ഹ​ജ്ജി​ന്​ പ​രി​സ​മാ​പ്​​തി; തീ​ർ​ഥാ​ട​ക​രു​ടെ മ​ട​ക്ക​യാ​ത്ര​ക്ക്​ തു​ട​ക്കം

മ​ക്ക: ഹ​ജ്ജ്​ ക​ർ​മ​ങ്ങ​ൾ പൂ​ർ​ത്തി​യാ​ക്കി തീ​ർ​ഥാ​ട​ക​ർ പു​ണ്യ മ​ക്ക​യോ​ട്​ വി​ട​പ​റ​ഞ്ഞു തു​ട​ങ്ങി. ജം​റ​ക​ളി​ലെ അ​വ​സാ​ന ദി​വ​സ​ത്തെ ക​ല്ലേ​റും കൂ​ടി പൂ​ർ​ത്തി​യാ​ക്കി മ​ന​സ്സ​മാ​ധാ​ന​ത്തോ​ടെ​യും ആ​ശ്വാ​സ​ത്തോ​ടെ​യും ഹ​ജ്ജ്​ നി​ർ​വ​ഹി​ക്കാ​നാ​യ ആ​ത്മ​നി​ർ​വൃ​തി​യോ​ടെ​യും മ​നം​നി​റ​ഞ്ഞ സം​തൃ​പ്​​തി​യോ​ടെ​യു​മാ​ണ്​​ തീ​ർ​ഥാ​ട​ക​ർ മ​ക്ക​യി​ൽ​നി​ന്ന്​ യാ​ത്ര​തി​രി​ച്ച​ത്. ​ഞാ​യ​റാ​ഴ്​​ച മു​ത​ൽ തീ​ർ​ഥാ​ട​ക​ർ മി​ന​യോ​ട്​ വി​ട​പ​റ​യാ​ൻ തു​ട​ങ്ങി​യി​രു​ന്നു. തീ​ർ​ഥാ​ട​ക​രു​ടെ തി​രി​ച്ചു​പോ​ക്ക്​ എ​ളു​പ്പ​മാ​ക്കാ​ൻ ബ​ന്ധ​പ്പെ​ട്ട വ​കു​പ്പു​ക​ൾ എ​ല്ലാ ഒ​രു​ക്ക​വും പൂ​ർ​ത്തി​യാ​ക്കി​യി​ട്ടു​ണ്ട്.

റോ​ഡു​ക​ളി​ലെ ഗ​താ​ഗ​ത​ക്കു​രു​ക്ക്​ ഒ​ഴി​വാ​ക്കാ​ൻ തീ​ർ​ഥാ​ട​ക​ർ ക​ട​ന്നു​പോ​കു​ന്ന റോ​ഡു​ക​ളി​ൽ കൂ​ടു​ത​ൽ സു​ര​ക്ഷ ഉ​ദ്യോ​ഗ​സ്ഥ​രെ വി​ന്യ​സി​ച്ചു. മ​സ്​​ജി​ദു​ൽ ഹ​റാ​മി​ലെ​ത്തി വി​ട​വാ​ങ്ങ​ൽ പ്ര​ദ​ക്ഷി​ണം​ (ത്വ​വാ​ഫു​ൽ വി​ദാ​അ്) നി​ർ​വ​ഹി​ച്ചാ​ണ് തീ​ർ​ഥാ​ട​ക​ർ മ​ക്ക​യി​ൽ​നി​ന്ന്​ പു​റ​പ്പെ​ട്ട​ത്. ഞാ​യ​റാ​ഴ്​​ച മു​ത​ൽ വി​ട​വാ​ങ്ങ​ൽ ത്വ​വാ​ഫി​നാ​യ്​ മ​സ്​​ജി​ദു​ൽ ഹ​റാ​മി​ലേ​ക്ക്​ തീ​ർ​ഥാ​ട​ക​രു​ടെ ഒ​ഴു​ക്ക്​ തു​ട​ങ്ങി​യി​രു​ന്നു. വ​ലി​യ തി​ര​ക്കാ​ണ്​ ഹ​റ​മി​ൽ അ​നു​ഭ​വ​പ്പെ​ട്ട​ത്.

