ഉ​രു​ൾ​ദു​ര​ന്ത​ത്തി​ന് ആ​റു​മാ​സം; ഉ​പ​ജീ​വ​ന​മാ​ർ​ഗം ക​ണ്ടെ​ത്താ​ൻ സ​ർ​ക്കാ​ർ സ​ഹാ​യ​മി​ല്ല

മു​ണ്ട​ക്കൈ (വ​യ​നാ​ട്): ഒ​റ്റ​രാ​ത്രി പു​ല​രും​മു​മ്പേ ര​ണ്ടു പ്ര​ദേ​ശ​ങ്ങ​ളി​ലെ ജ​ന​ങ്ങ​ളു​ടെ ജീ​വി​തം ഉ​രു​ളെ​ടു​ത്തി​ട്ട് ഇന്നേക്ക് ആ​റു​മാ​സം. ക​ഴി​ഞ്ഞ ജൂ​ലൈ 30നാ​ണ് മേ​പ്പാ​ടി പ​ഞ്ചാ​യ​ത്തി​ലെ മു​ണ്ട​ക്കൈ​യു​ടെ​യും ചൂ​ര​ൽ​മ​ല​യു​ടെ​യും ജ​ന​ങ്ങ​ൾ​ക്കു​മേ​ൽ ഉ​രു​ൾ പൊ​ട്ടി​യൊ​ഴു​കി​യ​ത്. പ്രി​യ​പ്പെ​ട്ട​വ​രു​ടെ വേ​ർ​പാ​ടി​ന്റെ ക​ദ​ന​ഭാ​ര​മൊ​ഴി​യാ​തെ ക​ഴി​യു​ക​യാ​ണ് ആ ​മ​ഹാ​ദു​ര​ന്ത​ത്തി​ലെ അ​തി​ജീ​വി​ത​ർ. ഇ​പ്പോ​ഴും വാ​ട​ക​വീ​ടു​ക​ളി​ൽ ക​ഴി​യു​ന്ന അ​വ​ർ ഉ​പ​ജീ​വ​ന​മാ​ർ​ഗ​മി​ല്ലാ​തെ ഉ​ഴ​ലു​ക​യാ​ണ്. മ​ല​വെ​ള്ള​പ്പാ​ച്ചി​ലി​ൽ വീ​ട​ട​ക്കം സ​മ്പാ​ദ്യ​ങ്ങ​ളെ​ല്ലാം ന​ശി​ച്ച​പ്പോ​ൾ കൃ​ഷി​ഭൂ​മി​യ​ട​ക്കം ഉ​പ​ജീ​വ​ന​മാ​ർ​ഗ​ങ്ങ​ളും ഇ​ല്ലാ​താ​യി.

വ​രു​മാ​ന​മാ​ർ​ഗ​മാ​യ വാ​ഹ​ന​ങ്ങ​ളും ക​ട​ക​ളും ത​ക​ർ​ന്ന ചി​ല​ർ​ക്ക് സ​ന്ന​ദ്ധ​സം​ഘ​ട​ന​ക​ൾ ബ​ദ​ൽ സൗ​ക​ര്യ​ങ്ങ​ൾ ഒ​രു​ക്കി. എ​ന്നാ​ൽ, ഇ​ക്കാ​ര്യ​ത്തി​ൽ സ​ർ​ക്കാ​റി​ൽ​നി​ന്ന് ഒ​രു സ​ഹാ​യ​വും ഇ​തു​വ​രെ കി​ട്ടി​യി​ട്ടി​ല്ല. ആ​ദ്യ​ത്തെ ര​ണ്ടു​മാ​സം കു​ടും​ബ​ത്തി​ലെ ര​ണ്ടു​പേ​ർ​ക്ക് ദി​വ​സം 300 രൂ​പ വീ​തം മാ​സം 9000 രൂ​പ സ​ർ​ക്കാ​ർ ന​ൽ​കി​യി​രു​ന്നു. എ​ന്നാ​ൽ, ഇ​ത് നി​ല​ച്ച​തോ​ടെ ഭാ​വി​ജീ​വി​ത​ത്തി​ന് മു​ന്നി​ൽ പ​ക​ച്ചു​നി​ൽ​ക്കു​ക​യാ​ണി​വ​ർ. ദി​വ​സ​വേ​ത​നം തു​ട​രാ​ൻ ആ​ലോ​ചി​ക്കു​ന്നു​ണ്ടെ​ന്ന് ക​ഴി​ഞ്ഞ​യാ​ഴ്ച മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​റ​ഞ്ഞി​രു​ന്നു.

