എ ജേണി ഫ്രം ഹെഡ് ലൈൻസ് ടു ഹൊറിസോൺസ്

എ. ​റ​ശീ​ദു​ദ്ദീ​ൻ എ​ന്ന മാ​ധ്യ​മ​പ്ര​വ​ർ​ത്ത​ക​ൻ മ​ല​യാ​ളി​ക​ൾ​ക്ക്​ സു​പ​രി​ചി​ത​നാ​ണ്. വാ​ർ​ത്ത​ക​ള​റി​യാ​ൻ പ​ത്ര​വും ചാ​ന​ലു​ക​ളും പ്ര​ധാ​ന മാ​ർ​ഗ​മാ​യി​രു​ന്ന ര​ണ്ട്​ ദ​ശാ​ബ്​​ദ​ക്കാ​ലം ഇ​ന്ത്യ​യു​ടെ ത​ല​സ്ഥാ​ന ന​ഗ​രി​യി​ൽ നി​ന്ന്​ നേ​ർ​കാ​ഴ്ച​പോ​ലെ തെ​ളി​ച്ച​മു​ള്ള വ​ർ​ത്ത​മാ​ന​ങ്ങ​ൾ അ​ദ്ദേ​ഹം​ എ​ത്തി​ച്ചു​ന​ൽ​കി. നേ​രി​ന്‍റെ ക​രു​ത്തു​ള്ള വാ​ർ​ത്ത​ക​ൾ​ക്കും ആ​ഴ​ത്തി​ലു​ള്ള വി​ശ​ക​ല​ന​ങ്ങ​ൾ​ക്കും മു​ന്നി​ൽ ആ ​പേ​ര്​ വാ​യ​ന​ക്കാ​ർ​ക്ക്​ വി​ശ്വാ​സ്യ​ത​യു​ടെ സി​ഗ്​​നേ​ച​റാ​യി​രു​ന്നു.

രാ​ജ്യ​ത്തി​ന്‍റെ ആ​ത്മാ​വ​റി​ഞ്ഞ്​ പേ​ന​യു​ന്തി​യ മ​ല​യാ​ള പ​ത്ര​പ്ര​വ​ർ​ത്ത​ക​രു​ടെ കൂ​ട്ട​ത്തി​ൽ ആ ​പേ​ര്​ നി​റ​ഞ്ഞു​നി​ന്നി​രു​ന്നു. എ​ന്നാ​ലി​പ്പോ​ൾ യു.​എ.​ഇ​യി​ൽ കു​ടും​ബ​ത്തോ​ടൊ​പ്പം താ​മ​സി​ക്കു​ന്ന ​അ​ദ്ദേ​ഹം, ദൈ​നം​ദി​ന വാ​ർ​ത്ത​ക​ളു​ടെ ലോ​ക​ത്തെ പി​റ​കി​ലു​പേ​ക്ഷി​ച്ച്​ ച​രി​ത്ര​വും പൈ​തൃ​ക​വും സം​സ്കാ​ര​വും സൗ​ന്ദ​ര്യ​വും തേ​ടി​യു​ള്ള പു​തു സ​ഞ്ചാ​ര​പാ​ത​യി​ലാ​ണ്.​

പാ​ശ്​​ചാ​ത്യ​വും പൗ​ര​സ്ത്യ​വു​മാ​യ പ​ല​പ​ല നാ​ടു​ക​ളി​ലേ​ക്ക്​ ഇ​തി​ന​കം ത​ന്നെ ത​ന്‍റെ യാ​ത്ര പൂ​ർ​ത്തി​യാ​ക്കി. കേ​വ​ല യാ​ത്രി​ക​​നാ​യ​ല്ല, സ​ഞ്ച​രി​ക്കു​ന്ന നാ​ടു​ക​ളെ കു​റി​ച്ച സ​വി​ശേ​ഷ ശൈ​ലി​ലു​ള്ള വി​വ​ര​ണ​ങ്ങ​ൾ ‘ജേ​ർ​ണീ​യി​സ്റ്റ്​’ എ​ന്ന യൂ​ട്യൂ​ബ്​ ചാ​ന​ലി​ലൂ​ടെ അ​ദ്ദേ​ഹം കാ​ഴ്​​ച​ക്കാ​രി​ലേ​ക്ക്, കേ​ൾ​വി​ക്കാ​രി​ലേ​ക്ക് പ​ക​രു​ന്നു. ‘അ​തി​ർ​ത്തി​യി​ലെ മു​ൻ​ത​ഹാ മ​ര​ങ്ങ​ൾ’ എ​ഴു​തി​യ ആ ​കൈ​വി​ര​ലു​ക​ളി​ൽ ഇ​ന്ന്​ യാ​ത്ര​ക​ളി​ൽ ഒ​രു കാ​മ​റ​യാ​ണു​ള്ള​ത്(​മ​ല​യാ​ള​ത്തി​ലെ അ​പൂ​ർ​വം പാ​കി​സ്താ​ൻ യാ​ത്രാ വി​വ​രണ​മാ​ണ്​ ‘അ​തി​ർ​ത്തി​യി​ലെ മു​ൻ​ത​ഹാ മ​ര​ങ്ങ​ൾ’).

