ഇ​ല​ക്ഷ​ൻ ക​മീ​ഷ​ൻ സ്വ​ത​ന്ത്ര​മ​ല്ലെ​ങ്കി​ൽ

ഇ​ന്ത്യ​യി​ലെ തെ​ര​ഞ്ഞെ​ടു​പ്പു​ക​ളി​ൽ, വി​ശേ​ഷി​ച്ച് ക​ഴി​ഞ്ഞ വ​ർ​ഷ​ത്തെ മ​ഹാ​രാ​ഷ്ട്ര അ​സം​ബ്ലി തെ​​ര​ഞ്ഞെ​ടു​പ്പി​ൽ, കൃ​ത്രി​മം ന​ട​ന്നി​രി​ക്കാ​വു​ന്ന സാ​ധ്യ​ത ചൂ​ണ്ടി​ക്കാ​ട്ടി ലോ​ക്സ​ഭ​യി​ലെ പ്ര​തി​പ​ക്ഷ നേ​താ​വ് രാ​ഹു​ൽ​ഗാ​ന്ധി എ​ഴു​തി​യ ലേ​ഖ​ന​വും അ​തി​നു തെ​ര​ഞ്ഞെ​ടു​പ്പ് ക​മീ​ഷ​ൻ ന​ൽ​കി​യ മ​റു​പ​ടി​യും ഗൗ​ര​വ​മേ​റി​യ ച​ർ​ച്ച​ക്ക് വി​ഷ​യ​മാ​യി​രി​ക്കു​ന്നു. തെ​ര​ഞ്ഞെ​ടു​പ്പ് സം​വി​ധാ​ന​ങ്ങ​ളു​ടെ വി​ശ്വാ​സ്യ​ത​ക്ക് ക്ഷ​ത​മേ​ൽ​പി​ച്ച ചി​ല ഘ​ട​ക​ങ്ങ​ൾ എ​ടു​ത്തു​കാ​ട്ടി​ക്കൊ​ണ്ട് രാ​ഹു​ൽ​ഗാ​ന്ധി വി​ര​ൽ​ചൂ​ണ്ടു​ന്ന​ത് ജ​നാ​ധി​പ​ത്യ​ത്തി​ന്റെ ആ​രോ​ഗ്യ​ക്ഷ​യ​ത്തി​ലേ​ക്കാ​ണ്. അ​ഞ്ചു ഗു​രു​ത​ര ആ​രോ​പ​ണ​ങ്ങ​ളാ​ണ് അ​ദ്ദേ​ഹം ഉ​ന്ന​യി​ച്ചി​രി​ക്കു​ന്ന​ത്. അ​വ​യി​ൽ ഒ​ന്നാ​മ​ത്തേ​ത്, ഇ​ല​ക്ഷ​ൻ ക​മീ​ഷ​ന്റെ വി​ശ്വാ​സ്യ​ത ഇ​ല്ലാ​താ​ക്കി​യ മോ​ദി സ​ർ​ക്കാ​റി​ന്റെ 2023ലെ ​നി​യ​മ​ഭേ​ദ​ഗ​തി​യാ​ണ്. തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ നി​യ​മി​ക്കു​ന്ന​തി​ന് സാ​മാ​ന്യം സു​താ​ര്യ​വും നീ​തി​പൂ​ർ​വ​വു​മാ​യ സം​വി​ധാ​ന​മാ​ണ് അ​തു​വ​രെ ഉ​ണ്ടാ​യി​രു​ന്ന​ത്. ക​മീ​ഷ​ണ​ർ​മാ​രെ നി​ശ്ച​യി​ക്കു​ന്ന സ​മി​തി​യി​ൽ പ്ര​ധാ​ന​മ​ന്ത്രി​യും ലോ​ക്സ​ഭ​യി​ലെ പ്ര​തി​പ​ക്ഷ​നേ​താ​വും സു​പ്രീം​കോ​ട​തി ചീ​ഫ് ജ​സ്റ്റി​സു​മാ​യി​രു​ന്നു അം​ഗ​ങ്ങ​ൾ. മോ​ദി സ​ർ​ക്കാ​ർ ചീ​ഫ് ജ​സ്റ്റി​സി​നെ ഒ​ഴി​വാ​ക്കു​ക​യും പ​ക​രം യൂ​നി​യ​ൻ ആ​ഭ്യ​ന്ത​ര​മ​ന്ത്രി​യെ മൂ​ന്നാം അം​ഗ​മാ​ക്കു​ക​യും ചെ​യ്ത​തോ​ടെ ക​മീ​ഷ​ണ​ർ​മാ​രെ തെ​ര​ഞ്ഞെ​ടു​ക്കു​ന്ന​ത് സ​ർ​ക്കാ​റാ​യി