ഒ​രു നാ​ടി​ന്‍റെ കണ്ണ്

ഒ​രു നാ​ടി​ന്റെ ക​ണ്ണ്’ -സ​തി ആ​ർ.​വി. എ​ന്ന സ​തി​ച്ചേ​ച്ചി​യെ കോ​ഴി​​ക്കോ​ട്ടു​കാ​ർ വി​ശേ​ഷി​പ്പി​ക്കു​ന്ന​ത് അ​ങ്ങ​നെ​യാ​ണ്. കോ​ഴി​ക്കോ​ട് ന​ഗ​ര​ത്തി​ന് സു​പ​രി​ചി​ത​യാ​യ ഫോ​ട്ടോ​ഗ്രാ​ഫ​റാ​ണ് സ​തി. ന​ഗ​ര​ത്തി​ലെ എ​ല്ലാ സാം​സ്കാ​രി​ക പ​രി​പാ​ടി​ക​ളി​ലും കാ​മ​റ​യു​മാ​യി സ​തി​​ച്ചേ​ച്ചി മു​ന്നി​ലു​ണ്ടാ​കും. പ​ക്ഷേ, ഇ​തൊ​ന്നും ഏ​തെ​ങ്കി​ലും മാ​ധ്യ​മ സ്ഥാ​പ​ന​ത്തി​നു വേ​ണ്ടി​യോ സം​ഘാ​ട​ക​ർ പ​ണം കൊ​ടു​ത്ത് ഏ​ൽ​പി​ക്കു​ന്ന​തോ അ​ല്ല. സ്വ​ന്തം ഇ​ഷ്ട​പ്ര​കാ​രം ഫോ​ട്ടോ​ക​ളെ​ടു​ക്കു​ന്നു, അ​ത് സ്നേ​ഹ​ത്തോ​ടെ കൈ​മാ​റു​ന്നു. 20 വ​ർ​ഷ​ത്തി​ല​ധി​ക​മാ​യി സ​തി​ച്ചേ​ച്ചി ത​ന്റെ കാ​മ​റ​യു​മാ​യി ന​ഗ​രം ചു​റ്റു​ന്നു. അ​വ​ർ പ​റ​യു​ന്നു...

ഫോ​ട്ടോ​ഗ്ര​ഫി​യി​ലേക്ക്

ചെ​റു​പ്പം മു​ത​ൽ ഫോ​ട്ടോ​ഗ്ര​ഫി ഇ​ഷ്ട​മാ​ണ്. ജീ​വി​ക്കു​ന്നു​ണ്ടെ​ന്ന് സ്വ​യം തോ​ന്നി​പ്പി​ക്കാ​നാ​ണ് ഞാ​നി​ത് ചെ​യ്യു​ന്ന​ത്. ഫോ​ട്ടോ​ഗ്ര​ഫി പ​ഠി​ച്ചി​ട്ടൊ​ന്നു​മി​ല്ല. എ​ട്ടാം ക്ലാ​സി​ൽ പ​ഠി​ക്കു​മ്പോ​ൾ കൂ​ട്ടു​കാ​രി അ​വ​ളു​ടെ അ​ച്ഛ​നെ​ടു​ത്ത ഫോ​ട്ടോ​ക​ൾ കാ​ണി​ച്ചു ത​രു​മാ​യി​രു​ന്നു. അ​ന്ന് അ​തെ​നി​ക്ക് അ​ത്ഭു​ത​മാ​യി​രു​ന്നു. അ​വ​ളു​ടെ വീ​ട്ടി​ൽ പോ​യ​പ്പോ​ഴാ​ണ് ആ​ദ്യ​മാ​യി കാ​മ​റ കാ​ണു​ന്ന​ത്. ഡി​ഗ്രി​ക്ക് പ​ഠി​ക്കു​മ്പോ​ൾ ക്ലാ​സി​ലു​ള്ള കു​റ​ച്ച് പേ​രു​ടെ കൈ​യി​ൽ കാ​മ​റ ഉ​ണ്ടാ​യി​രു​ന്നു. അ​ന്ന് അ​തൊ​ക്കെ കൗ​തു​ക​ത്തോ​ടെ നോ​ക്കി​നി​ന്നി​ട്ടു​ണ്ട്.

