അ​നു​രാ​ഗം വീ​ണ​മീ​ട്ടി​യ ഗാ​ന​ങ്ങ​ൾ

മ​ല​യാ​ള സി​നി​മ​യി​ൽ വി​വി​ധ മേ​ഖ​ല​ക​ളി​ൽ പ്ര​വ​ർ​ത്തി​ച്ച പ​ല​രു​ടെ​യും മ​ക്ക​ൾ പി​ൻ​ഗാ​മി​ക​ളാ​യി വ​ന്നി​ട്ടു​ണ്ട്. ചി​ല​രൊ​ക്കെ ശ്ര​ദ്ധേ​യ​രാ​യി. അ​ഭി​ന​യം, സം​വി​ധാ​നം, മേ​ക്ക​പ്പ് തു​ട​ങ്ങി പ​ല​രും അ​ട​യാ​ള​പ്പെ​ടു​ത്തി. എ​ന്നാ​ൽ, ഗാ​ന​ര​ച​നാ​രം​ഗ​ത്തെ പ്ര​മു​ഖ​രു​ടെ മ​ക്ക​ളാ​രും ആ ​വ​ഴി തിര​ഞ്ഞെ​ടു​ത്തി​ല്ല; ഒ​രാ​ളൊ​ഴി​കെ. മ​ധു​ര​ഗാ​ന​ങ്ങ​ളു​ടെ ആ​യി​രം പാ​ദ​സ​ര​ങ്ങ​ൾ കി​ലു​ക്കി ഇ​ന്നും ന​മ്മു​ടെ ഹൃ​ദ​യം ക​വ​ർ​ന്നു കൊ​ണ്ടി​രി​ക്കു​ന്ന വ​യ​ലാ​ർ രാ​മ​വ​ർ​മ​യു​ടെ മ​ക​ൻ വ​യ​ലാ​ർ ശ​ര​ത്ച​ന്ദ്ര​വ​ർ​മ പി​താ​വി​ന്റെ വ​ഴി തിര​ഞ്ഞെ​ടു​ക്കു​ക​യും നി​ര​വ​ധി മ​ധു​ര​ഗാ​ന​ങ്ങ​ൾ ര​ചി​ക്കു​ക​യും ചെ​യ്തു.

മ​ക​ൻ കാ​വ്യ​ലോ​ക​ത്ത് ക​ട​ന്നു​വ​രു​ന്ന​ത് വ​യ​ലാ​റി​ന് താ​ൽ​പര്യ​മു​ണ്ടാ​യി​രു​ന്നി​ല്ല എ​ന്ന് ശ​ര​ത്ച​ന്ദ്ര​വ​ർ​മ പ​റ​ഞ്ഞി​ട്ടു​ണ്ട്. കു​ടും​ബ​ത്തി​ന്റെ സു​ര​ക്ഷ​ക്കാ​യി മ​ല​യാ​റ്റൂ​ർ രാ​മ​കൃ​ഷ്ണ​നും കെ.​ആ​ർ. ഗൗ​രി​യ​മ്മ​യും മു​ൻ​കൈ​യെ​ടു​ത്ത് ചേ​ർ​ത്ത​ല​യി​ലെ ഒ​രു ക​മ്പ​നി​യി​ൽ ജോ​ലി വാ​ങ്ങിന​ൽ​കി​യി​രു​ന്നു. സ​ഹോ​ദ​രി​യു​ടെ വി​വാ​ഹാ​വ​ശ്യ​ത്തി​ന് അ​വ​ധി​യെ​ടു​ത്ത​തി​നെ തു​ട​ർ​ന്ന് ക​മ്പ​നി പി​രി​ച്ചു​വി​ട്ടു. അ​ങ്ങ​നെ വാ​യ​ന​യി​ലും എ​ഴു​ത്തി​ലും മു​ഴു​കി വീ​ട്ടി​ലി​രി​ക്കു​മ്പോ​ഴാ​ണ് ഗാ​ന​ര​ച​ന​യി​ലേ​ക്ക് ശ​ര​ത് എ​ത്തി​പ്പെ​ടു​ന്ന​ത്. നി​ര​വ​ധി മ​നോ​ഹ​ര ഗാ​ന​ങ്ങ​ൾ മ​ല​യാ​ളി​ക​ൾ​ക്ക് സ​മ്മാ​നി​ക്കാ​ൻ ഇ​തി​ന​കം ശ​ര​ത്ച​ന്ദ്ര​വ​ർ​മ​ക്കു ക​ഴി​ഞ്ഞി​ട്ടു​ണ്ട്.

