‘ഫു​ള്‍ അ​യ​ണ്‍മാ​ന്‍’

ലോ​ക​ത്തി​ലെ​ത്ത​ന്നെ അ​തി​ക​ഠി​ന​മാ​യ കാ​യി​ക പ​രീ​ക്ഷ​ണ​ങ്ങ​ളി​ലൊ​ന്നാ​ണ് ‘അ​യ​ൺ​മാ​ൻ’ ഫി​റ്റ്ന​സ് ച​ല​ഞ്ച് മ​ത്സ​രം. നീ​ന്ത​ലും ഓ​ട്ട​വും സൈ​ക്കി​ളോ​ട്ട​വും എ​ല്ലാം ചേ​ർ​ന്ന ശ്ര​ദ്ധേ​യ​മാ​യൊ​രു മ​ത്സ​ര​യി​നം. 18 വ​യ​സ്സ് തി​ക​ഞ്ഞ​വ​ർ​ക്ക് മാ​ത്ര​മേ മ​ത്സ​ര​ത്തി​നി​റ​ങ്ങാ​ൻ നി​യ​മം അ​നു​വ​ദി​ക്കു​ന്നൊ​ള്ളു. പ​തി​നെ​ട്ടു​വ​യ​സ്സ് തി​ക​യു​ന്ന പി​റ​ന്നാ​ൾ ദി​ന​ത്തി​ല്‍ ത​ന്നെ ‘ഫു​ള്‍ അ​യ​ണ്‍മാ​ന്‍’ നേ​ട്ടം ക​യ്യി​ലൊ​തു​ക്കി ശ്ര​ദ്ധേ​യ​നാ​യി​രി​ക്കു​ക​യാ​ണ് ദു​ബൈ​യി​ൽ താ​മ​സി​ക്കു​ന്ന മ​ല​പ്പു​റം വെ​ളി​മു​ക്ക് സ്വ​ദേ​ശി​യാ​യ ശ്രീ​ദ​ത്ത് എ​ന്ന വി​ദ്യാ​ർ​ഥി.

ഇ​ങ്ങ​നെ ഒ​രു പി​റ​ന്നാ​ൾ സ​മ്മാ​നം അ​ത്യ​പൂ​ർ​വ​മാ​ണ്. മി​ക​ച്ച ശാ​രീ​രി​ക ക്ഷ​മ​ത​യും അ​ർ​പ്പ​ണ​ബോ​ധ​വു​മു​ള​ള​വ​ർ മാ​ത്രം വി​ജ​യി​ക്കു​ന്ന ലോ​ക​ത്തി​ലെ പ്ര​യാ​സ​മേ​റി​യ ഈ ​മ​ത്സ​ര​യി​ന​ത്തി​ൽ കേ​ര​ള​ത്തി​ല്‍നി​ന്ന് ആ​ദ്യ​മാ​യാ​ണ് ഒ​രാ​ള്‍ ജ​ന്മ​ദി​ന​ത്തി​ല്‍ ഫു​ള്‍ അ​യ​ണ്‍മാ​ന്‍ പ​ദ​വി നേ​ടു​ന്ന​ത്. ഇ​ന്ത്യ​യി​ല്‍ നി​ന്നു​ള്ള ര​ണ്ടാ​മ​ത്തെ ആ​ളും. അ​യ​ൺ​മാ​ൻ ചാ​ല​ഞ്ച് പൂ​ർ​ത്തി​യാ​ക്കി​യ ഏ​റ്റ​വും പ്രാ​യം കു​റ​ഞ്ഞ മ​ല​യാ​ളി​യെ​ന്ന നേ​ട്ട​വും ഇ​നി ശ്രീ​ദ​ത്തി​നു​ള്ള​താ​ണ്. ഇ​ക്ക​ഴി​ഞ്ഞ ജൂ​ൺ ര​ണ്ടി​ന് ജ​ർ​മ​നി​യി​ലെ ഹാം​ബ​ർ​ഗി​ൽ ന​ട​ന്ന യൂ​റോ​പ്യ​ൻ ചാം​പ്യ​ൻ​ഷി​പ്പി​ലാ​യി​രു​ന്നു ‘ഉ​രു​ക്ക് മ​നു​ഷ്യ​ൻ’ നേ​ട്ടം ശ്രീ​ദ​ത്ത് സ്വ​ന്ത​മാ​ക്കി​യ​ത്.