കൃ​ഷി- അ​നു​ബ​ന്ധ തൊ​ഴി​ലു​ക​ൾ, തേ​യി​ല​ത്തോ​ട്ടം പ​ണി​ക​ൾ, വാ​ഹ​ന​മോ​ടി​ക്ക​ൽ എ​ന്നി​വ​യാ​യി​രു​ന്നു ഉ​രു​ളെ​ടു​ത്ത 10, 11, 12 വാ​ര്‍ഡു​ക​ളി​ലു​ള്ള ഭൂ​രി​ഭാ​ഗം പേ​രു​ടെ​യും ജീ​വി​ത​മാ​ർ​ഗം. ത​ദ്ദേ​ശ​വ​കു​പ്പ് ത​യാ​റാ​ക്കി​യ സ​മ​ഗ്ര മൈ​ക്രോ പ്ലാ​ൻ പ്ര​കാ​രം 1084 കു​ടും​ബ​ങ്ങ​ളി​ലാ​യി 4636 പേ​രെ​യാ​ണ് ദു​ര​ന്തം നേ​രി​ട്ടോ അ​ല്ലാ​​തെ​യോ ബാ​ധി​ച്ച​ത്. 1879 പേ​രു​ടെ ഉ​പ​ജീ​വ​ന​മാ​ർ​ഗം പൂ​ർ​ണ​മാ​യി ഇ​ല്ലാ​താ​യി. ആ​രോ​ഗ്യം, പോ​ഷ​കാ​ഹാ​രം, ഉ​പ​ജീ​വ​നം, നൈ​പു​ണി വി​ക​സ​നം, വി​ദ്യാ​ഭ്യാ​സം എ​ന്നീ മേ​ഖ​ല​ക​ളി​ലാ​യി ആ​കെ 5987 സേ​വ​ന​ങ്ങ​ള്‍ ദു​ര​ന്ത​മേ​ഖ​ല​യി​ൽ ആ​വ​ശ്യ​മാ​ണെ​ന്നാ​ണ് ക​ണ്ടെ​ത്തി​യ​ത്. എ​ന്നാ​ൽ, ചി​ല​യി​ട​ങ്ങ​ളി​ൽ സ്ത്രീ​ക​ൾ​ക്ക് ത​യ്യ​ൽ യ​ന്ത്ര​ങ്ങ​ൾ ന​ൽ​കി​യ​ത​ല്ലാ​തെ മ​റ്റൊ​ന്നും സ​ർ​ക്കാ​ർ ചെ​യ്തി​ട്ടി​ല്ല. നി​ർ​മാ​ണ യൂ​നി​റ്റു​ക​ള​ട​ക്കം 84 സൂ​ക്ഷ്മ-​ചെ​റു​കി​ട-​ഇ​ട​ത്ത​രം സം​രം​ഭ​ങ്ങ​ൾ പാ​ടേ ഇ​ല്ലാ​താ​യ​താ​യും കെ​ട്ടി​ടം ഒ​ഴി​കെ ഈ ​മേ​ഖ​ല​യി​ൽ 12.36 കോ​ടി​യു​ടെ ന​ഷ്ട​മു​ണ്ടെ​ന്നു​മാ​ണ് ജി​ല്ല വ്യ​വ​സാ​യ​കേ​ന്ദ്ര​ത്തി​ന്റെ ക​ണ​ക്ക്.

സ്വ​കാ​ര്യ തേ​യി​ല​ത്തോ​ട്ട​ങ്ങ​ളി​ൽ 150ഓ​ളം തൊ​ഴി​ലാ​ളി​ക​ളു​ണ്ടാ​യി​രു​ന്നു. ഇ​പ്പോ​ൾ 30ഓ​ളം പേ​ർ​മാ​ത്ര​മാ​ണ് ഇ​വി​ടെ പ​ണി​ക്കെ​ത്തു​ന്ന​ത്. ബാ​ക്കി​യു​ള്ള​വ​ർ ദൂ​ര​സ്ഥ​ല​ങ്ങ​ളി​ൽ വാ​ട​ക​ക്ക് ക​ഴി​യു​ന്ന​തി​നാ​ൽ എ​സ്റ്റേ​റ്റ് ഉ​ട​മ​ക​ൾ ഇ​ത​ര​സം​സ്ഥാ​ന​തൊ​ഴി​ലാ​ളി​ക​ളെ പ​ക​രം ദി​വ​സ​ക്കൂ​ലി​ക്ക് ഏ​ർ​പ്പെ​ടു​ത്തി. മി​ക്ക അ​തി​ജീ​വി​ത​രും കൂ​ലി​പ്പ​ണി​ക്ക് പോ​വു​ക​യാ​ണി​പ്പോ​ൾ. മ​റ്റാ​രും സ​ഹാ​യ​ത്തി​നി​ല്ലാ​ത്ത​തി​നാ​ൽ തൊ​ഴി​ലു​റ​പ്പ്, നി​ർ​മാ​ണ​തൊ​ഴി​ലു​ക​ൾ ചെ​യ്തി​രു​ന്ന പ്രാ​യ​മാ​യ​വ​ർ തീ​രാ​ദു​രി​ത​ത്തി​ലാ​ണ്.

