‘പി​ണ​റാ​യി​സം’ ചാ​ലി​യാ​റി​ൽ

എ​ങ്ങ​നെ നോ​ക്കി​യാ​ലും യു.​ഡി.​എ​ഫി​ന്‍റെ വി​ജ​യ​ത്തേ​ക്കാ​ളേ​റെ ഇ​ട​തു​മു​ന്ന​ണി​യു​ടെ പ​രാ​ജ​യ​മാ​ണ്​ തെ​ര​ഞ്ഞെ​ടു​പ്പു ഫ​ല​ത്തി​ൽ പ്ര​ക​ട​മാ​കു​ന്ന​ത്.​യു.​ഡി.​എ​ഫി​ന്​ ഏ​റെ ബു​ദ്ധി​മു​ട്ടു​ക​ളു​ണ്ടാ​ക്കി​​യെ​ങ്കി​ലും അ​ൻ​വ​റി​ന്​ താ​ൻ ഉ​യ​ർ​ത്തി​വി​ട്ട ‘പി​ണ​റാ​യി​സം’ ഒ​രു പ്ര​ഹേ​ളി​ക​യ​ല്ലെ​ന്നും അ​ത്​ സി.​പി.​എ​മ്മി​നെ​യും സ​ർ​ക്കാ​റി​നെ​യും ഗ്ര​സി​ക്കു​ന്ന ബാ​ധ​യാ​ണെ​ന്നും പ്ര​ച​രി​പ്പി​ക്കാ​ൻ തെ​ര​ഞ്ഞെ​ടു​പ്പ്​ അ​വ​സ​രം ന​ൽ​കി

സ​ർ​ക്കാ​റി​​ന്‍റെ പ്ര​വ​ർ​ത്ത​ന​ത്തി​നു​ള്ള വി​ല​യി​രു​ത്ത​ലാ​കു​മെ​ന്ന പ്ര​ഖ്യാ​പ​ന​ത്തോ​ടെ തെ​ര​ഞ്ഞെ​ടു​പ്പി​നി​റ​ങ്ങി​യ മു​ഖ്യ​മ​ന്ത്രി പി​ണ​റാ​യി വി​ജ​യ​നും സി.​പി.​എ​മ്മി​നും ഇ​ട​തു​മു​ന്ന​ണി​ക്കും ക​ന​ത്ത തി​രി​ച്ച​ടി​യാ​യി, നി​ല​മ്പൂ​ർ തെ​ര​ഞ്ഞെ​ടു​പ്പു​ഫ​ലം. മു​ഖ്യ​മ​ന്ത്രി പി​ണ​റാ​യി വി​ജ​യ​നും സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​നും നേ​രി​ട്ട്​ നേ​തൃ​ത്വം കൊ​ടു​ത്ത തെ​ര​ഞ്ഞെ​ടു​പ്പി​ൽ സ്വ​ത​ന്ത്ര​നാ​യി മ​ത്സ​രി​ച്ച പി.​വി. അ​ൻ​വ​റാ​ക​ട്ടെ, 20000ത്തോ​ളം വോ​ട്ടു​പി​ടി​ച്ച്​ ഇ​രു​മു​ന്ന​ണി​ക​ളെ​യും ഞെ​ട്ടി​ച്ചു.

യു.​ഡി.​എ​ഫി​ന്​ ഏ​റെ ബു​ദ്ധി​മു​ട്ടു​ക​ളു​ണ്ടാ​ക്കി​​യെ​ങ്കി​ലും അ​ൻ​വ​റി​ന്​ താ​ൻ ഉ​യ​ർ​ത്തി​വി​ട്ട ‘പി​ണ​റാ​യി​സം’ ഒ​രു പ്ര​ഹേ​ളി​ക​യ​ല്ലെ​ന്നും അ​ത്​ സി.​പി.​എ​മ്മി​നെ​യും സ​ർ​ക്കാ​റി​നെ​യും ഗ്ര​സി​ക്കു​ന്ന ബാ​ധ​യാ​ണെ​ന്നും പ്ര​ച​രി​പ്പി​ക്കാ​ൻ തെ​ര​ഞ്ഞെ​ടു​പ്പ്​ അ​വ​സ​രം ന​ൽ​കി. എ​ങ്ങ​നെ നോ​ക്കി​യാ​ലും യു.​ഡി.​എ​ഫി​ന്‍റെ വി​ജ​യ​ത്തേ​ക്കാ​ളേ​റെ ഇ​ട​തു​മു​ന്ന​ണി​യു​ടെ പ​രാ​ജ​യ​മാ​ണ്​ തെ​ര​ഞ്ഞെ​ടു​പ്പു ഫ​ല​ത്തി​ൽ പ്ര​ക​ട​മാ​കു​ന്ന​ത്.