മ​ത്സ​ര​ത്തി​ല്‍ ഹാ​ഫ് അ​യ​ണ്‍മാ​ന്‍, ഫു​ള്‍ അ​യ​ണ്‍മാ​ന്‍ എ​ന്നീ വി​ഭാ​ഗ​ങ്ങ​ളു​ണ്ട്. ഇ​രു​വി​ഭാ​ഗ​ങ്ങ​ളി​ലും പ​ങ്കെ​ടു​ക്ക​ണ​മെ​ങ്കി​ല്‍ 18 വ​യ​സ്സ് തി​ക​യ​ണം. അ​യ​ൺ മാ​ൻ സ്വ​പ്നം മ​ന​സ്സി​ൽ താ​ലോ​ലി​ച്ച്‌ ന​ട​ക്കു​ന്ന​തി​നി​ടെ ക​ഴി​ഞ്ഞ വ​ർ​ഷ​മാ​ണ് ശ്രീ​ദ​ത്ത് ജ​ന്മ​ദി​ന​മാ​യ ജൂ​ൺ ര​ണ്ടി​ന് ജ​ർ​മ​നി​യി​ൽ ചാ​മ്പ്യ​ൻ​ഷി​പ്പ് ന​ട​ക്കു​ന്ന വി​വ​രം അ​റി​യു​ന്ന​ത്.

യാ​ദൃ​ശ്ചി​ക​മാ​യി ഒ​ത്തു​വ​ന്ന ഈ ​സു​ദി​നം ത​ന്‍റെ റെ​ക്കോ​ർ​ഡ് ദി​നം​കൂ​ടി​യാ​ക്കി മാ​റ്റ​ണ​മെ​ന്ന നി​ശ്ച​യ​ദാ​ർ​ഢ്യ​ത്തി​ൽ സ്കൂ​ൾ പ​ഠ​ന​ത്തോ​ടൊ​പ്പം മു​ഴു സ​മ​യം പ​രി​ശീ​ല​നം തു​ട​ർ​ന്നു. ഇ​ട​വേ​ള​ക​ളി​ല്ലാ​തെ കാ​യി​ക ക്ഷ​മ​ത തെ​ളി​യി​ക്കേ​ണ്ട മ​ത്സ​ര​ത്തി​ലേ​ക്ക് അ​ങ്ങി​നെ നെ​ഞ്ചു വി​രി​ച്ചാ​ണ് ശ്രീ​ദ​ത്ത് ഇ​റ​ങ്ങി​യ​ത്. ഫു​ൾ അ​യ​ൺ മാ​നാ​വാ​ൻ തു​ട​ർ​ച്ച​യാ​യി 16 മ​ണി​ക്കൂ​റി​നു​ള്ളി​ല്‍ നീ​ന്ത​ല്‍, സൈ​ക്ലി​ങ്, ഓ​ട്ടം എ​ന്നി​വ ചെ​യ്തു​തീ​ര്‍ക്കു​ക​യെ​ന്ന​താ​ണ് മ​ത്സ​ര​ത്തി​ലെ പ്ര​ധാ​ന വെ​ല്ലു​വി​ളി.

നി​ശ്ചി​ത സ​മ​യ​ത്തി​നു​മെ​ത്ര​യോ മു​മ്പ് 13 മ​ണി​ക്കൂ​റു​കൊ​ണ്ട് ശ്രീ​ദ​ത്ത് മ​ത്സ​രം ഫി​നി​ഷ് ചെ​യ്ത​പ്പോ​ൾ റെ​ക്കോ​ർ​ഡ് പി​റ​ക്കു​ക​യാ​യി​രു​ന്നു . രാ​വി​ലെ 6.40ന് ​ആ​രം​ഭി​ച്ച മ​ത്സ​രം രാ​ത്രി 7.40 ഓ​ടെ പൂ​ർ​ത്തി​യാ​ക്കി.

