ചിറക് തുന്നിയ ഉമ്മ, ഉയരെ പറന്ന മകൻ

മ​ല​പ്പു​റം: "എ​ന്നെ പ​റ​ക്കാ​ൻ അ​നു​വ​ദി​ക്കൂ..." - സൈ​ക്കോ​ള​ജി​സ്റ്റും എ​ഴു​ത്തു​കാ​രി​യു​മാ​യ ന​സീ​റ ബ​ക്ക​റി​ന്റെ പു​സ്ത​ക​ത്തി​ന്റെ പേ​ര് ഇ​ങ്ങ​നെ​യാ​ണ്. മ​ക്ക​ളെ വ​ള​ർ​ത്തേ​ണ്ട രീ​തി​ശാ​സ്ത്ര​ത്തെ​ക്കു​റി​ച്ച് പ​റ​യു​ന്ന എ​ഴു​ത്തു​കാ​രി സ്വ​ന്തം ജീ​വി​ത​ത്തി​ലും മ​ക​നെ പ​റ​ക്കാ​ൻ വി​ട്ടു. ഉ​മ്മ തു​ന്നി​യ ചി​റ​കി​ൽ മ​ക​നാ​യ മു​ഹ​മ്മ​ദ് നെ​മി​ൽ കാ​ൽ​പ​ന്തി​ന്റെ ലോ​ക​ത്ത് ഉ​യ​ര​ത്തി​ൽ പ​റ​ന്നു. ആ​റ് വ​ർ​ഷ​ങ്ങ​ൾ​ക്ക് മു​മ്പ് ഹൃ​ദ​യാ​ഘാ​തം കാ​ര​ണം മ​രി​ച്ച പി​താ​വി​ന്റെ സ്വ​പ്ന​ങ്ങ​ൾ​ക്ക് ഈ ​മ​ക​ൻ സാ​ഫ​ല്യ​മേ​കി.

കോ​ഴി​ക്കോ​ട് ചേ​വാ​യൂ​രി​ലെ വ​ലി​യാ​ട്ടി​ൽ വീ​ട്ടി​ലെ മു​ഹ​മ്മ​ദ് നെ​മി​ലി​ന് ചെ​റു​പ്പം മു​ത​ലേ കാ​ൽ​പ​ന്തു​ക​ളി​യോ​ടാ​യി​രു​ന്നു പ്രി​യം. കാ​ണു​ന്ന​തെ​ല്ലാം കാ​ലു​കൊ​ണ്ട് ത​ട്ടി ക​ളി​ക്കു​ന്ന പ്ര​കൃ​തം. പാ​ട​ത്തും പ​റ​മ്പി​ലും മ​ക​ൻ ക​ളി​ക്കു​ന്ന​ത് കാ​ണാ​ൻ ന​സീ​റ​യും എ​ത്തും. ഏ​ഴാം വ​യ​സ്സി​ൽ സ​ഹോ​ദ​ര​ൻ നി​ഹാ​ലി​നൊ​പ്പം കോ​ഴി​ക്കോ​ടു​ള്ള നോ​യ​ൽ ജോ​ർ​ജ് എ​ന്ന പ​രി​ശീ​ല​ക​ന്റെ അ​ടു​ത്തേ​ക്ക് കൊ​ണ്ടു​പോ​യ​തും ന​സീ​റ ത​ന്നെ. പോ​യി​വ​രാ​നു​ള്ള ബു​ദ്ധി​മു​ട്ട് കാ​ര​ണം പ​രി​ശീ​ല​നം പാ​തി​വ​ഴി​യി​ൽ ഉ​പേ​ക്ഷി​ക്കേ​ണ്ടി വ​ന്നെ​ങ്കി​ലും നെ​മി​ലി​ന്റെ കാ​ൽ​പ​ന്ത് സ്വ​പ്ന​ങ്ങ​ൾ ഇ​ല്ലാ​താ​യി​ല്ല.

കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ൽ​നി​ന്ന് വി​ദേ​ശ​ത്തേ​ക്ക് ക​ളി​ക്കാ​ൻ പോ​കു​ന്ന താ​ര​ങ്ങ​ളു​ടെ വാ​ർ​ത്ത പ​ത്ര​ത്തി​ൽ ക​ണ്ടാ​ണ് ന​സീ​റ മ​ക​നെ വീ​ണ്ടും ക​ളി പ​ഠി​പ്പി​ക്കാ​ൻ ഇ​റ​ങ്ങു​ന്ന​ത്. 12 വ​യ​സ്സാ​യ​പ്പോ​ൾ വി.​പി. സ​ത്യ​ൻ ഫു​ട്ബാ​ൾ അ​ക്കാ​ദ​മി​യി​ൽ ചേ​ർ​ത്തു. റി​ല​യ​ൻ​സ് ഫൗ​ണ്ടേ​ഷ​ൻ അ​ക്കാ​ദ​മി നെ​മി​ലി​നെ മും​ബൈ​യി​ലെ ത​ങ്ങ​ളു​ടെ കൂ​ടാ​ര​ത്തി​ലെ​ത്തി​ച്ചു. പി​ന്നീ​ട​ങ്ങോ​ട്ട് നെ​മി​ലി​ന്റെ സു​വ​ർ​ണ കാ​ല​മാ​യി​രു​ന്നു. റി​ല​യ​ൻ​സ് അ​ക്കാ​ദ​മി​യി​ൽ ന​ട​ത്തി​യ മി​ക​ച്ച പ്ര​ക​ട​നം നെ​മി​ലി​ന് സ്പെ​യി​നി​ലെ മാ​ർ​സെ​റ്റ് ഹൈ ​പെ​ർ​ഫോ​മ​ൻ​സ് അ​ക്കാ​ദ​മി​യി​ലേ​ക്കു​ള്ള വ​ഴി തു​റ​ന്നു. 2020ൽ ​ത​ന്റെ പ​തി​നെ​ട്ടാം വ​യ​സ്സി​ലാ​ണ് നെ​മി​ൽ ഐ.​എ​സ്.​എ​ൽ ക്ല​ബാ​യ എ​ഫ്.​സി ഗോ​വ​യി​ൽ എ​ത്തു​ന്ന​ത്.

നാ​ലു വ​ർ​ഷം ക്ല​ബി​നു​വേ​ണ്ടി മി​ക​ച്ച പ്ര​ക​ട​നം പു​റ​ത്തെ​ടു​ത്ത താ​ര​ത്തി​ന്റെ ക​രാ​ർ മൂ​ന്നു വ​ർ​ഷ​ത്തേ​ക്ക് കൂ​ടി ഗോ​വ പു​തു​ക്കി. ഈ ​സീ​സ​ണി​ൽ ഇ​ന്ത്യ​ൻ സൂ​പ്പ​ർ ലീ​ഗി​ൽ സെ​മി​ഫൈ​ന​ലി​ലെ​ത്തു​ക​യും സൂ​പ്പ​ർ ക​പ്പി​ൽ ചാ​മ്പ്യ​ന്മാ​രാ​വു​ക​യും ചെ​യ്ത ടീ​മി​ന്റെ മ​ധ്യ​നി​ര​യി​ൽ ആ​ക്ര​മ​ണ​ങ്ങ​ൾ​ക്ക് ച​ര​ട് വ​ലി​ച്ച​ത് ഈ ​കോ​ഴി​ക്കോ​ട്ടു​കാ​ര​നാ​യി​രു​ന്നു. പ​ഴ​യ പ​ന്തു​ക​ളി​ക്കാ​ര​നാ​യി​രു​ന്ന അ​ബൂ​ബ​ക്ക​ർ എ​ന്ന നെ​മി​ലി​ന്റെ ഉ​പ്പ 2019ലാ​ണ് മ​രി​ച്ച​ത്. ത​ന്റെ മ​ക​ന്റെ വ​ള​ർ​ച്ച​യി​ൽ ഒ​രു​പാ​ട് പ്ര​തീ​ക്ഷ​ക​ളു​ണ്ടാ​യി​രു​ന്ന ആ ​പി​താ​വി​ന്റെ സ്വ​പ്ന​ങ്ങ​ൾ​ക്ക് പി​റ​കെ മാ​താ​വി​ന്റെ കൈ​പി​ടി​ച്ച് നെ​മി​ൽ ന​ട​ന്നു​ക​യ​റു​ക​യാ​യി​രു​ന്നു