പാണക്കാട് തങ്ങൾക്കെതിരായ സി.പി.എം നീക്കത്തിന് പിന്നിൽ ധ്രുവീകരണ അജണ്ട

കോ​ഴി​ക്കോ​ട്​: മു​സ്​​ലിം ലീ​ഗ്​ സം​സ്ഥാ​ന അ​ധ്യ​ക്ഷ​ൻ പാ​ണ​ക്കാ​ട്​ സാ​ദി​ഖ​ലി ത​ങ്ങ​ൾ​ക്കെ​തി​രാ​യ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ​യും പാ​ർ​ട്ടി സെ​​ക്ര​ട്ട​റി എം.​വി. ഗോ​വി​ന്ദ​ന്‍റെ​യും വി​മ​ർ​ശ​നം ആ​സൂ​ത്രി​ത രാ​ഷ്ട്രീ​യ നീ​ക്ക​ത്തി​ന്‍റെ ഭാ​ഗ​മെ​ന്ന് ലീ​ഗ്​​ വി​ല​യി​രു​ത്ത​ൽ. കു​റ​ച്ചു​കാ​ല​മാ​യി സ​മ​സ്ത​യി​ലെ ഒ​രു​വി​ഭാ​ഗ​ത്തെ ഉ​പ​യോ​ഗി​ച്ച്​ ലീ​ഗി​നെ​യും പാ​ണ​ക്കാ​ട്​ ത​ങ്ങ​ളെ​യും താ​റ​ടി​ച്ചു​കാ​ണി​ക്കാ​ൻ ശ്ര​മി​ക്കു​ന്ന​തി​ന്​ പി​ന്നി​ൽ മു​ഖ്യ​മ​ന്ത്രി​യു​ടെ​യും പാ​ർ​ട്ടി​യു​ടെ​യും ക​ര​ങ്ങ​ളു​ണ്ടെ​ന്ന സം​ശ​യം ബ​ല​പ്പെ​ടു​ത്തു​ന്ന​താ​ണ്​ ഇ​പ്പോ​ഴ​ത്തെ നേ​രി​ട്ടു​ള്ള വി​മ​ർ​ശ​ന​മെ​ന്ന്​ ലീ​ഗ്​ നേ​തൃ​ത്വം ക​രു​തു​ന്നു.

വ​ട​ക​ര ലോ​ക്സ​ഭ ഉ​പ​തെ​ര​ഞ്ഞെ​ടു​പ്പി​ൽ കാ​ഫി​ർ സ്ക്രീ​ൻ​ഷോ​ട്ട്​ പു​റ​ത്തു​വി​ട്ട്​ ധ്രു​വീ​ക​ര​ണ രാ​ഷ്ട്രീ​യം ക​ളി​ച്ച​തി​ന്​ സ​മാ​ന​മാ​ണ്​ പാ​ല​ക്കാ​ട്​ ഉ​പ​തെ​ര​ഞ്ഞെ​ടു​പ്പി​ന്​ തൊ​ട്ടു​മു​മ്പ്​ പാ​ണ​ക്കാ​ട്​ ത​ങ്ങ​ൾ​ക്കെ​തി​രാ​യ പ​ര​സ്യ വി​മ​ർ​ശ​ന​ത്തി​ന്​ പി​ന്നി​ലെ​ന്നാ​ണ്​ കോ​ൺ​ഗ്ര​സ്​ നേ​തൃ​ത്വ​വും വ്യ​ക്ത​മാ​ക്കു​ന്ന​ത്. ഇ​ത്​ തി​രി​ച്ച​റി​ഞ്ഞാ​ണ്​ പി.​കെ. കു​ഞ്ഞാ​ലി​ക്കു​ട്ടി​യും വി.​ഡി. സ​തീ​ശ​നും മു​ഖ്യ​മ​ന്ത്രി​​ക്കെ​തി​രെ രം​ഗ​ത്തു​വ​ന്ന​ത്.

