മൃദുലം മധുരം

പാ​ട്ടു​നി​റ​യെ സ്വ​ര​ങ്ങ​ളും ജ​തി​ക​ളും. ആ​ലാ​പ​നം ഏ​റെ ക്ലേ​ശ​ക​രം. ഒ​ടു​വി​ൽ ഈ ​പാ​ട്ടു​പാ​ടാ​ൻ ത​നി​ക്ക് ക​ഴി​യി​ല്ലെ​ന്ന് ഗാ​യി​ക സം​ഗീ​ത​സം​വി​ധാ​യ​ക​നോ​ടു തു​റ​ന്നു​പ​റ​ഞ്ഞു. എ​ങ്കി​ല​ും തു​ട​ർ​ച്ച​യാ​യ പ​രി​ശ്ര​മ​ങ്ങ​ൾ​ക്കൊ​ടു​വി​ൽ ആ ​ഗാ​നം പാ​ടി​ത്തീ​ർ​ത്തു. പ​ത്തൊ​മ്പതാം നൂ​റ്റാ​ണ്ടി​ലെ ‘മ​യി​ൽ​പ്പീ​ലി​യി​ള​കു​ന്നു ക​ണ്ണാ...’ എ​ന്ന​താ​യി​രു​ന്നു ആ ​ഗാ​നം. ഗാ​യി​ക മൃ​ദു​ല വാ​ര്യ​രും. ഈ ​പാ​ട്ടി​ലൂ​ടെ ഒ​ടു​വി​ൽ മി​ക​ച്ച പി​ന്ന​ണി ഗാ​യി​ക​ക്കു​ള്ള സം​സ്ഥാ​ന ച​ല​ച്ചി​ത്ര പു​ര​സ്കാ​ര​വും മൃ​ദു​ല​യെ തേ​ടി​യെ​ത്തി. മൃ​ദ​ു​ല വാ​ര്യ​രു​ടെ പാ​ട്ടു​വി​ശേ​ഷ​ങ്ങ​ളി​ലൂ​ടെ...

ഉ​പേ​ക്ഷി​ച്ച ഗാ​ന​ത്തി​ന് പു​ര​സ്കാ​രം!

സം​സ്ഥാ​ന പു​ര​സ്കാ​ര​മ​ല്ലേ, തീ​ർ​ച്ച​യാ​യും വ​ള​രെ സ​ന്തോ​ഷം! എ​നി​ക്കി​ത് വ​ലി​യ അം​ഗീ​കാ​രം ത​ന്നെ​യാ​ണ്. ഒ​ട്ടും പ്ര​തീ​ക്ഷി​ക്കാ​തെ കി​ട്ടി​യൊ​രു സ​മ്മാ​ന​മാ​യ​തി​നാ​ൽ ഇ​തി​ന് ഇ​ര​ട്ടി മ​ധു​രം​കൂ​ടി​യു​ണ്ട്. ഭാ​ഗ്യ​ക്കു​റി കി​ട്ടി​യ ഒ​രാ​ളു​ടെ സ​ന്തോ​ഷ​ത്തി​ലാ​ണ് ഞാ​നും കു​ടും​ബാം​ഗ​ങ്ങ​ളു​മെ​ല്ലാം. ഇ​ര​ട്ടി​മ​ധു​ര​ത്തി​നു കാ​ര​ണം, പാ​ടാ​നു​ള്ള ബു​ദ്ധി​മു​ട്ടു​മൂ​ലം ആ​ദ്യം വ​ള​രെ വി​ഷ​മ​ത്തോ​ടെ ഉ​പേ​ക്ഷി​ക്കേ​ണ്ടി വ​ന്നൊ​രു ഗാ​ന​മാ​ണി​ത് എ​ന്ന​തി​നാ​ലാ​ണ്. ‘പ​ത്തൊ​മ്പ​താം നൂ​റ്റാ​ണ്ട്’ എ​ന്ന സി​നി​മ​ക്കു വേ​ണ്ടി റ​ഫീ​ഖ് അ​ഹ​മ്മ​ദ് എ​ഴു​തി​യ വ​രി​ക​ൾ. ക്ലാ​സി​ക്ക​ൽ ത​ല​ത്തി​ലു​ള്ള ആ​ലാ​പ​ന​മാ​ണ് ഈ ​ഗാ​ന​ത്തി​നു വേ​ണ്ട​ത്.

