ആ​റ് കോ​ടി​യു​ടെ സ​ഹാ​യ​വി​ത​ര​ണം മു​ട​ങ്ങി​; വഖഫ്​ ബോർഡിന്‍റെ സാമൂഹികക്ഷേമ പദ്ധതിയെ സ​ർ​ക്കാ​ർ ഞെ​ക്കി​ക്കൊ​ല്ലു​ന്നു

മ​ല​പ്പു​റം: ബ​ജ​റ്റ്​ വി​ഹി​തം ന​ൽ​കാ​തെ, വ​ഖ​ഫ്​ ബോ​ർ​ഡി​ന്‍റെ സോ​ഷ്യ​ൽ വെ​ൽ​ഫെ​യ​ർ സ്കീ​മി​നെ സം​സ്ഥാ​ന സ​ർ​ക്കാ​ർ ഞെ​ക്കി​ക്കൊ​ല്ലു​ന്നു. ഫ​ണ്ടി​ല്ലാ​ത്ത​തി​നാ​ൽ ചി​കി​ത്സ സ​ഹാ​യ​ത്തി​നു​ൾ​പ്പെ​ടെ 6000ത്തോ​ളം അ​പേ​ക്ഷ​ക​ളാ​ണ്​ കെ​ട്ടി​ക്കി​ട​ക്കു​ന്ന​ത്. സ്കീ​മി​നാ​യി 2024-25ലെ ​ബ​ജ​റ്റി​ൽ അ​നു​വ​ദി​ച്ച 59.40 ല​ക്ഷം രൂ​പ​യും 2025-26ൽ ​അ​നു​വ​ദി​ച്ച 1.32 കോ​ടി രൂ​പ​യും ന​ൽ​കി​യി​ട്ടി​ല്ല. നാ​ല് വ​ർ​ഷ​ത്തി​നി​​ടെ വ​ഖ​ഫ്​ ബോ​ർ​ഡ്​ പാ​സാ​ക്കി​യ ആ​റു കോ​ടി രൂ​പ​യു​ടെ സ​ഹാ​യം ഫ​ണ്ടി​ന്‍റെ കു​റ​വി​നാ​ൽ വി​ത​ര​ണം ചെ​യ്യാ​നാ​യി​ട്ടി​ല്ല.

1980ക​ളി​ൽ ഉ​മ്മ​ർ ബാ​ഫ​ഖി ത​ങ്ങ​ൾ വ​ഖ​ഫ്​ ബോ​ർ​ഡ്​ അ​ധ്യ​ക്ഷ​നാ​യി​രി​ക്കെ, ബോ​ർ​ഡ്​ ശി​പാ​ർ​ശ​പ്ര​കാ​രം സ​ർ​ക്കാ​ർ രൂ​പം​ന​ൽ​കി​യ പ​ദ്ധ​തി​യാ​ണി​ത്. വ​ഖ​ഫ് സ്ഥാ​പ​ന​ങ്ങ​ളി​ൽ ജോ​ലി​ചെ​യ്യു​ന്ന ഖ​ത്തീ​ബു​മാ​ർ, മു​ക്രി, സ​ദ​ർ മു​അ​ല്ലിം, പ​ള്ളി​ക​ളി​ലെ മ​റ്റ് സേ​വ​ക​ർ എ​ന്നി​വ​ർ​ക്ക്​ മാ​സാ​ന്ത പെ​ൻ​ഷ​ൻ, വ​ഖ​ഫ് സ്ഥാ​പ​ന​ങ്ങ​ൾ ശി​പാ​ർ​ശ ചെ​യ്യു​ന്ന​വ​ർ​ക്കു​ള്ള വി​വാ​ഹ​സ​ഹാ​യം, ചി​കി​ത്സ സ​ഹാ​യം തു​ട​ങ്ങി​യ​വ​യാ​ണ്​ സ്കീ​മി​ൽ ഉ​ൾ​പ്പെ​ടു​ന്ന​ത്. വ​ഖ​ഫ്​ മ​ന്ത്രി അ​ധ്യ​ക്ഷ​നും ബോ​ർ​ഡ്​ ചെ​യ​ർ​മാ​ൻ ഉ​പാ​ധ്യ​ക്ഷ​നു​മാ​യ സ​മി​തി​യാ​ണ്​ അ​പേ​ക്ഷ പ​രി​ശോ​ധി​ച്ച്​ സ​ഹാ​യ​ത്തി​ന്​ ശി​പാ​ർ​ശ ചെ​യ്യേ​ണ്ട​ത്. നി​യ​മ​പ്ര​കാ​രം സ്കീ​മി​ന്​ ആ​വ​ശ്യ​മാ​യ പ​ണം ബ​ജ​റ്റി​ൽ വ​ക​യി​രു​ത്തേ​ണ്ട​ത്​ സം​സ്ഥാ​ന സ​ർ​ക്കാ​റാ​ണ്.

