കാ​ത്തി​രി​പ്പി​ന്റെ മ​ധു​ര​വും കൂ​ടി​ച്ചേ​ര​ലി​ന്റെ പെ​രു​ന്നാ​ളും

പു​ണ്യ റ​മ​ദാ​ൻ നാ​ളു​ക​ൾ വി​ട​വാ​ങ്ങു​ക​യാ​യി. ചെ​റു​പ്പ​കാ​ലം തൊ​ട്ട് മ​ന​സി​ലു​ള്ള റ​മ​ദാ​ൻ ഓ​ർ​മ​ക​ൾ വീ​ണ്ടും മ​ന​സി​ൽ വ​ന്നു നി​റ​യു​ക​യാ​ണ്. എ​ന്റെ ജോ​ലി തി​ര​ക്കി​ൽ മ​ങ്ങി​ത്തു​ട​ങ്ങു​ന്ന സ്നേ​ഹ സൗ​ഹൃ​ദ​ങ്ങ​ൾ വീ​ണ്ടെ​ടു​ക്കാ​ൻ ക​ഴി​യു​ന്ന അ​വ​സ​ര​മാ​ണ് ഇ​ഫ്‌​താ​ർ വി​രു​ന്നു​ക​ൾ. അ​തു​കൊ​ണ്ടാ​കാം, ഓ​രോ വ​ർ​ഷ​വും റ​മ​ദാ​ന്റെ വ​ര​വി​നാ​യി എ​ന്റെ മ​ന​സ്സ് കാ​ത്തി​രി​ക്കു​ന്ന​ത്. നോ​മ്പ് കാ​ല​മെ​നി​ക്ക് കാ​ത്തി​രി​പ്പി​ന്റെ മ​ധു​ര​വും, കൂ​ടി​ച്ചേ​ര​ലി​ന്റെ പെ​രു​ന്നാ​ളു​മാ​യി​ട്ടാ​ണ് അ​നു​ഭ​വി​ക്കാ​ൻ ക​ഴി​യു​ന്ന​ത്.

ഒ​മാ​നി​ലെ​ത്തി​യ ശേ​ഷ​മാ​ണ് റ​മ​ദാ​നെ കു​റി​ച്ച് കൂ​ടു​ത​ൽ മ​ന​സ്സി​ലാ​ക്കി​യ​ത്. എ​ത്ര കൃ​ത്യ​നി​ഷ്ഠ​യോ​ടെ​യാ​ണ് ന​മ്മു​ടെ മു​സ്‌​ലിം സ​ഹോ​ദ​ര​ങ്ങ​ൾ ഓ​രോ നോ​മ്പും എ​ടു​ക്കു​ന്ന​ത്. ആ ​ഇ​ച്ഛാ​ശ​ക്തി എ​ന്നെ പ​ല​പ്പോ​ഴും അ​ത്ഭു​ത​പ്പെ​ടു​ത്താ​റു​ണ്ട്. അ​തി​ന്റെ പ്ര​തി​ഫ​ലം പ​ട​ച്ച ത​മ്പു​രാ​ൻ ഏ​വ​ർ​ക്കും കൊ​ടു​ക്ക​ട്ടെ​യെ​ന്നാ​ണ് പ്രാ​ർ​ഥ​ന. ഉ​ദ​യ​ത്തി​ന്റെ ആ​ദ്യ കി​ര​ണ​ങ്ങ​ൾ​ക്ക് മു​മ്പേ എ​ഴു​ന്നേ​റ്റ് പ്രാ​ർ​ഥ​ന നി​ർ​ഭ​ര​മാ​യ മ​ന​സോ​ടെ നോ​മ്പ് ആ​രം​ഭി​ക്കു​ക​യും, സൂ​ര്യാ​സ്ത​മ​നം വ​രെ ദാ​ഹ​ത്തി​ന്റെ​യും വി​ശ​പ്പി​ന്റെ​യും ആ​ളി​ക്ക​ത്ത​ലു​ക​ളോ​ട് സ​ന്ധി​യി​ല്ലാ​തെ പോ​രാ​ടു​ന്ന വി​ശ്വാ​സി, ദൈ​വ ക​ൽ​പ​ന​യോ​ടു​ള്ള സ്നേ​ഹം കൊ​ണ്ട് വി​ശ​പ്പി​നെ മ​റി​ക​ട​ക്കു​ക​യാ​ണ്. ഭ​ക്തി കൊ​ണ്ട് നേ​ടു​ന്ന ജീ​വി​ത വി​ശു​ദ്ധി. ഇ​തൊ​രു പ​വി​ത്ര ദ​ർ​ശ​നം ത​ന്നെ​യാ​ണ്. ഖു​ർ​ആ​ൻ വേ​ദം ന​ൽ​ക​പ്പെ​ട്ട മാ​സ​മാ​ണ​ല്ലോ റ​മ​ദാ​ൻ. അ​തി​ന്റെ ന​ന്ദി സൂ​ച​ക​മാ​യി​ട്ടാ​ണ് വി​ശ്വാ​സി​ക​ൾ ഈ ​റ​മ​ദാ​ൻ മാ​സ​ത്തി​ലെ നോ​മ്പ് എ​ടു​ക്കു​ന്ന​ത്. സ​മ്പ​ന്ന​നും, ദ​രി​ദ്ര​നും ഒ​രു പോ​ലെ വി​ശ​പ്പും, ദാ​ഹ​വും അ​റി​യു​ന്നു. ദൈ​വ ക​ൽ​പ​ന ജീ​വി​ത​ത്തി​ൽ പാ​ലി​ക്കു​ന്നു. അ​വ​ന​വ​ന്റെ ഇ​ഷ്ട​ങ്ങ​ളേ​ക്കാ​ൾ ഈ​ശ്വ​ര​ന്റെ, അ​ല്ലാ​ഹു​വി​ന്റെ ഇ​ഷ്ട​ത്തി​ന് മു​ന്നി​ൽ ജീ​വി​തം സ​മ​ർ​പ്പി​ക്കു​ന്നു.