ഒ​രു നാ​ട​ക​ത്തി​ന് പാ​ട്ടെ​ഴു​തി​യാ​ണ് തു​ട​ക്കം. ജോ​ലി ന​ഷ്ട​പ്പെ​ട്ട സ​മ​യ​ത്ത് യേ​ശു​ദാ​സി​ന്റെ ത​രം​ഗി​ണി സ്റ്റു​ഡി​യോ​യി​ലേ​ക്ക് ചി​ല ഭ​ക്തി​ഗാ​ന​ങ്ങ​ൾ എ​ഴു​തി അ​യ​ച്ചു. കാ​സ​റ്റ് രം​ഗ​ത്ത് ത​രം​ഗി​ണി ത​രം​ഗം സൃ​ഷ്ടി​ച്ച കാ​ല​മാ​ണ്. യേ​ശു​ദാ​സി​ന്റെ ശ​ബ്ദ​ത്തി​ലൊ​രു ഗാ​നം വ​രാ​ൻ പാ​ട്ടെ​ഴു​തു​ന്ന ആ​രാ​ണ് ആ​ഗ്ര​ഹി​ക്കാ​ത്ത​ത്! ശ​ര​ത്തി​ന്റെ ചി​ല ഗാ​ന​ങ്ങ​ൾ ത​രം​ഗി​ണി സ്വീ​ക​രി​ച്ചു. ആ​ല​പ്പി രം​ഗ​നാ​ഥി​ന്റെ സം​ഗീ​ത​ത്തി​ലാ​ണ് അ​വ പു​റ​ത്തു​വ​ന്ന​ത്. അ​തി​ൽ ‘‘മ​ദ​ഗ​ജ​മു​ഖ​നേ, ഗി​രി​ജാ​സു​ത​നേ, ഗ​ണ​പ​തി ഭ​ഗ​വാ​നേ...’’ എ​ന്നു തു​ട​ങ്ങു​ന്ന ഗാ​നം ഹി​റ്റാ​യി. പി​ന്നീ​ട് വി​ന​യ​ന്റെ സി​നി​മ​ക്കു​വേ​ണ്ടി പാ​ട്ടെ​ഴു​തി​യെ​ങ്കി​ലും റെ​ക്കോ​ഡി​ങ് പോ​ലും ന​ട​ന്നി​ല്ല; സി​നി​മ​യും.

1992ലാ​ണ് വ​യ​ലാ​ർ ശ​ര​ത്ച​ന്ദ്ര​വ​ർ​മ മ​ല​യാ​ള സി​നി​മ​യി​ൽ വ​ര​വ​റി​യി​ക്കു​ന്ന​ത്. എ.​ടി. അ​ബു സം​വി​ധാ​നം ചെ​യ്ത ‘എ​ന്റെ പൊ​ന്നു ത​മ്പു​രാ​ൻ’ ആ​ണ് ചി​ത്രം. സം​ഗീ​തം ന​ൽ​കി​യ​ത് വ​യ​ലാ​റി​ന്റെ ആ​ത്മ​മി​ത്രം ദേ​വ​രാ​ജ​നും. വ​യ​ലാ​ർ മു​മ്പെ​ഴു​തി​യ ഒ​രു ഗാ​നംകൂ​ടി ദേ​വ​രാ​ജ​ൻ മാ​ഷ് ആ ​സി​നി​മ​യി​ൽ ഉ​ൾ​പ്പെ​ടു​ത്തി. ശ​ര​ത്ച​ന്ദ്ര​ന്റെ മൂ​ന്നു പാ​ട്ടു​ക​ൾ.

