കടമെടുപ്പിൽ കേരളത്തോട്​ കടുംപിടുത്തം; കേ​ന്ദ്രത്തിന്​ സ്വന്തം പരിധി

തി​രു​വ​ന​ന്ത​പു​രം: സം​സ്ഥാ​ന​ത്തി​ന്‍റെ ക​ട​മെ​ടു​പ്പ്​ പ​രി​ധി​യി​ൽ മൂ​ന്ന്​ ശ​ത​മാ​ന​മെ​ന്ന ക​ടും​പി​ടു​ത്തം തു​ട​രു​​ന്ന കേ​​ന്ദ്രം സ്വ​ന്തം ക​ട​മെ​ടു​പ്പി​ന്​ നി​ശ്ച​യി​ച്ച​ത്​ 4.4 ശ​ത​മാ​നം. ദേ​ശീ​യ പാ​ത​ക്കാ​യി ഭൂ​മി​യെ​ടു​ക്കു​ന്ന​തി​ന്​ കേ​ര​ളം ക​ട​മെ​ടു​ത്ത് ചെ​ല​വി​ട്ട 6000 കോ​ടി, സം​സ്ഥാ​ന​ത്തി​ന്‍റെ ക​ട​പ​രി​ധി​യി​ൽ​നി​ന്ന്​ ഒ​ഴി​വാ​ക്ക​ണ​മെ​ന്ന്​ കേ​ര​ളം പ​ല​വ​ട്ടം ആ​വ​ർ​ത്തി​ച്ചി​ട്ടും ചെ​വി​കൊ​ടു​ക്കാ​ത്ത സാ​ഹ​ച​ര്യ​ത്തി​ൽ കൂ​ടി​യാ​ണ്​ കേ​ന്ദ്ര​​ത്തി​ന്‍റെ ക​ട​മെ​ടു​പ്പ്​ വി​വ​ര​ങ്ങ​ൾ ബ​ജ​റ്റി​ലൂ​ടെ പു​റ​ത്തു​വ​രു​ന്ന​ത്. പു​തി​യ പ്ര​ഖ്യാ​പ​ന​ങ്ങ​ളി​ല്ലെ​ങ്കി​ലും ക​ട​പ​രി​ധി​യി​ലെ ആ​ശ്വാ​സ ഇ​ട​പെ​ട​ലു​ക​ൾ കേ​ര​ളം പ്ര​തീ​ക്ഷി​ച്ചി​രു​ന്ന​താ​ണ്. വി​ശേ​ഷി​ച്ചും പ്ര​കൃ​തി ദു​ര​ന്ത​ങ്ങ​ളെ​യ​ട​ക്കം അ​ടി​ക്ക​ടി നേ​രി​ടു​ന്ന സാ​ഹ​ച​ര്യ​ത്തി​ൽ.

ആ​ദാ​യ നി​കു​തി​ക്കു​ള്ള പ​രി​ധി ഉ​യ​ർ​ത്തി​യ​ത്​ സം​ബ​ന്ധി​ച്ച പ്ര​ഖ്യാ​പ​നം ആ​ഘോ​ഷി​ക്കു​മ്പോ​ഴും അ​ടി​സ്​​ഥാ​ന സൂ​ചി​ക​ക​ൾ താ​ഴേ​ക്കു​​പോ​യി എ​ന്ന​ത്​ ബോ​ധ​പൂ​ർ​വം മ​റ​ച്ചു​വെ​ക്കു​ന്നു. നി​ല​വി​ലെ സാ​മ്പ​ത്തി​ക​വ​ർ​ഷം മൂ​ല​ധ​ന ചെ​ല​വി​ലു​ണ്ടാ​യ​ത്​ 12.3 ശ​ത​മാ​നം ഇ​ടി​വാ​ണ്. ഭ​ക്ഷ്യ വി​ല​ക്ക​യ​റ്റ​മാ​ക​ട്ടെ 8.4 ശ​ത​മാ​നം. ക​ഴി​ഞ്ഞ​വ​ർ​ഷം ഇ​തേ കാ​ല​യ​ള​വി​ലെ 7.5 ശ​ത​മാ​ന​മാ​യി​രു​ന്നു. സ​ർ​ക്കാ​ർ ജീ​വ​ന​ക്കാ​ര​ട​ക്കം സ്ഥി​ര​വ​രു​മാ​ന​ക്കാ​രെ​യും ഇ​ട​ത്ത​ര​ക്കാ​രെ​യും മ​ധ്യ​വ​ർ​ഗ​ത്തെ​യും ആ​ദാ​യ നി​കു​തി പ്ര​ഖ്യാ​പ​നം സ​​ന്തോ​ഷി​പ്പി​ക്കു​മ്പോ​ഴും വി​ല​ക്ക​യ​റ്റം അ​ടി​സ്ഥാ​ന ജ​ന​വി​ഭാ​ഗ​ങ്ങ​ളെ ന​ട്ടം​തി​രി​ക്കു​ന്നു​വെ​ന്ന യാ​ഥാ​ർ​ഥ്യ​വും മ​റ​ച്ചു​വെ​ക്ക​പ്പെ​ടു​ന്നു.

