ആൽബം ഓഫ് ന്യൂ ഏജ്

ഗ്രാ​മി​യി​ൽ പു​തു​ച​രി​ത്രം ര​ചി​ക്കു​ക​യാ​ണ് ച​ന്ദ്രി​ക ടാ​ണ്ഡൻ. ഗ്രാ​മി പു​ര​സ്‌​കാ​ര​ ജേ​താ​ക്ക​ളി​ലെ ഇ​ന്ത്യ​ന്‍ സാ​ന്നി​ധ്യം. ഇ​ത് ര​ണ്ടാം ത​വ​ണ​യാ​ണ് ഇ​ന്തോ-​അ​മേ​രി​ക്ക​ന്‍ ഗാ​യി​ക​യും സം​രം​ഭ​ക​യു​മാ​യ ച​ന്ദ്രി​ക ടാ​ണ്ഡന് ഗ്രാ​മി നാ​മ​നി​ര്‍ദേ​ശം ‍ല​ഭി​ക്കു​ന്ന​ത്. ദ​ക്ഷി​ണാ​ഫ്രി​ക്ക​യു​ടെ വൗ​ട്ട​ര്‍ കെ​ല്ല​ര്‍മാ​നും ജാ​പ്പ​നീ​സ് സെ​ലി​സ്റ്റ് എ​രു മാ​റ്റ്സു​മോ​ട്ടോ​യു​മാ​യും ചേ​ർ​ന്ന് നി​ര്‍മി​ച്ച ‘ത്രി​വേ​ണി’ എ​ന്ന ആ​ല്‍ബ​മാ​ണ് 67ാമ​ത് ഗ്രാ​മി പു​ര​സ്‌​കാ​രം ച​ന്ദ്രി​ക​യി​ലെ​ത്തി​ച്ച​ത്. ‘ബെ​സ്റ്റ് ന്യൂ ​ഏ​ജ് ആ​ൽ​ബം വി​ഭാ​ഗ​ത്തി​ലാ​യി​രു​ന്നു പു​ര​സ്കാ​രം. റി​ക്കി കെ​ജി​ന്റെ ‘ബ്രേ​ക്ക് ഓ​ഫ് ഡോ​ണ്‍’, അ​നു​ഷ്‌​ക ശ​ങ്ക​റി​ന്റെ ‘ചാ​പ്റ്റ​ര്‍ II: ഹൗ ​ഡാ​ര്‍ക്ക് ഇ​റ്റ് ഈ​സ് ബി​ഫോ​ര്‍ ഡോ​ണ്‍’ അ​ട​ക്ക​മു​ള്ള​വ​യെ പി​ന്ത​ള്ളി​യാ​ണ് ‘ത്രി​വേ​ണി’ പു​ര​സ്കാ​ര​ത്തി​ലെ​ത്തി​യ​ത്.

“സം​ഗീ​തം പ്ര​ണ​യ​മാ​ണ്, പ്ര​കാ​ശ​മാ​ണ്, പു​ഞ്ചി​രി​യാ​ണ്. ന​മു​ക്കു​ചു​റ്റും എ​പ്പോ​ഴും സ്നേ​ഹ​വും വെ​ളി​ച്ച​വും പു​ഞ്ചി​രി​യും നി​റ​ഞ്ഞു​നി​ൽ​ക്ക​ട്ടെ. സം​ഗീ​ത​ത്തി​ന് ന​ന്ദി, സം​ഗീ​തം സൃ​ഷ്ടി​ക്കു​ന്ന എ​ല്ലാ​വ​ർ​ക്കും ന​ന്ദി. ഏ​ത് വി​ഷ​മ​വും മ​റി​ക​ട​ന്ന് സൗ​ഖ്യ​മാ​ക്കാ​നു​ള്ള സം​ഗീ​ത​ത്തി​ന്റെ യാ​ത്ര​യി​ലൊ​ന്നാ​ണ് ഞ​ങ്ങ​ളു​ടെ ആ​ൽ​ബം. പു​ര​സ്‌​കാ​രം നേ​ടി​യ​ത് വ​ലി​യ സ​ന്തോ​ഷം ന​ൽ​കു​ന്നു. ഞ​ങ്ങ​ൾ​ക്കൊ​പ്പം മ​ത്സ​രി​ച്ച​ത് ഏ​റെ ക​ഴി​വു​ള്ള സം​ഗീ​ത​ജ്ഞ​ർ​ത​ന്നെ​യാ​യി​രു​ന്നു. സ​ന്തോ​ഷം’’ ഗ്രാ​മി പു​ര​സ്കാ​ര​ നി​റ​വി​ൽ ച​ന്ദ്രി​ക ടാ​ണ്ഡൻ പ​റ​യു​ന്നു.