യു.​ഡി.​എ​ഫി​ന്​ ല​ഭി​ക്കു​മാ​യി​രു​ന്ന അ​ൻ​വ​റി​​ന്റെ വോ​ട്ടു​ക​ൾ കൂ​ടി കൂ​ട്ടി​നോ​ക്കി​യാ​ൽ സ്വ​രാ​ജി​നു​ള്ള വോ​ട്ടി​ന്‍റെ അ​ന്ത​രം മു​പ്പ​തി​നാ​യി​ര​​ത്തി​​ലേ​റെ​യാ​ണ്​ എ​ന്ന​ത്​ സി.​പി.​എ​മ്മി​നെ ഇ​രു​ത്തി ചി​ന്തി​പ്പി​ക്കും. അ​ൻ​വ​റി​ന്‍റെ പി​ടി​വാ​ശി​യെ​യും പാ​ർ​ട്ടി​ക്കു​ള്ളി​ലെ എ​തി​ർ​പ്പു​ക​ളെ​യും അ​വ​ഗ​ണി​ച്ച്​ ആ​ര്യാ​ട​ൻ ഷൗ​ക്ക​ത്തി​​നെ സ്ഥാ​നാ​ർ​ഥി​യാ​ക്കി​യ കെ.​സി. വേ​ണു​ഗോ​പാ​ലി​നും പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​നും കെ.​പി.​സി.​സി പ്ര​സി​ഡ​ൻ​റ്​ സ​ണ്ണി ജോ​സ​ഫി​നും ഇ​ത്​ സ്വ​കാ​ര്യ​വി​ജ​യം കൂ​ടി​യാ​യി.

‘അ​ൻ​വ​റി​സം’ ഷൗ​ക്ക​ത്തി​നു ഗു​ണ​ം

വി.​ഡി. സ​തീ​ശ​നു​മാ​യി ഇ​ട​ഞ്ഞ്​ അ​ൻ​വ​ർ മ​ത്സ​ര​ത്തി​നി​റ​ങ്ങി​യ​ത്​ ആ​ര്യാ​ട​ൻ ഷൗ​ക്ക​ത്തി​നെ തോ​ൽ​പി​ക്കാ​ൻ ല​ക്ഷ്യ​മി​ട്ടാ​യി​രു​ന്നെ​ങ്കി​ലും അ​ത്​ ഷൗ​ക്ക​ത്തി​നു കു​റ​ച്ച്​ ഗു​ണം ചെ​യ്​​തു എ​ന്ന്​ കോ​ൺ​ഗ്ര​സി​ലെ ചി​ല നേ​താ​ക്ക​ൾ ക​രു​തു​ന്നു​ണ്ട്. ഇ​രു​പ​തി​നാ​യി​ര​ത്തോ​ളം വോ​ട്ടു​നേ​ടി​യ​തി​ലൂ​ടെ അ​ൻ​വ​റി​ന്​ യു.​ഡി.​എ​ഫി​ൽ ഇ​നി​യും വി​ല​പേ​ശാ​നു​ള്ള ക​രു​ത്തു ല​ഭി​ച്ചു എ​ന്നാ​ണ്​ ക​രു​തേ​ണ്ട​ത്.

യു.​ഡി.​എ​ഫി​നു ല​ഭി​ക്കേ​ണ്ട വോ​ട്ടു​ക​ൾ ഭി​ന്നി​പ്പി​ക്കാ​ൻ ശ്ര​മി​ച്ച ബി.​ജെ.​പി​യാ​ക​ട്ടെ, നാ​ലാം സ്ഥാ​നം കൊ​ണ്ട്​ നാ​ണം​കെ​ട്ട അ​വ​സ്ഥ​യി​ലു​മാ​യി. യു.​ഡി.​എ​ഫി​ൽ നി​ന്ന്​ പി​ടി​ച്ചെ​ടു​ക്കാ​മെ​ന്നു ക​രു​തി​യ ക്രി​സ്​​ത്യ​ൻ വോ​ട്ടു​ക​ൾ നേ​ടാ​ൻ ബി.​ജെ.​പി​ക്ക്​ ക​ഴി​ഞ്ഞി​ല്ല എ​ന്നാ​ണ്​ ഫ​ലം പ്ര​ക​ട​മാ​ക്കു​ന്ന​ത്.