3.8 കി​ലോ​മീ​റ്റ​ര്‍ നീ​ന്ത​ല്‍ (ഒ​രു മ​ണി​ക്കൂ​ര്‍ ഏ​ഴു​മി​നി​റ്റ്), 180 കി​ലോ​മീ​റ്റ​ര്‍ സൈ​ക്ലി​ങ് (ആ​റു​മ​ണി​ക്കൂ​ര്‍ 10 മി​നി​റ്റ്), 42.2 കി​ലോ​മീ​റ്റ​ര്‍ ഓ​ട്ടം (അ​ഞ്ചു മ​ണി​ക്കൂ​ര്‍ 20 മി​നി​റ്റ്) എ​ന്നി​വ​യി​ലൂ​ടെ​യാ​ണ് അ​ഭി​മാ​ന നേ​ട്ടം കൈ​വ​രി​ച്ച​ത്. ഓ​ട്ട​ത്തി​ലും നീ​ന്ത​ലി​ലും ഒ​രു​പാ​ട് ത​വ​ണ ജേ​താ​വാ​യി​ട്ടു​ണ്ടെ​ങ്കി​ലും ഇ​ത്ര​യും അ​ധി​കം ദൂ​രം ഇ​ട​വേ​ള​യി​ല്ലാ​തെ താ​ണ്ടു​ന്ന​തും ട്ര​യാ​ത്ത്​​ല​ണ്‍ മ​ത്സ​ര​ത്തി​ന് വേ​ണ്ടി​യാ​ണ്.

ഫു​ള്‍ അ​യേ​ണ്‍മാ​ന്‍ മ​ത്സ​ര​ത്തി​ല്‍ 3000 ത്തോ​ളം പ​ങ്കെ​ടു​ത്തി​രു​ന്നു. എ​ന്നാ​ല്‍ 18ാം ജ​ന്മ​ദി​ന​ത്തി​ല്‍ പ​ങ്കെ​ടു​ക്കു​ന്ന ഒ​രേ​യൊ​രാ​ള്‍ ശ്രീ​ദ​ത്താ​യി​രു​ന്നു. ഇ​തി​നു​മു​ന്‍പ് പു​ഖ്‌​റാ​യാ​ന്‍, നേ​പ്പാ​ള്‍ എ​ന്നി​വി​ട​ങ്ങ​ളി​ല്‍ ന​ട​ന്ന സൗ​ത്ത് ഏ​ഷ്യ​ന്‍ ട്ര​യാ​ത്ത്ല​ണ്‍ ചാ​മ്പ്യ​ന്‍ഷി​പ്പി​ല്‍ ശ്രീ​ദ​ത്ത് ക​പ്പ് നേ​ടി​യി​ട്ടു​ണ്ട്. ഈ ​വ​ര്‍ഷം ഗോ​വ​യി​ല്‍ ദേ​ശീ​യ ഗെ​യിം​സി​ലും പ​ങ്കെ​ടു​ത്തു. യു.​എ.​ഇ.​യി​ലും ഒ​ട്ടേ​റെ ട്ര​യാ​ത്ത്ല​ണ്‍ മ​ത്സ​ര​ങ്ങ​ളി​ല്‍ ശ്രീ​ദ​ത്ത് നേ​ട്ടം കൊ​യ്തി​ട്ടു​ണ്ട്. കൃ​ത്യ​മാ​യ പ​രി​ശീ​ല​ന​മാ​ണ് ത​ന്‍റെ വി​ജ​യ​ങ്ങ​ൾ​ക്ക് പു​റ​കി​ലെ പ്ര​ധാ​ന ര​ഹ​സ്യ​മെ​ന്ന് ശ്രീ​ദ​ത്ത് പ​റ​യു​ന്നു.

