തിരുവാഭരണം അണിഞ്ഞുള്ള ദർശനം നാ​ളെ കൂടി

ശ​ബ​രി​മ​ല: അ​യ്യ​പ്പ​ഭ​ക്ത​ർ​ക്ക് ദ​ർ​ശ​നം അ​നു​വ​ദി​ക്കു​ന്ന ഞാ​യ​റാ​ഴ്ച വ​രെ​യും ദ​ർ​ശ​ന​ത്തി​നാ​യു​ള്ള സ്പോ​ട്ട് ബു​ക്കി​ങ്​ കൗ​ണ്ട​റു​ക​ൾ പ്ര​വ​ർ​ത്തി​ക്കും. പ​മ്പ, നി​ല​യ്ക്ക​ൽ, എ​രു​മേ​ലി, വ​ണ്ടി​പ്പെ​രി​യാ​ർ, പ​ന്ത​ളം എ​ന്നി​വി​ട​ങ്ങ​ളി​ലാ​ണ് സ്പോ​ട്ട് ബു​ക്കി​ങ്ങി​ന് സൗ​ക​ര്യം. വെ​ർ​ച്വ​ൽ ക്യൂ ​ബു​ക്കി​ങ്​ 19 വ​രെ ഉ​ണ്ടാ​കും.

ശ​ബ​രി​മ​ല സ​ന്നി​ധാ​ന​ത്ത് ബു​ധ​നാ​ഴ്ച അ​മ്പ​ല​പ്പു​ഴ, ആ​ല​ങ്ങാ​ട്​ സം​ഘ​ങ്ങ​ളു​ടെ നേ​തൃ​ത്വ​ത്തി​ൽ മ​ണി​മ​ണ്ഡ​പ​ത്തി​ൽ​നി​ന്ന്​ പ​തി​നെ​ട്ടാം​പ​ടി​യി​ലേ​ക്ക് ആ​ഘോ​ഷ​മാ​യി എ​ഴു​ന്ന​ള്ള​ത്ത് ന​ട​ന്നു.

17 വരെ ഭക്തർക്ക് തിരുവാഭരണ ഭൂഷിതനായ അയ്യപ്പസ്വാമിയെ ദർശിക്കാം. 18 വരെ മാത്രമേ നെയ്യഭിഷേകം ഉണ്ടാവു. 18ന് ദീപാരാധനയ്ക്ക് ശേഷം മണിമണ്ഡപത്തിൽ നിന്ന് ശരംകുത്തിയിലേക്കുള്ള എഴുന്നള്ളത്ത് നടക്കും. 19ന് രാത്രി 10ന് മാളികപ്പുറം സന്നിധിയിൽ വലിയ ഗുരുതി. 19ന് രാത്രി ഹരിവരാസനം പാടി നട അടയ്ക്കുന്നത് വരെ ഭക്തർക്ക് ദർശന സൗകര്യം ഉണ്ട്.

20ന് പുലർച്ചെ തിരുവാഭരണ പേടകം തിരിച്ചെഴുന്നള്ളിക്കും. തുടർന്ന് പന്തളം രാജപ്രതിനിധിയുടെ ദർശന ശേഷം ഭസ്മ വിഭൂഷിതനാക്കി യോഗദണ്ഡും രുദ്രാക്ഷമാലയും അണിയിച്ച് അയ്യപ്പസ്വാമിയെ യോഗനിദ്രയിലാക്കും. തുടർന്ന് ഹരിവരാസനം പാടി ശ്രീകോവിൽ നടയടയ്ക്കുന്നതോടെ മകരവിളക്ക് ഉത്സവ കാലത്തിന് സമാപനമാകും.