മൊ​ത്തം സ്വ​ര​ങ്ങ​ളും ജ​തി​ക​ളു​മാ​ണ്. ശാ​സ്ത്രീ​യ സം​ഗീ​തം പ​ഠി​ച്ചി​ട്ടു​ണ്ടെ​ങ്കി​ലും, സം​ഗീ​ത സം​വി​ധാ​യ​ക​ൻ എം. ​ജ​യ​ച​ന്ദ്ര​ൻ അ​യ​ച്ചു​ത​ന്ന ട്രാ​ക്ക് പാ​ടാ​ൻ വ​ള​രെ ബു​ദ്ധി​മു​ട്ട് അ​നു​ഭ​വ​പ്പെ​ട്ടു. ഈ ​ഗാ​നം ആ​ല​പി​ക്കാ​ൻ ക​ഴി​യി​ല്ലെ​ന്ന് ഒ​ടു​വി​ൽ അ​ദ്ദേ​ഹ​ത്തോ​ടു തു​റ​ന്നു പ​റ​ഞ്ഞു. പ​ക്ഷേ, ഈ ​പാ​ട്ട് എ​നി​ക്ക് പാ​ടാ​ൻ ക​ഴി​യു​മെ​ന്നു​ത​ന്നെ അ​ദ്ദേ​ഹം വി​ശ്വ​സി​ച്ചു. പ്ര​ചോ​ദ​ന, പ​രി​ശീ​ല​ന സെ​ഷ​നു​ക​ളാ​ണ് പി​ന്നീ​ടു ന​ട​ന്ന​ത്. മെ​ല്ലെ, മെ​ല്ലെ ആ​ത്മ​വി​ശ്വാ​സം ഉ​ള്ളി​ൽ എ​ത്തി​ത്തു​ട​ങ്ങി. അ​തി​നു ശേ​ഷം റി​ലാ​ക്സ്ഡ് മൂ​ഡി​ലാ​ണ് റെ​ക്കൊ​ഡി​ങ് ന​ട​ന്ന​ത്. ക​ഥ ഇ​താ​യ​തി​നാ​ലാ​ണ് ഈ ​പാ​ട്ടി​ന് അം​ഗീ​കാ​ര​ങ്ങ​ളൊ​ന്നും പ്ര​തീ​ക്ഷി​ക്കാ​തി​രു​ന്ന​ത്.

അ​തി​നാ​ൽ എ​നി​ക്ക് ഈ ​ഗാ​നം ന​ൽ​കി, പ്രോ​ത്സാ​ഹി​പ്പി​ച്ച്, ധൈ​ര്യം പ​ക​ർ​ന്നു പാ​ടി​പ്പി​ച്ച എം. ​ജ​യ​ച​ന്ദ്ര​ൻ സാ​റി​നു​ത​ന്നെ ഈ ​അ​വാ​ർ​ഡ് സ​മ​ർ​പ്പി​ക്കു​ന്നു. സ​ർ​വാ​ത്മ​നാ കൃ​ത​ജ്ഞ​ത രേ​ഖ​പ്പെ​ടു​ത്തു​ന്ന​ത് വ​ള​ർ​ത്തി വ​ലു​താ​ക്കി​യ മാ​താ​പി​താ​ക്ക​ളോ​ടും ഉ​പ​ദേ​ശ​ങ്ങ​ൾ ത​ന്ന് ആ​ലാ​പ​ന​വ​ഴി​യി​ൽ എ​ന്നെ കൈ​പി​ടി​ച്ചു ന​ട​ത്തി​യ ജ്യേ​ഷ്ഠ​സ​ഹോ​ദ​ര​നോ​ടും വി​വാ​ഹ ശേ​ഷം എ​ന്റെ പ്ര​ചോ​ദ​ന സ്രോ​ത​സ്സാ​യി മാ​റി​യ ഭ​ർ​ത്താ​വി​നോ​ടും ഗു​രു​ക്ക​ന്മാ​രോ​ടും പു​ര​സ്കാ​ര ജൂ​റി​യോ​ടും മ​റ്റെ​ല്ലാ​വ​രോ​ടു​മാ​ണ്. ഞാ​ൻ സി​നി​മ​യി​ൽ പാ​ട​ണ​മെ​ന്ന​ത് മാ​താ​പി​താ​ക്ക​ളു​ടെ ഏ​റ്റ​വും വ​ലി​യ ആ​ഗ്ര​ഹ​മാ​യി​രു​ന്നു. അ​തി​നാ​ലാ​ണ് പു​ര​സ്കാ​ര​ല​ബ്ധി​യി​ൽ അ​വ​ർ എ​ന്നേ​ക്കാ​ളേ​റെ സ​ന്തോ​ഷി​ക്കു​ന്ന​ത്.