ചെ​ന്നൈ​യി​ലാ​യി​രു​ന്നു ച​ന്ദ്രി​ക​യു​ടെ ജ​ന​നം. പെ​പ്‌​സി​ക്കോ​യു​ടെ സി.​ഇ.​ഒ ആ​യി​രു​ന്ന ഇ​ന്ദ്ര നൂ​യി​യാ​ണ് സ​ഹോ​ദ​രി. ​ബാ​ങ്ക​റാ​യി​രു​ന്നു അ​ച്ഛ​ൻ, അ​മ്മ സം​ഗീ​ത​ജ്ഞ. മ​ദ്രാ​സ് ക്രി​സ്ത്യ​ന്‍ കോ​ള​ജി​ല്‍നി​ന്ന് ഉ​ന്ന​ത വി​ദ്യാ​ഭ്യാ​സം. നി​യ​മ​വ​ഴി​യി​ലേ​ക്ക് ക​ട​ക്കാ​നാ​യി​രു​ന്നു ആ​ഗ്ര​ഹം. എ​ന്നാ​ൽ ചേ​ർ​ന്ന​ത് അ​ഹ​്മ​ദാ​ബാ​ദ് ഐ.​ഐ.​എ​മ്മി​ൽ. പ​ഠ​ന​ശേ​ഷം നി​ര​വ​ധി ക​മ്പ​നി​ക​ളി​ൽ ഉ​ന്ന​ത പ​ദ​വി​ക​ൾ വ​ഹി​ച്ചു.

കു​ടും​ബ​ത്തി​ലെ ഒ​രു ആ​ഘോ​ഷ ച​ട​ങ്ങാ​ണ് സം​ഗീ​ത​രം​ഗ​ത്തേ​ക്കു​ള്ള ച​ന്ദ്രി​ക​യു​ടെ ക​ട​ന്നു​വ​ര​വി​ന് കാ​ര​ണം. ഭ​ര്‍തൃ​പി​താ​വി​ന്റെ പി​റ​ന്നാ​ളാ​ഘോ​ഷ​ത്തി​നി​ടെ ചി​ല വ​രി​ക​ൾ റെ​ക്കോ​ഡ് രൂ​പ​ത്തി​ൽ ച​ന്ദ്രി​ക സ​മ്മാ​നി​ച്ചു. ഈ ​റെ​ക്കോ​ഡ് പി​ന്നീ​ട് ച​ന്ദ്രി​ക​യു​ടെ ‘സോ​ള്‍ കാ​ള്‍’​ എന്ന ആ​ദ്യ ആ​ല്‍ബ​ത്തിന് കാ​ര​ണ​മാ​യി.

2011ൽ ​ഇ​ത് ഗ്രാ​മി​യിലേ​ക്ക് നാ​മ​നി​ർ​ദേ​ശം ചെ​യ്യ​പ്പെ​ട്ടി​രു​ന്നു. 2013ല്‍ ​ര​ണ്ടാ​മ​ത്തെ ആ​ല്‍ബ​വും പു​റ​ത്തി​റ​ക്കി. മ​ഹാ​ത്മാ​ഗാ​ന്ധി​യു​ടെ ഉ​പ്പു​സ​ത്യഗ്ര​ഹ​വും യാ​ത്ര​യു​മാ​യി​രു​ന്നു പ്ര​മേ​യം. 75 സം​ഗീ​ത​ജ്ഞ​രാ​ണ് ഈ ​ആ​ൽ​ബ​ത്തി​ൽ അ​ണി​നി​ര​ന്ന​ത്. 2014ല്‍ ​മൂ​ന്നാ​മ​ത്തെ ആ​ല്‍ബം പു​റ​ത്തി​റ​ങ്ങി.

2023ല്‍ ​ച​ന്ദ്രി​ക​യു​ടെ അ​ഞ്ചാ​മ​ത്തെ സ്റ്റു​ഡി​യോ ആ​ല്‍ബം ‘അ​മ്മൂ​സ് ട്ര​ഷ​ര്‍’ പു​റ​ത്തി​റങ്ങി​യി​രു​ന്നു. വി​വി​ധ ഭാ​ഷ​ക​ളി​ൽ ഒ​രു​ക്കി​യ ഈ ​ആ​ൽ​ബം നി​ര​വ​ധി അ​വാ​ർ​ഡു​ക​ൾ നേ​ടി. 2024ലാ​ണ് ‘ത്രി​വേ​ണി’ പു​റ​ത്തി​റ​ങ്ങു​ന്ന​ത്. ഏ​ഴ് ഗാ​ന​ങ്ങ​ളാ​ണ് ആ​ൽ​ബ​ത്തി​ലു​ള്ള​ത്.