പി​റ​ന്നാ​ളിന് നൂ​റി​യക്ക് ലഭിച്ചു, വിലമതിക്കാനാവാത്ത സമ്മാനം! സ്നേ​ഹ​മാ​ളി​ക മു​ക​ളി​ലേ​റി ഖ​ദീ​സു​മ്മ

തൃ​ക്ക​രി​പ്പൂ​ർ (കാസർകോട്): ഒ​രു മാ​തൃ​ദി​നം​കൂ​ടി മു​ന്നി​ലെ​ത്തു​മ്പോ​ൾ മാ​റ്റേ​റു​ന്ന സ്​​നേ​ഹ​ത്ത​ണ​ലി​ൽ സ​ന്തോ​ഷ​ത്തോ​ടെ ക​ഴി​യു​ക​യാ​ണ് ഖ​ദീ​സു​മ്മ. ഉ​റ്റ​വ​ർ ന​ഷ്ട​പ്പെ​ട്ട് ആ​ർ​ക്കും വേ​ണ്ടാ​താ​യ​പ്പോ​ൾ അ​ഗ​തി മ​ന്ദി​ര​ത്തി​ലെ​ത്തി​യ ഖ​ദീ​സു​മ്മ​ക്ക് വി​ധി കാ​ത്തു​വെ​ച്ച​ത് സ്നേ​ഹ​ത്ത​ണ​ലാ​ർ​ന്ന ഒ​രു വീ​ടി​ന്റെ സു​ര​ക്ഷി​ത്വ​ത്തി​​ലേ​ക്കു​ള്ള മ​ട​ക്ക​മാ​യി​രു​ന്നു. തൃ​ക്ക​രി​പ്പൂ​ർ വ​ട​ക്കേ കൊ​വ്വ​ലി​ലെ മാ​ളി​ക​യി​ൽ വീ​ട്ടി​ലാ​ണ് ഖ​ദീ​സു​മ്മ​യി​​പ്പോ​ൾ. ശ​രി​ക്കും, ആ ​വീ​ട്ടി​ലെ എ​ല്ലാ​വ​രു​ടെ​യും ഉ​മ്മ​യാ​യി​രി​ക്കു​ന്നു.

മ​ക്ക​ളു​ടെ പി​റ​ന്നാ​ൾ ദി​ന​ത്തി​ൽ അ​വ​രു​മാ​യി അ​നാ​ഥ മ​ന്ദി​ര​ങ്ങ​ളി​ൽ ചെ​ന്ന് അ​ന്തേ​വാ​സി​ക​ൾ​ക്കൊ​പ്പം സ​ന്തോ​ഷം പ​ങ്കി​ടാ​ൻ മാ​ളി​ക​യി​ൽ വീ​ട്ടി​ലെ ന​ങ്ങാ​ര​ത്ത് സ​ഫീ​ന എ​പ്പോ​ഴും ശ്ര​ദ്ധി​ക്കു​മാ​യി​രു​ന്നു. ഒ​ന്ന​ര വ​ർ​ഷം മു​മ്പ് മ​ക​ൾ നൂ​റി​യ​യു​ടെ പി​റ​ന്നാ​ൾ ദി​ന​ത്തി​ൽ പ​ഴ​യ​ങ്ങാ​ടി​യി​ലെ അ​ഗ​തി​മ​ന്ദി​ര​ത്തി​ലേ​ക്കാ​യി​രു​ന്നു യാ​ത്ര.

ഇ​വി​ടെ​വെ​ച്ച് മ​ക​ൾ നൂ​റി​യ​യു​ടെ ആ​വ​ശ്യം കേ​ട്ട് മാ​താ​വ് ന​ങ്ങാ​ര​ത്ത് സ​ഫീ​ന ആ​ദ്യ​മൊ​ന്ന് അ​മ്പ​ര​ന്നു. അ​ന്തേ​വാ​സി​യാ​യ ഖ​ദീ​സു​മ്മ​യെ ഒ​പ്പം കൂ​ട്ടാ​നു​ള്ള അ​നു​വാ​ദ​മാ​ണ് പി​റ​ന്നാ​ൾ സ​മ്മാ​ന​മാ​യി നൂ​റി​യ ചോ​ദി​ച്ച​ത്. മ​ക​ളു​ടെ ആ​ഗ്ര​ഹ​ത്തി​നൊ​പ്പം പി​താ​വ് എ.​വി. അ​ബ്ദു​ൽ നാ​സ​റും നി​ന്ന​പ്പോ​ൾ ഖ​ദീ​സു​മ്മ തൃ​ക്ക​രി​പ്പൂ​ർ വ​ട​ക്കേ കൊ​വ്വ​ലി​ലെ മാ​ളി​ക​യി​ൽ വീ​ട്ടി​ലെ​ത്തി, അ​വ​രി​ലൊ​രാ​ളാ​യി.