525 പേ​രു​ടെ പെ​ൻ​ഷ​ൻ (1000 രൂ​പ​വീ​തം), 1457 പേ​ർ​ക്കു​ള്ള ചി​കി​ത്സ​സ​ഹാ​യം (15,000 രൂ​പ വീ​തം), 3196 പേ​രു​ടെ വി​വാ​ഹ​സ​ഹാ​യം (10,000 രൂ​പ വീ​തം) എ​ന്നി​വ​യാ​ണ് വ​ർ​ഷ​ങ്ങ​ളാ​യി കു​ടി​ശ്ശി​ക​യു​ള്ള​ത്. അ​ർ​ബു​ദം, ഹൃ​ദ​യാ​ഘാ​തം, ട്യൂ​മ​ർ, പ​ക്ഷാ​ഘാ​തം തു​ട​ങ്ങി​യ ഗു​രു​ത​ര​രോ​ഗം ബാ​ധി​ച്ച​വ​രാ​ണ്​ സ​ഹാ​യം കി​ട്ടാ​തെ ബു​ദ്ധി​മു​ട്ടു​ന്ന​ത്. സ്കീ​മി​ന്റെ വി​ദ്യാ​ഭ്യാ​സ സ്​​കോ​ള​ർ​ഷി​പ്​ വി​ത​ര​ണ​വും മു​ട​ങ്ങി. വ​ഖ​ഫ്​ ബോ​ർ​ഡി​ൽ ര​ജി​സ്റ്റ​ർ ചെ​യ്ത സ്ഥാ​പ​ന​ങ്ങ​ളി​ൽ മ​ത-​ഭൗ​തി​ക സ​മ​ന്വ​യ വി​ദ്യാ​ഭ്യാ​സ​ത്തി​ന് പ​ഠി​ക്കു​ന്ന കു​ട്ടി​ക​ൾ​ക്കു​ള്ള സ്​​കോ​ള​ർ​ഷി​പ്പും പ്ര​ഫ​ഷ​ന​ൽ കോ​ഴ്സി​ന് പ​ഠി​ക്കു​ന്ന അ​നാ​ഥ​ശാ​ല വി​ദ്യാ​ർ​ഥി​ക​ൾ​ക്കു​ള്ള സ​ഹാ​യ​വു​മാ​ണ്​ നി​ല​ച്ച​ത്.

കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ ഇ​സ്​​ലാ​മി​ക്​ ചെ​യ​ർ സ്ഥാ​പി​ക്ക​പ്പെ​ട്ട​ത്​ വ​ഖ​ഫ്​ ബോ​ർ​ഡി​ന്‍റെ കൂ​ടി സാ​മ്പ​ത്തി​ക പി​ന്തു​ണ​യി​ലാ​ണ്. ഇ​തു​പ്ര​കാ​രം പ്ര​തി​വ​ർ​ഷം ബോ​ർ​ഡ്​ ഇ​സ്​​ലാ​മി​ക്​ ചെ​യ​റി​ന്​ മൂ​ന്ന്​ ല​ക്ഷം രൂ​പ ഗ്രാ​ൻ​ഡ്​ ന​ൽ​ക​ണം. സോ​ഷ്യ​ൽ വെ​ൽ​ഫെ​യ​ർ സ്കീ​മി​ൽ ഉ​ൾ​പ്പെ​ടു​ത്തി​യാ​ണ്​ മു​ൻ വ​ർ​ഷ​ങ്ങ​ളി​ൽ ഗ്രാ​ൻ​ഡ്​ ന​ൽ​കി​യ​ത്. എ​ന്നാ​ൽ, ക​ഴി​ഞ്ഞ വ​ർ​ഷ​വും ഈ ​വ​ർ​ഷ​വും ഗ്രാ​ൻ​ഡ്​ ന​ൽ​കാ​ൻ സാ​ധി​ച്ചി​ട്ടി​ല്ല. സ്കീ​മി​നു​ള്ള സാ​മ്പ​ത്തി​ക സ​ഹാ​യം വ​ർ​ധി​പ്പി​ക്ക​ണ​മെ​ന്ന്​ വെ​ൽ​ഫെ​യ​ർ സ്കീം ​ക​മ്മി​റ്റി യോ​ഗം ആ​വ​ശ്യ​പ്പെ​ട്ടി​ട്ടും സ​ർ​ക്കാ​ർ ഗൗ​നി​ച്ചി​ല്ല. സ്കീ​​മി​ലേ​ക്ക്​ ല​ഭി​ക്കു​ന്ന അ​പേ​ക്ഷ​ക്ക്​ ആ​നു​പാ​തി​ക​മാ​യി സ​ർ​ക്കാ​ർ, ബ​ജ​റ്റ്​ വി​ഹി​തം ഉ​യ​ർ​ത്താ​ത്ത​താ​ണ്​ പ​ദ്ധ​തി താ​ളം​തെ​റ്റാ​ൻ കാ​ര​ണം. അ​ധി​ക​സ​ഹാ​യ​മാ​യി മൂ​ന്ന​ര കോ​ടി രൂ​പ അ​ടി​യ​ന്ത​ര​മാ​യി ന​ൽ​കി​യാ​ൽ മാ​ത്ര​മേ കു​ടി​ശ്ശി​ക തീ​ർ​ക്കാ​നാ​കൂ.