മ​ഷി​പു​ര​ണ്ട അ​ക്ഷ​ര​ങ്ങ​ളി​ലൂ​ടെ പ​ക​ർ​ന്ന അ​നു​ഭ​വ​ങ്ങ​ൾ കൂ​ടു​ത​ൽ ക​രു​ത്തോ​ടെ കാ​മ​റ​യി​ൽ പ​ക​ർ​ത്തി അ​ദ്ദേ​ഹം ലോ​ക​ത്തി​ന്​ സ​മ്മാ​നി​ക്കു​ന്നു.​ ജേ​ർ​ണ​ലി​സ്റ്റി​ൽ നി​ന്ന്​ ജേ​ർ​ണീ​യി​സ്റ്റി​ലേ​ക്കു​ള്ള മാ​റ്റം എ​ന്തു​കൊ​ണ്ട്​ എ​ന്ന ചോ​ദ്യ​ത്തി​ന്​ മ​നോ​ഹ​ര​മാ​യൊ​രു ഉ​ത്ത​ര​വും അ​ദ്ദേ​ഹ​ത്തി​നു​ണ്ട്. പ​ര​സ്പ​രം മ​ന​സ്സി​ലാ​ക്കാ​ന്‍ സ​ഹാ​യി​ക്കു​ന്ന രീ​തി​യി​ല്‍ വി​ശ്വ​മാ​ന​വി​ക​ത​യെ പ​രി​ച​യ​പ്പെ​ടു​ത്തു​ന്ന​തി​നാ​ണ്​ ജേ​ർ​ണീ​സ്റ്റ് ചാ​ന​ലി​ന് തു​ട​ക്ക​മി​ട്ട​തെ​ന്നാ​ണ​ത്.

ജേ​ർ​ണീ​യി​സ്റ്റി​ന്‍റെ സ​ഞ്ചാ​രം

കോ​വി​ഡ്​ വി​ല​ക്കു​തീ​ർ​ത്ത കാ​ല​ത്തി​ന്​ ശേ​ഷം 2022ലാ​ണ്​ സു​ഹൃ​ത്ത് റ​ഹ്മ​ത്തു​ല്ലാ മ​ഗ്‌​രി​ബി​യു​മാ​യി ചേ​ര്‍ന്ന് ചാ​ന​ലി​ന് തു​ട​ക്ക​മി​ടു​ന്ന​ത്. മ​ല​യാ​ള​ത്തി​ന് പു​റ​മെ ഇം​ഗ്ലീ​ഷ്, അ​റ​ബി, ഹി​ന്ദി ഭാ​ഷ​ക​ളി​ലും അ​ന്താ​രാ​ഷ്ട്ര നി​ല​വാ​ര​വും ദൃ​ശ്യ​ഭം​ഗി​യു​മു​ള്ള എ​പ്പി​സോ​ഡു​ക​ള്‍ ത​യാ​റാ​ക്ക​ണ​മെ​ന്നാ​ണ് ചാ​ന​ലി​ന്റെ ല​ക്ഷ്യം. സ​മീ​പ​കാ​ല​ത്ത് യൂ​ട്യു​ബി​ലും മ​റ്റും വ​ന്ന നി​യ​ന്ത്ര​ണ​ങ്ങ​ള്‍ മൂ​ലം അ​ൽ​പം പ​തു​ക്കെ​യാ​ണ് ചാ​ന​ല്‍ മു​ന്നോ​ട്ടു പോ​യി​ക്കൊ​ണ്ടി​രി​ക്കു​ന്ന​ത്.