വ​ർ​ഷ​ങ്ങ​ളു​ടെ നീ​ണ്ട അ​ധ്വാ​ന​വും ചി​ട്ട​യാ​യ പ​രി​ശീ​ല​ന​വു​മു​ണ്ട്. ഓ​രോ​ന്നി​നും പ്ര​ത്യേ​ക സ​മ​യ​ക്ര​മം നി​ശ്ച​യി​ച്ചാ​ണ് പ​രി​ശീ​ല​നം. കു​ഞ്ഞു​നാ​ൾ മു​ത​ൽ കാ​യി​ക​മേ​ഖ​ല​യി​ലാ​യി​രു​ന്നു ശ്രീ​ദ​ത്തി​ന്‍റെ താ​ൽ​പ​ര്യം. മ​ക​ന്‍റെ അ​ഭി​രു​ചി കൃ​ത്യ​മാ​യി മ​ന​സ്സി​ലാ​ക്കി​യ മാ​താ​പി​താ​ക്ക​ൾ മ​ക​ന് ദു​ബൈ​യി​ൽ ല​ഭി​ക്കാ​വു​ന്ന ഏ​റ്റ​വും ന​ല്ല പ​രി​ശീ​ല​ന​ത്തി​ന് അ​വ​സ​ര​മൊ​രു​ക്കി. പ​ഠ​ന​ത്തോ​ടൊ​പ്പം കാ​യി​ക ഇ​ന​ങ്ങ​ളി​ൽ പ​രി​ശീ​ല​നം തു​ട​ർ​ന്നു. ആ​ദ്യം ഫു​ട്ബോ​ളി​ലും പി​ന്നീ​ട് നീ​ന്ത​ലി​ലേ​ക്കും ഓ​ട്ട​ത്തി​ലേ​ക്കു​മെ​ല്ലാം ശ്ര​ദ്ധ പ​തി​പ്പി​ക്കാ​ൻ തു​ട​ങ്ങി.

ര​ണ്ടാം ക്ലാ​സ്സി​ൽ പ​ഠി​ക്കു​മ്പോ​ൾ ഫു​ട്‌​ബോ​ൾ ക​മ്പ​ക്കാ​ര​നാ​യി ആ​ഴ്സ​ന​ൽ ക്ല​ബി​ൽ പ​രി​ശീ​ലി​ക്കാ​ൻ തു​ട​ങ്ങി. ദു​ബൈ ഡ​ൽ​ഹി പ്രൈ​വ​റ്റ് സ്കൂ​ളി​ൽ പ​ഠ​നം തു​ട​ങ്ങി​യ​തോ​ടെ​യാ​ണ് കാ​യി​ക രം​ഗ​ത്ത് കൂ​ടു​ത​ൽ ശ്ര​ദ്ധ കേ​ന്ദ്രീ​ക​രി​ക്കാ​ൻ തു​ട​ങ്ങി​യ​ത്. വ്യ​ത്യ​സ്ത കാ​യി​ക യി​ന​ങ്ങ​ളി​ൽ അ​ഭി​രു​ചി​യു​ള്ള കു​ട്ടി​യാ​ണെ​ന്ന് ക​ണ്ടെ​ത്തി​യ അ​ധ്യാ​പ​ക​ർ ഈ ​രം​ഗ​ത്തേ​ക്ക് കൂ​ടു​ത​ൽ വാ​താ​യ​ന​ങ്ങ​ൾ തു​റ​ന്നു ന​ൽ​കി. ആ​റാം ക്ലാ​സ് മു​ത​ൽ ക​രാ​ട്ടെ പ​ഠി​ക്കാ​ൻ തു​ട​ങ്ങി .

