മ​ഞ്ഞ വ​ർ​ണം പ്ര​തി​ന​ിധീ​ക​രി​ക്കു​ന്ന സ​വി​ശേ​ഷ​ത​ക​ളാ​ണ് തെ​ളി​ച്ചം, ഇ​ളം​ചൂ​ട്, ശു​ഭ​പ്ര​തീ​ക്ഷ തു​ട​ങ്ങി​യ​വ. ഇ​തു​പോ​ലെ വെ​ളി​ച്ചം വി​ത​റു​ന്ന​വ​രു​ണ്ടോ നി​ങ്ങ​ളു​ടെ ജീ​വി​ത​ത്തി​ൽ? ഇ​രു​ണ്ട മേ​ഘ​ങ്ങ​ളു​ള്ള ദി​വ​സം പൊ​ടു​ന്ന​നെ വ​രു​ന്ന സൂ​ര്യ​പ്ര​കാ​ശം പോ​ലെ ജീ​വി​ത​ത്തി​ന് തെ​ളി​ച്ചം ന​ൽ​കു​ന്ന​വ​രാ​ണ് ഈ ​യെ​ല്ലോ ​പേ​ഴ്സ​ൺ

ഉ​ന്മേ​ഷ​ത്തി​ന്റെ​യും പ്ര​തീ​ക്ഷ​യു​ടെ​യും സ​ന്തോ​ഷ​ത്തി​ന്റെ​യും വ​ർ​ണ​മാ​ണ് മ​ഞ്ഞ. ഈ ​ന​ല്ല വി​കാ​ര​ങ്ങ​ളെ​ല്ലാം ഒ​രു വ്യ​ക്തി​യി​ൽ നി​റ​ഞ്ഞി​രി​ക്കു​ന്നു​വെ​ന്ന് ക​രു​തു​ക, അ​വ​രാ​ണ് യെ​ല്ലോ പേ​ഴ്സ​ൺ​സ്. മൂ​ടി​ക്കെ​ട്ടി​നി​ൽ​ക്കു​ന്ന ജീ​വി​ത​ത്തി​ന് സൂ​ര്യ​വെ​ളി​ച്ച​മേ​കു​ന്ന​വ​ർ.

എ​ത്ര ക​ടു​ത്ത ജീ​വി​ത സാ​ഹ​ച​ര്യ​ത്തി​ലും നി​ങ്ങ​ളു​ടെ സ്പി​രി​റ്റ് ഉ​യ​ർ​ത്തു​ന്ന വാ​ക്കു​ക​ളും പ്ര​വൃ​ത്തി​ക​ളു​മാ​യി ആ​ശ്വാ​സ​ത്തി​ന്റെ മ​ഞ്ഞ​ത്ത​ണ​ലാ​യി അ​വ​രു​ണ്ടാ​കും. ജ​ഡ്ജ് ചെ​യ്യ​പ്പെ​ടു​മെ​ന്ന് പേ​ടി​ക്കാ​തെ ഏ​തു കാ​ര്യ​വും പ​ങ്കു​വെ​ക്കാ​നും അ​തി​ൽ നി​ങ്ങ​ൾ​ക്ക് മി​ക​ച്ച​താ​യ വ​ഴി പ​റ​ഞ്ഞു​ത​രു​ന്ന​യാ​ളു​മാ​യി​രി​ക്കും അ​ത്. അ​ത്ത​ര​മൊ​രു യെ​ല്ലോ പേ​ഴ്സ​ണെ ല​ഭി​ച്ച​ത് എ​ത്ര അ​നു​ഗ്ര​ഹ​മാ​ണെ​ന്ന് നി​ങ്ങ​ൾ ഇ​ട​ക്കി​ടെ ഓ​ർ​ക്കു​ക​യും ചെ​യ്യും.

സോ​ഷ്യ​ൽ മീ​ഡി​യ​യി​ൽ ട്രെ​ൻ​ഡി​ങ്

കു​റ​ച്ചുനാ​ളാ​യി സ​മൂ​ഹ​മാ​ധ്യ​മ​ങ്ങ​ൾ യെ​ല്ലോ പേ​ഴ്സ​ണെ ആ​ഘോ​ഷി​ക്കാ​ൻ തു​ട​ങ്ങി​യി​ട്ട്. മ​നോ​ഹ​ര​മാ​യ പോ​സ്റ്റു​ക​ളി​ലൂ​ടെ​യും വി​ഡി​യോ​ക​ളി​ലൂ​ടെ​യും പ​ല​രും ത​ങ്ങ​ളു​ടെ യെ​ല്ലോ പേ​ഴ്സ​ണ് സ്നേ​ഹാ​ദ​ര​വു​ക​ൾ പ്ര​ക​ടി​പ്പി​ക്കു​ന്നു.

ഒ​രാ​ൾ യെ​ല്ലോ പേ​ഴ്സ​ണാ​വു​ന്ന​ത് എ​പ്പോ​ൾ?

