വ​നി​ത​ഡോ​ക്ട​റു​ടെ പീഡന പരാതിയിൽ മ​ല​യി​ൻ​കീ​ഴ് സി.ഐക്ക്​ സ്ഥലംമാറ്റം

തി​രു​വ​ന​ന്ത​പു​രം: വി​വാ​ഹ വാ​ഗ്ദാ​നം ന​ൽ​കി ബ​ലാ​ത്സം​​ഗ​ത്തി​നി​ര​യാ​ക്കി​യെ​ന്ന വ​നി​ത​ഡോ​ക്ട​റു​ടെ പ​രാ​തി​യി​ൽ പ്ര​തി​യാ​യ സി.​ഐ​ക്കെ​തി​രെ ന​ട​പ​ടി. തി​രു​വ​ന​ന്ത​പു​രം മ​ല​യി​ൻ​കീ​ഴ് പൊ​ലീ​സ് സ്റ്റേ​ഷ​ൻ എ​സ്.​എ​ച്ച്.​ഒ എ.​വി. സൈ​ജു​വി​നെ പൊ​ലീ​സ് ആ​സ്ഥാ​ന​ത്തേ​ക്ക് സ്ഥ​ലം​മാ​റ്റി.

സൈ​ജു നി​ല​വി​ൽ അ​വ​ധി​യി​ലാ​ണ്. പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ തി​രു​വ​ന​ന്ത​പു​രം റൂ​റ​ൽ ജി​ല്ല പ്ര​സി​ഡ​ന്‍റ്​ കൂ​ടി​യാ​ണ് സൈ​ജു.

വ​നി​ത​ഡോ​ക്ട​റു​ടെ പ​രാ​തി​യി​ൽ സൈ​ജു​വി​നെ​തി​രെ ക​ഴി​ഞ്ഞ​ദി​വ​സം പൊ​ലീ​സ്​ കേ​സ് എ​ടു​ത്തി​രു​ന്നു. കേ​സി​ന്‍റെ അ​ന്വേ​ഷ​ണം നെ​ടു​മ​ങ്ങാ​ട് ഡി​വൈ.​എ​സ്.​പി​ക്ക്​ കൈ​മാ​റി. അ​ന്വേ​ഷ​ണം ക്രൈം​ബ്രാ​ഞ്ചി​ന്​ കൈ​മാ​റു​മെ​ന്നാ​ണ്​ വി​വ​രം.

പ​രാ​തി​ക്കാ​രി ത​ന്‍റെ പേ​രി​ലു​ള്ള ക​ട​ക​ള്‍ മ​റ്റൊ​രാ​ൾ​ക്ക് വാ​ട​ക​ക്ക്​ ന​ൽ​കി​യി​രു​ന്നു. വാ​ട​ക​ക്കാ​രു​മാ​യു​ള്ള ത​ർ​ക്കം പ​രി​ഹ​രി​ക്കാ​ൻ മ​ല​യി​ൻ​കീ​ഴ് സ്റ്റേ​ഷ​നി​ലെ​ത്തി​യ​പ്പോ​ഴാ​ണ് എ​സ്.​ഐ​യാ​യി​രു​ന്ന സൈ​ജു​വി​നെ പ​രി​ച​യ​പ്പെ​ട്ട​ത്. 2019ൽ ​ശ​സ്ത്ര​ക്രി​യ ക​ഴി​ഞ്ഞ്​ വി​ശ്ര​മി​ക്കു​മ്പോ​ള്‍ വീ​ട്ടി​ലെ​ത്തി​യ സൈ​ജു പീ‍ഡി​പ്പി​ച്ചെ​ന്നാ​ണ് ഡോ​ക്ട​റു​ടെ പ​രാ​തി.

പീ​ഡ​ന​വി​വ​രം പു​റ​ത്തു​പ​റ​ഞ്ഞാ​ൽ കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി. പി​ന്നീ​ട് പ​ല​പ്പോ​ഴും വീ​ട്ടി​ലെ​ത്തി വി​വാ​ഹ വാ​​ഗ്ദാ​നം ന​ൽ​കി പീ‍ഡി​പ്പി​ച്ചു. പ​ണം ക​ടം​വാ​ങ്ങി. സൈ​ജു​വു​മാ​യു​ള്ള ബ​ന്ധ​മ​റി​ഞ്ഞ​പ്പോ​ൾ വി​വാ​ഹ​ബ​ന്ധം വേ​ർ​പെ​ട്ടു. വി​ദേ​ശ​ത്തേ​ക്ക് തി​രി​ച്ചു​പോ​കാ​നും ക​ഴി​ഞ്ഞി​ല്ല. ക​ഴി​ഞ്ഞ ഡി​സം​ബ​റി​ൽ വീ​ട്ടി​ലെ​ത്തി വീ​ണ്ടും ശാ​രീ​രി​ക​ബ​ന്ധ​ത്തി​ന് നി​ർ​ബ​ന്ധി​ച്ചെ​ന്നും യു​വ​തി​യു​ടെ പ​രാ​തി​യി​ൽ പ​റ​യു​ന്നു. സി.​ഐ​യു​ടെ ബ​ന്ധു​ക്ക​ള്‍ ത​ന്നെ മോ​ശ​മാ​യി ചി​ത്രീ​ക​രി​ക്കാ​ൻ ശ്ര​മി​ച്ച​തി​ന് പി​ന്നാ​ലെ​യാ​ണ് പ​രാ​തി ന​ൽ​കി​യ​തെ​ന്ന് യു​വ​തി പ​റ​യു​ന്നു. കേ​സ്​ ഒ​തു​ക്കി​ത്തീ​ർ​ക്കാ​ൻ ശ്ര​മം ന​ട​ന്നു.

ആ​ദ്യം തി​രു​വ​ന​ന്ത​പു​രം റൂ​റ​ൽ എ​സ്.​പി​ക്ക്​ പ​രാ​തി ന​ൽ​കി​യെ​ങ്കി​ലും സ്വീ​ക​രി​ച്ചി​ല്ല. വി​ഷ​യം വി​വാ​ദ​മാ​യ​തോ​ടെ ശ​നി​യാ​ഴ്ച രാ​ത്രി പ​രാ​തി​ക്കാ​രി​യു​ടെ മൊ​ഴി രേ​ഖ​പ്പെ​ടു​ത്തി കേ​സെ​ടു​ക്കു​ക​യാ​യി​രു​ന്നു.