ന​വീ​ന്റെ മ​ര​ണ​ത്തി​ൽ ഉ​യ​ർ​ന്ന ചോ​ദ്യ​ങ്ങ​ൾ ഇ​പ്പോ​ഴും ബാ​ക്കി; എല്ലാം ദിവ്യയിൽ ഒതുക്കി കുറ്റപത്രം

ക​ണ്ണൂ​ർ: ക​ഴി​ഞ്ഞ ഒ​ക്ടോ​ബ​ർ 15ന് ​രാ​വി​ലെ മു​ൻ എ.​ഡി.​എം കെ. ​ന​വീ​ൻ​ബാ​ബു ജീ​വ​നൊ​ടു​ക്കി​യ വാ​ർ​ത്ത വ​ന്ന​യു​ട​ൻ പ്ര​ച​രി​ച്ച ആ ​ക​ത്ത് ത​യാ​റാ​ക്കി​യ​ത് ആ​ര്​? പ​രി​യാ​രം ഗ​വ. മെ​ഡി​ക്ക​ൽ കോ​ള​ജി​ലെ ഇ​ല​ക്ട്രീ​ഷ്യ​ൻ മാ​ത്ര​മാ​യ ടി.​വി. ​പ്ര​ശാ​ന്തി​ന് സ്വ​ന്ത​മാ​യി പെ​ട്രോ​ൾ പ​മ്പ് തു​ട​ങ്ങാ​ൻ പ​ണം എ​വി​ടെ​നി​ന്ന് കി​ട്ടി? ചെ​ങ്ങ​ളാ​യി​യി​ലെ ആ ​പെ​ട്രോ​ൾ പ​മ്പി​ന്റെ കാ​ര്യ​ത്തി​ൽ ദി​വ്യ​ക്ക് എ​ന്താ​ണ് ഇ​ത്ര അ​മി​താ​വേ​ശം?

ന​വീ​ൻ​ബാ​ബു മ​രി​ച്ച​യു​ട​ൻ ഉ​യ​ർ​ന്നു​വ​ന്ന ഇ​ത്ത​രം ചോ​ദ്യ​ങ്ങ​ൾ​​ക്കൊ​ന്നും പ്ര​ത്യേ​ക അ​ന്വേ​ഷ​ണ സം​ഘ​ത്തി​ന് മ​റു​പ​ടി​യി​ല്ല. ന​വീ​ന്റെ മ​ര​ണ​ത്തി​ൽ ദി​വ്യ​ക്കെ​തി​രെ പൊ​ലീ​സ് ചു​മ​ത്തി​യ ആ​ത്മ​ഹ​ത്യാ​പ്രേ​ര​ണ കേ​സി​ന് അ​ടി​സ്ഥാ​ന​മാ​യ കാ​ര്യ​ങ്ങ​ൾ മാ​ത്ര​മാ​ണ് പ്ര​ത്യേ​ക അ​ന്വേ​ഷ​ണ​സം​ഘം അ​ന്വേ​ഷി​ച്ച​ത്.

പെ​ട്രോ​ൾ പ​മ്പി​ന് എ​ൻ.​ഒ.​സി ല​ഭി​ക്കാ​ൻ പ്ര​ശാ​ന്തി​ൽ​നി​ന്ന് 98,500രൂ​പ എ.​ഡി.​എം കൈ​ക്കൂ​ലി വാ​ങ്ങി​യെ​ന്ന് ആ​രോ​പി​ച്ച് മു​ഖ്യ​മ​ന്ത്രി​ക്ക് ന​ൽ​കി​യ ക​ത്താ​ണ് അ​ന്ന് പ്ര​ച​രി​ച്ച​ത്. ഈ ​കൈ​ക്കൂ​ലി​ക്ക​ഥ​യാ​ണ് എ.​ഡി.​എ​മ്മി​നു​ള്ള യാ​ത്ര​യ​യ​പ്പ് യോ​ഗ​ത്തി​ൽ ദി​വ്യ പ​രോ​ക്ഷ​മാ​യി പ​റ​ഞ്ഞ​ത്. ക​ത്ത് കി​ട്ടി​യ​താ​യി മു​ഖ്യ​മ​ന്ത്രി​യു​ടെ ഓ​ഫി​സി​ൽ​നി​ന്ന് ഇ​തു​വ​രെ സ്ഥി​രീ​ക​ര​ണം കി​ട്ടി​യി​ട്ടി​ല്ല. ക​ത്ത് ത​യാ​റാ​ക്കി​യ കേ​ന്ദ്ര​വും വ്യാ​ജ ഒ​പ്പു​മെ​ല്ലാം ന​വീ​​ന്റെ കു​ടും​ബം ആ​രോ​പി​ച്ചി​ട്ടും അ​തൊ​ന്നും ഗൗ​നി​ച്ചി​ല്ല. അ​തി​നാ​ൽ​ത​ന്നെ, അ​തൊ​ന്നും കു​റ്റ​പ​ത്ര​ത്തി​ലു​മി​ല്ല.