‘മാ​ഘ​മാ​സം മ​ല്ലി​ക​പ്പൂ

കോ​ർ​ക്കും കാ​വി​ൽ

മേ​ഘ​മാ​കും തി​ര​ശ്ശീ​ല

നീ​ങ്ങും രാ​വി​ൽ

അ​ഷ്ട​പ​ദീ ഗാ​ന​ങ്ങ​ൾ

അ​ല​യി​ള​കീ

അ​നു​രാ​ഗം ഈ​ണ​ത്തി​ൽ വീ​ണ മീ​ട്ടി...’ എ​ന്ന ഗാ​ന​ത്തി​ൽ ഒ​രു വ​യ​ലാ​ർ സ്പ​ർ​ശ​മു​ണ്ടാ​യി​രു​ന്നു. ആ ​പാ​ട്ട് ഗാ​നാ​സ്വാ​ദ​ക​ർ ഹൃ​ദ​യ​ത്തി​ലേ​റ്റു​വാ​ങ്ങി.

വ​യ​ലാ​ർ-​ദേ​വ​രാ​ജ​ൻ ടീം ​വീ​ണ്ടും എ​ന്നാ​ണ് ഒ​രു സി​നി​മാ​ വാ​രി​ക എ​ഴു​തി​യ​ത്.

‘സു​ര​ഭി​ല സ്വ​പ്ന​ങ്ങ​ൾ ചെ​റു​ചെ​റു ശ​ല​ഭ​ങ്ങ​ൾ’, ‘ഗാ​ന്ധ​ർ​വ​ത്തി​ന് ശ്രു​തി തേ​ടു​ന്നൊ​രു ഗാ​യ​ക​നു​ണ​രു​മ്പോ​ൾ’ എ​ന്നീ ഗാ​ന​ങ്ങ​ളും ശ്ര​ദ്ധി​ക്ക​പ്പെ​ട്ടു. ‘സു​ഭ​ഗേ, സു​ഭ​ഗേ, നാ​മി​രു​വ​രു​മീ സു​ര​ഭീ സ​ദ​സ്സി​ൽ വി​രി​ഞ്ഞു’ എ​ന്ന ഗാ​ന​മാ​ണ് വ​യ​ലാ​ർ രാ​മ​വ​ർ​മ​യു​ടേ​ത്.

‘നീ ​പാ​ട്ടെ​ഴു​തി അ​ച്ഛ​ന് പേ​രു​ദോ​ഷ​മു​ണ്ടാ​ക്ക​രു​ത്’ ദേ​വ​രാ​ജ​ൻ മാ​ഷ് അ​ന്ന് മു​ന്ന​റി​യി​പ്പ് ന​ൽ​കി​യി​രു​ന്നു.

‘അ​ച്ചാ​മ്മ​ക്കു​ട്ടി​യു​ടെ അ​ച്ചാ​യ​ൻ’, ‘ഹാ​ർ​ബ​ർ’ തു​ട​ങ്ങി നാ​ല​ഞ്ച് ചി​ത്ര​ങ്ങ​ളി​ൽ എ​ഴു​തി​യ പാ​ട്ടു​ക​ൾ മോ​ശ​മാ​യി​ല്ലെ​ങ്കി​ലും ശ​ര​ത്തി​ന്റെ സൂ​പ്പ​ർ​ഹി​റ്റ് പാ​ട്ടു​ക​ൾ പി​റ​ന്ന​ത് ര​വീ​ന്ദ്ര​ന്റെ സം​ഗീ​ത​ത്തി​ൽ പു​റ​ത്തി​റ​ങ്ങി​യ ‘മി​ഴി ര​ണ്ടി​’ലും (2003) എ​ന്ന ചി​ത്ര​ത്തി​ലാ​ണ്. വി​വാ​ഹം നി​ശ്ച​യി​ക്ക​പ്പെ​ട്ട ഒ​രു പെ​ൺ​കു​ട്ടി​യു​ടെ മ​നോ​വ്യാ​പാ​ര​ങ്ങ​ൾ അ​ട​യാ​ള​പ്പെ​ടു​ത്തു​ന്ന