മാ​റി. തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന​വ​ർ​ത​ന്നെ അ​തി​ന്റെ മേ​ൽ​നോ​ട്ട​ക്കാ​രെ നി​ശ്ച​യി​ക്കു​ന്ന​വ​രാ​യി മാ​റി​യ​പ്പോ​ൾ ഇ​ല​ക്ഷ​ൻ ക​മീ​ഷ​ന്റെ നി​ഷ്പ​ക്ഷ​ത ഇ​ല്ലാ​താ​യി. അ​തി​ന്റെ വി​ശ്വാ​സ്യ​ത സം​ശ​യാ​സ്പ​ദ​മാ​യി. മ​ഹാ​രാ​ഷ്ട്ര വി​ധാ​ൻ​സ​ഭ തെ​ര​ഞ്ഞെ​ടു​പ്പി​ൽ നി​ർ​ണാ​യ​ക​മാ​യ കൃ​​ത്രി​മ​ങ്ങ​ൾ ന​ട​ത്താ​ൻ ഇ​തു പ​ശ്ചാ​ത്ത​ല​മൊ​രു​ക്കി. വോ​ട്ട​ർ​പ​ട്ടി​ക​യി​ൽ പെ​ട്ടെ​ന്നു​ണ്ടാ​യ പെ​രു​ക്കം അ​നേ​കം നി​യോ​ജ​ക​മ​ണ്ഡ​ല​ങ്ങ​ളി​ലെ ഫ​ലം ബി.​ജെ.​പി​ക്ക് അ​നു​കൂ​ല​മാ​ക്കി​യെ​ന്നും ഈ ​പെ​രു​ക്കം അ​സ്വാ​ഭാ​വി​ക​മാ​ണെ​ന്നും രാ​ഹു​ൽ​ഗാ​ന്ധി പ​റ​യു​ന്നു. 2019 മു​ത​ൽ 2024 വ​രെ​യു​ള്ള അ​ഞ്ചു​വ​ർ​ഷ​ങ്ങ​ളി​ൽ ഉ​ണ്ടാ​യ വ​ർ​ധ​ന, 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പ് മു​ത​ൽ അ​സം​ബ്ലി തെ​ര​ഞ്ഞെ​ടു​പ്പു​വ​രെ​യു​ള്ള അ​ഞ്ചു​മാ​സം​കൊ​ണ്ട് ഉ​ണ്ടാ​യി. വോ​ട്ട​ർ​പ​ട്ടി​ക​യി​ലെ ഈ ​അ​സ്വാ​ഭാ​വി​ക വ​ർ​ധ​ന​ക്ക് സ​മാ​ന​മാ​യി, വോ​ട്ടി​ങ്ങി​നെ​ത്തി​യ​വ​രു​ടെ എ​ണ്ണ​ത്തി​ലും വ​ർ​ധ​ന​യു​ണ്ടാ​യി-​പ്ര​ത്യേ​കി​ച്ച് വോ​ട്ടി​ങ്ങി​ന്റെ ഏ​റ്റ​വും അ​വ​സാ​ന മ​ണി​ക്കൂ​റി​ൽ. വൈ​കീ​ട്ട് അ​ഞ്ചി​ന് വോ​ട്ട് ശ​ത​മാ​നം 58.22 ശ​ത​മാ​ന​മാ​യി​രു​ന്നു; പി​റ്റേ​ന്ന് പു​റ​ത്തു​വി​ട്ട വോ​ട്ട് ശ​ത​മാ​നം 66.05 ശ​ത​മാ​ന​വും. 7.83 ശ​ത​മാ​ന​ത്തി​ന്റെ (76 ല​ക്ഷം വോ​ട്ട​ർ​മാ​രു​ടെ) ഈ ​ആ​ധി​ക്യം സം​ശ​യ​മു​ള​വാ​ക്കു​ന്നു. ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​ക്ക് വോ​ട്ട് കു​റ​ഞ്ഞ മ​ണ്ഡ​ല​ങ്ങ​ളി​ലാ​യി​രു​ന്നു ഈ ​അ​ധി​ക വോ​ട്ടു​ക​ളു​ടെ കേ​​ന്ദ്രീ​ക​ര​ണം.

