മാതാപിതാക്കൾ ചികിത്സ നിഷേധിച്ചു, ഒരു വയസ്സുള്ള കുഞ്ഞ് മഞ്ഞപ്പിത്തം മൂർച്ഛിച്ച് മരിച്ചു

കാ​ടാ​മ്പു​ഴ(മലപ്പുറം) : പ്ര​തി​രോ​ധ വാ​ക്സി​നും മ​തി​യാ​യ ചി​കി​ത്സ​യും ല​ഭി​ക്കാ​ത്ത​തി​നെ തു​ട​ർ​ന്ന് 14 മാ​സം പ്രാ​യ​മു​ള്ള ആ​ൺ​കു​ഞ്ഞ് മ​രി​ച്ച​താ​യി ആ​രോ​പ​ണം. കോ​ട്ട​ക്ക​ൽ പു​തു​പ്പ​റ​മ്പ് നോ​വ​പ്പ​ടി​യി​ലെ വാ​ട​ക​വീ​ട്ടി​ൽ താ​മ​സി​ക്കു​ന്ന പാ​ങ്ങ് പ​ടി​ഞ്ഞാ​റ്റും​മു​റി കോ​ട്ട​ക്കാ​ര​ൻ ന​വാ​സ്-​ഹി​റ ഹ​രീ​റ ദ​മ്പ​തി​ക​ളു​ടെ മ​ക​ൻ ഇ​സ​ൻ ഇ​ർ​ഹാ​നാ​ണ് മ​രി​ച്ച​ത്. കു​ഞ്ഞി​ന് നേ​ര​ത്തേ മ​ഞ്ഞ​പ്പി​ത്തം ബാ​ധി​ച്ചി​രു​ന്ന​താ​യും ആ​വ​ശ്യ​മാ​യ ചി​കി​ത്സ ന​ൽ​കി​യി​ല്ലെ​ന്നും ആ​രോ​പ​ണ​മു​ണ്ട്.

വെ​ള്ളി​യാ​ഴ്ച വൈ​കീ​ട്ട് 5.30ഓ​ടെ ഇ​വ​ർ താ​മ​സി​ക്കു​ന്ന കോ​ട്ട​ക്ക​ൽ പു​തു​പ്പ​റ​മ്പ് വാ​ട​ക വീ​ട്ടി​ലാ​ണ് കു​ഞ്ഞ് മ​ര​ണ​പ്പെ​ട്ട​ത്. മൃ​ത​ദേ​ഹം സ്വ​ദേ​ശ​മാ​യ പാ​ങ്ങി​ലേ​ക്ക് കൊ​ണ്ടു​പോ​യി. പൊ​തു​ദ​ർ​ശ​ന​ത്തി​ന് വെ​ച്ച​തി​നു​ശേ​ഷം ശ​നി​യാ​ഴ്ച രാ​വി​ലെ 8.45ഓ​ടെ പാ​ങ്ങ് പ​ടി​ഞ്ഞാ​റ്റും​മു​റി ജു​മു​അ മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.

പൊ​തു​പ്ര​വ​ർ​ത്ത​ക​ർ ഇ​ട​പെ​ട്ട​തി​നെ തു​ട​ർ​ന്ന് സം​ഭ​വം പു​റം​ലോ​കം അ​റി​ഞ്ഞ​തോ​ടെ കാ​ടാ​മ്പു​ഴ പൊ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്തു. മൃ​ത​ദേ​ഹം നി​യ​മ​പ്ര​കാ​ര​മു​ള്ള ന​ട​പ​ടി​ക​ൾ പാ​ലി​ക്കാ​തെ​യാ​ണ് മ​റ​വ് ചെ​യ്ത​തെ​ന്ന് പൊ​ലീ​സ് അ​റി​യി​ച്ചു. സം​ഭ​വ​ത്തി​ൽ പൊ​ലീ​സ് ര​ക്ഷി​താ​ക്ക​ളു​ടെ മൊ​ഴി​യെ​ടു​ത്തു. അ​പ​സ്മാ​ര​ത്തെ തു​ട​ർ​ന്നാ​ണ് കു​ഞ്ഞ് മ​രി​ച്ച​തെ​ന്ന് കു​ടും​ബം പ​റ‍യു​ന്നു.

പൊ​ലീ​സ് നി​ർ​ദേ​ശ​പ്ര​കാ​രം വൈ​കീ​ട്ട് അ​ഞ്ചോ​ടെ ഖ​ബ​റി​ട​ത്തി​ൽ​നി​ന്ന് മൃ​ത​ദേ​ഹം പു​റ​ത്തെ​ടു​ത്തു. വൈ​കീ​ട്ട് ആ​റോ​ടെ മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി മ​ഞ്ചേ​രി മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു​പോ​യി.

ഇ​സെ​ൽ അ​യി​ഷാ​നാ​ണ് മ​രി​ച്ച കു​ഞ്ഞി​ന്റെ സ​ഹോ​ദ​രി. മാ​താ​വ് അ​ക്യു​പ​ങ്ച​ർ പ്ര​ചാ​ര​ക​യാ​ണ്. 2024 ജൂ​ണി​ലാ​ണ് ഇ​വ​ർ പു​തു​പ്പ​റ​മ്പി​ൽ താ​മ​സ​മാ​രം​ഭി​ച്ച​ത്. മ​രി​ച്ച കു​ട്ടി​ക്ക് ജൂ​ൺ ആ​ദ്യ​വാ​രം മ​ഞ്ഞ​പ്പി​ത്തം പി​ടി​പെ​ട്ട​താ​യി പാ​ങ്ങ് മെ​ഡി​ക്ക​ൽ ഓ​ഫി​സ​ർ ഡോ. ​ഷം​സു​ദ്ദീ​ൻ മ​ല​പ്പു​റം ഡി.​എം.​ഒ​ക്ക് ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു. ഏ​താ​നും ദി​വ​സ​മാ​യി കു​ട്ടി പ​നി​ബാ​ധി​ത​നാ​യി​രു​ന്നു. മാ​താ​പി​താ​ക്ക​ൾ ആ​വ​ശ്യ​മാ​യ ചി​കി​ത്സ ന​ൽ​കി​യി​രു​ന്നി​ല്ല.

പ്ര​തി​രോ​ധ കു​ത്തി​വെ​പ്പു​ക​ളും കു​ട്ടി​ക്ക് ന​ൽ​കി​യി​രു​ന്നി​ല്ല. ശ​നി​യാ​ഴ്ച സ്ഥ​ല​ത്ത് പോ​യി അ​ന്വേ​ഷ​ണം ന​ട​ത്തി​യാ​ണ് പാ​ങ്ങ് മെ​ഡി​ക്ക​ൽ ഓ​ഫി​സ​ർ ഡി.​എം.​ഒ​ക്ക് പ്രാ​ഥ​മി​ക റി​പ്പോ​ർ​ട്ട് ന​ൽ​കി​യ​ത്. കു​ഞ്ഞി​ന്റെ പോ​സ്റ്റ്മോ​ർ​ട്ട ന​ട​പ​ടി​ക​ൾ ഞാ​യ​റാ​ഴ്ച മ​ഞ്ചേ​രി മെ​ഡി​ക്ക​ൽ കോ​ള​ജി​ൽ ന​ട​ക്കും.