നി​ങ്ങ​ളു​ടെ യാ​ത്ര പാ​തി ദൂ​ര​ത്തി​ലാ​ണെ​ങ്കി​ലും കൂ​ടെ​യു​ള്ള​യാ​ളു​ടെ ശു​ഭ​പ്ര​തീ​ക്ഷ​യും പോ​സി​റ്റി​വ് വൈ​ബും കൊ​ണ്ട് വി​ജ​യ​ത്തി​ന് തൊ​ട്ട​രി​കി​ലെ​ത്തി​യെ​ന്ന് തോ​ന്നി​പ്പി​ക്കു​ന്നു​ണ്ടെ​ങ്കി​ൽ, കൂ​ടു​ത​ൽ ഉ​ത്സാ​ഹം നി​റ​ക്കു​ന്നു​ണ്ടെ​ങ്കി​ൽ അ​ത് നി​ങ്ങ​ളു​ടെ യെ​ല്ലോ പേ​ഴ്സ​ണാ​ണ്.

സാ​ന്നി​ധ്യം കൊ​ണ്ട് ഒ​രു ത​ര​ത്തി​ലു​ള്ള അ​സ്വ​സ്ഥ​ത​യോ ആ​ശ​ങ്ക​യോ ഉ​ണ്ടാ​ക്കി​ല്ലെ​ന്നു മാ​ത്ര​മ​ല്ല, അ​വ​രു​ടെ സ​മീ​പ​നം നി​ങ്ങ​ളു​ടെ സാ​ഹ​ച​ര്യ​ത്തെ സ​മാ​ധാ​ന​പൂ​ർ​ണ​മാ​ക്കും.

എ​ങ്കി​ലും...

നി​ങ്ങ​ളു​ടെ ആ ​യെ​ല്ലോ പേ​ഴ്സ​ണെ എ​ത്ര​ത​ന്നെ ആ​ദ​രി​ക്കു​ക​യും ഇ​ഷ്ട​പ്പെ​ടു​ക​യും ചെ​യ്യു​ന്നു​വെ​ങ്കി​ലും ‘അ​വ​രും മ​നു​ഷ്യ​രാ​ണ്’ എന്നത് മ​റ​ക്ക​രു​തെ​ന്ന് മ​നഃ​ശാ​സ്ത്ര വി​ദ​ഗ്ധ​ർ മു​ന്ന​റി​യി​പ്പു ന​ൽ​കു​ന്നു. അ​തു​കൊ​ണ്ട് ത​ന്നെ അ​വ​ർ സ​മ്പൂ​ർ​ണ​ര​ല്ല. വ​ള​രെ മോ​ശം സാ​ഹ​ച​ര്യ​ത്തെ​യോ അ​വ​സ്ഥ​യേ​യോ അ​ങ്ങ​നെ ത​ന്നെ സ്വീ​ക​രി​ക്കേ​ണ്ട ജീ​വി​താ​വ​സ്ഥ​യി​ൽ അ​മി​ത​മാ​യ ശു​ഭ​പ്ര​തീ​ക്ഷ വി​പ​രീ​ത ഫ​ലം സൃ​ഷ്ടി​ച്ചേ​ക്കാം....

അ​തി​വൈ​കാ​രി​ക​ത​യു​ടെ പ​രി​സ​ര​ങ്ങ​ളി​ൽ അ​വ​ർ അ​ധി​ക​നേ​രം നി​ങ്ങ​ളെ നി​ർ​ത്തി​ല്ല. കാ​ര്യ​ങ്ങ​ളു​ടെ തെ​ളി​ച്ച​ത്തി​ലേ​ക്കും പ്ര​ശ്ന​ങ്ങ​ളു​ടെ പ​രി​ഹാ​ര​ത്തി​ലേ​ക്ക് അ​വ​ർ ന​യി​ക്കും. വൈ​കാ​രി​ക പി​ന്തു​ണ​യും സ​മ്മ​ർ​ദ​ത്തി​ൽനി​ന്നു​ള്ള മോ​ച​ന​മാ​ർ​ഗ​വു​മാ​ണ​വ​ർ. വി​ഷ​മ​ഘ​ട്ട​ങ്ങ​ളി​ൽ സു​ര​ക്ഷ​യും സ്ഥി​ര​ത​യും തോ​ന്നി​പ്പി​ക്കു​ന്ന​യാ​ളു​ക​ളാ​ണ് നി​ങ്ങ​ളു​ടെ യെ​ല്ലോ പേ​ഴ്സ​ൺ. ഇ​വ​ർ സ്ട്രെ​സ് ഹോ​ർ​മോ​ൺ കു​റ​ക്കാ​ൻ സ​ഹാ​യി​ക്കും.’’

 ആ​കൃ​തി ആ​സ്ത സൈ​ക്കോ​ള​ജി​സ്റ്റ്, ഡൽ​ഹി