ജോ​ലി കി​ട്ടി​യ​പ്പോ​ഴാ​ണ് ആ​ദ്യ​ത്തെ കാ​മ​റ വാ​ങ്ങു​ന്ന​ത്, കൊ​ടാ​കി​ന്റേ​താ​യി​രു​ന്നു. അ​തു​കൊ​ണ്ട് ഫോ​ട്ടോ എ​ടു​ക്കാ​ൻ തു​ട​ങ്ങി. വീ​ട്ടു​കാ​രും പൂ​ക്ക​ളു​മൊ​ക്കെ​യാ​യി​രു​ന്നു താ​ര​ങ്ങ​ൾ. ജോ​ലി ക​ഴി​ഞ്ഞു​ള്ള വൈ​കു​ന്നേ​ര​ങ്ങ​ളി​ലാ​യി​രു​ന്നു കാ​മ​റ​യു​മെ​ടു​ത്ത് ഇ​റ​ങ്ങി​യി​രു​ന്ന​ത്. മ​ക​ൾ ജ​നി​ച്ച സ​മ​യ​ത്താ​ണ് യാ​ഷി​ക​യു​ടെ കാ​മ​റ വാ​ങ്ങു​ന്ന​ത്. പി​ന്നീ​ട് പാ​ന​സോ​ണി​കി​ന്‍റെ ഡി​ജി​റ്റ​ൽ കാ​മ​റ വാ​ങ്ങി. ഞാ​ൻ അ​നി​യ​നെ​പ്പോ​ലെ കാ​ണു​ന്ന, ഉ​റ്റ സു​ഹൃ​ത്ത് പ്ര​വീ​ൺ കു​മാ​റാ​ണ് കാ​മ​റ​യു​ടെ കൂ​ടു​ത​ൽ കാ​ര്യ​ങ്ങ​ൾ പ​ഠി​പ്പി​ച്ച​തും ഡി.​എ​സ്.​എ​ൽ.​ആ​ർ കാ​മ​റ വാ​ങ്ങാ​ൻ പ്രോ​ത്സാ​ഹി​പ്പി​ച്ച​തും. 2015ൽ ​ഒ​രു പ്ര ​ഫ​ഷ​ന​ൽ കാ​മ​റ വാ​ങ്ങി​യ​തും ഫോ​ട്ടോ​ഗ്ര​ഫി സീ​രി​യ​സ് ആ​യി എ​ടു​ത്ത​തും പ്ര​വീ​ണി​ന്റെ പ്രോ​ത്സാ​ഹ​നം കൊ​ണ്ടാ​ണ്. ര​ണ്ടു വ​ർ​ഷം മു​മ്പ് അ​വ​ൻ ലോ​ക​ത്തോ​ട് വി​ട പ​റ​ഞ്ഞു​പോ​യി.