‘എ​ന്തി​നാ​യ് നി​ൻ ഇ​ടം ക​ണ്ണി​ൻ ത​ടം തു​ടി​ച്ചു

എ​ന്തി​നാ​യ് നീ ​വ​ലം​ക​യ്യാ​ൽ മു​ഖം മ​റ​ച്ചു’ എ​ന്ന ഗാ​നം കെ.​എ​സ്. ചി​ത്ര​യു​ടെ​യും ഏ​റ്റ​വും മി​ക​ച്ച ഗാ​ന​ങ്ങ​ളു​ടെ പ​ട്ടി​ക​യി​ൽ ഇ​ടംനേ​ടി. യൂ​സ​ഫ​ലി കേ​ച്ചേ​രി​യു​ടെ ‘അ​ന്നു നി​ന്റെ നു​ണ​ക്കു​ഴി തെ​ളി​ഞ്ഞി​ട്ടി​ല്ല’ എ​ന്ന ഗാ​ന​ത്തി​ന്റെ മ​ട്ടി​ൽ എ​ഴു​താ​ൻ സം​വി​ധാ​യ​ക​നും ര​വീ​ന്ദ്ര​ൻ​മാ​ഷും കൂ​ടി നി​ർ​ദേ​ശി​ച്ച​ത​നു​സ​രി​ച്ച് എ​ഴു​തി. ‘സു​മ​നേ​ശ​ര​ഞ്ജി​നി’ എ​ന്ന രാ​ഗഛാ​യ​യി​ൽ ആ ​ഗാ​ന​ത്തെ സൃ​ഷ്ടി​ച്ച​പ്പോ​ൾ അ​ത് എ​ക്കാ​ല​ത്തും പു​തു​മ ന​ഷ്ട​പ്പെ​ടാ​ത്ത പാ​ട്ടാ​യി മാ​റി. ‘ആ​ലി​ല​ത്താ​ലി​യു​മാ​യ് വ​രൂ നീ ​തി​ങ്ക​ളേ ഇ​തി​ലേ ഇ​തി​ലേ...’ എ​ന്ന ഗാ​നം ജ​യ​ച​ന്ദ്ര​ന്റെ ശ​ബ്ദ​ത്തി​ന് പു​തു​യൗ​വ​നം ന​ൽ​കി. ‘ഓ​മ​നേ ത​ങ്ക​മേ...’ എ​ന്ന ഗാ​നം യേ​ശു​ദാ​സും സു​ജാ​ത​യും ചേ​ർ​ന്നാ​ല​പി​ച്ചു. ചി​ത്ര​യും ശ്രീ​നി​വാ​സും ചേ​ർ​ന്നു​പാ​ടി​യ ‘വാ​ർ​മ​ഴ​വി​ല്ലേ, ഏ​ഴ​ഴ​കെ​ല്ലാം നീ​ലാം​ബ​ര​ത്തി​ൽ മാ​ഞ്ഞു​വോ’ എ​ന്ന ശോ​ക​ഗാ​ന​വും ശ്ര​ദ്ധി​ക്ക​പ്പെ​ട്ടു.

