സോളാർ: ബില്ലിങ്​ രീതി പരിഷ്കരിക്കണം -കെ.എസ്​.ഇ.ബി

തി​രു​വ​ന​ന്ത​പു​രം: ​സൗ​രോ​ർ​ജ മേ​ഖ​ല​യി​ൽ നി​ല​വി​ലെ ബി​ല്ലി​ങ്​ രീ​തി പ​രി​ഷ്ക​രി​ക്ക​ൽ​ അ​നി​വാ​ര്യ​മെ​ന്ന്​ കെ.​എ​സ്.​ഇ.​ബി. സോ​ളാ​ർ വൈ​ദ്യു​തോ​ൽ​പാ​ദ​ന​ത്തി​ൽ നി​ർ​ണാ​യ​ക​മാ​യ ക​ര​ട്​ ച​ട്ട​ഭേ​ദ​ഗ​തി സം​ബ​ന്ധി​ച്ച തെ​ളി​വെ​ടു​പ്പ്​ റ​ഗു​ലേ​റ്റ​റി ക​മീ​ഷ​ൻ തു​ട​ര​വെ​യാ​ണ് കെ.​എ​സ്.​ഇ.​ബി നി​ല​പാ​ട്​ വ്യ​ക്​​ത​മാ​ക്കി​യ​ത്. ച​ട്ട​ഭേ​ദ​ഗ​തി​യു​മാ​യി ബ​ന്ധ​പ്പെ​ട്ട്​ കെ.​എ​സ്.​ഇ.​ബി​ക്കെ​തി​രെ വി​വി​ധ കോ​ണു​ക​ളി​ൽ​നി​ന്ന്​ വി​മ​ർ​ശ​നം ഉ​യ​രു​ന്ന സാ​ഹ​ച​ര്യ​ത്തി​ലാ​ണി​ത്. പ​ക​ൽ ഉ​യ​ർ​ന്ന വൈ​ദ്യു​തി ഉ​പ​ഭോ​ഗ​മു​ള്ള നി​ര​വ​ധി സം​സ്ഥാ​ന​ങ്ങ​ളി​ൽ ഇ​തി​ന​കം സൗ​രോ​ർ​ജ ഉ​ൽ​പാ​ദ​ക​ർ​ക്ക്​ നെ​റ്റ്​ മീ​റ്റ​റി​ങ്ങി​ന്​ പു​റ​മെ​യു​ള്ള മ​റ്റ് ബി​ല്ലി​ങ്​ രീ​തി​ക​ളാ​യ നെ​റ്റ് ബി​ല്ലി​ങ്, ഗ്രോ​സ് മീ​റ്റ​റി​ങ്​ തു​ട​ങ്ങി​യ​വ ന​ട​പ്പാ​ക്കി​യെ​ന്നും കെ.​എ​സ്.​ഇ.​ബി വാ​ദി​ക്കു​ന്നു.