സാം​സ്കാ​രി​ക ച​ട​ങ്ങു​ക​ളോ​ട് പ്രി​യം

കോ​ഴി​ക്കോ​ട് വ​ന്ന ശേ​ഷ​മാ​ണ് കൂ​ടു​ത​ൽ സാം​സ്കാ​രി​ക പ​രി​പാ​ടി​ക​ളി​ൽ പ​ങ്കെ​ടു​ക്കാ​ൻ തു​ട​ങ്ങി​യ​ത്. ജീ​വി​ത പ​ങ്കാ​ളി അ​ജ​യ​നും സു​ഹൃ​ത്ത് മ‍ജീ​ദു​മാ​ണ് കോ​ഴി​ക്കോ​ട് സാം​സ്കാ​രി​ക മേ​ഖ​ല പ​രി​ച​യ​പ്പെ​ടു​ത്തി ത​ന്ന​ത്. പി​ന്നീ​ട​ങ്ങോ​ട്ട് കോ​ഴി​ക്കോ​ട് ന​ഗ​ര​ത്തി​ന്‍റെ മി​ക്ക പ​രി​പാ​ടി​ക​ളി​ലും പ​ങ്കെ​ടു​ത്ത് തു​ട​ങ്ങി. പ​ങ്കെ​ടു​ക്കു​ന്ന മി​ക്ക പ​രി​പാ​ടി​ക​ളു​ടെ​യും അ​വ​സാ​നം വ​രെ ഞാ​ന​വി​ടെ ഉ​ണ്ടാ​കും. എ​ടു​ക്കു​ന്ന ഫോ​ട്ടോ​ക​ളെ​ല്ലാം സൂ​ക്ഷി​ച്ചു​വെ​ക്കും. ആ​വ​ശ്യ​പ്പെ​ട്ടാ​ൽ അ​യ​ച്ചു​കൊ​ടു​ക്കും. സ്വാ​ഗ​ത​പ്ര​സം​ഗം തൊ​ട്ട് ന​ന്ദി പ​റ​യു​ന്ന​ത് വ​രെ ഞാ​ൻ ക​വ​ർ ചെ​യ്യും. പ​ങ്കെ​ടു​ത്ത​വ​രു​ടെ ഫോ​ട്ടോ​ക​ൾ അ​വ​ർ​ക്ക് അ​യ​ച്ചു കൊ​ടു​ക്കു​ക​യും ചെ​യ്യും. സ്വ​ന്തം ഫോ​ട്ടോ​ക​ൾ ല​ഭി​ക്കു​മ്പോ​ൾ അ​വ​ർ​ക്കും സ​ന്തോ​ഷ​മാ​ണ്. ഇ​പ്പോ​ൾ ബേ​ഡ് ഫോ​ട്ടോ​ഗ്ര​ഫി​യും ചെ​യ്യു​ന്നു​ണ്ട്.

കോ​ഴി​ക്കോ​ടും കു​ടും​ബ​വും

ജ​നി​ച്ച​തും വ​ള​ർ​ന്ന​തു​മൊ​ക്കെ മ​ല​പ്പു​റം ജി​ല്ല​യി​ലെ കാ​ടാ​ഞ്ചേ​രി​യി​ലാ​ണ്. ഡി​ഗ്രി പ​ഠ​നം ക​ഴി​ഞ്ഞ​പ്പോ​ൾ ത​ന്നെ പോ​സ്റ്റ് ഓ​ഫി​സി​ൽ ജോ​ലി കി​ട്ടി. ഞാ​ൻ ഏ​ക മ​ക​ളാ​ണ്. എ​നി​ക്ക് ആ​റു മാ​സം പ്രാ​യ​മു​ള്ള​പ്പോ​ൾ അ​ച്ച​ൻ മ​രി​ച്ചു. ചി​റ്റ ജാ​ന​കി​യാ​യി​രു​ന്നു (അ​മ്മ​യു​ടെ അ​നി​യ​ത്തി) എ​നി​ക്കും അ​മ്മ​ക്കും എ​ല്ലാ സ​ഹാ​യ​ങ്ങ​ളും ചെ​യ്ത് ത​ന്ന​ത്. ഞ​ങ്ങ​ൾ​ക്ക് വേ​ണ്ടി ജീ​വി​ച്ച വ്യ​ക്തി​യാ​യി​രു​ന്നു അ​വ​ർ. വീ​ട്ടി​ലെ സാ​മ്പ​ത്തി​ക ബു​ദ്ധി​മു​ട്ടു​ക​ൾ ഒ​ഴി​ച്ചാ​ൽ, നി​യ​ന്ത്ര​ണ​ങ്ങ​ളു​മി​ല്ലാ​തെ​യാ​ണ് വ​ള​ർ​ന്ന​ത്. വി​വാ​ഹ​ക്കാ​ര്യ​ത്തി​ലു​മ​ങ്ങ​നെ ത​ന്നെ​യാ​യി​രു​ന്നു.

