തരംമാറ്റ ഭൂമി കൈമാറ്റം; പോക്കുവരവ്​ അപേക്ഷ തീർപ്പാക്കാൻ വിചിത്ര വാദവുമായി റവന്യൂ വകുപ്പ്​

തി​രു​വ​ന​ന്ത​പു​രം: റ​വ​ന്യൂ വ​കു​പ്പ്​ സേ​വ​ന​ങ്ങ​ൾ മി​ക്ക​തും ഓ​ൺ​ലൈ​നാ​യി മാ​റി​യെ​ങ്കി​ലും, പോ​ക്കു​വ​ര​വ്​ അ​പേ​ക്ഷ​ക​ളി​ൽ വി​ചി​ത്ര ന​ട​പ​ടി​യു​മാ​യി​ റ​വ​ന്യൂ വ​കു​പ്പ്. ത​രം​മാ​റ്റി​യ ഭൂ​മി കൈ​മാ​റ്റം ചെ​യ്യു​മ്പോ​ൾ ര​ജി​സ്റ്റ​ര്‍ ചെ​യ്യു​ന്ന ആ​ധാ​ര​ത്തി​ല്‍ നി​ലം/​പു​ര​യി​ടം എ​ന്ന്​ രേ​ഖ​പ്പെ​ടു​ത്തി​യാ​ൽ മ​തി​യാ​കും.

ഓ​ൺ​ലൈ​നി​ലും ഈ ​ര​ണ്ട്​ ഓ​പ്​​ഷ​നു​ക​ളാ​ണു​ള്ള​ത്. എ​ന്നാ​ൽ ആ​ധാ​ര​ത്തി​ൽ എ​ല്ലാ​യി​ട​ത്തും ‘സ്വ​ഭാ​വ​വ്യ​തി​യാ​നം ന​ട​ത്തി​യ പു​ര​യി​ടം’ എ​ന്നെ​ഴു​താ​തെ പോ​ക്കു​വ​ര​വ് ചെ​യ്യാ​നാ​കി​ല്ലെ​ന്നാ​ണ്​ റ​വ​ന്യൂ വ​കു​പ്പി​ന്‍റെ ക​ടും​പി​ടി​ത്തം. ഇ​ത്​ ഭൂ ​ഉ​ട​മ​ക​ളെ വ​ട്ടം​ചു​റ്റി​ക്കു​ക​യാ​ണ്.

ന​ഗ​ര​ങ്ങ​ളി​ല്‍ അ​ഞ്ച്​ സെ​ന്‍റും ഗ്രാ​മ​ങ്ങ​ളി​ല്‍ 10 സെ​ന്‍റും നി​ലം​നി​ക​ത്തി​യ ഭൂ​മി​യി​ല്‍ കെ​ട്ടി​ടം നി​ര്‍മി​ക്കാ​ന്‍ വേ​ണ്ടി ത​രം​മാ​റ്റി​യ രേ​ഖ​ക​ള്‍ ത​ദ്ദേ​ശ സ്ഥാ​പ​ന​ങ്ങ​ള്‍ ആ​വ​ശ്യ​പ്പെ​ട​രു​തെ​ന്ന സ​ര്‍ക്കാ​ർ നി​ർ​ദേ​ശം നി​ല​നി​ൽ​ക്കെ​യാ​ണ്​​ ത​രം​മാ​റ്റി​യ ഭൂ​മി​യു​ടെ പോ​ക്കു​വ​ര​വി​ന്​ പു​ത്ത​ന്‍ ത​ന്ത്ര​ങ്ങ​ളു​മാ​യി റ​വ​ന്യൂ വ​കു​പ്പ് രം​ഗ​ത്തെ​ത്തി​യ​ത്.

കൈ​മാ​റ്റം ചെ​യ്യു​ന്ന ആ​ധാ​ര​ത്തി​ല്‍ പു​ര​യി​ടം എ​ന്നെ​ഴു​തി​യ ഇ​ട​ത്തെ​ല്ലാം സ്വ​ഭാ​വ​വ്യ​തി​യാ​നം ന​ട​ത്തി​യ പു​ര​യി​ടം എ​ന്ന്​ മാ​റ്റി​യാ​ലേ പോ​ക്കു​വ​ര​വ് ചെ​യ്യാ​നാ​കൂ.