ദ​ശ​ല​ക്ഷ​ക്ക​ണ​ക്കി​ന് ആ​ളു​ക​ള്‍ ഇ​തി​ന​കം എ​പ്പി​സോ​ഡു​ക​ള്‍ ക​ണ്ടു ക​ഴി​ഞ്ഞെ​ങ്കി​ലും മ​ല​യാ​ളേ​ത​ര ഭാ​ഷ​ക​ളി​ലേ​ക്ക് ക​ട​ന്നി​ട്ടി​ല്ല. ഇ​തി​ന​കം 15 രാ​ജ്യ​ങ്ങ​ളി​ല്‍ നി​ന്നു​ള്ള എ​പ്പി​​േസാ​ഡു​ക​ള്‍ ജേ​ണീ​സ്റ്റ് ത​യാ​റാ​ക്കി​യി​ട്ടു​ണ്ട്.

യാ​ത്ര​ക​ൾ മി​ക്ക​വ​യും മ​ധ്യ​പൗ​ര​സ്ത്യ നാ​ടു​ക​ളാ​യി​രു​ന്നു. തു​ര്‍ക്കി, റ​ഷ്യ, ബോ​സ്‌​നി​യ, സെ​ര്‍ബി​യ തു​ട​ങ്ങി​യ രാ​ജ്യ​ങ്ങ​ളി​ല്‍ നി​ന്നു​ള്ള എ​പ്പി​സോ​ഡു​ക​ളും ഇ​തി​ലു​ണ്ട്. ഇ​തി​ന​കം 270ല്‍ ​പ​രം എ​പ്പി​സോ​ഡു​ക​ളാ​ണ് ചാ​ന​ലി​ന്റെ വാ​ളി​ലു​ള്ള​ത്. ഫേ​സ്ബു​ക്ക്, ഇ​ന്‍സ്റ്റാ​ഗ്രാം തു​ട​ങ്ങി​യ പ്ലാ​റ്റ്​​ഫോ​മു​ക​ളി​ലും സാ​ന്നി​ധ്യ​മു​ണ്ട്.

ഇ​തി​ന​കം ന​ട​ത്തി​യ സ​ഞ്ചാ​ര​ത്തി​ൽ ഏ​റ്റ​വും മ​നോ​ഹ​ര​മാ​യി തോ​ന്നി​യ രാ​ജ്യ​മേ​തെ​ന്ന ചോ​ദ്യ​ത്തി​ന്​​ ഉ​ത്ത​രം എ​ളു​പ്പ​മ​ല്ലെ​ന്നാ​ണ്​ റ​ശീ​ദു​ദ്ദീ​ന്‍റെ മ​റു​പ​ടി. എ​ങ്കി​ലും തു​ര്‍ക്കി​യ കു​റെ​ക്കൂ​ടി ആ​ക​ര്‍ഷ​ക​മാ​യ രാ​ജ്യ​മാ​ണെ​ന്ന് വി​ല​യി​രു​ത്തു​ന്നു. ലോ​ക മ​ത​സ​മൂ​ഹ​ങ്ങ​ള്‍ക്കി​ട​യി​ല്‍ മാ​തൃ​കാ​പ​ര​മാ​യ ഐ​ക്യം നി​ല​നി​ല്‍ക്കു​ന്ന രാ​ജ്യ​മാ​ണ​ത്. ജ​റു​സ​ലേ​മി​ന് പു​റ​ത്ത് ബൈ​ബി​ളു​മാ​യി ബ​ന്ധ​പ്പെ​ട്ട ഏ​റ്റ​വും കൂ​ടു​ത​ല്‍ ച​രി​ത്ര സ്മാ​ര​ക​ങ്ങ​ളു​ള്ള രാ​ജ്യം തു​ര്‍ക്കി​യ​യാ​ണ്.

ബൈ​ബി​ള്‍ പു​തി​യ നി​യ​മ​ത്തി​ല്‍ വി​ശു​ദ്ധ ജോ​ണ്‍ വ​ഴി യേ​ശു​ക്രി​സ്തു ക​ത്ത​യ​ച്ച ജ​ന​ത​ക​ള്‍ താ​മ​സി​ച്ച ഏ​ഴ് ന​ഗ​ര​ങ്ങ​ളും ഇ​ന്ന​ത്തെ തു​ര്‍ക്കി​യ​യി​ലാ​ണു​ള്ള​ത്. ഈ ​ന​ഗ​ര​ങ്ങ​ള്‍ പു​ന​ര്‍ നി​ര്‍മി​ക്കു​ക​യും സം​ര​ക്ഷി​ക്ക​പ്പെ​ടു​ക​യും ചെ​യ്യു​ന്നു​ണ്ട്.