ജ​യം വി​ശ്വ​സി​പ്പി​ച്ച് പി​ണ​റാ​യി

വ​രാ​ൻ പോ​കു​ന്ന​ത്, മൂ​ന്നാം പി​ണ​റാ​യി സ​ർ​ക്കാ​ർ എ​ന്ന പ്ര​തീ​തി ജ​നി​പ്പി​ച്ചു​കൊ​ണ്ടാ​യി​രു​ന്നു, നി​ല​മ്പൂ​രി​ൽ പി​ണ​റാ​യി വി​ജ​യ​ൻ രം​ഗ​ത്തി​റ​ങ്ങി​യ​ത്. പി​ണ​റാ​യി​യു​ടെ നേ​രി​ട്ടു​ള്ള നേ​തൃ​ത്വ​ത്തി​ൽ, മു​ഹ​മ്മ​ദ്​ റി​യാ​സി​ന്‍റെ സൈ​ന്യാ​ധി​പ​ത്യ​ത്തി​ൽ സ്വ​ന്തം മാ​ന​സ​പു​ത്ര​നാ​യ എം. ​സ്വ​രാ​ജി​നെ രം​ഗ​ത്തി​റ​ക്കി​യ​ത്​ പ​ല​തും ക​ണ​ക്കു​കൂ​ട്ടി​യാ​യി​രു​ന്നു.

യേ​ശു​ക്രി​സ്​​തു​വി​ന്​ സ്​​നാ​പ​ക​യോ​ഹ​ന്നാ​ൻ മു​ൻ​ഗാ​മി എ​ന്ന​തു​പോ​ലെ, മൂ​ന്നാം പി​ണ​റാ​യി സ​ർ​ക്കാ​റി​ന്‍റെ​ മു​ൻ​ഗാ​മി​യാ​യി എം. ​സ്വ​രാ​ജ്​ അ​വ​ത​രി​ക്കും എ​ന്ന മ​ട്ടി​ലാ​യി​രു​ന്നു പ്ര​ചാ​ര​ണം. പാ​ർ​ട്ടി​യു​ടെ​യും സ​ർ​ക്കാ​റി​​ന്റെ​യും എ​ല്ലാ സം​വി​ധാ​ന​ങ്ങ​ളും നി​ല​മ്പൂ​രി​ൽ സ​ജീ​വ​മാ​യി​രു​ന്നു.

ഒ​രു ജീ​വ​ന്മ​ര​ണ പോ​രാ​ട്ട​ത്തി​​ന്റെ ശൈ​ലി​​യി​ലൂ​ടെ ഉ​റ​പ്പാ​യ വി​ജ​യ​മെ​ന്ന വി​ശ്വാ​സം ഇ​ട​തു​മു​ന്ന​ണി​യി​ൽ ജ​നി​പ്പി​ക്കാ​ൻ പി​ണ​റാ​യി വി​ജ​യ​ന്​ ക​ഴി​യു​ക​യും ചെ​യ്തു. സ്വ​രാ​ജ്​ ജ​യി​ക്കും, ത​ദ്ദേ​ശ​ഭ​ര​ണ തെ​ര​ഞ്ഞെ​ടു​പ്പ്​ തൂ​ത്തു​വാ​രും പി​ന്നെ മൂ​ന്നാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ൽ​വ​രും... ഇ​തൊ​ക്കെ​യാ​യി​രു​ന്നു ഇ​ട​തു​മു​ന്ന​ണി​യു​ടെ ഉ​പ​ശാ​ല​ക​ളി​ൽ ക​ഴി​ഞ്ഞ ഒ​രു​മാ​സ​മാ​യി പ​റ​ഞ്ഞു​കേ​ട്ടി​രു​ന്ന​ത്.