പ​തി​നൊ​ന്നം വ​യ​സ്സി​ൽ ബ്ലേ​ക് ബെ​ൽ​റ്റ് നേ​ടി. സ്കൂ​ളി​ലെ ഫി​ലി​പ്പി​നോ നീ​ന്ത​ൽ പ​രി​ശീ​ല​ക​നാ​ണ് ട്ര​യാ​ത്ത്​​ല​ണ്‍ ചാ​ല​ഞ്ചി​നെ കു​റി​ച്ച് ര​ക്ഷി​താ​ക്ക​ളോ​ട് സൂ​ചി​പ്പി​ക്കു​ന്ന​ത്. തു​ട​ർ​ന്ന് 14–ാം വ​യ​സ്സു​മു​ത​ൽ ട്ര​യാ​ത്ത്​​ല​ണ്‍ പ​രി​ശീ​ല​ന​ത്തി​ന് കൂ​ടു​ത​ൽ ശ്ര​ദ്ധ പ​തി​പ്പി​ക്കാ​ൻ തു​ട​ങ്ങി. മ​ല​യാ​ളി കാ​യി​ക പ്രേ​മി​ക​ളു​ടെ യു.​എ.​ഇ​യി​ലെ ഏ​റ്റ​വും വ​ലി​യ കൂ​ട്ടാ​യ്മ​ക​ളി​ലൊ​ന്നാ​യ കേ​ര​ള റൈ​ഡേ​ഴ്സി​ലെ അം​ഗ​ങ്ങ​ളെ ക​ണ്ടു​മു​ട്ടി​യ​താ​ണ് ശ്രീ​ദ​ത്തി​ന്‍റെ ജീ​വി​ത​ത്തി​ൽ വ​ഴി​ത്തി​രി​വാ​യ​ത്. കൂ​ട്ടാ​യ്മ​യി​ലെ നാ​സ​റി​ന്‍റെ​യും മോ​ഹ​ൻ​ദാ​സി​ന്‍റെ​യും പി​ന്തു​ണ ഏ​റെ സ​ഹാ​യി​ച്ചു. കേ​ര​ള ട്ര​യാ​ത്ത​ലോ​ൺ അ​സോ​സി​യേ​ഷ​ൻ വ​ഴി സം​സ്ഥാ​ന, ദേ​ശീ​യ ട്ര​യാ​ത്ത​ലോ​ണി​ലും നാ​ഷ​ന​ൽ ഗെ​യിം​സി​ലും നേ‌​ട്ടം കൈ​വ​രി​ച്ചു. പ​രി​ശീ​ല​ക​രാ​യ ഒ​ളിം​പ്യ​ൻ പ്ര​ദീ​പ് കു​മാ​ര്‍, റി​ന​റ്റ് എ​ന്നി​വ​രും മു​ന്നോ​ട്ടു​ന​യി​ച്ചു.

ക​ലാ കാ​യി​ക രം​ഗ​ത്ത് സ​ജീ​വ​മാ​യ കു​ട്ടി​ക​ൾ​ക്ക് അ​ക്കാ​ദ​മി​ക് പ​ഠ​നം ന​ഷ്ട​മാ​കാ​തെ ഈ ​രം​ഗ​ത്ത് പ്ര​തി​ഭ തെ​ളി​യി​ക്കാ​ൻ അ​വ​സ​രം ന​ൽ​കു​ന്ന ദു​ബൈ വി​ദ്യാ​ഭ്യാ​സ സ​മി​തി​യു​ടെ റ​ഹാ​ൽ പ​ദ്ധ​തി​യും ശ്രീ​ദ​ത്തി​ന്‍റെ നേ​ട്ട​ത്തി​ന് ഗു​ണം ചെ​യ്തു​വെ​ന്ന് പി​താ​വ് സു​ധീ​ർ ‘ഗ​ൾ​ഫ് മാ​ധ്യ​മ’ ത്തോ​ട് പ​റ​ഞ്ഞു. ഈ ​വ​ർ​ഷം പ്ല​സ്‌​ടു പ​ഠ​നം മി​ക​ച്ച മാ​ർ​ക്കോ​ടെ പൂ​ർ​ത്തി​യാ​ക്കി​യ ശ്രീ​ദ​ത്ത് ബി​സ്‌​ന​സ് അ​ന​ല​റ്റി​ക്സി​ൽ ബി​രു​ദ​മെ​ടു​ക്കാ​നു​ള്ള ശ്ര​മ​ത്തി​ലാ​ണ്.

