കഞ്ചാവ് കൈവശം വെച്ചതിന് രണ്ട് ഇതര സംസ്ഥാന തൊഴിലാളികൾ അറസ്റ്റിൽ

ചിങ്ങവനം: കഞ്ചാവ് കൈവശം വെച്ചതിന് വിവിധ കേസുകളിൽ രണ്ട് ഇതര സംസ്ഥാന തൊഴിലാളികൾ അറസ്റ്റിൽ. ചങ്ങനാശ്ശേരി സബ്ഡിവിഷൻ ലഹരി വിരുദ്ധ സ്‌ക്വാഡാണ് കഞ്ചാവ് കൈവശം വെച്ചതിന് വിവിധ കേസുകളിലായി രണ്ട് പേരെ അറസ്റ്റ് ചെയ്തത്.

റാഫികുൽ ഇസ്‍ലാം, സുരേഷ് റൗത് എന്നിവരാണ് പിടിയിലായത്. ചിങ്ങവനം എസ്.ഐ വിഷ്ണു വി.വി, സി.പി.ഒ മുകേഷ് സി, സി.ആർ. റിങ്കു, സുമേഷ് സുധാകരൻ, അരുൺ കുമാർ എന്നിവർ ചേർന്നാണ് ഇരുവരെയും പിടികൂടിയത്.