15 മാ​സ​ത്തി​നു​ശേ​ഷം യോ​ഗം; മ​ന്ത്രി എ​ത്തി​യി​ല്ല

മ​ല​പ്പു​റം: മൂ​ന്നു​മാ​സ​ത്തി​ലൊ​രി​ക്ക​ൽ ചേ​രേ​ണ്ട വ​ഖ​ഫ്​ ബോ​ർ​ഡ്​ സോ​ഷ്യ​ൽ വെ​ൽ​ഫെ​യ​ർ സ്കീം ​ക​മ്മി​റ്റി യോ​ഗം 15 മാ​സ​ത്തി​നു​ശേ​ഷം ക​ഴി​ഞ്ഞ ദി​വ​സം വി​ളി​ച്ചു​ചേ​ർ​ത്തെ​ങ്കി​ലും മ​ന്ത്രി വി. ​അ​ബ്​​ദു​റ​ഹി​മാ​ൻ പ​​ങ്കെ​ടു​ത്തി​ല്ല. മ​ന്ത്രി​യു​ടെ സൗ​ക​ര്യം​കൂ​ടി നോ​ക്കി​യാ​ണ്​ തീ​യ​തി​യും സ്ഥ​ല​വും തീ​രു​മാ​നി​ച്ച​തെ​ന്ന് പ​റ​യു​ന്നു. കാ​യി​ക വ​കു​പ്പി​ന്‍റെ ല​ഹ​രി​വി​രു​ദ്ധ പ​രി​പാ​ടി​യി​ൽ പ​​ങ്കെ​ടു​ക്കാ​ൻ മ​ന്ത്രി കോ​ഴി​ക്കോ​ട് ന​ഗ​ര​ത്തി​ലു​ണ്ടാ​യി​രു​ന്നി​ട്ടും സ​മി​തി യോ​ഗ​ത്തി​ന്​ എ​ത്തി​യി​ല്ല. ഫ​ണ്ട് അ​നു​വ​ദി​ക്കാ​ത്ത കാ​ര്യം മെം​ബ​ർ​മാ​ർ ചോ​ദ്യം ചെ​യ്യു​മെ​ന്ന് മ​ന​സ്സി​ലാ​ക്കി മ​ന്ത്രി വി​ട്ടു​നി​ന്ന​താ​ണെ​ന്നാ​ണ്​ സൂ​ച​ന. സാ​മൂ​ഹി​ക ക്ഷേ​മ പ​ദ്ധ​തി​ക്ക് ആ​വ​ശ്യ​മാ​യ അ​ധി​ക ഫ​ണ്ട് അ​നു​വ​ദി​ക്കാ​ൻ സ​ർ​ക്കാ​റും മ​​ന്ത്രി​യും ന​ട​പ​ടി സ്വീ​ക​രി​ക്ക​ണ​മെ​ന്ന് വ​ഖ​ഫ്​ ബോ​ർ​ഡ്​ മെം​ബ​ർ​മാ​രാ​യ പി. ​ഉ​ബൈ​ദു​ല്ല എം.​എ​ൽ.​എ​യും അ​ഡ്വ. പി.​വി. സൈ​നു​ദ്ദീ​നും ആ​വ​ശ്യ​പ്പെ​ട്ടു.