ചി​ല ആ​രോ​ഗ്യ പ്ര​ശ്ന​ങ്ങ​ളു​ണ്ടാ​യി​രു​ന്നു. ചി​കി​ത്സ​യു​ടെ ആ​വ​ശ്യ​ത്തി​നാ​ണ് കോ​ഴി​ക്കോ​ട്ടേ​ക്ക് താ​മ​സം മാ​റി​യ​ത്. ര​ണ്ടു​പേ​രും ട്രാ​ൻ​സ്ഫ​ർ വാ​ങ്ങി ഇ​ങ്ങോ​ട്ട് വ​ന്നു. ഇ​പ്പോ​ൾ 32 വ​ർ​ഷ​മാ​യി കോ​ഴി​ക്കോ​ട് സ്ഥി​ര​താ​മ​സ​മാ​ക്കി​യി​ട്ട്. അ​മ്മ കാ​ളി​ക്കു​ട്ടി​യും പ​ങ്കാ​ളി അ​ജ​യ​നും മ​ക​ൾ മേ​ധ​യു​മ​ട​ങ്ങു​ന്ന​താ​ണ് കു​ടും​ബം. ചി​റ്റ എ​ട്ട് വ​ർ​ഷം മു​മ്പ് മ​രി​ച്ചു. ജീ​വി​ത പ​ങ്കാ​ളി അ​ജ​യ​ൻ ജ​ന​റ​ൽ ഇ​ൻ​ഷു​റ​ൻ​സി​ൽ​നി​ന്ന് റി​ട്ട​യ​ർ ചെ​യ്തു. മ​ക​ൾ മേ​ധ ഹൈ​ദ​രാ​ബാ​ദ് സെ​ന്റ​ർ ഫോ​ർ ഇ​ക്ക​ണോ​മി​ക്സ് ആ​ൻ​ഡ് സോ​ഷ്യ​ൽ സ്റ്റ​ഡീ​സി​ൽ ഗ​വേ​ഷ​ക വി​ദ്യാ​ർ​ഥി​യാ​ണ്.

വി​വി​ധ മേ​ഖ​ല​ക​ളി​ൽ പ്രാ​വീ​ണ്യം തെ​ളി​യി​ച്ച​വ​രെ പ​രി​ച​യ​പ്പെ​ടാ​നും അ​വ​രു​ടെ ഫോ​ട്ടോ​ക​ൾ എ​ടു​ക്കാ​നും ക​ഴി​ഞ്ഞ​ത് വ​ലി​യ കാ​ര്യ​മാ​ണ്. അ​തി​നി​ട​യി​ൽ ഒ​രു​പാ​ട് സൗ​ഹൃ​ദ​ങ്ങ​ളു​ണ്ടാ​യി. എ​ൻ.​എ​സ്. മാ​ധ​വ​ൻ, എം. ​മു​കു​ന്ദ​ൻ, സാ​റാ ജോ​സ​ഫ്, കെ. ​സ​ച്ചി​ദാ​ന​ന്ദ​ൻ അ​ങ്ങ​നെ നീ​ളു​ന്നു ലി​സ്റ്റ്. പു​സ്ത​ക​ങ്ങ​ളി​ലൂ​ടെ മാ​ത്രം പ​രി​ച​യ​മു​ണ്ടാ​യി​രു​ന്ന​വ​രു​മാ​യി ന​ല്ല സൗ​ഹൃ​ദ​ങ്ങ​ൾ സ്ഥാ​പി​ക്കാ​ൻ ക​ഴി​ഞ്ഞു.