ആ​രോ​പ​ണ​ങ്ങ​ളോ​ട് ഇ​ല​ക്ഷ​ൻ ക​മീ​ഷ​ൻ രൂ​ക്ഷ​മാ​യി പ്ര​തി​ക​രി​ച്ചു: ഫ​ലം എ​തി​രാ​കു​​മ്പോ​ൾ മാ​ത്രം തെ​ര​ഞ്ഞെ​ടു​പ്പ് സം​വി​ധാ​ന​ത്തെ ചോ​ദ്യം ചെ​യ്യു​ക​യാ​ണ്. വോ​ട്ട​ർ​മാ​രു​ടെ ആ​ധി​ക്യ​ത്തി​ന് ക​മീ​ഷ​ൻ ന​ൽ​കു​ന്ന വി​ശ​ദീ​ക​ര​ണം, വോ​ട്ട​ർ​മാ​രെ ബോ​ധ​വ​ത്ക​രി​ക്കാ​നു​ള്ള ശ്ര​മ​ത്തി​ന്റെ ഫ​ല​മാ​ണ​ത് എ​ന്ന​ത്രേ. ക​മീ​ഷ​ൻ ഒ​ത്തു​ക​ളി​ച്ചെ​ന്ന ആ​രോ​പ​ണം തെ​റ്റാ​ണ്. വോ​ട്ടി​ങ് രീ​തി​ക​ളെ​ല്ലാം സു​താ​ര്യ​മാ​ണെ​ന്ന് ക​മീ​ഷ​ൻ ആ​വ​ർ​ത്തി​ക്കു​ന്നു. എ​ല്ലാ ബൂ​ത്തി​ലും പാ​ർ​ട്ടി​ക​ളു​ടെ ഏ​ജ​ന്റു​മാ​ർ ഉ​ണ്ടാ​യി​രു​ന്നു. അ​വ​രാ​രും ആ​രോ​പ​ണ​മു​ന്ന​യി​ച്ചി​ട്ടി​ല്ല. കോ​ൺ​ഗ്ര​സ് ഉ​ന്ന​യി​ച്ച സം​ശ​യ​ങ്ങ​ൾ​ക്ക് ക​ഴി​ഞ്ഞ ഡി​സം​ബ​റി​ൽ ക​മീ​ഷ​ൻ വി​ശ​ദ​മാ​യ മ​റു​പ​ടി ന​ൽ​കി​യ​താ​ണ്. വാ​സ്ത​വ​ത്തി​ൽ അ​ന്നേ അ​തു കൂ​ടു​ത​ൽ സം​ശ​യ​ങ്ങ​ൾ ഉ​യ​ർ​ത്തു​ക​യാ​ണു​ണ്ടാ​യ​ത്. മാ​ത്ര​മ​ല്ല, പി​ന്നീ​ട് പ്ര​തി​പ​ക്ഷ ക​ക്ഷി​ക​ൾ വാ​ർ​ത്ത​സ​മ്മേ​ള​ന​ത്തി​ൽ ഉ​യ​ർ​ത്തി​യ ചോ​ദ്യ​ങ്ങ​ൾ​ക്കും മ​റു​പ​ടി ഉ​ണ്ടാ​യി​ല്ല. വോ​ട്ട​ർ​മാ​രു​ടെ വ​ർ​ധ​ന ബോ​ധ​വ​ത്ക​ര​ണ​ത്തി​ന്റെ ഫ​ല​മാ​ണെ​ന്നാ​ണ​ല്ലോ വി​ശ​ദീ​ക​ര​ണം. മു​മ്പ് അ​ഞ്ചു​വ​ർ​ഷം​കൊ​ണ്ടു​ണ്ടാ​യ വ​ർ​ധ​ന മ​ഹാ​രാ​ഷ്ട്ര​യി​ൽ അ​ഞ്ചു​മാ​സം കൊ​ണ്ടു​ണ്ടാ​യി എ​ന്ന​ത് ന്യാ​യീ​ക​രി​ക്കാ​ൻ അ​തു പ​ര്യാ​പ്ത​മ​ല്ല. വോ​ട്ടു​ശ​ത​മാ​ന​ക്ക​ണ​ക്കി​ലെ അ​സ്വാ​ഭാ​വി​ക​മാ​യ കു​തി​പ്പി​നും വി​ശ​ദീ​ക​ര​ണ​മി​ല്ല. അ​ഞ്ചു​മ​ണി​ക്കു​ശേ​ഷം ചി​ല പ്ര​ത്യേ​ക ബൂ​ത്തു​ക​ളി​ൽ കാ​ണ​പ്പെ​ട്ട വോ​ട്ട​ർ​മാ​രു​ടെ പ്ര​വാ​ഹ​മാ​ണ് മ​റ്റൊ​ന്ന്. ബൂ​ത്തൊ​ന്നി​ൽ 600 എ​ന്ന ശ​രാ​ശ​രി​ക്ക​ണ​ക്കി​ൽ, പ​ത്തു​മ​ണി​ക്കൂ​റോ​ളം കൂ​ടു​ത​ൽ എ​ടു​ക്കേ​ണ്ടി​യി​രു​ന്ന വോ​ട്ടി​ങ് എ​ങ്ങ​നെ നേ​ത്തേ തീ​ർ​ന്നു എ​ന്നും അ​ത്ര​യും വോ​ട്ട് ഏ​തു ത​ര​ത്തി​ലാ​ണ് രേ​ഖ​പ്പെ​ടു​ത്ത​പ്പെ​ട്ട​ത് എ​ന്നും രാ​ഹു​ൽ ഗാ​ന്ധി ചോ​ദി​ച്ചി​ട്ടു​ണ്ട്.

ക​മീ​ഷ​ന്റെ മു​ൻ വി​ശ​ദീ​ക​ര​ണ​ങ്ങ​ൾ അ​പ​ര്യാ​പ്ത​മാ​ണ് എ​ന്നി​ട​ത്താ​ണ് പു​തി​യ ആ​രോ​പ​ണ​ങ്ങ​ളു​ടെ പ്രാ​ധാ​ന്യം കി​ട​ക്കു​ന്ന​ത്. ത​ന്റെ വാ​ദ​ങ്ങ​ൾ​ക്ക് സ​ർ​ക്കാ​റി​ന്റെ​യൂം ക​മീ​ഷ​ന്റെ​യും ഔ​ദ്യോ​ഗി​ക ക​ണ​ക്കു​ക​ളാ​ണ് സ്വീ​ക​രി​ച്ച​തെ​ന്ന് രാ​ഹു​ൽ എ​ടു​ത്തു​പ​റ​യു​ന്നു. മാ​ത്ര​മ​ല്ല, ഏ​റ്റ​വും കൂ​ടു​ത​ൽ സു​താ​ര്യ​ത വേ​ണ്ട​താ​യ തെ​ര​ഞ്ഞെ​ടു​പ്പി​ൽ, ഉ​ള്ള സു​താ​ര്യ​ത​യും ഇ​ല്ലാ​താ​ക്കു​ക​യാ​ണ് അ​ധി​കൃ​ത​ർ ചെ​യ്യു​ന്ന​ത്. നി​ർ​ണാ​യ​ക വി​വ​ര​ങ്ങ​ൾ മ​റ​ച്ചു​വെ​ക്കാ​ൻ സ​ർ​ക്കാ​ർ അ​സാ​മാ​ന്യ ശു​ഷ്‍കാ​ന്തി കാ​ണി​ക്കു​ന്നു. ഹ​രി​യാ​ന തെ​ര​ഞ്ഞെ​ടു​പ്പു​മാ​യി ബ​ന്ധ​പ്പെ​ട്ട സി.​സി ടി.