പുഷ്പംപോലെ ഒരു ‘ബിഗ്’​ വിജയം

കു​മ​ളി: കൊ​ടും​വേ​ന​ൽ ക​ത്തി​ക്കാ​ളു​ന്ന തീ​ചൂ​ടി​ൽ രാ​മ​നാ​ഥ​പു​ര​ത്തു നി​ന്നെ​ത്തി​യ ഷ​ഹീ​ല ബാ​നു എ​ന്ന വീ​ട്ട​മ്മ​ക്ക്​ മു​ന്നി​ൽ അ​വ​സ​ര​ങ്ങ​ൾ തു​റ​ന്നി​ട്ട​ത്​ ജീ​വി​ത​ത്തി​ലെ വെ​ല്ലു​വി​ളി​ക​ളാ​ണ്. കു​മ​ളി​യി​ൽ വ​ള​ർ​ച്ച​യു​ടെ പ​ട​വു​ക​ൾ താ​ണ്ടു​ന്ന പു​ഷ്പം ബി​ഗ് ഷോ​പ്പ​ർ യൂ​നി​റ്റി​ന് ത​മി​ഴ്നാ​ട് രാ​മ​നാ​ഥ​പു​രം സ്വ​ദേ​ശി​യാ​യ ഷ​ഹീ​ല​യു​ടെ അ​ധ്വാ​നം വി​ജ​യ​ത്തി​ള​ക്കം ന​ൽ​കു​ന്നു.

കു​മ​ളി മേ​ട് ഭാ​ഗ​ത്ത് മു​ഗ​ൾ ഹൗ​സി​ൽ ഷാ​ന​വാ​സ് വി​വാ​ഹം ക​ഴി​ച്ച്​ കൊ​ണ്ടു​വ​ന്ന​താ​ണ്​ ഷ​ഹീ​ല​യെ. ര​ണ്ട് മ​ക്ക​ളു​മാ​യി ജീ​വി​ത ചെ​ല​വു​ക​ൾ ഏ​റി​യ​തോ​ടെ ഭ​ർ​ത്താ​വി​നെ സ​ഹാ​യി​ക്കാ​ൻ ഷ​ഹീ​ല തൊ​ഴി​ൽ അ​ന്വേ​ഷി​ക്കാ​ൻ തു​ട​ങ്ങി. മ​റ്റെ​വി​ടെ​യെ​ങ്കി​ലും തൊ​ഴി​ൽ തേ​ടി പോ​കു​ന്ന​തി​ലും ന​ല്ല​ത് സ്വ​ന്ത​മാ​യി എ​​ന്തെ​ങ്കി​ലും ക​ണ്ടെ​ത്തു​ന്ന​താ​ണെ​ന്ന് വൈ​കാ​തെ ബോ​ധ്യ​മാ​യി.

അ​ങ്ങ​നെ​യാ​ണ്​ 2015ൽ ​കൈ​യ്യി​ലു​ണ്ടാ​യി​രു​ന്ന 3000 രൂ​പ​യു​ടെ മു​ട​ക്കു​മു​ത​ലു​മാ​യി ബി​ഗ് ഷോ​പ്പ​ർ യൂ​നി​റ്റ് ആ​രം​ഭി​ച്ച​ത്. ഇ​ന്ന​ത്​ ദി​വ​സ​വും 20,000 രൂ​പ വി​റ്റു​വ​ര​വു​ള്ള സ്ഥാ​പ​ന​മാ​യി വ​ള​ർ​ന്നി​രി​ക്കു​ന്നു. കു​ടും​ബ​ശ്രീ​യു​ടെ സ​ഹാ​യം കൂ​ടി ല​ഭ്യ​മാ​യ​തോ​ടെ ഈ ​കൊ​ച്ചു സ്ഥാ​പ​ന​ത്തെ എ​ട്ട്​ വ​ർ​ഷം കൊ​ണ്ട് എ​ട്ട്​ പേ​ർ ജോ​ലി ചെ​യ്യു​ന്ന ‘പു​ഷ്​​പം’ എ​ന്ന പ്ര​സ്ഥാ​ന​മാ​ക്കി വ​ള​ർ​ത്തി​യെ​ടു​ക്കാ​നാ​യ​തി​ന്‍റെ സ​ന്തോ​ഷ​ത്തി​ലാ​ണ് ഷ​ഹീ​ല ബാ​നു.

കു​മ​ളി, വ​ണ്ടി​പ്പെ​രി​യാ​ർ, ക​ട്ട​പ്പ​ന മേ​ഖ​ല​ക​ളി​ലെ നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ​ക്ക് വി​വി​ധ നി​റ​ത്തി​ലും വ​ലു​പ്പ​ത്തി​ലു​മു​ള്ള ബി​ഗ് ഷോ​പ്പ​റു​ക​ൾ ഷ​ഹീ​ന നേ​തൃ​ത്വം ന​ൽ​കു​ന്ന ‘പു​ഷ്പ’​ത്തി​ൽ​നി​ന്ന്​ വി​ത​ര​ണം ചെ​യ്തു​വ​രു​ന്നു.മു​മ്പ് എ​റ​ണാ​കു​ളം, മ​ധു​ര തു​ട​ങ്ങി​യ വ​ലി​യ പ​ട്ട​ണ​ങ്ങ​ളി​ൽ മാ​ത്ര​മാ​യി​രു​ന്നു ബി​ഗ് ഷോ​പ്പ​ർ നി​ർ​മാ​ണ​വും മ​റ്റും.

ക​വ​റി​ന്​ പു​റ​ത്ത്​ ക​ട​യു​ടെ പേ​ര്​ ആ​ലേ​ഖ​നം ചെ​യ്യു​ന്ന സ്ക്രീ​ൻ പ്രി​ൻ​റിം​ഗ് ഉ​ൾ​പ്പ​ടെ സാ​ങ്കേ​തി​ക സൗ​ക​ര്യ​ങ്ങ​ൾ കു​മ​ളി​യി​ൽ എ​ത്തി​ച്ച​തോ​ടെ ‘പു​ഷ്പ’​ത്തി​ന്‍റെ വ​ള​ർ​ച്ച​യും പ്രാ​ധാ​ന്യ​വും അം​ഗീ​ക​രി​ക്ക​പ്പെ​ട്ടു.ബി​ഗ് ഷോ​പ്പ​ർ നി​ർ​മാ​ണ​ത്തി​നാ​വ​ശ്യ​മാ​യ സാ​ധ​ന​ങ്ങ​ൾ എ​റ​ണാ​കു​ളം, മൂ​വാ​റ്റു​പു​ഴ, മ​ധു​ര, ഈ​റോ​ഡ്, ആ​ലു​വ തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നാ​ണ്​ എ​ത്തി​ക്കു​ന്ന​ത്.