കേന്ദ്ര ബജറ്റ്; കിനാലൂരിൽ എയിംസിനായി ഭൂമി വിട്ടുനൽകിയ കുടുംബങ്ങൾ ആശങ്കയിൽ

ബാ​ലു​ശ്ശേ​രി: കി​നാ​ലൂ​ർ എ​യിം​സി​ന് ഭൂ​മി വി​ട്ടു​ന​ൽ​കി​യ​വ​രെ വീ​ണ്ടും നി​രാ​ശ​രാ​ക്കി മൂ​ന്നാം മോ​ദി സ​ർ​ക്കാ​റി​ന്റെ ആ​ദ്യ ബ​ജ​റ്റ്. സം​സ്ഥാ​ന​ത്ത് എ​യിം​സ് (ഓ​ൾ ഇ​ന്ത്യ ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ്) സ്ഥാ​പി​ക്കു​ന്ന​തി​നാ​യി ഭൂ​മി​യ​ട​ക്ക​മു​ള്ള അ​ടി​സ്ഥാ​ന സൗ​ക​ര്യ​ങ്ങ​ൾ ഉ​റ​പ്പാ​ക്കി​യി​ട്ടും ഇ​ത്ത​വ​ണ​യും കേ​ന്ദ്ര ബ​ജ​റ്റി​ൽ കേ​ര​ള​ത്തി​ന്റെ എ​യിം​സ് സ്വ​പ്ന​ത്തി​ന് അ​വ​ഗ​ണ​ന​ത​ന്നെ. ക​ഴി​ഞ്ഞ വ​ർ​ഷ​ത്തെ കേ​ന്ദ്ര ബ​ജ​റ്റി​ലും എ​യിം​സ് പ്ര​ഖ്യാ​പ​ന​മു​ണ്ടാ​യി​രു​ന്നി​ല്ല.

എ​ന്നാ​ൽ, തു​ട​ർ​ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്നാ​ണ് ആ​രോ​ഗ്യ​മ​ന്ത്രി നി​യ​മ​സ​ഭ​യി​ൽ അ​റി​യി​ച്ച​ത് കി​നാ​ലൂ​രി​ൽ എ​യിം​സ് സാ​ധ്യ​ത​ക്ക് പ്ര​തീ​ക്ഷ​യേ​കി​യി​രു​ന്നു. ഇ​ത്ത​വ​ണ​യും കേ​ന്ദ്രം അ​വ​ഗ​ണി​ച്ച​തോ​ടെ എ​യിം​സി​നാ​യി സ്വ​കാ​ര്യ ഭൂ​മി വി​ട്ടു​ന​ൽ​കി​യ കി​നാ​ലൂ​രി​ലെ കു​ടും​ബ​ങ്ങ​ളും നാ​ട്ടു​കാ​രും വീ​ണ്ടും നി​രാ​ശ​യി​ലാ​യി​രി​ക്ക​യാ​ണ്. എ​യിം​സി​നാ​യി 200 ഏ​ക്ക​ർ ഭൂ​മി​യാ​ണ് സം​സ്ഥാ​ന സ​ർ​ക്കാ​ർ വാ​ഗ്‌​ദാ​നം ചെ​യ്ത​ത്. ഇ​തി​ൽ വ്യ​വ​സാ​യ വി​ക​സ​ന വ​കു​പ്പി​നു കീ​ഴി​ലു​ള്ള 150 ഏ​ക്ക​ർ ഭൂ​മി നേ​ര​ത്തേ ആ​രോ​ഗ്യ വി​ദ്യാ​ഭ്യാ​സ ഡ​യ​റ​ക്‌​ട​ർ​ക്ക് കൈ​മാ​റി. ഭാ​വി വി​ക​സ​ന​വും ക​ണ​ക്കി​ലെ​ടു​ത്ത് 100 ഏ​ക്ക​ർ ഭൂ​മി സ്വ​കാ​ര്യ​വ്യ​ക്തി​ക​ളി​ൽ​നി​ന്നാ​യി ഏ​റ്റെ​ടു​ക്കേ​ണ്ട​തു​ണ്ട്. ഇ​തി​ൽ 40.68 ഹെ​ക്‌​ട​ർ സ്വ​കാ​ര്യ​ഭൂ​മി ഏ​റ്റെ​ടു​ക്കാ​നു​ള്ള ഉ​ത്ത​ര​വ് ക​ഴി​ഞ്ഞ ജൂ​ണി​ൽ ഇ​റ​ങ്ങി​യി​രു​ന്നു. ജ​ന​വാ​സ​കേ​ന്ദ്ര​ങ്ങ​ളാ​യ സ്ഥ​ലം ഏ​റ്റെ​ടു​ക്കു​മ്പോ​ൾ 194 കു​ടും​ബ​ങ്ങ​ളി​ലാ​യി 803 വ്യ​ക്തി​ക​ളെ​യാ​ണ് ബാ​ധി​ക്കു​ക. വ്യ​ക്തി​ക​ൾ​ക്കു പു​റ​മെ, 80ഓ​ളം​വീ​ടു​ക​ൾ, ആ​രാ​ധ​നാ​ല​യ​ങ്ങ​ൾ, സ്ഥാ​പ​ന​ങ്ങ​ൾ എ​ന്നി​വ​യും ഉ​ൾ​പ്പെ​ടും.