ബാ​ങ്ക്‌ വാ​യ്‌​പ വ​ള​ർ​ച്ചാ​തോ​തി​ലും വ​ലി​യ ഇ​ടി​വാ​ണു​ള്ള​തെ​ന്ന്​ ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ൽ ചൂ​ണ്ടി​ക്കാ​ട്ടു​ന്നു. ‘മു​ൻ​വ​ർ​ഷം ന​വം​ബ​ർ വ​രെ കാ​ല​യ​ള​വി​ൽ 15.2 ശ​ത​മാ​ന​മാ​യി​രു​ന്നു. ഈ ​സാ​മ്പ​ത്തി​ക വ​ർ​ഷം 11.8 ശ​ത​മാ​നം മാ​ത്രം. ഈ ​വ​ർ​ഷം ന​വം​ബ​ർ വ​രെ 3.4 ല​ക്ഷം കോ​ടി രൂ​പ​യു​ടെ വി​ദേ​ശ നി​ക്ഷേ​പം പി​ൻ​വ​ലി​ക്ക​പ്പെ​ട്ടു​വെ​ന്ന​തും കൂ​ട്ടി​ച്ചേ​ർ​ക്കേ​ണം. രാ​ജ്യ​ത്തി​ന്‌ ഹാ​നി​ക​ര​മാ​യ മ​റ്റ്​ ചി​ല തീ​രു​മാ​ന​ങ്ങ​ളും ഇ​ത്ത​വ​ണ ഉ​ണ്ടാ​യി. ആ​ണ​വോ​ർ​ജ മേ​ഖ​ല സ്വ​കാ​ര്യ​വ​ത്‌​ക​രി​ക്കു​ക​യാ​ണ്‌. ഇ​ൻ​ഷു​റ​ൻ​സ്‌ മേ​ഖ​ല​യി​ൽ 100 ശ​ത​മാ​നം വി​ദേ​ശ നി​ക്ഷേ​പം വ​രു​ന്ന​തും അ​ത്ര ശു​ഭ​ക​ര​മാ​യ കാ​ര്യ​ങ്ങ​ള​ല്ല. ഇ​ത്ത​രം തീ​രു​മാ​നം രാ​ജ്യ​ത്തെ എ​ങ്ങ​നെ​യൊ​ക്കെ ബാ​ധി​ക്കു​മെ​ന്ന​ത്‌ ക​ണ്ട​റി​യേ​ണ്ടി​യി​രി​ക്കു​ന്നു’ -അ​ദ്ദേ​ഹം കൂ​ട്ടി​ച്ചേ​ർ​ത്തു.

കേ​ന്ദ്ര​ത്തി​ന്‍റെ അ​വ​കാ​ശ​വാ​ദ​ങ്ങ​ളെ ത​ള്ളി​ക്ക​ള​യു​ന്ന​താ​ണ്​ സാ​മ്പ​ത്തി​ക​ സ​ർ​വേ​യി​​ലെ ക​ണ​ക്കു​ക​ൾ. ന​ട​പ്പു​സാ​മ്പ​ത്തി​ക വ​ർ​ഷ​ത്തെ സാ​മ്പ​ത്തി​ക വ​ള​ർ​ച്ച നി​ര​ക്ക്‌ 6.4 ശ​ത​മാ​ന​ത്തി​ലേ​ക്ക്‌ താ​ഴു​മെ​ന്നാ​ണ്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടു​ന്ന​ത്. അ​ടു​ത്ത​വ​ർ​ഷ​വും ഏ​താ​ണ്ട്‌ 6.3 ശ​ത​മാ​ന​ത്തി​നും 6.8 ശ​ത​മാ​ന​ത്തി​നു​മി​ട​യി​ലാ​കു​മെ​ന്നാ​ണ്‌ അ​നു​മാ​നം. 8.2 ശ​ത​മാ​നം പ്ര​തീ​ക്ഷി​ത സാ​മ്പ​ത്തി​ക വ​ള​ർ​ച്ച​യാ​ണ്‌ ക​ഴി​ഞ്ഞ വ​ർ​ഷ​ത്തെ ഇ​ക്ക​ണോ​മി​ക്​ സ​ർ​വേ റി​പ്പോ​ർ​ട്ടി​ൽ പ​റ​ഞ്ഞി​രു​ന്ന​ത്.