ന​ല്ല വാ​ക്കും ചീ​ത്ത​വാ​ക്കും

എ​ല്ലാ​വ​രും ന​ല്ല വാ​ക്ക് കേ​ൾ​ക്കാ​നാ​ണാ​ഗ്ര​ഹി​ക്കു​ന്ന​ത്. ചീ​ത്ത വ​ർ​ത്ത​മാ​നം ആ​ർ​ക്കും കേ​ൾ​ക്കാ​ൻ താ​ൽ​പ​ര്യ​മി​ല്ല. എ​ന്നാ​ൽ ന​ല്ല വാ​ക്ക് കേ​ൾ​ക്ക​ണ​മെ​ങ്കി​ൽ ന​ല്ല വാ​ക്ക് പ​റ​യ​ണ​മെ​ന്ന് പ​ല​പ്പോ​ഴും ന​മ്മ​ൾ മ​റ​ന്നു പോ​കു​ന്നു. എ​ല്ലാ​വ​രും ന​ല്ല​ത് പ​റ​ഞ്ഞാ​ൽ എ​ല്ലാ​വ​ർ​ക്കും ന​ല്ല​ത് കേ​ൾ​ക്കാം.

ന​ല്ല വാ​ക്കി​നെ ആ​ഴ​ത്തി​ൽ വേ​രു​ക​ളു​ള്ള, ആ​കാ​ശ​ത്ത് പ​ട​ർ​ന്ന് പ​ന്ത​ലി​ച്ചു നി​ൽ​ക്കു​ന്ന ഒ​രു വൃ​ക്ഷ​ത്തോ​ടാ​ണ് അ​ല്ലാ​ഹു ഉ​പ​മി​ക്കു​ന്ന​ത്. ഇ​ത് അ​ല്ലാ​ഹു​വി​ന്റെ ഏ​ക​ത്വ​മു​ൽ​ഘോ​ഷി​ക്കു​ന്ന അ​ല്ലാ​ഹു അ​ല്ലാ​തെ മ​റ്റൊ​രു ദൈ​വ​വു​മി​ല്ല എ​ന്ന ഉ​ത്ത​മ വ​ച​ന​മാ​ണ് എ​ന്ന് വ്യ​ഖ്യാ​താ​ക്ക​ൾ അ​ഭി​പ്രാ​യ​പ്പെ​ടു​ന്നു. ഈ ​വ​ച​നം വ​ള​രെ ഉ​പ​കാ​ര​പ്ര​ദ​വും ഭൂ​മി​യേ​യും ആ​കാ​ശ​ത്തേ​യും ഗ്ര​സി​ച്ചു നി​ൽ​ക്കു​ന്ന​തു​മാ​ണ്. പ്ര​പ​ഞ്ച​ത്തി​ന്റെ താ​ള​മാ​ണ് ഈ ​വാ​ക്കി​ന്റെ​യും താ​ളം. ജീ​വി​ത​ത്തി​ന്റെ എ​ല്ലാ മേ​ഖ​ല​ക​ളേ​യും ഉ​ൾ​ക്കൊ​ള്ളു​ന്ന, ജീ​വി​ത​ത്തെ അ​ടി​മു​ടി നി​യ​ന്ത്രി​ക്കു​ന്ന വാ​ക്കാ​ണ​ത്. അ​ല്ലാ​ഹു പ​റ​യു​ന്നു.

ഉ​ത്ത​മ വ​ച​ന​ത്തി​ന് അ​ല്ലാ​ഹു ന​ല്‍കി​യ ഉ​ദാ​ഹ​ര​ണം എ​ങ്ങ​നെ​യെ​ന്ന് നീ ​കാ​ണു​ന്നി​ല്ലേ? അ​ത് ന​ല്ല ഒ​രു മ​രം​പോ​ലെ​യാ​ണ്. അ​തി​ന്റെ വേ​രു​ക​ള്‍ ഭൂ​മി​യി​ല്‍ ആ​ണ്ടി​റ​ങ്ങി​യി​രി​ക്കു​ന്നു. ശാ​ഖ​ക​ള്‍ അ​ന്ത​രീ​ക്ഷ​ത്തി​ല്‍ പ​ട​ര്‍ന്നു​പ​ന്ത​ലി​ച്ചു നി​ല്‍ക്കു​ന്നു

എ​ല്ലാ കാ​ല​ത്തും അ​ത് അ​തി​ന്റെ നാ​ഥ​ന്റെ അ​നു​മ​തി​യോ​ടെ ഫ​ല​ങ്ങ​ള്‍ ന​ല്‍കി​ക്കൊ​ണ്ടി​രി​ക്കു​ന്നു. അ​ല്ലാ​ഹു ജ​ന​ങ്ങ​ള്‍ക്ക് ഉ​പ​മ​ക​ള്‍ വി​ശ​ദീ​ക​രി​ച്ചു​കൊ​ടു​ക്കു​ന്നു. അ​വ​ര്‍ ചി​ന്തി​ച്ച​റി​യാ​ന്‍ (വി​ശു​ദ്ധ ഖു​ർ​ആ​ൻ 14:24,25)‎.

ചീ​ത്ത വാ​ക്കി​നെ ചീ​ത്ത വൃ​ക്ഷ​ത്തോ​ടാ​ണ് അ​ല്ലാ​ഹു ഉ​പ​മി​ച്ചി​രി​ക്കു​ന്ന​ത്. അ​തി​ന് അ​ടി​സ്ഥാ​ന​മോ അ​ടി​ത്ത​റ​യോ ഇ​ല്ല. ഇ​ളം കാ​റ്റി​ൽ പാ​റി പോ​വാ​ൻ മാ​ത്രം ദു​ർ​ബ​ല​മാ​ണ​ത്. അ​തു​കൊ​ണ്ട് മ​നു​ഷ്യ​ർ​ക്ക് യാ​തൊ​രു ഉ​പ​കാ​ര​വു​മി​ല്ല.

ചീ​ത്ത വ​ച​ന​ത്തി​ന്റെ ഉ​പ​മ ഒ​രു ക്ഷു​ദ്ര വൃ​ക്ഷ​ത്തി​ന്റേ​താ​ണ്. ഭൂ​ത​ല​ത്തി​ല്‍നി​ന്ന് അ​ത് വേ​രോ​ടെ പി​ഴു​തെ​റി​യ​പ്പെ​ട്ടി​രി​ക്കു​ന്നു. അ​തി​നെ ഉ​റ​പ്പി​ച്ചു​നി​ര്‍ത്തു​ന്ന ഒ​ന്നു​മി​ല്ല (വി​ശു​ദ്ധ ഖു​ർ​ആ​ൻ 14:26)‎.