നോ​മ്പു​കാ​ല​ത്തെ കു​റി​ച്ച് ഓ​ർ​ക്കു​മ്പോ​ൾ, എ​ന്റെ മ​ന​സ്സ് പാ​ല​ക്കാ​ട്ടെ കു​ട്ടി​ക്കാ​ല​ത്തേ​ക്ക് പ​റ​ന്നു​യ​രു​ന്നു. അ​യ​ൽ​വീ​ട്ടി​ലെ സൈ​നു താ​ത്ത... ഞ​ങ്ങ​ൾ സ്നേ​ഹ​ത്തോ​ടെ വി​ളി​ച്ചി​രു​ന്ന​ത് ചൈ​ന​ത്താ​ത്ത എ​ന്നാ​യി​രു​ന്നു. റ​മ​ദാ​ൻ വൈ​കു​ന്നേ​ര​ങ്ങ​ളി​ൽ പ​ള്ളി​യി​ൽ നി​ന്ന് നോ​മ്പ് ക​ഞ്ഞി വാ​ങ്ങാ​ൻ പോ​കു​ന്ന ഇ​ത്ത​യെ കാ​ണു​മ്പോ​ൾ, ഞ​ങ്ങ​ൾ കു​ട്ടി​ക​ൾ ഏ​റെ പ്ര​തീ​ക്ഷ​യോ​ടെ കാ​ത്തി​രി​ക്കും. കാ​ര​ണം, ആ ​ചൂ​ടു​ള്ള ക​ഞ്ഞി​യി​ൽ ഞ​ങ്ങ​ൾ​ക്കും ഒ​രു ഓ​ഹ​രി​യു​ണ്ടെ​ന്ന് അ​റി​യാ​മാ​യി​രു​ന്നു. ചൈ​ന​താ​ത്ത വി​ള​മ്പി​ത്ത​ന്നി​രു​ന്ന ക​ഞ്ഞി​യു​ടെ മ​ണ​വും, രു​ചി​യും ഇ​പ്പോ​ഴും നാ​വി​ലു​ണ്ട്. സ്നേ​ഹ​ത്തി​ന്റെ, പ​ങ്കു​വെ​ക്ക​ലി​ന്റെ റ​മ​ദാ​ൻ ന​ന്മ​യു​ടെ രു​ചി​ത​ന്നെ​യാ​ണ് ആ ​ക​ഞ്ഞി.