​വി ദൃ​ശ്യ​ങ്ങ​ള​ട​ക്ക​മു​ള്ള രേ​ഖ​ക​ൾ ഒ​രു പ​രാ​തി​ക്കാ​ര​ന് ന​ൽ​കാ​ൻ ഹൈ​കോ​ട​തി ഉ​ത്ത​ര​വി​ട്ട​പ്പോ​ൾ അ​തു ത​ട​യാ​നാ​യി ച​ട്ട​ങ്ങ​ൾ തി​ര​ക്കി​ട്ട് മാ​റ്റു​ക​യാ​ണ് സ​ർ​ക്കാ​ർ​ ചെ​യ്ത​ത്. അ​തു ചെ​യ്ത​താ​ക​ട്ടെ തെ​ര​ഞ്ഞെ​ടു​പ്പ് ക​മീ​ഷ​ന്റെ ശി​പാ​ർ​ശ പ്ര​കാ​ര​വും. ഒ​ളി​ക്കാ​ൻ ഒ​ന്നു​മി​ല്ലെ​ങ്കി​ൽ എ​ന്തി​നാ​യി​രു​ന്നു ഇ​ത്? സു​ര​ക്ഷ​യും വോ​ട്ട​റു​ടെ സ്വ​കാ​ര്യ​ത​യും ഇ​തു ന്യാ​യീ​ക​രി​ക്കാ​ൻ ഉ​ന്ന​യി​ക്ക​പ്പെ​ടു​ന്നു​ണ്ട്. ഇ​ത്ര​യും കാ​ലം നി​ല​നി​ന്ന സു​താ​ര്യ​ത സ്വ​കാ​ര്യ​ത​ക്കോ സു​ര​ക്ഷ​ക്കോ ഭം​ഗം വ​രു​ത്തി​യി​ട്ടി​ല്ല എ​ന്നി​രി​ക്കെ, ഈ ​ഒ​ളി​പ്പി​ക്ക​ൽ സം​ശ​യ​മു​യ​ർ​ത്തു​ന്നു. സ​ർ​ക്കാ​ർ സം​വി​ധാ​ന​ങ്ങ​ളു​ടെ പ​ക്ഷ​പാ​തി​ത്വ​ത്തി​ന്റെ ഉ​ദാ​ഹ​ര​ണ​ങ്ങ​ളും ധാ​രാ​ള​മു​ണ്ട്. ഡ​ൽ​ഹി​യി​ൽ ന്യൂ​ന​പ​ക്ഷ സ​മു​ദാ​യ​ക്കാ​രെ തെ​ര​ഞ്ഞു​പി​ടി​ച്ച് വോ​ട്ട​ർ​പ​ട്ടി​ക​യി​ൽ​നി​ന്ന് ഒ​ഴി​വാ​ക്കി​യ​താ​യും ഉ​ത്ത​ർ​പ്ര​ദേ​ശി​ൽ ബി.​ജെ.​പി​ക്കെ​തി​രെ വോ​ട്ട് ചെ​യ്യാ​ൻ സാ​ധ്യ​ത​യു​ള്ള​വ​രെ പൊ​ലീ​സ് ത​ട​ഞ്ഞ​താ​യും വോ​ട്ടെ​ടു​പ്പ് ദി​ന​ങ്ങ​ൾ നി​ശ്ച​യി​ക്കു​ന്ന​തി​ൽ ബി.​ജെ.​പി​യു​ടെ താ​ൽ​പ​ര്യ​മാ​ണ് പ​രി​ഗ​ണി​ക്കു​ന്ന​തെ​ന്നും പ​രാ​തി​യു​ണ്ട്. ര​ണ്ടു കാ​ര്യ​ങ്ങ​ൾ ചെ​യ്തു​കൊ​ണ്ട​ല്ലാ​തെ തെ​ര​ഞ്ഞെ​ടു​പ്പി​ന്റെ വി​ശ്വാ​സ്യ​ത വീ​ണ്ടെ​ടു​ക്കാ​നാ​കി​ല്ല. ഒ​ന്ന്, ഇ​ല​ക്ഷ​ൻ ക​മീ​ഷ​നെ നി​ശ്ച​യി​ക്കു​ന്ന സ​മി​തി സ്വ​ത​ന്ത്ര​മാ​ക​ണം. ര​ണ്ട്, ന​ട​പ​ടി​ക്ര​മ​ങ്ങ​ളി​ൽ ന​ഷ്ട​പ്പെ​ട്ടു​വ​രു​ന്ന സു​താ​ര്യ​ത വീ​​ണ്ടെ​ടു​ക്ക​ണം.