ജ​യ​ച​ന്ദ്ര​ൻ സാ​ർ സം​ഗീ​തം ന​ൽ​കി​യ ‘മ​ഴ​യേ, തൂ​മ​ഴ​യേ വാ​നം തൂ​വു​ന്ന പൂ​ങ്കു​ളി​രേ...’ എ​ന്ന ഗാ​ന​മാ​ണ് എ​ന്റെ ഏ​റ്റ​വും ന​ല്ല ഗാ​ന​മാ​യി ക​രു​തു​ന്ന​ത്. ഇ​പ്പോ​ഴും പ​ല​രു​മ​ത് പാ​ടി​ന​ട​ക്കു​ന്നു. പാ​ടി​യ എ​നി​ക്കും ഈ ​ഗാ​നം ഏ​റെ പ്രി​യ​പ്പെ​ട്ട​താ​ണ്. ജ​യ​ച​ന്ദ്ര​ൻ സാ​റി​ന്റെ സം​വി​ധാ​ന​ത്തി​ൽ വേ​റെ​യും നി​ര​വ​ധി മി​ക​ച്ച ഗാ​ന​ങ്ങ​ൾ പാ​ടി​യി​ട്ടു​ണ്ട്. കൂ​ടാ​തെ, ഇ​ള​യ​രാ​ജ, ഔ​സേ​പ്പ​ച്ച​ൻ, അ​ൽ​ഫോ​ൺ​സ്, ഗോ​പി സു​ന്ദ​ർ, ബി​ജി​പാ​ൽ മു​ത​ലാ​യ​വ​രു​ടെ കീ​ഴി​ലും കു​റെ പ്ര​സി​ദ്ധ​മാ​യ ഗാ​ന​ങ്ങ​ൾ പാ​ടാ​ൻ ക​ഴി​ഞ്ഞു. ‘വി​ശു​ദ്ധ​ൻ’ എ​ന്ന പ​ട​ത്തി​ൽ റ​ഫീ​ഖ് അ​ഹ​മ്മ​ദി​ന്റെ വ​രി​ക​ൾ​ക്ക് ഗോ​പി സു​ന്ദ​ർ ഈ​ണ​മി​ട്ട ‘ഒ​രു മെ​ഴു​തി​രി​യു​ടെ നെ​റു​ക​യി​ലെ​രി​യാ​ൻ...’, ‘100 ഡേ​യ്സ് ഓ​ഫ് ല​വ്’ എ​ന്ന സി​നി​മ​യി​ലെ ‘ഹൃ​ദ​യ​ത്തി​ൻ നി​റ​മാ​യ് പ്ര​ണ​യ​ത്തി​ന്‍ ദ​ല​മാ​യ്‌...’ മു​ത​ൽ ക​ഴി​ഞ്ഞ കൊ​ല്ലം ഇ​റ​ങ്ങി​യ ‘സു​ന്ദ​രി ഗാ​ർ​ഡ​ൻ​സി’​ലെ ‘മ​ധു​ര ജീ​വ​രാ​ഗം...’ വ​രെ​യു​ള്ള ഒ​രു​പാ​ട് മ​നോ​ഹ​ര ഗാ​ന​ങ്ങ​ൾ! ഇ​വ​യൊ​ന്നും അം​ഗീ​ക​രി​ക്ക​പ്പെ​ടാ​തെ പോ​യ​പ്പോ​ൾ അ​വാ​ർ​ഡ് മോ​ഹ​ങ്ങ​ളൊ​ക്കെ ഇ​റ​ക്കി​വെ​ച്ച​താ​യി​രു​ന്നു. അ​തു​കൊ​ണ്ടു​കൂ​ടി​യാ​ണ് ഈ ​അം​ഗീ​കാ​ര​ത്തി​ന് ആ​ശ്ച​ര്യം വ​ർ​ധി​ച്ച​ത്.