ഏ​ക​മ​ക​ൻ അ​ബൂ​ബ​ക്ക​റി​ന്റെ​യും ഭ​ർ​ത്താ​വ് ഹ​സൈ​നാ​രു​ടെ​യും വി​യോ​ഗ​ശേ​ഷ​മാ​ണ് കൂ​ട്ടു​കു​ടും​ബ​ത്തി​ലെ അം​ഗ​മാ​യ ഖ​ദീ​സു​മ്മ തീ​ർ​ത്തും ഒ​റ്റ​പ്പെ​ട്ട​ത്. വീ​ടു​ക​ളി​ൽ ജോ​ലി നോ​ക്കി​യും ചി​ല്ല​റ പ​ണി​ക​ൾ ചെ​യ്തും ജീ​വി​തം ത​ള്ളി​നീ​ക്കി. ആ​രോ​ഗ്യം ക്ഷ​യി​ച്ച​തോ​ടെ ആ​ർ​ക്കും വേ​ണ്ടാ​താ​യി.

ഒ​രു ഘ​ട്ട​ത്തി​ൽ കൊ​ടി​യ മ​ർ​ദ​നം ഏ​ൽ​ക്കേ​ണ്ടി​വ​ന്ന​താ​യി നൂ​റു​പി​ന്നി​ട്ട ഖ​ദീ​സു​മ്മ പ​റ​യു​ന്നു. ഇ​രു​കാ​ലു​ക​ളും അ​ടി​യേ​റ്റ് നീ​രു​വെ​ച്ച​താ​യി അ​വ​ർ ഓ​ർ​ത്തെ​ടു​ത്തു. ഖ​ദീ​സു​മ്മ സ്വ​രു​ക്കൂ​ട്ടി​യ തു​ക ഏ​ൽ​പി​ച്ചാ​ണ് ആ​രോ അ​നാ​ഥ​മ​ന്ദി​ര​ത്തി​ൽ എ​ത്തി​ച്ച​ത്.

ആ​യി​ട​ക്ക് അ​വി​ടം സ​ന്ദ​ർ​ശി​ച്ച വി​ദ്യാ​ർ​ഥി​നി പോ​സ്റ്റ് ചെ​യ്‌​ത ചി​ത്രം ക​ണ്ടാ​ണ് ഖ​ദീ​സു​മ്മ​യെ സം​ര​ക്ഷി​ക്കാ​ൻ നൂ​റി​യ ആ​ഗ്ര​ഹി​ച്ച​ത്. നീ​ലം​ബ​ത്തെ മാ​ളി​യേ​ക്ക​ൽ കു​ടും​ബ​ത്തി​ലെ വ​ല്യു​മ്മ​മാ​രു​മാ​യി ഖ​ദീ​സു​മ്മ ന​ല്ല സൗ​ഹൃ​ദം സൂ​ക്ഷി​ച്ചി​രു​ന്നു. വ​ട​ക്കേ കൊ​വ്വ​ലി​ലെ ഈ ​വീ​ടും വീ​ട്ടു​കാ​രും ഈ ​ഉ​മ്മാ​ക്ക് അ​ത്ര​മേ​ൽ പ്രി​യ​പ്പെ​ട്ട​താ​യി മാ​റി​യി​രി​ക്കു​ന്നു. സ​ഫീ​ന​യു​ടെ മ​ക​ൻ ദാ​നി​ഷും മാ​താ​വ് ന​ഫീ​സ​യും ഖ​ദീ​സു​മ്മ​ക്ക് വി​ളി​പ്പു​റ​ത്താ​ണ്. കൃ​ത്യ​മാ​യ ചി​കി​ത്സ​യും പ​രി​ച​ര​ണ​വും കൂ​ടി ല​ഭി​ച്ച​തോ​ടെ ഖ​ദീ​സു​മ്മ ഉ​ഷാ​റാ​യി.