ഭാ​വി​യി​ൽ ഒ​ളി​ബി​ക്സി​ൽ ഇ​ന്ത്യ​യെ പ്ര​ധി​നി​ധീ​ക​രി​ക്ക​ണം. അ​ടു​ത്ത നാ​ഷ​നൽ ഗെ​യിംസി​ൽ കേ​ര​ള​ത്തി​ന്‍റെ അ​ഭി​മാ​ന താ​ര​മാ​ക​ണം എ​ന്നി​വ​യൊ​ക്കെ ഇ​നി​യു​ള്ള ആ​ഗ്ര​ഹ​ങ്ങ​ളാ​ണ്. ദു​ബൈ​യി​ലെ മി​ക​ച്ച ട്ര​യാ​ത്ത്​​ല​ണ്‍ പ​രി​ശീ​ല​ന കേ​ന്ദ്ര​ത്തി​ൽ ചേ​ർ​ന്ന ശ്രീ​ദ​ത്ത് അ​തി​നാ​യു​ള്ള ശ്ര​മ​ങ്ങ​ൾ തു​ട​ങ്ങി ക​ഴി​ഞ്ഞു. ഓ​രോ കാ​യി​ക ഇ​ന​ങ്ങ​ൾ​ക്കും വ്യ​ത്യ​സ്ത പ​രി​ശീ​ല​ക​രു​ടെ കീ​ഴി​ലാ​ണ് ഇ​വി​ടെ ട്രെ​യി​നി​ങ് തു​ട​ങ്ങി​യി​രി​ക്കു​ന്ന​ത്.

ദുബൈയിൽ സാംസങ് മിഡിൽ ഈസ്റ്റ് മിന മേഖലയിലെ സർവീസ് ഡയറകർ ആയി ജോലി ചെയ്യുന്ന മലപ്പുറം വെളിമുക്ക് ഇഴിഞ്ഞിലത്ത് വീട്ടിൽ സുധീർ കുമാറിന്‍റെയും രഞ്ജിതയുടെയും മൂത്തമകനാണ് ശ്രീദത്ത്. അ​നി​യ​ത്തി ശ്രീ​നി​ധി​യും സ്കൂ​ൾ കാ​യി​ക മ​ത്സ​ര​ങ്ങ​ളി​ൽ സ്ഥി​രം പ്രാ​ധി​നി​ത്യ​മ​റി​യി​ക്കു​ന്നു​ണ്ട്. ദു​ബൈ ഊ​ദ് മേ​ത്ത​യി​ലാ​ണ് കു​ടും​ബം താ​മ​സി​ക്കു​ന്ന​ത്.

ഇ​തി​ന് മു​മ്പ് 18 വ​യ​സ്സി​ൽ ലോ​ക​ത്ത് ഈ ​വി​ജ​യം സ്വ​ന്ത​മാ​ക്കി​യ​ത് രണ്ടുപേ​ർ മാ​ത്രം. അ​തി​ലൊ​ന്ന് ഇ​ന്ത്യ​ക്കാ​ര​നാ​ണ്. 2018ൽ ​അ​മേ​രി​ക്ക​യി​ലെ ലൂ​യി​സ് വി​ല്ലെ​യി​ൽ ന​ട​ന്ന അ​യ​ൺ​മാ​ൻ ചാമ്പ്യൻ​ഷി​പ്പി​ൽ മ​ഹാ​രാ​ഷ്ട്ര സ്വ​ദേ​ശി മേ​ഘ് ഥാ​ക്കൂ​റാ​ണ് ത​ന്‍റെ 18ാം പി​റ​ന്നാ​ളി​ന് ഈ ​നേ​ട്ടം കൈ​വ​രി​ച്ച ആ​ദ്യ ഇ​ന്ത്യ​ക്കാ​ര​ൻ.