സാ​ദി​ഖ​ലി ത​ങ്ങ​ൾ​ക്കെ​തി​രാ​യ പാ​ർ​ട്ടി നീ​ക്ക​ത്തി​നെ​തി​രെ പാ​ല​ക്കാ​ട്​ ഉ​പ​തെ​ര​ഞ്ഞെ​ടു​പ്പി​ന്​ ശേ​ഷം ശ​ക്ത​മാ​യ പ്ര​തി​രോ​ധ​ത്തി​ന്​ ഒ​രു​ങ്ങു​ക​യാ​ണ്​​ ലീ​ഗ്. മു​മ്പ്​ ഉ​മ്മ​ൻ​ചാ​ണ്ടി-​കു​ഞ്ഞാ​ലി​ക്കു​ട്ടി-​മാ​ണി കൂ​ട്ടു​കെ​ട്ടി​നെ​തി​രെ കോ​ടി​യേ​രി ബാ​ല​കൃ​ഷ്ണ​ൻ സ​മാ​ന രീ​തി​യി​ൽ ആ​രോ​പ​ണ​മു​ന്ന​യി​ച്ചി​രു​ന്നെ​ങ്കി​ലും പാ​ണ​ക്കാ​ട്​ ത​ങ്ങ​ൾ​ക്കെ​തി​രെ പാ​ർ​ട്ടി പ​ര​സ്യ​മാ​യി രം​ഗ​ത്തി​റ​ങ്ങി​യി​രു​ന്നി​ല്ല. ക​ക്ഷി, രാ​ഷ്ട്രീ​യ​ത്തി​ന​തീ​ത​മാ​യി പാ​ണ​ക്കാ​ട്​ ത​ങ്ങ​ൾ കു​ടും​ബ​ത്തെ ആ​ദ​ര​വോ​ടെ​യാ​ണ്​ എ​ല്ലാ പാ​ർ​ട്ടി​ക​ളും നോ​ക്കി​ക്ക​ണ്ടി​രു​ന്ന​ത്.

എ​ന്നാ​ൽ, ’85ൽ ​ഇ.​എം.​എ​സ്​ ന​മ്പൂ​തി​രി​പ്പാ​ട്​ പ​യ​റ്റി​യ ധ്രു​വീ​ക​ര​ണ അ​ജ​ണ്ട ഇ​പ്പോ​ൾ വീ​ണ്ടും പൊ​ടി​ത​ട്ടി​യെ​ടു​ക്കു​ന്ന​തി​ന്​ പി​ന്നി​ൽ സി.​പി.​എ​മ്മി​ന്​ വ്യ​ക്ത​മാ​യ ര​ഷ്ട്രീ​യ ല​ക്ഷ്യ​മു​ണ്ട്. മു​സ്​​ലിം ലീ​ഗി​ന്‍റെ മു​ന്ന​ണി മാ​റ്റ​ത്തി​നാ​യി ചി​ല ച​ര​ടു​വ​ലി​ക​ൾ സി.​പി.​എ​മ്മി​ന്‍റെ ഭാ​ഗ​ത്തു​നി​ന്ന്​ ഉ​ണ്ടാ​യി​രു​ന്നു. ഇ​തി​ന്‍റെ ഭാ​ഗ​മാ​യി മു​ഖ്യ​മ​ന്ത്രി അ​ട​ക്കം ലീ​ഗി​ന്​ മ​തേ​ത​ര സ​ർ​ട്ടി​ഫി​ക്ക​റ്റ്​ പ​തി​ച്ചു​ന​ൽ​കു​ക​യും ചെ​യ്തു. മു​സ്​​ലിം ലീ​ഗി​ൽ പി.​കെ. കു​ഞ്ഞാ​ലി​ക്കു​ട്ടി​യെ ലാ​ക്കാ​ക്കി​യാ​യി​രു​ന്നു ഈ ​അ​നു​ന​യ നീ​ക്കം ന​ട​ന്ന​ത്.