‘ഒ​രു വാ​ക്കു മി​ണ്ടാ​തെ’ തു​ട​ക്കം

‘ഒ​രു വാ​ക്കു മി​ണ്ടാ​തെ ഒ​രു നോ​വാ​യ്‌ മാ​യ​ല്ലേ...’ എ​ന്നു തു​ട​ങ്ങു​ന്ന ഗാ​ന​ത്തോ​ടെ​യാ​ണ് ച​ല​ച്ചി​ത്ര രം​ഗ​ത്തെ​ത്തു​ന്ന​ത്. ജോ​ഫി ത​ര​ക​ൻ എ​ഴു​തി, അ​ൽ​ഫോ​ൺ​സ് സാ​ർ ചി​ട്ട​പ്പെ​ടു​ത്തി​യ ഗാ​നം ആ​ല​പി​ച്ച​ത് 2007ൽ ​ഇ​റ​ങ്ങി​യ, മ​മ്മൂ​ക്ക മു​ഖ്യ റോ​ളി​ൽ അ​ഭി​ന​യി​ച്ച, ‘ബി​ഗ്‌​ബി-​ദ ബോ​ഡി ഗാ​ർ​ഡ്‌’ എ​ന്ന പ​ട​ത്തി​നു വേ​ണ്ടി​യാ​ണ്. ആ ​വ​ർ​ഷംത​ന്നെ ഗി​രീ​ഷ് പു​ത്ത​ഞ്ചേ​രി എ​ഴു​തി, വി​ദ്യാ​സാ​ഗ​ർ ഈ​ണം പ​ക​ർ​ന്ന ‘ഓ ​മ​റി​യാ...’ എ​ന്ന ഗാ​ന​വും ല​ഭി​ച്ചു. ക​മ​ൽ സാ​ർ സം​വി​ധാ​നം ചെ​യ്ത ‘ഗോ​ൾ’ എ​ന്ന സി​നി​മ​ക്കു വേ​ണ്ടി​യാ​യി​രു​ന്നു അ​ത്. പി​ന്നീ​ട്, 2013ലാ​ണ് ജ​യ​ച​ന്ദ്ര​ൻ സാ​റി​ന്റെ മി​ക​ച്ച ക​മ്പോ​സി​ഷ​നു​ക​ളി​ലൊ​ന്നാ​യ ‘മ​ഴ​യേ, തൂ​മ​ഴ​യേ വാ​നം തൂ​വു​ന്ന പൂ​ങ്കു​ളി​രേ...’ പാ​ടി​യ​ത്. പ​ടം ‘പ​ട്ടം പോ​ലെ’​യോ​ടൊ​പ്പം ഈ ​ഗാ​ന​വും പ്ര​ശ​സ്ത​മാ​യി. അ​ങ്ങ​നെ ശ്രോ​താ​ക്ക​ൾ എ​ന്നെ കൂ​ടു​ത​ൽ ശ്ര​ദ്ധി​ച്ചുതു​ട​ങ്ങി.

ഇ​തി​നെ​ത്തു​ട​ർ​ന്ന് കു​റെ അ​വ​സ​ര​ങ്ങ​ൾ എ​ന്നെ​ത്തേ​ടി​യെ​ത്തി. ‘മി​ർ​ച്ചി’, ‘ഇ​തു പാ​തി​രാമ​ണ​ൽ’, ‘ഏ​ഴാം സൂ​ര്യ​ൻ’, ‘ഇ​വ​ൻ മേ​ഘ​രൂ​പ​ൻ’ മു​ത​ലാ​യ​വ. കോ​ഴി​ക്കോ​ട് കെ.​എം.​സി.​ടി​യി​ലെ ഇ​ല​ക്ട്രോ​ണി​ക്സ് ആ​ൻ​ഡ് ക​മ്യൂ​ണി​ക്കേ​ഷ​ൻ​സ് എ​ൻ​ജി​നീ​യ​റി​ങ് ബി​രു​ദ പ​ഠ​ന​വും റി​യാ​ലി​റ്റി ഷോ​ക​ളും പി​ന്ന​ണി ആ​ലാ​പ​ന​ങ്ങ​ളും ഒ​രു​മി​ച്ചു കൊ​ണ്ടു​പോ​യി.

ക​ന്ന​ട ഗാ​ന​ത്തി​ന് 10 മി​ല്യ​ൺ വ്യൂ​സ്!

ത​മി​ഴ്, ക​ന്ന​ട, തെ​ലു​ഗു ഭാ​ഷ​ക​ളി​ലും അ​വ​സ​ര​ങ്ങ​ൾ ല​ഭി​ച്ചി​ട്ടു​ണ്ട്. ‘പ്രേ​മം പൂ​ജ്യം’ എ​ന്ന ക​ന്ന​ട പ​ട​ത്തി​നു​വേ​ണ്ടി രാ​ഘ​വേ​ന്ദ്ര മ്യൂ​സി​ക് ചെ​യ്ത ‘അ​മ്പാ​ടി...’ എ​ന്നു തു​ട​ങ്ങു​ന്ന എ​െ​ൻ​റ ഗാ​നം ക​ർ​ണാ​ട​ക​യി​ൽ 10 മി​ല്യ​ൺ വ്യൂ​സ് ക്രോ​സ് ചെ​യ്തി​രു​ന്നു.