ദു​ൽ​ഹ​ജ്ജ്​ 12, 13 തീ​യ​തി​ക​ളി​ലെ വി​ട​വാ​ങ്ങ​ൽ ത്വ​വാ​ഫി​നാ​യി ഹ​റ​മി​ലെ​ത്തു​ന്ന തീ​ർ​ഥാ​ട​ക​ക്കൂ​ട്ട​ങ്ങ​ളെ നി​യ​ന്ത്രി​ക്കു​ന്ന​തി​നും അ​വ​രെ നി​യു​ക്ത സ്ഥ​ല​ങ്ങ​ളി​ലേ​ക്ക് ന​യി​ക്കു​ന്ന​തി​നും ബ​ന്ധ​പ്പെ​ട്ട അ​ധി​കാ​രി​ക​ളു​മാ​യി സ​ഹ​ക​രി​ച്ച് ഇ​രു​ഹ​റം​കാ​ര്യ ജ​ന​റ​ൽ അ​തോ​റി​റ്റി ത​യാ​റെ​ടു​പ്പു​ക​ളെ​ല്ലാം പൂ​ർ​ത്തി​യാ​ക്കി​യി​രു​ന്നു. പൂ​ർ​ണ ശേ​ഷി​യി​ൽ തീ​ർ​ഥാ​ട​ക​രെ സ്വീ​ക​രി​ക്കാ​ൻ മ​ത്വാ​ഫി​​ന്റെ മു​ഴു​വ​ൻ നി​ല​ക​ളി​ലും ആ​വ​ശ്യ​മാ​യ സേ​വ​ന​ങ്ങ​ൾ ഉ​റ​പ്പാ​ക്കി​യി​രു​ന്നു. മ​ത്വാ​ഫ്​ വി​ക​സ​ന​ത്തി​ലൂ​ടെ മ​ണി​ക്കൂ​റി​ൽ 107,000 പേ​ർ​ക്ക്​ ത്വ​വാ​ഫ്​ ചെ​യ്യാ​നു​ള്ള സൗ​ക​ര്യ​മൊ​രു​ക്കി​യ​ത്​ തീ​ർ​ഥാ​ട​ക​ർ​ക്ക്​ വ​ലി​യ ആ​ശ്വാ​സ​മാ​ണു​ണ്ടാ​ക്കി​യ​ത്. പ്ര​വേ​ശ​ന​വും പു​റ​ത്തു​ക​ട​ക്ക​ലും നി​യ​ന്ത്രി​ക്കു​ന്ന​തി​നു​ള്ള മു​ഴു​വ​ൻ ക​വാ​ട​ങ്ങ​ളും തു​റ​ന്നി​ട്ടി​രു​ന്നു.

