ആ​രോ​രു​മി​ല്ലാ​ത്ത സ്ത്രീ​ക​ൾ​ക്ക് അഭയമായി നിർഭയ

കൊ​ച്ചി: തീ​വ്ര മാ​ന​സി​ക വെ​ല്ലു​വി​ളി നേ​രി​ട്ട് ഭ​ക്ഷ​ണം പോ​ലു​മി​ല്ലാ​തെ തെ​രു​വി​ൽ അ​ല​ഞ്ഞ ഒ​രു അ​മ്മ​യും മ​ക​ളു​മു​ണ്ടാ​യി​രു​ന്നു... ആ​രോ​രു​മി​ല്ലാ​തെ അ​ര​ക്ഷി​താ​വ​സ്ഥ​യു​ടെ ക​യ്പു​നീ​ർ രു​ചി​ച്ച​വ​ർ. അ​വ​രെ പ​രി​ച​രി​ക്കാ​ൻ ആ​രോ​ഗ്യ​പ്ര​വ​ർ​ത്ത​ക​രും പ​രി​ഗ​ണി​ക്കാ​ൻ സ​ന്ന​ദ്ധ​പ്ര​വ​ർ​ത്ത​ക​രും ഉ​ൾ​പ്പെ​ടു​ന്ന ഒ​രു സ്ഥാ​പ​നം ചേ​ർ​ത്തു​നി​ർ​ത്തി.

ഇ​ന്ന് ആ​കു​ല​ത​ക​ളി​ല്ലാ​തെ അ​വ​ർ പു​ഞ്ചി​രി​ക്കു​ക​യാ​ണ്. ഇ​ത് ഈ ​ഒ​ര​മ്മ​യു​ടെ​യും മ​ക​ളു​ടെ​യും മാ​ത്രം ക​ഥ​യ​ല്ല. ആ​രോ​രു​മി​ല്ലാ​ത്ത സ്ത്രീ​ക​ൾ​ക്ക് ആ​ശ്ര​യ​മേ​കു​ന്നൊ​രു സ്ഥാ​പ​ന​ത്തി​ന്‍റെ കാ​രു​ണ്യം നി​റ​യു​ന്ന അ​നു​ഭ​വ​സാ​ക്ഷ്യ​മാ​ണ്. കോ​ത​മം​ഗ​ലം പീ​സ് വാ​ലി​യി​ലെ നി​ർ​ഭ​യ സെ​ന്‍റ​ർ ഫോ​ർ വു​മ​ൺ ഇ​ൻ ഡി​സ്ട്ര​സി​ൽ എ​ത്തി​ച്ചേ​ർ​ന്ന് ന​ഷ്ട​പ്പെ​ട്ടെ​ന്ന് ക​രു​തി​യ ജീ​വി​തം തി​രി​കെ പി​ടി​ച്ച അ​തി​ജീ​വി​ത​ർ​ക്കൊ​ക്കെ കാ​രു​ണ്യ​ത്തി​ന്‍റെ ക​ഥ പ​റ​യാ​നു​ണ്ടാ​കും.

സ്ത്രീ​ക​ൾ നേ​തൃ​ത്വം ന​ൽ​കു​ന്ന സ്ഥാ​പ​ന​ത്തി​ൽ 150 അ​തി​ജീ​വി​ത​രെ ഉ​ൾ​ക്കൊ​ള്ളാ​നാ​കും. നി​ല​വി​ൽ 80 പേ​രു​ണ്ട്. ത​യ്യ​ൽ, എം​ബ്രോ​യ​ഡ​റി, ജ്വ​ല്ല​റി മേ​ക്കി​ങ് എ​ന്നി​വ​യി​ൽ പ​രി​ശീ​ല​നം ന​ൽ​കു​ന്നു​ണ്ട്. സൈ​ക്യാ​ട്രി​സ്റ്റ്, സൈ​ക്യാ​ട്രി​ക് സോ​ഷ്യ​ൽ വ​ർ​ക്ക​ർ, ന​ഴ്സ്, ആ​യ തു​ട​ങ്ങി​യ​വ​രു​ടെ സേ​വ​ന​വു​മു​ണ്ട്. പൊ​ലീ​സി​ന്‍റെ ക​ത്ത്, വ​നി​ത ശി​ശു​വി​ക​സ​ന വ​കു​പ്പി​ന്‍റെ​യും സാ​മൂ​ഹി​ക പ്ര​വ​ർ​ത്ത​ക​രു​ടെ​യും ശി​പാ​ർ​ശ എ​ന്നി​വ​യൊ​ക്കെ പ​രി​ഗ​ണി​ച്ചാ​ണ് സ്ത്രീ​ക​ളെ ക​ണ്ടെ​ത്തു​ന്ന​തും അ​ഡ്മി​റ്റ് ചെ​യ്യു​ന്ന​തും. ഈ ​പ​ദ്ധ​തി ഏ​റ്റെ​ടു​ത്ത് നി​ർ​മി​ച്ച​ത് പീ​സ് വാ​ലി ഉ​പാ​ധ്യ​ക്ഷ​ൻ സ​മീ​ർ പൂ​ക്കു​ഴി​യാ​ണ്. ഫാ​ത്തി​മ നി​ഹാ​ൽ ക​ൺ​വീ​ന​റും ഡോ. ​ജാ​സ്മി​ൻ ഷ​മീ​ർ സെ​ക്ര​ട്ട​റി​യു​മാ​ണ്. സ​യ​ന സു​കു​മാ​ര​നാ​ണ് സെ​ന്‍റ​ർ ഹെ​ഡ്.