മ​റ്റൊ​രു രാ​ജ്യ​മാ​ണ് ഇ​റാ​ന്‍. ഇ​ത്ര​യേ​റെ സ്‌​നേ​ഹ​സ​മ്പ​ന്ന​രാ​യ ജ​ന​ങ്ങ​ള്‍ ലോ​ക​ത്ത് മ​റ്റെ​വി​ടെ​യു​മു​ണ്ടാ​കി​ല്ലെ​ന്ന്​ അ​നു​ഭ​വ​ത്തി​ന്‍റെ വെ​ളി​ച്ച​ത്തി​ൽ ‘ജേ​ർ​ണീ​യി​സ്റ്റ്​’ സാ​ക്ഷ്യ​പ്പെ​ടു​ത്തു​ന്നു. ഹാ​ഫി​സി​ന്റെ​യും ഫി​ര്‍ദൗ​സി​യു​ടെ​യും ഉ​മ​ര്‍ ഖ​യ്യാ​മി​ന്റെ​യും നാ​ടാ​യ ഇ​റാ​നി​ല്‍ എ​വി​ടെ ചെ​ല്ലു​മ്പോ​ഴും ക​വി​ത​യും സാ​ഹി​ത്യ​വും അ​വ​രു​ടെ ജീ​വി​ത​ത്തി​ന്റെ താ​ള​മാ​യി ന​മു​ക്ക് അ​നു​ഭ​വ​പ്പെ​ടു​മെ​ന്നും പ​റ​ഞ്ഞു​വെ​ക്കു​ന്നു.

യൂ​റോ​പ്പി​ലെ​യും മ​ധ്യേ​ഷ്യ​യി​ലെ​യും കാ​ഴ്ച​ക​ൾ

ജേ​ർ​ണീ​യി​സ്റ്റ്​ കി​ഴ​ക്ക​ന്‍ യൂ​റോ​പ്പി​ലെ വി​വി​ധ രാ​ജ്യ​ങ്ങ​ളി​ല്‍ സ​ഞ്ച​രി​ച്ചി​ട്ടു​ണ്ട്. റ​ഷ്യ​യാ​ണ് യൂ​റോ​പ്പി​ന്റെ വി​ശാ​ല​മാ​യ ഭൂ​പ​ട​ത്തി​ല്‍ ഉ​ള്‍ക്കൊ​ള്ളി​ക്കാ​വു​ന്ന രാ​ജ്യം. റ​ഷ്യ​യി​ലും പ​ഴ​യ ക​മ്മ്യൂ​ണി​സ്റ്റ് ചേ​രി​യി​ലെ മ​റ്റു രാ​ജ്യ​ങ്ങ​ളി​ലു​മൊ​ക്കെ നി​ര്‍ണാ​യ​ക​മാ​യ മാ​റ്റ​ങ്ങ​ളാ​ണ് സം​ഭ​വി​ച്ചു കൊ​ണ്ടി​രി​ക്കു​ന്ന​താ​യാ​ണ്​ അ​നു​ഭ​വ​ങ്ങ​ളു​ടെ വെ​ളി​ച്ച​ത്തി​ൽ വി​ല​യി​രു​ത്തു​ന്ന​ത്. മു​ത​ലാ​ളി​ത്തം ക​ട​ന്നു വ​ന്ന​തി​ന്റെ ഭാ​ഗ​മാ​യി ആ ​രാ​ജ്യ​ങ്ങ​ളി​ലെ ജീ​വി​ത ശീ​ല​ങ്ങ​ളി​ല്‍ ഉ​ണ്ടാ​കു​ന്ന മാ​റ്റ​ങ്ങ​ള്‍ കൗ​തു​ക​ക​ര​മാ​ണ്.

