വിരമിച്ചെങ്കിലും ‘ആശാൻ’ പൊലീസിൽതന്നെ

കാ​ഞ്ഞി​ര​പ്പ​ള്ളി: സേ​ന​യി​ൽനി​ന്ന് വി​ര​മി​ച്ചെ​ങ്കി​ലും ആ​ശാ​ൻ എ​ന്ന്​ വി​ളി​പ്പേ​രു​ള്ള സ​ബ് ഇ​ൻ​സ്​​പെ​ക്ട​ർ കാ​ഞ്ഞി​ര​പ്പ​ള്ളി സ്വ​ദേ​ശി മാ​മ്മൂ​ട്ടി​ൽ വീ​ട്ടി​ൽ എം.​എ. സു​ധ​ൻ ഇ​നി​യും പൊ​ലീ​സി​നൊ​പ്പ​മു​ണ്ടാ​കും. കേ​സ് ഡ​യ​റി ത​യാ​റാ​ക്കു​ന്ന​തി​ലെ അ​നു​ഭ​വ​സ​മ്പ​ത്ത്​​ തു​ട​ർ​ന്നും ഉ​പ​യോ​ഗ​പ്പെ​ടു​ത്തു​ക​യാ​ണ്​​ ഇ​നി ഇ​ദ്ദേ​ഹ​ത്തി​ൻെ​റ ചു​മ​ത​ല. ജി​ല്ല​യി​ലെ 25 കേ​സു​ക​ളി​ൽ അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്കൊ​പ്പം എ​ഴു​ത്തുജോ​ലി​ക​ൾ ചെ​യ്ത​താ​ണ് ഇ​ദ്ദേ​ഹ​ത്തി​ന്‍റെ മു​ത​ൽ​ക്കൂ​ട്ട്. ചാ​ർ​ജ് ഷീ​റ്റ് ത​യാ​റാ​ക്ക​ൽ, മൊ​ഴി രേ​ഖ​പ്പെ​ടു​ത്ത​ൽ, മ​ഹ​സ​ർ ത​യാറാ​ക്ക​ൽ, കോ​ട​തി​യി​ൽ ന​ൽ​കാ​നു​ള്ള റി​പ്പോ​ർ​ട്ട് ത​യാ​റാ​ക്ക​ൽ എ​ന്നി​വ​യി​ൽ വി​ദ​ഗ്​​ധ​നാ​ണ്​ ഇ​ദ്ദേ​ഹം.

പൊ​തുജ​ന​ങ്ങ​ൾ​ക്ക് നി​യ​മ​പ​ര​മാ​യ പ​രി​ഹാ​രം സ്വ​ത​സി​ദ്ധ​മാ​യ ശൈ​ലി​യി​ൽ പ​റ​ഞ്ഞുകൊ​ടു​ക്കു​ക​യും കേ​സു​ക​ൾ എ​ഴു​തു​ക​യും ചെ​യ്ത​തോ​ടെ സു​ധ​ൻ സ​ഹ​പ്ര​വ​ർ​ത്ത​ക​രു​ടെ ‘ആ​ശാ​ൻ’ ആ​യി മാ​റി. 30 വ​ർ​ഷം സേ​ന​യി​ൽ ജോ​ലി ചെ​യ്ത ഇ​ദ്ദേ​ഹം നി​ര​വ​ധി ബ​ഹു​മ​തി​ക​ൾ നേ​ടി​യി​ട്ടു​ണ്ട്. 2021ൽ ​മു​ഖ്യ​മ​ന്ത്രി​യു​ടെ പൊ​ലീ​സ്‌ മെ​ഡ​ൽ സു​ധ​ന് ല​ഭി​ച്ചി​ട്ടു​ണ്ട്. അ​മ്പ​തോ​ളം പൊ​ലീ​സ് റി​വാ​ർ​ഡു​ക​ൾ, മു​പ്പ​ത് ഗു​ഡ് സ​ർ​വി​സ് എ​ൻ​ട്രി​ക​ൾ, നാ​ല് ഡി.​ജി.​പി​മാ​ർ ന​ൽ​കി​യ അ​നു​മോ​ദ​ന പ​ത്ര​ങ്ങ​ൾ എ​ന്നി​വ മി​ക​വി​ന്‍റെ ഉ​ദാ​ഹ​ര​ണ​മാ​യു​ണ്ട്.

ഏ​റെ കോ​ളി​ള​ക്കം സൃ​ഷ്ടി​ച്ച കെ​വി​ൻ കേ​സി​ൽ ഐ.​ജി വി​ജ​യ് സാ​ക്ക​റ​യും എ​സ്.​പി ഹ​രി​ശ​ങ്ക​റും ക്രൈം​ബ്രാ​ഞ്ച് എ​സ്.​പി ഗി​രീ​ഷ് പി. ​സാ​ര​ഥി​യും അ​ട​ങ്ങി​യ​താ​യി​രു​ന്നു അ​ന്വേ​ഷ​ണ സം​ഘം. ഇതിന്‍റെ മു​ഴു​വ​ൻ എ​ഴു​ത്തുജോ​ലി​ക​ളും ചെ​യ്ത​ത് സു​ധ​നാ​യി​രു​ന്നു. കേ​സ​ന്വേ​ഷ​ണം സു​താ​ര്യ​വും ഫ​ല​പ്ര​ദ​വു​മാ​യി​രി​ക്ക​ണം, തെ​ളി​വു​ക​ൾ ക്രോ​ഡീ​ക​രി​ച്ച് ഫൈ​ന​ൽ റി​പ്പോ​ർ​ട്ട് ത​യാ​റാ​ക്കി കോ​ട​തി​യി​ൽ കൊ​ടു​ക്ക​ണം, പ്രോ​സി​ക്യൂ​ഷ​നെ സ​ഹാ​യി​ക്കാ​ൻ ഒ​രു പൊ​ലീ​സു​കാ​ര​ൻ ഉ​ണ്ടാ​കും. അ​ത് ഒ​രു പ്ര​ധാ​ന ഘ​ട​ക​മാ​ണ്. ഈ മൂ​ന്ന് കാ​ര്യ​ങ്ങ​ൾ സൂ​ക്ഷ്മ​ത​യോ​ടെ കൈ​കാ​ര്യം ചെ​യ്യ​ണ​മെ​ന്നാ​ണ് സു​ധ​ന്‍റെ അ​ഭി​പ്രാ​യം.

കോ​ട്ട​യം, ഇ​ടു​ക്കി ജി​ല്ല​ക​ളി​ൽ ജോ​ലി ചെ​യ്തി​ട്ടു​ള്ള ഇ​ദ്ദേ​ഹം മേ​യ് 31നാ​ണ്​ പാ​മ്പാ​ടി സ്​​റ്റേ​ഷ​നി​ൽനി​ന്ന്​ എ​സ്.​ഐയായി വി​ര​മി​ച്ച​ത്. മാതാവ്​ ഭാ​ർ​ഗ​വി​യ​മ്മ​ക്കും ഭാ​ര്യ സ​ന്ധ്യ​ക്കു​മൊ​പ്പം കാ​ഞ്ഞി​ര​പ്പ​ള്ളി​യി​ലാണ്​ താ​മ​സം. ജോ​ലി​ക്കാ​രാ​യ അ​രു​ണി​മ, മ​ധു​രി​മ എ​ന്നി​വ​രാ​ണ് മ​ക്ക​ൾ.