പ്ര​വാ​സ​ജീ​വി​ത​ത്തി​ൽ ക​ട​ന്നു​പോ​യ​ത് 29 വ​ർ​ഷ​ങ്ങ​ൾ, ഒ​ട്ടേ​റെ കൂ​ട്ടാ​യ്മ​ക​ൾ, സം​ഘ​ട​ന​ക​ൾ, ഒ​മാ​നി​ലൊ​രു​ക്കി​യ ഇ​ഫ്താ​ർ വി​രു​ന്നു​ക​ളി​ൽ പ​ങ്കെ​ടു​ക്കാ​ൻ അ​വ​സ​ര​മു​ണ്ടാ​യി. ഒ​രു ദൈ​വ​നി​യോ​ഗം പോ​ലൊ​രു ഭാ​ഗ്യം. ജാ​തി​യും മ​ത​വും മ​റ​ന്ന്, എ​ല്ലാ​വ​രും ഒ​രു​മി​ച്ചി​രി​ക്കു​ന്ന വ​ശ്യ​സു​ന്ദ​ര​മാ​യ കാ​ഴ്ച ത​ന്നെ. നോ​മ്പു​തു​റ​ക്കാ​നു​ള്ള ആ ​നി​മി​ഷ​ത്തി​നാ​യി കാ​ത്തി​രി​ക്കു​ന്ന മു​ഖ​ങ്ങ​ളി​ൽ തി​ള​ങ്ങു​ന്ന പ്ര​തീ​ക്ഷ​യും, പ്രാ​ർ​ഥ​ന​യും മ​റ്റൊ​രി​ട​ത്തും അ​നു​ഭ​വി​ക്കാ​ൻ ക​ഴി​യു​ന്ന​താ​യി തോ​ന്നി​യി​ട്ടി​ല്ല. മ​ത പ​ണ്ഡി​ത​ന്മാ​ർ റ​മ​ദാ​നി​ന്റെ സ​ന്ദേ​ശ​ങ്ങ​ൾ മ​ധു​ര​മാ​യ വാ​ക്കു​ക​ളി​ൽ പ​ക​ർ​ന്നു ന​ൽ​കു​മ്പോ​ൾ, ഞാ​ൻ ആ​വേ​ശ​ത്തോ​ടെ കേ​ട്ടി​രി​ക്കാ​റു​ണ്ട്. ആ ​വാ​ക്കു​ക​ൾ എ​ന്റെ മ​ന​സ്സി​നെ ഒ​രു പ​വി​ത്ര വെ​ളി​ച്ച​ത്തി​ലേ​ക്ക് ആ​ന​യി​ക്കു​ന്നു.

ഓ​രോ ഇ​ഫ്താ​റി​ലും ഞാ​ൻ ചി​ന്തി​ക്കാ​റു​ണ്ട്. ന​മ്മ​ൾ പ്ര​വാ​സി​ക​ൾ എ​ത്ര ഭാ​ഗ്യ​വാ​ന്മാ​രാ​ണ്! ഇ​വി​ടെ, നോ​മ്പു​കാ​ല​വും പെ​രു​ന്നാ​ളും ഒ​രു കു​ടും​ബം പോ​ലെ, ഒ​രു​മ​യോ​ടെ ആ​ഘോ​ഷി​ക്കു​ന്നു. വ​ലി​യ​വ​നെ​ന്നോ ചെ​റി​യ​വ​നെ​ന്നോ, ജാ​തി, മ​ത വേ​ർ​തി​രി​വി​ല്ലാ​തെ​യു​ള്ള ഒ​ത്തൊ​രു​മ. അ​തി​നേ​ക്കാ​ൾ മ​ഹ​ത്ത​ര​മാ​യ മാ​ന​വി​ക​ത മ​റ്റെ​ന്താ​ണ്. ഇ​ന്ന​ത്തെ കാ​ല​ത്ത് അ​പൂ​ർ​വ​മാ​യ ഈ ​കാ​ഴ്ച​ക​ൾ സ​മ്മാ​നി​ക്കു​ന്ന റ​മ​ദാ​ൻ സ്നേ​ഹ​സാ​ഹോ​ദ​ര്യം ആ​ർ​ക്കാ​ണ് മ​റ​ക്കാ​ൻ ക​ഴി​യു​ക. ഈ ​റ​മ​ദാ​ൻ പു​ണ്യ​നാ​ളു​ക​ൾ ഏ​വ​ർ​ക്കും ജീ​വി​ത വി​ശു​ദ്ധി​യു​ടെ തി​ള​ക്ക​വും, ഐ​ശ്വ​ര്യ​വും ത​ണ​ലും പ​ക​ർ​ന്നു ന​ൽ​ക​ട്ടെ.