അ​വ​രു​ടെ ഭൗ​തി​ക​മാ​യ ജീ​വി​ത സാ​ഹ​ച​ര്യ​ങ്ങ​ളെ പോ​ലെ ആ​ത്മീ​യ​ത​യി​ലും പ്ര​ക​ട​മാ​യ മാ​റ്റ​ങ്ങ​ള്‍ പ്ര​ത്യ​ക്ഷ​പ്പെ​ടു​ന്നു​ണ്ട്. അ​ക്കൂ​ട്ട​ത്തി​ല്‍ മ​നോ​ഹ​ര​മാ​യി തോ​ന്നി​യ ചി​ല അ​നു​ഭ​വ​ങ്ങ​ളു​ണ്ട്. അ​തി​ലൊ​ന്നാ​ണ് ക​സാ​ന്‍ എ​ന്ന റ​ഷ്യ​ന്‍ ന​ഗ​ര​ത്തി​ല്‍ ക​ണ്ട കാ​ഴ്ച.

സാ​ര്‍ ച​ക്ര​വ​ര്‍ത്തി​യാ​യ ഇ​വാ​ന്‍ തീ​വെ​ച്ചു ന​ശി​പ്പി​ച്ച ന​ഗ​ര​ത്തി​ലെ മു​സ്‌​ലിം ദേ​വാ​ല​യം കൃ​സ്തു​മ​ത വി​ശ്വാ​സി​ക​ളു​ടെ കൂ​ടി പി​ന്തു​ണ​യോ​ടെ​യാ​ണ് സ​മീ​പ​കാ​ല​ത്ത് പ​തു​ക്കി​പ്പ​ണി​ത​ത്. പ​ക്ഷേ ക​സാ​നി​ലെ ക്രെം​ലി​ന്റെ മു​ഖ്യ​കാ​ഴ്ച​യാ​യി ആ ​മ​സ്ജി​ദാ​ണ് ഇ​ന്ന് ഉ​യ​ര്‍ന്നു നി​ല്‍ക്കു​ന്ന​ത്.

അ​സ​ര്‍ബൈ​ജാ​ന്‍, ഉ​സ്​​ബെ​ക്കി​സ്ഥാ​ന്‍, ക​സാ​ഖി​സ്ഥാ​ന്‍ എ​ന്നീ രാ​ജ്യ​ങ്ങ​ളെ കു​റി​ച്ച വി​ശ​ദ​മാ​യ എ​പ്പി​സോ​ഡു​ക​ള്‍ ജേ​ണീ​സ്റ്റ് ത​യാ​റാ​ക്കി​യി​ട്ടു​ണ്ട്. ഇ​വ​യി​ല്‍ ചി​ല​തൊ​ക്കെ ഇ​ന്ത്യ​യു​ടെ ത​ന്നെ പാ​ര​മ്പ​ര്യ​വു​മാ​യി ബ​ന്ധ​പ്പെ​ട്ടു കി​ട​ക്കു​ന്ന രാ​ജ്യ​ങ്ങ​ളാ​ണ്. ഇ​ന്ത്യ ഭ​രി​ച്ച കു​ശാ​ന വം​ശ​ത്തി​ന്റെ​യും മു​ഗ​ള്‍ ച​ക്ര​ര്‍ത്തി​മാ​രു​ടെ​യും നാ​ടാ​ണ് ഉ​സ്ബ​ക്കി​സ്ഥാ​ന്‍.

ബാ​ബ​ര്‍ ച​ക്ര​വ​ര്‍ത്തി പു​റ​പ്പെ​ട്ടു​വ​ന്ന അ​ന്തി​ജാ​നി​ല്‍ അ​ദ്ദേ​ഹ​ത്തി​ന്റെ സ്മാ​ര​ക​മു​ണ്ട്. രാ​ഷ്ട്രീ​യ​ക്കാ​ര്‍ ന​മു​ക്കു പ​രി​ച​യ​പ്പെ​ടു​ത്തി​യ ഒ​രു ച​ക്ര​വ​ര്‍ത്തി​യെ കു​റി​ച്ച​ല്ല ഇ​വി​ടെ​യെ​ത്തു​മ്പോ​ള്‍ ഇ​ന്ത്യ​ക്കാ​ർ മ​ന​സ്സി​ലാ​ക്കു​ക. ന​മ്മു​ടെ ഭാ​ഷ​യി​ലേ​ക്കും ഭ​ക്ഷ​ണ​ത്തി​ലേ​ക്കും ആ ​രാ​ജ്യ​ത്തു നി​ന്നും എ​ന്തൊ​ക്കെ​യാ​ണ് ക​ട​ന്നു വ​ന്ന​തെ​ന്ന് വ​ലി​യ അ​ല്‍ഭു​ത​ത്തോ​ടെ​യാ​ണ് സ​മ​ര്‍ഖ​ണ്ടി​ലും ബു​ഖാ​റ​യ​ലും താ​ഷ്‌​ക​ന്റി​ലും നാം ​തി​രി​ച്ച​റി​യു​ന്ന​തെ​ന്ന്​ ജേ​ർ​ണീ​യി​സ്റ്റ്​ അ​ഭി​പ്രാ​യ​പ്പെ​ടു​ന്നു.

