ഇടുക്കിയിലെ അനധികൃത കുരിശ് പൊളിച്ചു നീക്കി; സ്ഥാപിച്ചത് റിസോർട്ടുടമ, പൊളിച്ചത് റവന്യൂ വകുപ്പ്

പീ​രു​മേ​ട് (ഇടുക്കി): പ​രു​ന്തും​പാ​റ​യി​ൽ കൈ​യേ​റ്റ ഭൂ​മി​യിൽ നിർമിച്ച അനധികൃത കുരിശ് റവന്യൂ വകുപ്പ് പൊളിച്ചു നീക്കി. കൈ​യേ​റ്റ ഭൂ​മി​യാണെന്ന് ഉ​ന്ന​ത​സം​ഘം റി​പ്പോ​ർ​ട്ട് ചെ​യ്ത​തി​ന്‍റെ അ​ടി​സ്ഥാ​ന​ത്തി​ൽ ഈ സ്ഥലത്ത് നിർമാണ പ്രവർത്തനങ്ങൾക്ക് ക​ല​ക്ട​ർ സ്​​റ്റോ​പ്​ മെ​മ്മോ ന​ൽ​കിയിരുന്നു. ച​ങ്ങ​നാ​ശ്ശേ​രി തൃ​ക്കൊ​ടി​ത്താ​നം സ്വ​ദേ​ശി കൊ​ട്ടാ​ര​ത്തി​ൽ സ​ജി​ത്ത് ജോ​സ​ഫ് കൈ​വ​ശം​വെ​ച്ച സ്ഥ​ല​ത്താ​ണ് പു​തു​താ​യി കു​രി​ശ് പ​ണി​ത​ത്. ജി​ല്ല ക​ല​ക്ട​ർ സ്​​റ്റോ​പ്​ മെ​മ്മോ ന​ൽ​കാ​ൻ നി​ർ​ദേ​ശി​ച്ച​തി​നു​ശേ​ഷ​മാ​ണ്​ കു​രി​ശി​ന്‍റെ പ​ണി​ക​ൾ പൂ​ർ​ത്തി​യാ​ക്കി​യ​ത്. ഇതാണ് ഇന്ന് റവന്യൂ സംഘം എത്തി പൊളിച്ചുനീക്കിയത്.

3.31 ഏ​ക്ക​ർ സ​ർ​ക്കാ​ർ​ഭൂ​മി കൈ​യേ​റി തൃ​ക്കൊ​ടി​ത്താ​നം സ്വ​ദേ​ശി സ​ജി​ത്ത് ജോ​സ​ഫ് വ​ൻ​കി​ട റി​സോ​ർ​ട്ട് നി​ർ​മി​ച്ച​താ​യി ഹൈ​കോ​ട​തി നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ​സം​ഘം ക​ണ്ടെ​ത്തി​യി​രു​ന്നു. ഈ ​മാ​സം ര​ണ്ടി​ന്​ പ​രു​ന്തും​പാ​റ​യി​ൽ കൈ​യേ​റ്റ ഭൂ​മി​യി​ലെ നി​ർ​മാ​ണ​പ്ര​വ​ർ​ത്ത​ന​ങ്ങ​ൾ​ക്ക് സ്​​റ്റോ​പ്​ മെ​മ്മോ ന​ൽ​കാ​ൻ ജി​ല്ല ക​ല​ക്ട​ർ പീ​രു​മേ​ട് എ​ൽ.​ആ​ർ ത​ഹ​സി​ൽ​ദാ​റെ ചു​മ​ത​ല​പ്പെ​ടു​ത്തി. ഒ​പ്പം കൈ​യേ​റ്റ ഭൂ​മി​യി​ൽ പ​ണി​ക​ൾ ന​ട​ത്തു​ന്നി​ല്ലെ​ന്ന് ഉ​റ​പ്പ് വ​രു​ത്താ​നും നി​ർ​ദേ​ശി​ച്ചു. സ​ജി​ത് ജോ​സ​ഫി​ന് സ്​​റ്റോ​പ്​ മെ​മ്മോ ന​ൽ​കു​ക​യും​ചെ​യ്തു. എ​ന്നാ​ൽ, ഇ​ത​വ​ഗ​ണി​ച്ചാണ് കു​രി​ശി​ന്‍റെ പ​ണി​ക​ൾ വെ​ള്ളി​യാ​ഴ്ച​യാ​ണ് പൂ​ർ​ത്തി​യാ​ക്കി​യ​ത്. പ​ണി​ക​ൾ ന​ട​ക്കു​ന്ന​ത് ഉ​ദ്യോ​ഗ​സ്ഥ​ർ ക​ണ്ടി​ല്ലെ​ന്ന് ന​ടി​ക്കു​ക​യാ​യി​രു​ന്നു. ഇത് സംബന്ധിച്ച് ‘മാധ്യമം’ വാർത്ത നൽകിയതിന് പിന്നാലെയാണ് പൊളിച്ചു നീക്കിയത്.

കൈ​യേ​റ്റ സ്ഥ​ല​ത്ത് നി​രോ​ധ​നം ലം​ഘി​ച്ച് പ​ണി​ക​ൾ ന​ട​ത്തി​യെ​ന്ന് ക​ണ്ടെ​ത്തി​യി​ട്ടും സ​ജി​ത് ജോ​സ​ഫി​നെ​തി​രെ കേ​സെ​ടു​ക്കാ​ൻ പൊ​ലീ​സി​ൽ പ​രാ​തി ന​ൽ​കി​യിരുന്നില്ല. മ​റ്റൊ​രു സ്ഥ​ല​ത്തു​വെ​ച്ച്​ പ​ണി​ത കു​രി​ശ് ഇ​വി​ടെ സ്ഥാ​പി​ക്കു​ക​യാ​ണ് ചെ​യ്ത​തെ​ന്നാ​ണ് റ​വ​ന്യൂ ഉ​ദ്യോ​ഗ​സ്ഥ​രു​ടെ വി​ശ​ദീ​ക​ര​ണം. 2017ൽ ​സൂ​ര്യ​നെ​ല്ലി​യി​ലും ഇ​ത്ത​ര​ത്തി​ൽ കൈ​യേ​റ്റ​ഭൂ​മി​യി​ൽ കു​രി​ശ് സ്ഥാ​പി​ച്ചി​രു​ന്നു. ഇ​ത് പി​ന്നീ​ട് ജി​ല്ല ഭ​ര​ണ​കൂ​ടം പൊ​ളി​ച്ചു​നീ​ക്കി. സ്റ്റോ​പ് മെ​മ്മോ പു​റ​പ്പെ​ടു​വി​ച്ചി​ട്ടും നി​ർ​മാ​ണ പ്ര​വ​ർ​ത്ത​ന​ങ്ങ​ൾ പ​ല സ്ഥ​ല​ങ്ങ​ളി​ലും തു​ട​രു​ക​യാ​ണ്. നി​യ​മ​ലം​ഘ​നം ന​ട​ത്തു​ന്ന​വ​ർ​ക്കെ​തി​രെ പൊ​ലീ​സി​ന്‍റെ സ​ഹാ​യ​ത്തോ​ടെ ക്രി​മി​ന​ൽ കേ​സ് എ​ടു​ക്കാ​ൻ റ​വ​ന്യൂ ഉ​ദ്യോ​ഗ​സ്ഥ​ർ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നും പ​രാ​തി ഉ​യ​ർ​ന്നി​ട്ടു​ണ്ട്.