പാ​ഷ​നു പി​ന്നാ​ലെ

ന​മു​ക്കി​ഷ്ട​മു​ള്ള കാ​ര്യ​ങ്ങ​ൾ ന​മ്മ​ൾ ത​ന്നെ ചെ​യ്യ​ണം. എ​ന്താ​ണോ ഇ​ഷ്ടം അ​തി​നോ​ടൊ​രു ക​മ്മി​റ്റ്മെ​ന്‍റ് വേ​ണം. മ​റ്റു​ള്ള​വ​ർ എ​ന്ത് പ​റ​യും എ​ന്നാ​ലോ​ചി​ച്ച് നി​ൽ​ക്കാ​തെ ന​മു​ക്ക് ഇ​ഷ്ട​മു​ള്ള​ത് ചെ​യ്യു​ക, അ​തു പ​ക്ഷേ അ​ർ​ക്കും ഉ​പ​ദ്ര​വം ഉ​ണ്ടാ​ക്കു​ന്ന​താ​വ​രു​തെ​ന്നു മാ​ത്രം. ആ​ണാ​യാ​ലും പെ​ണ്ണാ​യാ​ലും സാ​മ്പ​ത്തി​ക സ്വാ​ശ്ര​യ​ത്വം ഉ​ണ്ടാ​വ​ണം. എ​ന്നി​ട്ട് എ​ന്താ​ണോ ന​മ്മു​ടെ പാ​ഷ​ൻ അ​ത് മു​ന്നോ​ട്ടു കൊ​ണ്ടു​പോ​വു​ക. ഭൂ​രി​ഭാ​ഗം സ്ത്രീ​ക​ളും ഇ​ഷ്ട​മു​ള്ള കാ​ര്യ​ങ്ങ​ൾ ചെ​യ്യാ​ൻ ക​ഴി​യാ​തെ ജീ​വി​തം തീ​ർ​ന്നു പോ​കു​ന്ന​വ​രാ​ണ്. കാ​ലം മാ​റി. ഫോ​ട്ടോ​ഗ്ര​ഫി ആ​ർ​ക്കും എ​വി​ടെ​നി​ന്നും പ​ഠി​ക്കാം. കാ​മ​റ​ത​ന്നെ വേ​ണ​മെ​ന്നി​ല്ല, മൊ​ബൈ​ൽ ഫോ​ൺ കൊ​ണ്ടും ന​ല്ല ഫോ​ട്ടോ​യെ​ടു​ക്കാ​ൻ ക​ഴി​യും. ഞ​ങ്ങ​ളു​ടെ കാ​ലം പോ​ലെ​യ​ല്ല. എ​ല്ലാ​ത്തി​നും അ​തി​ന്‍റേ​താ​യ സൗ​ക​ര്യ​ങ്ങ​ളു​ണ്ട്.

മൂ​ന്നു വ​ർ​ഷ​മാ​യി സ​ർ​വി​സി​ൽ​നി​ന്ന് റി​ട്ട​യ​ർ ചെ​യ്തി​ട്ട്. ഇ​പ്പോ​ൾ കൂ​ടു​ത​ൽ സ​മ​യം ഫോ​ട്ടോ​ഗ്ര​ഫി​ക്ക് കി​ട്ടു​ന്നു​ണ്ട്. പ​റ്റു​ന്നി​ട​ത്തോ​ളം കാ​ലം ഫോ​ട്ടോ​ഗ്ര​ഫി​യു​മാ​യി മു​ന്നോ​ട്ടു​പോ​കും. ഒ​രു അ​പ​ക​ട​ത്തി​ൽ കാ​ലി​ന് പ​രി​ക്ക് പ​റ്റി​യ​തു​കൊ​ണ്ട് ന​ട​ക്കാ​ൻ ചെ​റി​യ ബു​ദ്ധി​മു​ട്ടു​ണ്ട്. അ​ത് ശ​രി​യാ​യാ​ലേ കൂ​ടു​ത​ൽ ഇ​ൻ​വോ​ൾ​വ് ചെ​യ്യാ​ൻ ക​ഴി​യൂ.