രാത്രി താപനിലയിൽ കുറവുണ്ടാകും

ബംഗളൂരു: തിങ്കളാഴ്ചമുതല്‍ രാത്രി താപനിലയിൽ ഗണ്യമായ കുറവുണ്ടാകുമെന്ന് ഇന്ത്യൻ കാലാവസ്ഥാ വകുപ്പ് (ഐ.എം.ഡി) അറിയിച്ചു. കുറഞ്ഞ താപനില 12 ഡിഗ്രി സെൽഷ്യസിനും 14 ഡിഗ്രി സെൽഷ്യസിനും ഇടയിലായിരിക്കും. ഡിസംബറിലെ ശരാശരി താപനിലയായ 16.4 ഡിഗ്രി സെൽഷ്യസിനെക്കാൾ വളരെ താഴെയാണ് ഇത്. സമീപ വർഷങ്ങളെ അപേക്ഷിച്ച് ഏറ്റവും കൂടുതൽ തണുപ്പ് ഇത്തവണയായിരിക്കും. വരണ്ട കാറ്റ്, തെളിഞ്ഞ ആകാശം, വടക്കുകിഴക്കൻ കാറ്റിന്‍റെ ശക്തിപ്പെടൽ എന്നിവയാണ് കാലാവസ്ഥാ വ്യതിയാനത്തിന് കാരണം.