​ക്ക​ട്ടെ​യെ​ന്ന് പ​ല​രും നി​ല​പാ​ടെ​ടു​ത്തു. ഇ​വ​യെ​ല്ലാം മ​ങ്ങ​ലേ​ൽ​പി​ച്ചു.

മെ​ഡ​ൽ​നേ​ട്ട​ത്തി​ൽ മു​ന്നി​ലു​ള്ള സ​ർ​വീ​സ​സി​ൽ അ​ധി​ക​വും മ​ല​യാ​ളി താ​ര​ങ്ങ​ളാ​ണെ​ന്ന​ത് അ​ഭി​മാ​ന​ക​ര​മാ​ണെ​ന്ന് ഷ​റ​ഫ​ലി വ്യ​ക്ത​മാ​ക്കി. എ​ന്നാ​ൽ, സ​ർ​ക്കാ​റി​നും കൗ​ൺ​സി​ലി​നു​മെ​തി​രെ നി​ല​പാ​ട് സ്വീ​ക​രി​ക്കു​ന്ന കേ​ര​ള ഒ​ളി​മ്പി​ക്സ് അ​സോ​സി​യേ​ഷ​ൻ പ്ര​സി​ഡ​ന്റ് ഹോ​ക്കി​യു​ടെ ചു​മ​ത​ല​കൂ​ടി വ​ഹി​ക്കു​ന്നു​ണ്ട്. ക​ഴി​ഞ്ഞ 10 വ​ർ​ഷ​മാ​യി ഹോ​ക്കി​യി​ൽ കേ​ര​ള​ത്തി​ന് എ​ന്തു നേ​ട്ട​മു​ണ്ടാ​യി എ​ന്ന് വ്യ​ക്ത​മാ​ക്ക​ണ​മെ​ന്നും അ​ദ്ദേ​ഹ​ത്തി​ന്റെ ആ​രോ​പ​ണ​ത്തി​നു പി​ന്നി​ൽ രാ​ഷ്ട്രീ​യ ല​ക്ഷ്യ​ങ്ങ​ളു​ണ്ടോ​യെ​ന്ന് സം​ശ​യ​മു​ണ്ടെ​ന്നും ഷ​റ​ഫ​ലി പ​റ​ഞ്ഞു.