​ വ്യ​ത്യ​സ്ത​മാ​യ ​ യാ​ത്രാ വ്ലോ​ഗി​ങ്​

യാ​ത്രാ വ്ലോ​ഗു​ക​ൾ സാ​മൂ​ഹി​ക മാ​ധ്യ​മ​ങ്ങ​ളി​ൽ നി​ര​വ​ധി​യു​ണ്ട്. അ​വ​യി​ൽ നി​ന്നെ​ല്ലാം വ്യ​ത്യ​സ്ത​മാ​യി സം​സ്കാ​ര​ത്തെ​യും ച​രി​ത്ര​ത്തെ​യും ആ​ഴ​ത്തി​ൽ വി​ല​യി​രു​ത്തി​യാ​ണ്​ റ​ശീ​ദു​ദ്ദീ​ന്‍റെ സ​ഞ്ചാ​രം പു​രോ​ഗ​മി​ക്കു​ന്ന​ത്. സ​ഞ്ചാ​രി​യു​ടെ സ്വ​കാ​ര്യ​മാ​യ ആ​ഹ്‌​ളാ​ദ​ങ്ങ​ളെ​യും ജീ​വി​താ​നു​ഭ​വ​ങ്ങ​ളെ​യും പ​രി​ച​യ​പ്പെ​ടു​ത്തു​ന്ന വ്ലോ​ഗു​ക​ള്‍ ജേ​ണീ​സ്റ്റ് ചെ​യ്യാ​റി​ല്ല.

ക​ട​ന്നു ചെ​ല്ലു​ന്ന പ്ര​ദേ​ശ​ങ്ങ​ളി​ലെ ജീ​വി​ത​വും അ​വ​ര്‍ ലോ​ക​ത്തി​ന് ന​ല്‍കി​യ സം​ഭാ​വ​ന​ക​ളു​മാ​ണ് ഇ​ത്​ പ​രി​ച​യ​പ്പെ​ടു​ത്തു​ന്ന​ത്. ഏ​ത് രാ​ജ്യ​ത്തേ​ക്ക് പോ​കു​ന്ന​തി​ന് മു​മ്പെ​യും വ​ള​രെ വി​ശ​ദ​മാ​യി പ​ഠി​ച്ചു മ​ന​സ്സി​ലാ​ക്കാ​റു​ണ്ടെ​ന്ന്​ അ​വ​സാ​നം പ്ര​സി​ദ്ധീ​ക​രി​ച്ച ഈ​ജി​പ്ത്​ എ​പി​സോ​ഡു​ക​ൾ മാ​ത്രം വീ​ക്ഷി​ച്ചാ​ൽ ആ​ർ​ക്കും വ്യ​ക്​​ത​മാ​കും.

കി​ട്ടാ​വു​ന്ന എ​ല്ലാ ന​ല്ല അ​നു​ഭ​വ​ങ്ങ​ളും പ​ക​ര്‍ത്തി​യെ​ടു​ത്ത് കാ​ഴ്​​ച​ക്കാ​രി​ലേ​ക്ക് എ​ത്തി​ക്കു​ക​യാ​ണ്​ ജേ​ർ​ണീ​യി​സ്റ്റ്. ആ​ത്മീ​യ​ത​യും ത​ത്വ​ശാ​സ്ത്ര​വു​മെ​ല്ലാം വി​വ​ര​ണ​ങ്ങ​ളി​ൽ നി​റ​ഞ്ഞു​നി​ൽ​ക്കു​ന്നു​ണ്ട്. പ​ക​ർ​ത്തി​യും പ​റ​ഞ്ഞു​മു​ള്ള ഈ ​സ​ഞ്ചാ​രം കൂ​ടു​ത​ൽ വ്യാ​പി​പ്പി​ക്കാ​നാ​ണ്​ ല​ക്ഷ്യം. അ​തി​നാ​യി ജേ​ർ​ണീ​യി​സ്റ്റ്​ ക​ച്ച​മു​റു​ക്കു​ക​യാ​ണ്..