അറബിയിൽ പുലികളാണ് അദീബയും അംനയും; സഹോദരിമാർക്ക് ഇരട്ടിമധുരം

തൃശൂർ: മാതൃഭാഷ പോലെ അറബിയിൽ സംസാരിച്ച് വിജയം കൊയ്ത് രണ്ട് സഹോദരിമാർ. സംസ്ഥാന സ്കൂൾ കലോത്സവം എച്ച് എസ് വിഭാഗം അറബിക് സംഭാഷണ മത്സരത്തിലാണ് തിരുവനന്തപുരം കല്ലറ വൊക്കേഷനൽ ഹയർ സെക്കന്‍ററി സ്‌കൂളിലെ അദീപ ഫർഹാനയും അംന മറിയവും എ ഗ്രേഡ് നേടിയത്.

ഉരുൾപൊട്ടൽ ദുരന്തത്തിൽ വയനാട് അനുഭവിച്ച ദുരിതമാണ് ഇവർ അറബിയിൽ വിവരിച്ചത്. ബിസിനസുകാരനായ കല്ലറ പാങ്ങോട് കൊച്ചുവിള വീട്ടിൽ ഷമീർ -ഷാനിദ മുംതാസ് ദമ്പതികളുടെ മക്കളാണ് ഇരുവരും.