രക്ഷപ്പെടാൻ ശ്രമിച്ച വധക്കേസ്; പ്രതിയെ വെടിവെച്ച് വീഴ്ത്തി

ബം​ഗ​ളൂ​രു: ഉ​ഡു​പ്പി​യി​ലെ ഡേ​വി​ഡ് ഡി​സൂ​സ വ​ധ​ക്കേ​സി​ലെ പ്ര​ധാ​ന പ്ര​തി​യും കു​പ്ര​സി​ദ്ധ ഗു​ണ്ടാ​സം​ഘാം​ഗ​വു​മാ​യ അ​നൂ​ജ് പാ​ട്ടീ​ലി​നെ പൊ​ലീ​സ് വെ​ടി​വെ​ച്ച് വീ​ഴ്ത്തി. ഹെ​ബ്രി​ക്ക് സ​മീ​പം പൊ​ലീ​സ് ഉ​ദ്യോ​ഗ​സ്ഥ​രെ ആ​ക്ര​മി​ച്ച് ക​സ്റ്റ​ഡി​യി​ൽ നി​ന്ന് ര​ക്ഷ​പ്പെ​ടാ​ൻ ശ്ര​മി​ച്ച​പ്പോ​ഴാ​ണ് പൊ​ലീ​സ് കാ​ൽ മു​ട്ടി​നു താ​ഴെ വെ​ടി​യു​തി​ർ​ത്ത​ത്. പൊ​ലീ​സ് പാ​ട്ടീ​ലി​നെ ഹെ​ബ്രി​യി​ലേ​ക്ക് കൊ​ണ്ടു​വ​രു​ന്ന​തി​നി​ടെ​യാ​ണ് സം​ഭ​വം. കൊ​ല്ലൂ​ർ പൊ​ലീ​സ് സ​ബ് ഇ​ൻ​സ്പെ​ക്ട​റു​ടെ ആ​യു​ധം ത​ട്ടി​യെ​ടു​ത്ത് പ്ര​തി വെ​ടി​വെ​ക്കാ​ൻ ശ്ര​മി​ച്ചു. കു​ന്താ​പു​രം പൊ​ലീ​സ് സ​ബ് ഇ​ൻ​സ്പെ​ക്ട​ർ ന​ഞ്ച നാ​യി​ക് വെ​ച്ച വെ​ടി​യി​ൽ പ്ര​തി​യു​ടെ കാ​ലി​ൽ പ​രി​ക്കേ​റ്റു.

പാ​ട്ടീ​ലി​നെ ഉ​ട​ൻ ഉ​ഡു​പ്പി ജി​ല്ലാ ആ​ശു​പ​ത്രി​യി​ലേ​ക്ക് മാ​റ്റി. അ​വി​ടെ ചി​കി​ത്സ​യി​ലാ​ണ്. കൊ​ല​പാ​ത​ക ക​രാ​ർ ന​ട​പ്പി​ലാ​ക്കാ​ൻ വെ​ടി​വെ​പ്പു​കാ​രാ​യ രാ​ജു​വി​നെ​യും സം​ഘ​ത്തെ​യും അ​യ​ച്ച കൊ​ല​പാ​ത​ക സൂ​ത്ര​ധാ​ര​ൻ എ​ന്ന കു​റ്റ​മാ​ണ് പാ​ട്ടീ​ലി​നെ​തി​രെ ചു​മ​ത്തി​യ​ത്. ബി​ഹാ​ർ സ്വ​ദേ​ശി​യാ​യ അ​നു​ജ് പാ​ട്ടീ​ൽ പ്ര​ധാ​ന​മാ​യും മും​ബൈ കേ​ന്ദ്രീ​ക​രി​ച്ച് പ്ര​വ​ർ​ത്തി​ച്ചി​രു​ന്ന കു​പ്ര​സി​ദ്ധ ഗു​ണ്ടാ​സം​ഘ​ത്തി​ലെ അം​ഗ​മാ​ണ്. 2017 മു​ത​ൽ ഇ​യാ​ൾ ഒ​ളി​വി​ലാ​യി​രു​ന്നു. സം​ഘ​ടി​ത കു​റ്റ​കൃ​ത്യ​ങ്ങ​ളി​ൽ വ്യാ​പ​ക​മാ​യ പ​ങ്കാ​ളി​ത്തം ഉ​ള്ള​തി​നാ​ൽ മ​ഹാ​രാ​ഷ്ട്ര​യി​ൽ ഇ​യാ​ൾ​ക്കെ​തി​രെ ക​ർ​ശ​ന​മാ​യ മ​ഹാ​രാ​ഷ്ട്ര സം​ഘ​ടി​ത കു​റ്റ​കൃ​ത്യ നി​യ​ന്ത്ര​ണ നി​യ​മം (മ​ക്കോ​ക്ക) ചു​മ​ത്തി​യി​ട്ടു​ണ്ട്. മ​ഹാ​രാ​ഷ്ട്ര, ഗു​ജ​റാ​ത്ത്, ദാ​മ​ൻ, ദി​യു, ക​ർ​ണാ​ട​ക എ​ന്നി​വി​ട​ങ്ങ​ളി​ലാ​യി ആ​കെ 11 കേ​സു​ക​ൾ ഇ​യാ​ൾ​ക്കെ​തി​രെ ര​ജി​സ്റ്റ​ർ ചെ​യ്തി​ട്ടു​ണ്ട്. ഇ​തി​ൽ 11 കേ​സു​ക​ളി​ൽ 10 എ​ണ്ണ​വും ആ​യു​ധ നി​യ​മ​പ്ര​കാ​ര​മു​ള്ള​താ​ണ്.