1500 മെ​ഗാ​വാ​ട്ടാ​ണ് നി​ല​വി​ൽ സം​സ്ഥാ​ന​ത്തെ ആ​കെ സൗ​രോ​ർ​ജ സ്ഥാ​പി​ത​ശേ​ഷി. ഇ​തി​ൽ 1200 മെ​ഗാ​വാ​ട്ടും പു​ര​പ്പു​റ സൗ​രോ​ർ​ജ പ്ലാ​ന്‍റു​ക​ളി​ൽ നി​ന്നാ​ണ്. വൈ​ദ്യു​തി ആ​വ​ശ്യ​ക​ത കു​റ​ഞ്ഞ പ​ക​ൽ സ​മ​യ​ത്തെ സൗ​രോ​ർ​ജ വൈ​ദ്യു​തി വി​നി​യോ​ഗി​ക്കു​ന്ന​തി​ന്​ കെ.​എ​സ്.​ഇ.​ബി ദീ​ർ​ഘ​കാ​ല ക​രാ​റു​ക​ൾ വ​ഴി​യു​ള്ള വൈ​ദ്യു​തി എ​ടു​ക്കാ​തി​രി​ക്കു​ക​യോ ആ​ഭ്യ​ന്ത​ര ജ​ല​വൈ​ദ്യു​തി നി​ല​യ​ങ്ങ​ളി​ലെ ഉ​ൽ​പാ​ദ​നം കു​റ​ക്കു​ക​യോ ചെ​യ്യാ​റു​ണ്ട്. എ​ന്നാ​ൽ, സോ​ളാ​ർ നി​ല​യ​ങ്ങ​ളു​ടെ എ​ണ്ണം വ​ർ​ധി​ച്ച​പ്പോ​ൾ ഇ​ത്ത​ര​ത്തി​ലു​ള്ള നി​യ​ന്ത്ര​ണം പ്രാ​യോ​ഗി​ക​മ​ല്ലാ​താ​യി. നെ​റ്റ് മീ​റ്റ​റി​ങ്​ സം​വി​ധാ​നം നി​ല​വി​ലു​ള്ള​തി​നാ​ൽ പ​ക​ൽ ഗ്രി​ഡി​ലേ​ക്ക്​ ന​ൽ​കു​ന്ന വി​ല​കു​റ​വു​ള്ള വൈ​ദ്യു​തി​ക്ക്​ പ​ക​രം ഉ​ൽ​പാ​ദ​ക​ർ​ക്ക്​ അ​ത്ര​ത​ന്നെ അ​ള​വി​ൽ രാ​ത്രി​യി​ലെ വി​ല​കൂ​ടി​യ വൈ​ദ്യു​തി ന​ൽ​കേ​ണ്ടി​വ​രു​ന്നു.

ഇ​ത്​ സ്ഥാ​പ​ന​ത്തി​ന്‍റെ ബാ​ധ്യ​ത കൂ​ട്ടു​ക​യാ​ണ്. പ​ക​ൽ വ​ലി​യ​തോ​തി​ൽ സോ​ളാ​ർ വൈ​ദ്യു​തി ഗ്രി​ഡി​ലേ​ക്ക് വ​രു​ന്ന​ത് വൈ​ദ്യു​തി ശൃം​ഖ​ല​യു​ടെ സ്ഥി​ര​ത​യെ ബാ​ധി​ക്കു​ന്നു​മു​ണ്ട്. സോ​ളാ​ർ ഉ​ൽ​പാ​ദ​ന​ത്തി​ലെ ഏ​റ്റ​ക്കു​റ​ച്ചി​ലു​ക​ൾ മൂ​ലം ഗ്രി​ഡി​ൽ ഉ​ണ്ടാ​കു​ന്ന വ്യ​തി​യാ​ന​ങ്ങ​ൾ​ക്ക് ഡീ​വി​യേ​ഷ​ന്‍ ചാ​ർ​ജ് ഇ​ന​ത്തി​ൽ കെ.​എ​സ്.​ഇ.​ബി വ​ലി​യ തു​ക ന​ൽ​കേ​ണ്ടി​യും വ​രു​ന്നു. ഇ​ത്ത​രം അ​ധി​ക​ച്ചെ​ല​വു​ക​ളെ​ല്ലാം സൗ​രോ​ർ​ജ നി​ല​യ​ങ്ങ​ള്‍ സ്ഥാ​പി​ക്കാ​ത്ത ഭൂ​രി​പ​ക്ഷം സാ​ധാ​ര​ണ ഉ​പ​ഭോ​ക്താ​ക്ക​ളു​ടെ താ​രി​ഫ് നി​ര​ക്കി​ലാ​ണ് പ്ര​തി​ഫ​ലി​ക്കു​ന്ന​തെ​ന്നും കെ.​എ​സ്.​ഇ.​ബി വ്യ​ക്​​ത​മാ​ക്കു​ന്നു. അ​തേ​സ​മ​യം, ക​ര​ട്​ ന​യ​ത്തി​ലെ തെ​ളി​വെ​ടു​പ്പ്​ ഓ​ൺ​ലൈ​നാ​യി വ്യാ​ഴാ​ഴ്ച​യും തു​ട​രും. ഈ ​മാ​സം 16ന്​ ​തെ​ളി​വെ​ടു​പ്പ്​ പൂ​ർ​ത്തി​യാ​കും.