ശോ​ഭീ​ന്ദ്ര​ൻ മാ​സ്റ്റ​ർ: മനുഷ്യരെ കരുതി മൃഗങ്ങൾക്കുവേണ്ടിയും...

കോ​ഴി​ക്കോ​ട്: കാ​ടി​നോ​ടു ചേ​ർ​ന്ന അ​തി​ർ​ത്തി ഗ്രാ​മ​ങ്ങ​ളി​ലെ​ല്ലാം മ​നു​ഷ്യ​രും മൃ​ഗ​ങ്ങ​ളും ത​മ്മി​ലു​ള്ള സം​ഘ​ർ​ഷം ദി​നം​പ്ര​തി വാ​ർ​ത്ത​ക​ളാ​കു​ന്ന ഇ​ക്കാ​ല​ത്തി​നും കാ​ൽ​നൂ​റ്റാ​ണ്ടു മു​മ്പെ​ങ്കി​ലും ഇ​ക്കാ​ര്യം മു​ൻ​കൂ​ട്ടി ക​ണ്ട​യാ​ളാ​യി​രു​ന്നു പ​ച്ച​മ​നു​ഷ്യ​നാ​യ ശോ​ഭീ​ന്ദ്ര​ൻ മാ​സ്റ്റ​ർ. വ​യ​നാ​ട് ജി​ല്ല​യി​ൽ മ​നു​ഷ്യ-​മൃ​ഗ സം​ഘ​ർ​ഷം ഒ​ഴി​വാ​ക്കാ​ൻ​കൂ​ടി​യു​ള്ള​താ​യി​രു​ന്നു തൊ​ണ്ണൂ​റു​ക​ളു​ടെ അ​വ​സാ​ന വ​ർ​ഷ​ങ്ങ​ളി​ൽ മാ​ഷു​ടെ നേ​തൃ​ത്വ​ത്തി​ൽ ന​ട​ന്ന സാ​മൂ​തി​രി ഗു​രു​വാ​യൂ​ര​പ്പ​ൻ കോ​ള​ജി​ലെ എ​ൻ.​എ​സ്.​എ​സ് ക്യാ​മ്പു​ക​ള​ത്ര​യും.

കോ​ഴി​ക്കോ​ടു​നി​ന്ന് കു​ട്ടി​ക​ളെ​യു​മാ​യി ചു​രം ക​യ​റി​യ മാ​ഷ് 1996, ’97, ’98 വ​ർ​ഷ​ങ്ങ​ളി​ൽ വ​യ​നാ​ട്ടി​ലെ മൂ​ന്നി​ട​ങ്ങ​ളി​ൽ ന​ട​ത്തി​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ദേ​ശീ​യ​ത​ല​ത്തി​ൽ​ത​ന്നെ ശ്ര​ദ്ധ​യാ​ക​ർ​ഷി​ച്ചു. 1996ൽ ​തോ​ൽ​പെ​ട്ടി​യി​ലെ കാ​ടും നാ​ടും ചേ​ർ​ന്നു​കി​ട​ക്കു​ന്ന ജ​ന​വാ​സ മേ​ഖ​ല​യി​ൽ ട്ര​ഞ്ച് നി​ർ​മാ​ണ​മാ​യി​രു​ന്നു​വെ​ങ്കി​ൽ തൊ​ട്ട​ടു​ത്ത വ​ർ​ഷം മു​ത്ത​ങ്ങ​യി​ലെ കാ​ട്ടി​നു​ള്ളി​ൽ മൃ​ഗ​ങ്ങ​ൾ​ക്ക് കു​ടി​വെ​ള്ള​ത്തി​നാ​യി ത​ടാ​ക​മൊ​രു​ക്ക​ലാ​യി​രു​ന്നു ദൗ​ത്യം. മ​നു​ഷ്യ​ർ​ത​ന്നെ കു​ടി​വെ​ള്ള​ത്തി​ന് നെ​ട്ടോ​ട്ട​മോ​ടു​ന്ന കാ​ല​ത്ത് മൃ​ഗ​ങ്ങ​ൾ​ക്ക് കു​ടി​വെ​ള്ള​മൊ​രു​ക്കാ​ൻ പോ​യ​തി​നെ പ​രി​ഹ​സി​ച്ച​വ​രേ​റെ​യു​ണ്ടാ​യി​രു​ന്നു. എ​ന്നാ​ൽ, മൃ​ഗ​ങ്ങ​ളു​ടെ കു​ടി​വെ​ള്ള പ്ര​ശ്നം മ​നു​ഷ്യ​രു​ടെ ജീ​വ​ൽ​പ്ര​ശ്നം ത​ന്നെ​യാ​ണെ​ന്ന് ആ ​നാ​ട്ടി​ലു​ള്ള മ​നു​ഷ്യ​രെ ബോ​ധ​വ​ത്ക​രി​ക്കാ​ൻ മാ​ഷും കു​ട്ടി​ക​ളും മു​ന്നി​ട്ടി​റ​ങ്ങി.