‘ലാ​ലീ ലാ​ലീ...’

ബ്ലെ​സ്സി സം​വി​ധാ​നം ചെ​യ്ത ‘ക​ളി​മ​ണ്ണി’​ൽ (2013) ജ​യ​ച​ന്ദ്ര​ൻ സാ​ർ സം​ഗീ​തം ന​ൽ​കി​യ ‘ലാ​ലീ ലാ​ലീ​ലേ, മ​ല​രൊ​ളി​യേ മ​ന്ദാ​ര​മ​ല​രേ...’ എ​ന്ന പാ​ട്ടി​നെ​ക്കു​റി​ച്ച് പ​റ​യാ​ൻ എ​നി​ക്കു വാ​ക്കു​ക​ളി​ല്ല. സ്റ്റേ​ജ് പ​രി​പാ​ടി​ക​ൾ​ക്ക് എ​വി​ടെ​പ്പോ​യാ​ലും സം​ഗീ​ത​പ്രേ​മി​ക​ൾ​ക്കും സം​ഘാ​ട​ക​ർ​ക്കും ഞാ​ൻ ഈ ​പാ​ട്ടു പാ​ട​ണ​മെ​ന്നു നി​ർ​ബ​ന്ധ​മാ​ണ്. ഇ​ത്ര​യ​ധി​കം പൊ​തു​സ്വീ​കാ​ര്യ​ത മ​റ്റൊ​രു പാ​ട്ടി​നും ല​ഭി​ച്ചി​ല്ലെ​ന്ന​തും ശ​രി​യാ​ണ്. എ​നി​ക്ക് ഏ​റ്റ​വു​മ​ധി​കം സ​മ്മാ​ന​ങ്ങ​ൾ കൊ​ണ്ടു​വ​ന്ന ഗാ​ന​മാ​ണി​ത്.

ജ്ഞാ​ന​പീ​ഠ ജേ​താ​വ് ഒ.​എ​ൻ.​വി. കു​റു​പ്പ് സാ​റി​ന്റെ വ​രി​ക​ൾ​ക്ക് ജ​യ​ച​ന്ദ്ര​ൻ സാ​ർ സം​ഗീ​തം ന​ൽ​കി​യ​പ്പോ​ൾ മാ​സ്മ​രി​ക​മാ​യ ഒ​രു ഇ​മ്പ​മാ​ണ് ഈ ​ഗാ​ന​ത്തി​നു വ​ന്നു​ചേ​ർ​ന്ന​ത്! പ​ട​ത്തി​ലെ പാ​ട്ടു​രം​ഗ​വും പ്രേ​ക്ഷ​ക​ർ​ക്ക് അ​വി​സ്മ​ര​ണീ​യ​മാ​യി​രു​ന്നു​വ​ല്ലോ. ഈ ​ഗാ​നം നേ​ടി​ത്ത​ന്ന സ്പെ​ഷൽ ജൂ​റി അ​വാ​ർ​ഡും സം​സ്ഥാ​ന പു​ര​സ്കാ​ര​മാ​ണ്. സം​സ്ഥാ​ന​ത​ല അം​ഗീ​കാ​ര​ങ്ങ​ൾ ര​ണ്ടും ജ​യ​ച​ന്ദ്ര​ൻ സാ​റി​ന്റെ സം​ഗീ​ത​ത്തി​ലാ​ണ്.

