ട്രോളിങ്​ നി​രോധം ഇന്ന്​ അർധരാത്രി മുതൽ; മു​ങ്ങി​ത്താ​ഴ്​​ന്ന കപ്പലിലെ ക​ണ്ടെ​യ്​​ന​റു​ക​ളും രാ​സ​വ​സ്തു​ക്ക​ളും ആ​ശ​ങ്ക

തി​രു​വ​ന​ന്ത​പു​രം: മു​ങ്ങി​ത്താ​ഴ്​​ന്ന ക​പ്പ​ലി​ലെ ക​ണ്ടെ​യ്​​ന​റു​ക​ളും അ​വ​യി​ലെ രാ​സ​വ​സ്തു​ക്ക​ളും ക​ട​ലി​ലും തീ​ര​ത്തും ആ​ശ​ങ്ക പ​ര​ത്തു​ന്ന​തി​നി​ടെ, സം​സ്ഥാ​ന​ത്ത്​ ട്രോ​ളി​ങ്​ നി​രോ​ധം ഇ​ന്ന്​ അ​ർ​ധ​രാ​ത്രി മു​ത​ൽ ന​ട​പ്പാ​കും. ജൂ​ലൈ 31 വ​രെ 52 ദി​വ​സ​മാ​ണ്​ ട്രോ​ളി​ങ്​ നി​രോ​ധ​നം. ത​ക​ർ​ന്ന ക​ണ്ടെ​യ്​​ന​റു​ക​ളി​ൽ​നി​ന്ന്​ ഒ​ഴു​കി​പ്പ​ര​ക്കു​ന്ന പ്ലാ​സ്റ്റി​ക്​ ന​ർ​ഡി​ൽ​സു​ക​ളു​മ​ട​ക്ക​മു​ള്ള വ​സ്​​തു​ക്ക​ൾ ഇ​പ്പോ​ഴും തീ​ര​മ​ടി​യു​ന്നു​ണ്ട്. ക​ട​ലി​ൽ രാ​സ​വ​സ്തു സാ​ന്നി​ധ്യ​മു​​​ണ്ടെ​ന്ന ആ​​ശ​ങ്ക പ​ല മേ​ഖ​ല​ക​ളി​ലും മ​ത്സ്യ​വി​ൽ​പ​ന​യി​ൽ കു​റ​വു​വ​രു​ത്തി​യ സാ​ഹ​ച​ര്യ​വും നി​ല​നി​ൽ​ക്കു​ന്നു.

മ​ത്സ്യ​ല​ഭ്യ​ത​യി​ൽ പൊ​തു​വെ​യു​ള്ള കു​റ​വി​ന്​ പി​ന്നാ​ലെ​യാ​ണ്​ ക​പ്പ​ല​പ​ക​ടം തീ​ര​ഗ്രാ​മ​ങ്ങ​ളു​ടെ ഉ​റ​ക്കം കെ​ടു​ത്തി​യ​ത്. ട്രോ​ളി​ങ്​ നി​രോ​ധം കൂ​ടി വ​രു​ന്ന​തോ​ടെ, മ​ത്സ്യ​ല​ഭ്യ​ത​യി​ൽ വ​ലി​യ കു​റ​വു​ണ്ടാ​വും. ഇ​​പ്പോ​ൾ ത​ന്നെ മീ​ൻ വി​ല കൂ​ടു​ത​ലാ​ണ്. മ​ത്സ്യ​സ​മ്പ​ത്ത് സു​സ്ഥി​ര​മാ​യി നി​ല​നി​ര്‍ത്തു​ന്ന​തി​നും ശാ​സ്ത്രീ​യ​മാ​യ മ​ത്സ്യ​ബ​ന്ധ​നം ഉ​റ​പ്പാ​ക്കു​ന്ന​തി​നും വേ​ണ്ടി​യാ​ണ് ട്രോ​ളി​ങ്​ നി​രോ​ധ​നം എ​ല്ലാ വ​ർ​ഷ​വും ന​ട​പ്പാ​ക്കു​ന്ന​തെ​ന്നാ​ണ്​ ഔ​ദ്യോ​ഗി​ക വി​ശ​ദീ​ക​ര​ണം. പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ള്‍ക്ക് ഈ ​കാ​ല​യ​ള​വി​ൽ ഉ​പ​രി​ത​ല മ​ത്സ്യ​ബ​ന്ധ​ന​ത്തി​ന്​ ത​ട​സ്സ​മി​ല്ല. ഇ​ത​ര സം​സ്ഥാ​ന ബോ​ട്ടു​ക​ൾ​ക്ക്​ കേ​ര​ള​തീ​രം വി​ടാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്.

ട്രോ​ളി​ങ് നി​രോ​ധ കാ​ല​യ​ള​വി​ൽ ട്രോ​ളി​ങ്​ ബോ​ട്ടി​ലെ മ​ത്സ്യ​ത്തൊ​ഴി​ലാ​ളി​ക​ള്‍ക്കും അ​നു​ബ​ന്ധ തൊ​ഴി​ലാ​ളി​ക​ള്‍ക്കും സൗ​ജ​ന്യ റേ​ഷ​ന്​​ ക്ര​മീ​ക​ര​ണ​മൊ​രു​ക്കി. ക​ട​ലി​ലെ ര​ക്ഷാ പ്ര​വ​ര്‍ത്ത​ന​ങ്ങ​ള്‍ക്കും പ​ട്രോ​ളി​ങ്ങി​നു​മാ​യി തീ​ര​ദേ​ശ ജി​ല്ല​ക​ളി​ൽ കൂ​ടു​ത​ൽ ബോ​ട്ടു​ക​ൾ സ​ജ്ജ​മാ​ക്കി​യ​താ​യി ഫി​ഷ​റീ​സ്​ വ​കു​പ്പ്​ അ​ധി​കൃ​ത​ർ പ​റ​ഞ്ഞു. വി​ഴി​ഞ്ഞം, വൈ​പ്പി​ന്‍, ബേ​പ്പൂ​ര്‍ ഫി​ഷ​റീ​സ് സ്റ്റേ​ഷ​നു​ക​ൾ കേ​ന്ദ്രീ​ക​രി​ച്ച് മ​റൈ​ൻ ആം​ബു​ല​ന്‍സു​ക​ളു​മു​ണ്ട്.

നാ​ഷ​ന​ൽ ഇ​ന്‍സ്റ്റി​റ്റ്യൂ​ട്ട് ഓ​ഫ് വാ​ട്ട​ർ സ്പോ​ര്‍ട്സി​ൽ പ​രി​ശീ​ല​നം പൂ​ര്‍ത്തി​യാ​ക്കി​യ മ​ത്സ്യ​ത്തൊ​ഴി​ലാ​ളി യു​വാ​ക്ക​ളു​ടെ സേ​വ​ന​വും ക​ട​ലി​ലെ ര​ക്ഷാ​പ്ര​വ​ര്‍ത്ത​ന​ത്തി​ന്​ ഉ​പ​യോ​ഗ​പ്പെ​ടു​ത്തും. ട്രോ​ളി​ങ് നി​രോ​ധ​നം ലം​ഘി​ക്കു​ന്ന ട്രോ​ൾ ബോ​ട്ടു​ക​ൾ​ക്കെ​തി​രെ ക​ർ​ശ​ന നി​യ​മ​ന ന​ട​പ​ടി​ക​ൾ​ക്കും നി​ർ​ദേ​ശം ന​ൽ​കി​യി​ട്ടു​ണ്ട്.