മൃ​ഗ​ങ്ങ​ൾ നാ​ട്ടി​ലി​റ​ങ്ങി മ​നു​ഷ്യ​രു​ടെ കൃ​ഷി ന​ശി​പ്പി​ക്കു​ന്ന​തും വ​ള​ർ​ത്തു​മൃ​ഗ​ങ്ങ​ളെ കൊ​ല്ലു​ന്ന​തും ഇ​ല്ലാ​താ​ക​ണ​മെ​ങ്കി​ൽ മൃ​ഗ​ങ്ങ​ൾ​ക്ക് വെ​ള്ളം കാ​ട്ടി​ൽ​ത​ന്നെ ല​ഭ്യ​മാ​ക്ക​ണ​മെ​ന്ന് ആ ​സം​ഘം വീ​ടു​ക​യ​റി പ​ഠി​പ്പി​ച്ചു. അ​ങ്ങ​നെ ഗു​രു​വാ​യൂ​ര​പ്പ​ൻ കോ​ള​ജി​​ലെ കു​ട്ടി​ക​ൾ​ക്കൊ​പ്പം മു​ത്ത​ങ്ങ​യി​ലെ ആ​ദി​വാ​സി​ക​ളും ആ ​നി​ർ​മാ​ണ പ്ര​വ​ർ​ത്ത​ന​ങ്ങ​ളി​ൽ പ​ങ്കാ​ളി​ക​ളാ​യി.

1998ൽ ​മു​ത്ത​ങ്ങ​ക്ക​ടു​ത്തു​ത​ന്നെ​യു​ള്ള ആ​നാ​ഞ്ചി​റ​യി​ൽ മാ​ഷും കു​ട്ടി​ക​ളും ചേ​ർ​ന്ന് നി​ർ​മി​ച്ച ത​ട​യ​ണ ദേ​ശീ​യ മാ​ധ്യ​മ​ങ്ങ​ളി​ൽ​പോ​ലും വാ​ർ​ത്ത​യാ​യി. കാ​ട് അ​വ​സാ​നി​ക്കു​ന്ന സ്ഥ​ല​ത്ത് കാ​ട്ടി​ൽ​നി​ന്നു​ൽ​ഭ​വി​ക്കു​ന്ന ചെ​റി​യ നീ​ർ​ച്ചോ​ല​യി​ലെ വെ​ള്ളം ത​ട​യ​ണ കെ​ട്ടി നി​ർ​ത്തി വ​ലി​യൊ​രു ത​ടാ​കം​ത​ന്നെ തീ​ർ​ത്ത​ത് ആ​ദി​വാ​സി​ക​ൾ​ക്ക് പ​തി​ച്ചു​കൊ​ടു​ത്ത ഏ​ക്ക​ർ ക​ണ​ക്കി​ന് ഭൂ​മി കൃ​ഷി​യോ​ഗ്യ​മാ​ക്കു​ന്ന​തി​നും മൃ​ഗ​ങ്ങ​ൾ​ക്ക് കു​ടി​വെ​ള്ള​ത്തി​നു​മാ​യാ​യി​രു​ന്നു. ഇ​തി​ന്റെ പ്ര​വൃ​ത്തി ചി​ത്രീ​ക​രി​ച്ച് ‘നി​ർ​മാ​യ ക​ർ​മ​ണാ​ശ്രീ’ എ​ന്ന പേ​രി​ൽ ഡോ​ക്യു​മെ​ന്റ​റി​യാ​ക്കു​ക​യും കൈ​ര​ളി-​ശ്രീ ഉ​ൾ​പ്പെ​ടെ​യു​ള്ള തി​യ​റ്റ​റു​ക​ളി​ൽ പ്ര​ദ​ർ​ശി​പ്പി​ക്കു​ക​യും ചെ​യ്തു.

മ​ണ്ണി​നെ​യും മ​നു​ഷ്യ​രെ​യും​കു​റി​ച്ചു മാ​ത്ര​മ​ല്ല, സ​ക​ല ജീ​വ​ജാ​ല​ങ്ങ​ളെ​ക്കു​റി​​ച്ചോ​ർ​ത്തും വ്യാ​കു​ല​പ്പെ​ട്ടി​രു​ന്ന ഒ​ര​പൂ​ർ​വ ജീ​വി​ത​മാ​ണ് ശോ​ഭീ​ന്ദ്ര​ൻ മാ​സ്റ്റ​റു​ടെ വി​യോ​ഗ​ത്തോ​ടെ മ​റ​യു​ന്ന​ത്.