സ​മ​സ്ത​യി​ലെ ഒ​രു​വി​ഭാ​ഗ​ത്തെ​യും ഇ​തി​നാ​യി സി.​പി.​എം കൂ​ട്ടു​പി​ടി​ച്ചു. എ​ന്നാ​ൽ, ഇ​തി​ന്​ ശ​ക്ത​മാ​യ ത​ട​യി​ടു​ന്ന നി​ല​പാ​ടാ​ണ്​ സാ​ദി​ഖ​ലി ത​ങ്ങ​ളു​ടെ ഭാ​ഗ​ത്തു​നി​ന്നു​ണ്ടാ​യ​ത്. തു​ട​ർ​ന്നാ​ണ്​ സാ​ദി​ഖ​ലി ത​ങ്ങ​ളെ ഉ​ന്ന​മി​ടു​ന്ന രീ​തി​യി​ലേ​ക്ക്​ സി.​പി.​എം ചു​വ​ടു​മാ​റ്റി​ത്. മു​ക്കം ഉ​മ​ർ ​ഫൈ​സി അ​ട​ക്കം സ​മ​സ്ത​യി​ലെ ലീ​ഗ്​ വി​രു​ദ്ധ​രെ ഇ​തി​നും പാ​ർ​ട്ടി ഉ​പ​യോ​ഗ​പ്പെ​ടു​ത്തി. ഇ​ത്​ ഫ​ലം കാ​ണാ​തെ വ​ന്ന​പ്പോ​ഴാ​ണ്​ മു​ഖ്യ​മ​ന്ത്രി ത​ന്നെ സാ​ദി​ഖ​ലി ത​ങ്ങ​ളെ ക​ടു​ത്ത ഭാ​ഷ​യി​ൽ വി​മ​ർ​ശി​ച്ചു രം​ഗ​ത്തു​വ​ന്ന​ത്. മാ​സ​ങ്ങ​ളാ​യി പു​ക​യു​ന്ന മു​ന​മ്പം വി​ഷ​യം പ​രി​ഹ​രി​ക്കാ​ൻ മു​​ൻ​കൈ​യെ​ടു​ക്കേ​ണ്ട സ​ർ​ക്കാ​ർ ധ്രു​വീ​ക​ര​ണ അ​ജ​ണ്ട ക​ളി​ക്കു​ക​യാ​ണെ​ന്ന വി​മ​ർ​ശ​ന​മു​യ​ർ​ത്തി മു​സ്​​ലിം ലീ​ഗ്​ രം​ഗ​ത്തു​വ​ന്നി​രു​ന്നു.

മു​ന​മ്പം വ​ഖ​ഫ്​ ഭൂ​മി​യു​മാ​യി ബ​ന്ധ​പ്പെ​ട്ട്​ നി​സാ​ർ ക​മീ​ഷ​നെ നി​യോ​ഗി​ച്ച​ത്​ ഉ​ൾ​പ്പെ​ടെ നി​ർ​ണാ​യ​ക നീ​ക്ക​ങ്ങ​ളു​ണ്ടാ​യ​ത്​ എ​ൽ.​ഡി.​എ​ഫ്​ സ​ർ​ക്കാ​രി​ന്‍റെ കാ​ല​ത്താ​ണെ​ന്നി​രി​ക്കെ, ഈ ​വി​ഷ​യ​ത്തി​ലും വ​ഖ​ഫ്​ ബോ​ർ​ഡ്​ മു​ൻ ചെ​യ​ർ​മാ​ൻ പാ​ണ​ക്കാ​ട്​ റ​ഷീ​ദ​ലി ത​ങ്ങ​ളെ പ്ര​തി​ക്കൂ​ട്ടി​ലേ​റ്റാ​നാ​ണ്​ സി.​പി.​എം ശ്ര​മം. വി​ഷ​യ​ത്തി​ൽ മു​ത​ലെ​ടു​പ്പി​നു​ള്ള സി.​പി.​എം നീ​ക്ക​ത്തി​ന്​ ത​ട​യി​ടാ​ൻ കൂ​ടി​യാ​ണ്​ സാ​ദി​ഖ​ലി ത​ങ്ങ​ൾ മു​സ്​​ലിം സം​ഘ​ട​ന​ക​ളു​ടെ യോ​ഗം വി​ളി​ച്ച​തും തി​ങ്ക​ളാ​ഴ്ച വ​രാ​പ്പു​ഴ ബി​ഷ​പ്പ്​ വ​ർ​ഗീ​സ്​ ച​ക്കാ​ല​ക്ക​ലു​മാ​യി കൂ​ടി​ക്കാ​ഴ്ച ന​ട​ത്തി​യ​തും.