മു​മ്പേ ന​ട​ന്ന​വ​ർ

ചി​ത്ര​ച്ചേ​ച്ചി​യും സു​ജാ​ത​ച്ചേ​ച്ചി​യും ജാ​ന​കി​യ​മ്മ​യു​മൊ​ക്കെ എ​ന്റെ മു​മ്പേ ന​ട​ന്ന​വ​രാ​ണ്. അ​വ​രു​മാ​യി ഒ​രി​ക്ക​ലും ഞാ​ൻ എ​ന്നെ താ​ര​ത​മ്യം ചെ​യ്യി​ല്ല. ജാ​ന​കി​യ​മ്മ​യു​ടെ ഓ​രോ പാ​ട്ടും എ​നി​ക്കൊ​രു പാ​ഠ​മാ​ണ്. പ​ല പാ​ട്ടു​ക​ൾ​ക്കും അ​സാ​മാ​ന്യ​മാ​യ രീ​തി​യി​ലാ​ണ് അ​വ​ർ ഫീ​ൽ കൊ​ടു​ക്കു​ന്ന​ത്. ബാ​ബു​ക്ക ചി​ട്ട​പ്പെ​ടു​ത്തി​യ ജാ​ന​കി​യ​മ്മ​യു​ടെ ചി​ല പാ​ട്ടു​ക​ൾ പു​തി​യ ത​ല​മു​റ​ക്ക് വ​ഴി​കാ​ട്ടു​ന്നു​ണ്ട്. അ​തു​പോ​ലെ, ഞാ​ൻ ല​താ​ജി​യു​ടെ ഒ​രു വ​ലി​യ ആ​രാ​ധി​ക​യാ​ണ്. അ​വ​ർ പാ​ടി​യ ഗാ​ന​ങ്ങ​ൾ പ​തി​വാ​യി കേ​ട്ടു​കൊ​ണ്ടി​രി​ക്കും. അ​വ​രു​ടെ ടോ​ൺ മോ​ഡു​ലേ​ഷ​ൻ, ഫീ​ൽ കൊ​ടു​ക്കു​ന്ന വി​ധം മു​ത​ലാ​യ​വ​യൊ​ക്കെ ഞാ​ൻ ശ്ര​ദ്ധി​ക്കാ​റു​ണ്ട്. ഹി​ന്ദി പാ​ട്ടു​ക​ൾ ഇ​ഷ്ട​പ്പെ​ടു​ന്ന​വ​രാ​ണ് പ്രേ​ക്ഷ​ക​രെ​ങ്കി​ൽ, ല​താ​ജി​യു​ടെ ഗാ​ന​ങ്ങ​ൾ പാ​ടാ​റു​ണ്ട്.

പി​താ​വ് പി.​വി. രാ​മ​ൻ​കു​ട്ടി വാ​ര്യ​ർ മ​ഞ്ചേ​രി​യി​ലെ തി​രു​വാ​ലി വാ​ര്യ​ത്തെ അം​ഗ​മാ​ണ്. മാ​താ​വ് എം.​ടി. വി​ജ​യ​ല​ക്ഷ്മി കൊ​യി​ലാ​ണ്ടി വാ​ര്യ​ത്തെ​യും. കു​ട്ടി​ക്കാ​ല​ത്ത് ഏ​ട്ട​ൻ ജ​യ​ദീ​പ് പാ​ടു​ന്ന​തു കേ​ട്ടാ​ണ് ഗാ​ന​ങ്ങ​ളോ​ട് ഇ​ഷ്ടം തോ​ന്നി​യ​തും പാ​ട്ടു പ​ഠി​ച്ച​തും പാ​ടാ​ൻ തു​ട​ങ്ങി​യ​തു​മൊ​ക്കെ. ഏ​ട്ട​ൻ ഇ​പ്പോ​ൾ ബം​ഗ​ളൂ​രു​വി​ൽ എ​ൻ​ജി​നീ​യ​റാ​ണ്. മ്യൂ​സി​ക് ബാ​ൻ​ഡും സ്റ്റേ​ജ് പ​രി​പാ​ടി​ക​ളു​മെ​ല്ലാ​മു​ണ്ട്. കോ​ഴി​ക്കോ​ട് മാ​ങ്കാ​വി​ന​ടു​ത്തു​ള്ള പൊ​ക്കു​ന്ന് എ​ന്ന സ്ഥ​ല​ത്താ​ണ് താ​മ​സി​ച്ചി​രു​ന്ന​ത്. ഇ​പ്പോ​ൾ തൃ​ശൂ​രി​ലെ പ​റ​വ​ട്ടാ​നി​യി​ൽ താ​മ​സി​ക്കു​ന്നു. ഒ​ല്ലൂ​ർ വൈ​ദ്യ​ര​ത്നം ആ​യു​ർ​വേ​ദ മെ​ഡി​ക്ക​ൽ കോ​ള​ജി​ൽ അ​സി. പ്ര​ഫ​സ​റാ​ണ് ഭ​ർ​ത്താ​വ് ഡോ. ​അ​രു​ൺ വാ​ര്യ​ർ. മ​ക​ൾ മൈ​ത്രേ​യി ദേ​വ​മാ​ത സ്കൂ​ളി​ൽ ര​ണ്ടാം ക്ലാ​സി​ൽ പ​ഠി​ക്കു​ന്നു.