ദു​ര​ന്ത​ത്തി​ൽ ന​ശി​ക്കാ​ത്ത തോ​ട്ട​ങ്ങ​ളി​ൽ കൃ​ഷി​പ്പ​ണി​ക്കാ​യു​ള്ള സ​ഹാ​യ​വും സ​ർ​ക്കാ​ർ ചെ​യ്യു​ന്നി​ല്ല. മ​റ്റി​ട​ങ്ങ​ളി​ലെ മി​ച്ച​ഭൂ​മി​ക​ൾ കൃ​ഷി ചെ​യ്യാ​ൻ പാ​ട്ട​ത്തി​ന് ന​ൽ​ക​ണ​മെ​ന്ന അ​തി​ജീ​വി​ത​രു​ടെ ആ​വ​ശ്യ​വും പ​രി​ഗ​ണി​ക്ക​പ്പെ​ട്ടി​ട്ടി​ല്ല. നി​ല​വി​ൽ 983 കു​ടും​ബ​ങ്ങ​ൾ വാ​ട​ക​വീ​ടു​ക​ളി​ലാ​ണ് ക​ഴി​യു​ന്ന​ത്. ഇ​വ​ർ​ക്ക് 6000 രൂ​പ വീ​തം മാ​സ​വാ​ട​ക സ​ർ​ക്കാ​ർ ന​ൽ​കു​ന്നു എ​ന്ന​താ​ണ് ആ​ശ്വാ​സം.

പു​ന​ര​ധി​വാ​സം: അ​ന്തി​മ​പ​ട്ടി​ക ഇ​നി​യും വ​ന്നി​ല്ല

മു​ണ്ട​ക്കൈ ഉ​രു​ൾ​ദു​ര​ന്തം ന​ട​ന്ന് നാ​ളേ​ക്ക് ആ​റു​മാ​സം പൂ​ർ​ത്തി​യാ​കു​മ്പോ​ഴും പു​ന​ര​ധി​വാ​സ ടൗ​ൺ​ഷി​പ് പ​ദ്ധ​തി​യി​ലെ ഗു​ണ​ഭോ​ക്താ​ക്ക​ളു​ടെ അ​ന്തി​മ​പ​ട്ടി​ക ഇ​നി​യും പു​റ​ത്തു​വ​ന്നി​ല്ല. നേ​ര​ത്തേ ത​യാ​റാ​ക്കി​യ ക​ര​ട് പ​ട്ടി​ക​യി​ല്‍ 388 കു​ടും​ബ​ങ്ങ​ളാ​ണ് ഉ​ണ്ടാ​യി​രു​ന്ന​ത്. എ​ന്നാ​ൽ, 70ഓ​ളം പേ​രു​ടെ വി​വ​ര​ങ്ങ​ൾ ഇ​തി​ൽ ആ​വ​ർ​ത്തി​ച്ച​ത​ട​ക്കം നി​ര​വ​ധി തെ​റ്റു​ക​ൾ ഉ​ണ്ടാ​യി​രു​ന്നു. ഇ​തി​നു​ശേ​ഷം സ​ർ​ക്കാ​ർ പ​റ​ഞ്ഞ സ​മ​യം ക​ഴി​ഞ്ഞി​ട്ടും അ​ന്തി​മ​പ​ട്ടി​ക പു​റ​ത്തി​റ​ക്കാ​നാ​യി​ട്ടി​ല്ല. അ​തേ​സ​മ​യം, അ​തി​ജീ​വി​ത​രു​ടെ ജ​ന​കീ​യ​സ​മി​തി 531 പേ​രു​ടെ പ​ട്ടി​ക ത​യാ​റാ​ക്കി​യ​താ​യും കു​റ്റ​മ​റ്റ ന​ട​പ​ടി​ക​ൾ സ​ർ​ക്കാ​ർ സ്വീ​ക​രി​ച്ചി​ല്ലെ​ങ്കി​ൽ പ്ര​തി​ഷേ​ധ​പ​രി​പാ​ടി​ക​ൾ ന​ട​ത്തു​മെ​ന്നും സ​മി​തി ക​ൺ​വീ​ന​ർ ​ജെ.​എം.​ജെ. മ​നോ​ജ് പ​റ​ഞ്ഞു.