കൂ​ടാ​തെ 210 സ്മാ​ർ​ട്ട് ഗേ​റ്റു​ക​ൾ, 400 ഇ​ല​ക്ട്രി​ക് വാ​ഹ​ന​ങ്ങ​ൾ, 10,000 ഉ​ന്തു​വ​ണ്ടി​ക​ൾ ഉ​ൾ​പ്പെ​ടെ​യു​ള്ള ഫീ​ൽ​ഡ് ട്രാ​ൻ​സ്‌​പോ​ർ​ട്ടേ​ഷ​ൻ സേ​വ​ന​ങ്ങ​ൾ ഒ​രു​ക്കി​യി​രു​ന്നു. ഹ​റ​മി​ന്​ ചു​റ്റു​മു​ള്ള മു​റ്റ​ങ്ങ​ളി​ൽ​നി​ന്ന്​ ത്വ​വാ​ഫ് ഏ​രി​യ​യി​ലേ​ക്കു​ള്ള ഇ​ട​നാ​ഴി​ക​ളി​ലും തീ​ർ​ഥാ​ട​ക​രു​ടെ പോ​ക്കു​വ​ര​വു​ക​ൾ നി​യ​ന്ത്രി​ക്കു​ന്ന​തി​നു​ള്ള നി​ശ്ചി​ത പാ​ത​ക​ൾ ഒ​രു​ക്കി​യി​രു​ന്നു. പാ​ത​ക​ളി​ൽ ഇ​രു​ത്ത​വും കി​ട​ത്ത​വും നി​രീ​ക്ഷി​ക്കു​ന്ന​തി​നും ന​ട​ത്തം വ്യ​വ​സ്ഥാ​പി​ത​മാ​ക്കു​ന്ന​തി​നും കൂ​ടു​ത​ൽ സു​ര​ക്ഷ ഉ​ദ്യോ​ഗ​സ്ഥ​രെ നി​യോ​ഗി​ച്ചി​രു​ന്നു.

ഇ​നി മ​ദീ​ന​യി​ൽ

മ​ക്ക​യി​ൽ​നി​ന്ന്​ മ​ദീ​ന സ​ന്ദ​ർ​ശ​ന​ത്തി​നാ​യി എ​ത്തു​ന്ന തീ​ർ​ഥാ​ട​ക​രെ സ്വീ​ക​രി​ക്കാ​ൻ പ്ര​വാ​ച​ക ന​ഗ​രി ഒ​രു​ങ്ങി. ഹ​ജ്ജി​ന്​ മു​മ്പ്​ മ​ദീ​ന സ​ന്ദ​ർ​ശ​നം പൂ​ർ​ത്തി​യാ​ക്കാ​ത്ത​വ​രാ​ണ്​ അ​ങ്ങോ​​ട്ടേ​ക്ക്​ തി​രി​ക്കു​ന്ന​ത്. ചി​ല സം​ഘ​ങ്ങ​ൾ ഇ​തി​ന​കം മ​ദീ​ന​യി​ലെ​ത്തി​യി​ട്ടു​ണ്ട്. ബ​സ്, ട്രെ​യി​ൻ മാ​ർ​ഗ​മാ​ണ്​ അ​വ​രു​ടെ യാ​ത്ര. ഹ​ജ്ജി​ന്​ ശേ​ഷം മ​ദീ​ന​യി​ലെ​ത്തു​ന്ന തീ​ർ​ഥാ​ട​ക​രെ സ്വാ​ഗ​തം ചെ​യ്യു​ന്ന​തി​നും സേ​വ​ന​ങ്ങ​ൾ ന​ൽ​കു​ന്ന​തി​നും​ മേ​ഖ​ല ഗ​വ​ർ​ണ​റു​ടെ മേ​ൽ​നോ​ട്ട​ത്തി​ൽ മ​ദീ​ന​യി​ലെ സ​ർ​ക്കാ​ർ വ​കു​പ്പു​ക​ൾ എ​ല്ലാ ഒ​രു​ക്ക​വും പൂ​ർ​ത്തി​യാ​ക്കി​യി​ട്ടു​ണ്ട്. മ​ക്ക​യി​ൽ​നി​ന്ന്​ മ​ദീ​ന​യി​ലേ​ക്കു​ള്ള ഹി​ജ്‌​റ എ​ക്‌​സ്‌​പ്ര​സ്‌​വേ​യി​ലും മ​റ്റു​ പ്ര​ധാ​ന റോ​ഡു​ക​ളി​ലും ഉ​യ​ർ​ന്ന നി​ല​വാ​ര​ത്തി​ലു​ള്ള സു​ര​ക്ഷ മു​ൻ​ക​രു​ത​ലു​ക​ൾ ഏ​ർ​പ്പെ​ടു​ത്തി​യി​ട്ടു​ണ്ട്.