നി​ലം ഇ​ന​ത്തി​ൽ​പെ​ട്ട ഭൂ​മി ത​രം​മാ​റ്റി രേ​ഖ​ക​ളി​ല്‍ പു​ര​യി​ടം എ​ന്നാ​ക്കി​യ ശേ​ഷം റ​വ​ന്യൂ വ​കു​പ്പ് പു​ര​യി​ട​ത്തി​നു​ള്ള ന്യാ​യ​വി​ല നി​ശ്ച​യി​ച്ച​ശേ​ഷ​മാ​ണ് ഭൂ​മി കൈ​മാ​റ്റം ര​ജി​സ്റ്റ​ര്‍ ചെ​യ്യു​ന്ന​ത്. സ്വ​ഭാ​വ​വ്യ​തി​യാ​നം ന​ട​ത്തി പു​ര​യി​ട​മാ​ക്കു​ന്ന ഭൂ​മി പോ​ക്കു​വ​ര​വ് ചെ​യ്യു​ന്ന​തി​ന്​ ത​ട​സ്സം സൃ​ഷ്ടി​ക്കു​ന്ന​തി​നു​പി​ന്നി​ല്‍ അ​ഴി​മ​തി​യാ​ണെ​ന്നും ആ​രോ​പ​ണ​മു​ണ്ട്. മു​ന്‍കാ​ല​ങ്ങ​ളി​ല്‍ ഭൂ​മി പോ​ക്കു​വ​ര​വ് ചെ​യ്യാ​ന്‍ പോ​ക്കു​വ​ര​വ് അ​പേ​ക്ഷ വി​ല്ലേ​ജ്​ ഓ​ഫി​സി​ല്‍ ന​ല്‍ക​ണം.

ഇ​പ്പോ​ള്‍ ആ​ധാ​രം ര​ജി​സ്റ്റ​ര്‍ ചെ​യ്യു​മ്പോ​ള്‍ ത​ന്നെ ഓ​ണ്‍ലൈ​ന്‍ വി​വ​ര​വും ആ​ധാ​ര​ത്തി​ന്‍റെ പ​ക​ര്‍പ്പും വി​ല്ലേ​ജ്​ ഓ​ഫി​സി​ല്‍ ല​ഭി​ക്കും. അ​പൂ​ർ​വം ചി​ല വി​ല്ലേ​ജ്​ ഓ​ഫി​സു​ക​ളി​ല്‍ അ​പ്പോ​ള്‍ ത​ന്നെ കൈ​മാ​റ്റം ചെ​യ്ത ഭൂ​മി പോ​ക്കു​വ​ര​വ് ചെ​യ്ത് നി​കു​തി ഈ​ടാ​ക്കും. എ​ന്നാ​ല്‍ ചി​ല സ്ഥ​ല​ങ്ങ​ളി​ൽ ഭൂ​ഉ​ട​മ​ക​ളോ ഏ​ജ​ന്‍റോ വി​ല്ലേ​ജ്​ ഓ​ഫി​സി​ല്‍ നേ​രി​ട്ടു​പോ​യാ​ല്‍ മാ​ത്ര​മെ പോ​ക്കു​വ​ര​വ് സാ​ധ്യ​മാ​കൂ. ഇ​തി​നാ​യി കൈ​മ​ട​ക്കും ന​ല്‍കേ​ണ്ടി​വ​രും.

സ​ബ് ഡി​വി​ഷ​ന്‍ വേ​ണ്ടി​വ​രു​ന്ന ഭൂ​മി​യു​ടെ പോ​ക്കു​വ​ര​വി​നു​വേ​ണ്ടി താ​ലൂ​ക്ക്​ ഓ​ഫി​സി​ലേ​ക്ക്​ ഓ​ണ്‍ലൈ​ന്‍വ​ഴി അ​യ​ക്കും. താ​ലൂ​ക്കി​ല്‍ ചി​ല​ർ അ​പ്പോ​ള്‍ത​ന്നെ പാ​സാ​ക്കും.

മ​റ്റ്​ ചി​ല​ർ ഭൂ​ഉ​ട​മ​യോ ഏ​ജ​ന്‍റോ വ​രാ​നാ​യി കാ​ത്തി​രി​ക്കും. ഏ​ജ​ന്‍റോ, ഭൂ​ഉ​ട​മ​യോ എ​ത്തി കൈ​മ​ട​ക്ക് ന​ല്‍കി​യാ​ലേ താ​ലൂ​ക്കി​ല്‍ നി​ന്നും പോ​ക്കു​വ​ര​വ് പാ​സാ​വു​ക​യു​ള്ളൂ. പ​ല താ​ലൂ​ക്ക്​ ഓ​ഫി​സു​ക​ളി​ലും വി​ല്ലേ​ജ്​ ഓ​ഫി​സു​ക​ളി​ലും പോ​ക്കു​വ​ര​വ് പൂ​ര്‍ത്തി​യാ​ക്കാ​നാ​യി നൂ​റു​ക​ണ​ക്കി​ന്​ ആ​ധാ​ര​ങ്ങ​ൾ ഇ​ങ്ങ​നെ കാ​ത്തു​കി​ട​ക്കു​ക​യാ​ണ്.