അ​ജ​ണ്ട ചു​രു​ങ്ങി​ സി.​പി.​എം

ഇ​ട​തു​മു​ന്ന​ണി​യു​ടെ വി​ക​സ​ന പ്ര​വ​ർ​ത്ത​ന​ങ്ങ​ളാ​ണ്​ പ്ര​ധാ​ന പ്ര​ചാ​ര​ണ​വി​ഷ​യം എ​ന്ന്​​ പ്ര​ഖ്യാ​പി​ച്ചു​കൊ​ണ്ടാ​ണ്​ രം​ഗ​ത്തി​റ​ങ്ങി​യ​തെ​ങ്കി​ലും സി.​പി.​എം അ​ജ​ണ്ട ജ​മാ​അ​ത്തെ ഇ​സ്‍ലാ​മി​യി​ലേ​ക്ക്​ ചു​രു​ങ്ങു​ന്ന​താ​ണ്​ പി​ന്നീ​ട്​ ക​ണ്ട​ത്. എ​ല്ലാ തെ​ര​ഞ്ഞെ​ടു​പ്പി​ലും പി​ന്തു​ണ​ക്കാ​യി സി.​പി.​എം നേ​താ​ക്ക​ൾ തു​ട​ർ​ച്ച​യാ​യി ജ​മാ​അ​ത്ത്​ നേ​താ​ക്ക​ളു​മാ​യി ബ​ന്ധ​പ്പെ​ട്ടി​രു​ന്ന ഒ​രു കാ​ലം സി.​പി.​എ​മ്മി​നു​ണ്ടാ​യി​രു​ന്നു.

2016ൽ ​ഇ​ന്ത്യ വ​ലി​യൊ​രു ഫാ​ഷി​സ്​​റ്റ്​ ഭീ​തി​യെ നേ​രി​ടു​ന്ന ഘ​ട്ടം വ​ന്ന​പ്പോ​ഴാ​ണ് അ​ഖി​ലേ​ന്ത്യ ​രാ​ഷ്​​ട്രീ​യ പ​ശ്ചാ​ത്ത​ല​ത്തി​ൽ ജ​മാ​അ​ത്തി​ന്‍റെ വോ​ട്ട്​ ദേ​ശീ​യ രാ​ഷ്​​ട്രീ​യ പ്ര​സ്ഥാ​ന​മാ​യ കോ​ൺ​ഗ്ര​സി​ന്​ ന​ൽ​കു​ന്ന അ​വ​സ്ഥ​യു​ണ്ടാ​യ​തെ​ന്ന​ത്​ കേ​ര​ളം ക​ണ്ട​റി​ഞ്ഞ​താ​ണ്. എന്നിട്ടും ജ​മാ​അ​ത്തി​​നെ മു​ന്നി​ൽ​നി​ർ​ത്തി കോ​ൺ​ഗ്ര​സി​നെ​യും യു.​ഡി.​എ​ഫി​നെ​യും ആ​ക്ര​മി​ക്കു​ക എ​ന്ന​തി​​ലേ​ക്ക്​ സി.​പി.​എം നേ​താ​ക്ക​ളു​ടെ അ​ജ​ണ്ട മാ​റി.

ബി.​ജെ.​പി​യു​ടെ വോ​ട്ട്​ പ്ര​തീ​ക്ഷി​ച്ചാ​ക​ണം, പ​ഴ​യ ബി.​ജെ.​പി ബ​ന്ധം തു​റ​ന്നു​സ​മ്മ​തി​ക്കാ​ൻ സി.​പി.​എം സം​സ്ഥാ​ന സെ​ക്ര​ട്ട​റി​യും അ​ത്​ വി​ന​യാ​കു​മെ​ന്നു ക​ണ്ട​പ്പോ​ൾ വോ​ട്ടെ​ടു​പ്പി​​ന്‍റെ ത​ലേ​ന്നാ​ൾ മു​ഖ്യ​മ​ന്ത്രി​യും രം​ഗ​ത്തി​റ​ങ്ങി​യ​ത്. ഇ​ങ്ങ​നെ ത​രാ​ത​രം പോ​ലെ വ​ർ​ഗീ​യ​ത​യും വി​ഭാ​ഗീ​യ​ത​യും പ​റ​ഞ്ഞു​കൊ​ണ്ടാ​ണ്​ അ​വ​ർ പ്ര​ചാ​ര​ണ​ത്തി​ന്​ ക​ലാ​ശ​ക്കൊ​ട്ടു ന​ട​ത്തി​യ​ത്.