സാ​മൂ​ഹി​കാ​ഘാ​ത പ​ഠ​ന റി​പ്പോ​ർ​ട്ടും ച​ർ​ച്ച​ക​ളും ന​ട​ക്കു​ക​യു​ണ്ടാ​യി. ലാ​ൻ​ഡ് അ​ക്വി​സി​ഷ​ൻ ത​ഹ​സി​ൽ​ദാ​റു​ടെ നേ​തൃ​ത്വ​ത്തി​ൽ ഏ​റ്റെ​ടു​ക്ക​ൽ ഭൂ​മി​യു​ടെ അ​തി​രു​ക​ൾ അ​ട​യാ​ള​പ്പെ​ടു​ത്തി ക​ല്ലു​ക​ൾ നാ​ട്ടി​യി​ട്ടു​ണ്ട്. സ്ഥ​ല​മു​ട​മ​ക​ളാ​യ കു​ടും​ബ​ങ്ങ​ളും നാ​ട്ടു​കാ​രും എ​യിം​സി​നാ​യി വി​ട്ടു​വീ​ഴ്ച ചെ​യ്യാ​നും സ​ന്ന​ദ്ധ​മാ​യി രം​ഗ​ത്തു​വ​ന്നി​ട്ടു​ണ്ടെ​ങ്കി​ലും കേ​ന്ദ്ര​സ​ർ​ക്കാ​റി​ന്റെ അ​വ​ഗ​ണ​ന​യി​ൽ വീ​ണ്ടും നി​രാ​ശ​രാ​യി​രി​ക്ക​യാ​ണ്. ഏ​റ്റെ​ടു​ക്ക​ൽ ഉ​ത്ത​ര​വ് ഇ​റ​ങ്ങി​യ​തി​നാ​ൽ ഭൂ​മി ക്ര​യ​വി​ക്ര​യം ന​ട​ത്താ​നോ കൃ​ഷി​യാ​വ​ശ്യ​ങ്ങ​ൾ​ക്കാ​യി ഉ​പ​യോ​ഗി​ക്കാ​നോ പ​റ്റാ​ത്ത അ​വ​സ്ഥ​യി​ലാ​ണ് ഉ​ട​മ​ക​ൾ. ഇ​ങ്ങ​നെ എ​ത്ര​കാ​ലം തു​ട​രേ​ണ്ടി വ​രു​മെ​ന്ന ആ​ശ​ങ്ക​യും ഭൂ​മി ന​ൽ​കി​യ കു​ടും​ബ​ങ്ങ​ൾ​ക്കു​ണ്ട്.