ന​വീ​നും പ്ര​ശാ​ന്തും പ​ള്ളി​ക്കു​ന്നി​ലെ ക്വാ​ർ​ട്ടേ​ഴ്സി​ൽ ക​ണ്ടു​മു​ട്ടി​യ സി.​സി.​ടി.​വി ദൃ​ശ്യ​ങ്ങ​ൾ കു​റ്റ​പ​ത്ര​ത്തി​ലു​ണ്ട്. എ​ന്നാ​ൽ, എ.​ഡി.​എം കൈ​ക്കൂ​ലി വാ​ങ്ങി​യ​തി​ന് തെ​ളി​വൊ​ന്നും പ​റ​യു​ന്നി​ല്ല. പ്ര​ശാ​ന്തി​നു പി​ന്നി​ൽ ബി​നാ​മി​യെ​ന്ന ആ​രോ​പ​ണം കു​ടും​ബം ആ​രോ​പി​ച്ചി​രു​ന്നു. ബി​നാ​മി ഇ​ട​പാ​ടി​ൽ ദി​വ്യ​യു​ടെ പ​ങ്കും ചി​ല വ്യ​ക്തി​ക​ളും സം​ഘ​ട​ന​ക​ളും ഉ​ന്ന​യി​ച്ചു.

യാ​ത്ര​യ​യ​പ്പ് യോ​ഗ​ത്തി​ൽ ക്ഷ​ണി​ക്കാ​തെ ദി​വ്യ എ​ത്തി​യെ​ന്നും എ.​ഡി.​എ​മ്മി​നെ അ​ധി​ക്ഷേ​പി​ക്കാ​ൻ ആ​സൂ​ത്രി​ത നീ​ക്കം ന​ട​ത്തി​യെ​ന്നും അ​ധി​ക്ഷേ​പ പ്ര​സം​ഗ​ത്തി​ൽ മ​നം​മ​ടു​ത്ത് ജീ​വ​നൊ​ടു​ക്കി​യെ​ന്നു​മു​ള്ള കാ​ര്യ​ത്തി​ൽ ഊ​ന്നി​യാ​ണ് അ​ന്വേ​ഷ​ണം മു​ഴു​വ​ൻ. എ.​ഡി.​എം മ​രി​ച്ച​ത് എ​ങ്ങ​നെ, കാ​ര​ണ​ക്കാ​ർ ആ​ര് എ​ന്ന​താ​ണ് അ​ന്വേ​ഷി​ച്ച​തെ​ന്നും മ​റ്റു​ള്ള​വ ത​ങ്ങ​ളു​ടെ അ​ധി​കാ​ര​പ​രി​ധി​യി​ൽ വ​രി​ല്ലെ​ന്നും അ​ന്വേ​ഷ​ണ സം​ഘാം​ഗം പ്ര​തി​ക​രി​ച്ചു. അ​തെ​ല്ലാം ആ​ര് അ​ന്വേ​ഷി​ക്കു​മെ​ന്ന ചോ​ദ്യ​ത്തി​ന് അ​ത് അ​റി​യി​ല്ലെ​ന്നും അ​ദ്ദേ​ഹം ‘മാ​ധ്യ​മ’​ത്തോ​ട് പ​റ​ഞ്ഞു.