നി​ല​മ്പൂ​രി​ൽ ഒ​രു സ്വ​ത​ന്ത്ര​നെ നി​ർ​ത്തി മ​ത്സ​രി​പ്പി​ക്കാ​നാ​ണ്​ ആ​ദ്യ​ഘ​ട്ട​ത്തി​ൽ സി.​പി.​എം ആ​ലോ​ചി​ച്ചി​രു​ന്ന​ത്. യു.​ഡി.​എ​ഫി​ൽ​നി​ന്ന് ആ​ളെ മാ​റ്റി​യെ​ടു​ക്കാ​നു​ള്ള​ ശ്ര​മ​ങ്ങ​ളും ഉ​ണ്ടാ​യി​രു​ന്നു. പൊ​തു​വേ നോ​ക്കി​യാ​ൽ നി​ല​മ്പൂ​ർ യു.​ഡി.​എ​ഫ്​ മു​ൻ​തൂ​ക്ക​മു​ള്ള നി​യോ​ജ​ക മ​ണ്ഡ​ല​മാ​യി​രു​ന്നു എ​ങ്കി​ലും ക​ഴി​ഞ്ഞ മ​ണ്ഡ​ല പു​ന​ർ​നി​ർ​ണ​യ ശേ​ഷം ഇ​ട​തു​പ​ക്ഷ​ത്തി​നു സാ​ധ്യ​ത​യു​ള്ള മ​ണ്ഡ​ല​മാ​യി മാ​റി.

കോ​ൺ​ഗ്ര​സി​ൽ​നി​ന്നു പി.​വി. അ​ൻ​വ​ർ കൂ​ടി എ​ത്തി​യ​തോ​ടെ 2016നു​ശേ​ഷം അ​ത്​ ഉ​റ​ച്ച ഇ​ട​തു​മ​ണ്ഡ​ല​മാ​യി. അ​ൻ​വ​ർ ഇ​ട​തു​മു​ന്ന​ണി​യി​ൽ നി​ന്നു ഇ​ട​ഞ്ഞു​മാ​റു​ക​യും യു.​ഡി.​എ​ഫു​മാ​യി ചേ​രു​മെ​ന്ന പ്ര​തീ​തി​യു​ണ്ടാ​കു​ക​യും ചെ​യ്​​തെ​ങ്കി​ലും അ​ദ്ദേ​ഹം കോ​ൺ​ഗ്ര​സു​മാ​യി അ​ടു​ക്കു​ന്നി​ല്ല എ​ന്നു ക​ണ്ട​പ്പോ​ൾ സി.​പി.​എ​മ്മി​ൽ വീ​ണ്ടും പ്ര​തീ​ക്ഷ​യു​യ​ർ​ന്നു.

അ​ൻ​വ​ർ ഒ​റ്റ​ക്ക്​ മ​ത്സ​രി​ക്കും എ​ന്നു​കൂ​ടി വ​ന്ന​പ്പോ​ൾ സി.​പി.​എം പൂ​ർ​ണ പ്ര​തീ​ക്ഷ​യി​ലെ​ത്തി. അ​ങ്ങ​നെ​ ശ​ക്ത​നും നാ​ട്ടു​കാ​ര​നു​മാ​യ സ്വ​രാ​ജി​നെ ഇ​റ​ക്കി മ​ണ്ഡ​ലം പി​ടി​ച്ചെ​ടു​ക്കാ​നു​ള്ള സി.​പി.​എ​മ്മി​ന്‍റെ ശ്ര​മ​ത്തി​നാ​ണ്​ ഇ​പ്പോ​ൾ തി​രി​ച്ച​ടി​യേ​റ്റി​രി​ക്കു​ന്ന​ത്.

കോ​ൺ​ഗ്ര​സി​ലെ യു​വാ​ര​വം

യു.​ഡി.​എ​ഫ്​ ഒ​റ്റ​ക്കെ​ട്ടാ​യി ന​ട​ത്തി​യ പ്ര​യ​ത്ന ഫ​ല​മാ​ണ്​ തെ​ര​​ഞ്ഞെ​ടു​പ്പു വി​ജ​യം. മു​സ്​​ലിം​ലീ​ഗ്​ എ​ണ്ണ​യി​ട്ട യ​ന്ത്ര​മെ​ന്ന നി​ല​യി​ൽ പ്ര​വ​ർ​ത്തി​ച്ചു.

കോ​ൺ​ഗ്ര​സ് യു​വ​നേ​താ​ക്ക​ളെ​യാ​ണ്​ രം​ഗ​ത്തി​റ​ക്കി​യ​ത്. അ​തി​നാ​ൽ കോ​ൺ​ഗ്ര​സി​ലെ പു​തു നേ​തൃ​യു​ഗ​ത്തി​ന്‍റെ അ​ര​ങ്ങേ​റ്റ​മാ​യി ഈ ​തെ​ര​ഞ്ഞെ​ടു​പ്പു വി​ല​യി​രു​ത്ത​പ്പെ​ട്ടാ​ൽ അ​തി​ശ​യ​പ്പെ​ടാ​നി​ല്ല.