ശാ​രീ​രി​ക​മാ​യി ആ​ണാ​യി​ട്ടും പെ​ൺ​വേ​ഷം കെ​ട്ടി ന​ട​ക്കു​ന്ന രാ​ധാ​കൃ​ഷ്ണ​ന്റെ (ദി​ലീ​പ്) ക​ഥ പ​റ​ഞ്ഞ ലാ​ൽ​ജോ​സ് ചി​ത്ര​മാ​യ ‘ചാ​ന്തു​പൊ​ട്ടി​’ലെ (2005) എ​ല്ലാ ഗാ​ന​ങ്ങ​ളും ഹി​റ്റാ​യി. വി​ദ്യാ​സാ​ഗ​റി​ന്റേ​താ​യി​രു​ന്നു സം​ഗീ​തം. എ​സ്. ജാ​ന​കി മ​ല​യാ​ള​ത്തി​ൽ ഒ​ടു​വി​ൽ പാ​ടി​യ ഗാ​ന​ങ്ങ​ളി​ലൊ​ന്നാ​യ ‘ആ​ഴ​ക്ക​ട​ലി​ന്റെ അ​ങ്ങേ​ക്ക​ര​യി​ലാ​യ്’ എ​ന്ന ഗാ​നം മ​ല​യാ​ള​സി​നി​മ​യി​ലെ മി​ക​ച്ച താ​രാ​ട്ടു​പാ​ട്ടു​ക​ളു​ടെ പ​ട്ടി​ക​യി​ൽ ഇ​ടം​നേ​ടി. ‘ഓ​മ​ന​പ്പു​ഴ​ക്ക​ട​പ്പു​റ​ത്തി​ന്നോ​മ​നേ’ എ​ന്ന ഗാ​നം ഗാ​യ​ക​നെ​ന്ന നി​ല​യി​ൽ വി​നീ​ത് ശ്രീ​നി​വാ​സ​ന് ന​ല്ല മേ​ൽവി​ലാ​സം ഉ​ണ്ടാ​ക്കി​ക്കൊ​ടു​ത്തു.

മ​ല​യാ​ള​സി​നി​മ​യി​ൽ പു​തി​യൊ​രു ട്രെ​ൻ​ഡ് സൃ​ഷ്ടി​ച്ച ചി​ത്ര​മാ​ണ് ‘ക്ലാ​സ്മേ​റ്റ്സ്’ (2006). പൂ​ർ​വ വി​ദ്യാ​ർ​ഥി സം​ഗ​മ​ങ്ങ​ളും സം​ഘ​ട​ന​ക​ളും കൂ​ടു​ത​ലാ​യു​ണ്ടാ​കാ​ൻ ഈ ​ചി​ത്രം കാ​ര​ണ​മാ​യി. ഇ​തി​ലെ ഗാ​ന​ങ്ങ​ളും ഗാ​ന​ചി​ത്രീ​ക​ര​ണ​വും ത​ല​മു​റ​ക​ളെ സ്വാ​ധീ​നി​ച്ചു. ശ​ര​ത്ച​ന്ദ്ര​വ​ർ​മ​യു​ടെ ആ​റു​ഗാ​ന​ങ്ങ​ൾ ചി​ത്ര​ത്തി​ലു​ണ്ട്. അ​ല​ക്സ് പോ​ളി​ന്റേതാ​ണ് സം​ഗീ​തം.

പു​തി​യ ത​ല​മു​റ ഏ​റ്റെ​ടു​ത്ത് പാ​ടി​ന​ട​ന്ന ഗാ​ന​മാ​യ ‘എ​ന്റെ ഖ​ൽ​ബി​ലെ വെ​ണ്ണി​ലാ​വ് നീ ​ന​ല്ല പാ​ട്ടു​കാ​രാ...’ മൂ​ടി​വെ​ക്ക​പ്പെ​ട്ട ത​ന്റെ പ്ര​ണ​യം ഈ ​പാ​ട്ടി​ലൂ​ടെ ഏറെ നി​യ​ന്ത്ര​ണ​ങ്ങ​ളി​ൽ​പെ​ട്ട പെ​ൺ​കു​ട്ടി വെ​ളി​വാ​ക്കു​ക​യാ​ണ്. അ​ടു​ത്ത ത​ല​മു​റ ഏ​റ്റെ​ടു​ത്ത​ത് ഈ ​ഗാ​ന​മാ​ണ്:

‘കാ​റ്റാ​ടി​ത്ത​ണ​ലും ത​ണ​ല​ത്ത​ര​മ​തി​ലും

മ​തി​ലി​ല്ലാ​മ​ന​സ്സു​ക​ളു​ടെ പ്ര​ണ​യ​ക്കു​ളി​രും’. വി​ധു​പ്ര​താ​പ്, റെ​ജു ജോ​സ​ഫ്, ര​മേ​ഷ് ബാ​ബു, സി​സി​ലി എ​ന്നി​വ​ർ ചേ​ർ​ന്നാ​ണ് ഈ ​ഗാ​നം പാ​ടി​യ​ത്. എം.​ജി. ശ്രീ​കു​മാ​റും പ്ര​ദീ​പ് രാ​ജ​മാ​ണി​ക്യ​വും പാ​ടി​യ ‘വോ​ട്ട് തെ​ര​ഞ്ഞെ​ടു​പ്പ​ടു​ക്ക​ണ സ​മ​യ​ത്ത് കി​ട്ടു​ന്ന ചീ​ട്ട്’ ഹാ​സ്യ​ര​സ​പ്ര​ധാ​ന​മാ​യി. അ​ല​ക്സ് പോ​ളി​ന്റെ സം​ഗീ​ത​ത്തി​ൽ ബാ​ബാ ക​ല്യാ​ണി (2006) എ​ന്ന ചി​ത്ര​ത്തി​നു​വേ​ണ്ടി​യെ​ഴു​തി​യ ‘കൈ ​നി​റ​യെ വെ​ണ്ണ​ത​രാം/ക​വി​ളി​ലൊ​രു​മ്മ ത​രാം...’ എ​ന്ന ഗാ​നം അ​മ്മ​യെ സ്നേ​ഹി​ക്കു​ന്ന എ​ല്ലാ മ​ക്ക​ളു​ടെ​യും ഹൃ​ദ​യം ക​വ​രു​ന്ന​താ​ണ്. ജി. ​വേ​ണു​ഗോ​പാ​ലും മ​ഞ്ജ​രി​യും ഈ ​ഗാ​നം വേ​റെ​വേ​റെ പാ​ടി​യി​ട്ടു​ണ്ട്.

ഇ​തേ വ​ർ​ഷംത​ന്നെ പു​റ​ത്തി​റ​ങ്ങി​യ ‘മ​ഴ​യി​ൽ രാ​ത്രി​മ​ഴ​യി​ൽ...’ എ​ന്ന ഗാ​നം (ചി​ത്രം: ക​റു​ത്തപ​ക്ഷി​ക​ൾ, സം​ഗീ​തം: മോ​ഹ​ൻ സി​താ​ര) മ​ഞ്ജ​രി എ​ന്ന ഗാ​യി​ക​യെ ശ്ര​ദ്ധേ​യ​യാ​ക്കി​യ വി​ഷാ​ദ​ഗാ​ന​മാ​ണ്.

2006ൽ ​ത​ന്നെ ‘പ​ളു​ങ്ക്’ എ​ന്ന ചി​ത്ര​ത്തി​നുവേ​ണ്ടി ശ​ര​ത്-​മോ​ഹ​ൻ സി​താ​ര കൂ​ട്ടു​കെ​ട്ട് വീ​ണ്ടും ഒ​രു​മി​ച്ചു. ‘മാ​ന​ത്തെ വെ​ള്ളി വി​താ​നി​ച്ച കൊ​ട്ടാ​രം/താ​നേ ക​ണ്ടു​കൊ​തി​ച്ചെ​ന്റെ മ​ന്ദാ​രം...’ എ​ന്ന ഗാ​നം യേ​ശു​ദാ​സി​ന്റെ ശ​ബ്ദ​ത്തി​ൽ മ​നോ​ഹ​ര​മാ​യി.

2007ൽ ​പു​റ​ത്തി​റ​ങ്ങി​യ മ​മ്മൂ​ട്ടി​ച്ചി​ത്രം മാ​യാ​വി​യി​ലെ ‘മു​റ്റ​ത്തെ മു​ല്ലേ ചൊ​ല്ല്’ എ​ന്ന യേ​ശു​ദാ​സ് പാ​ടി​യ ഗാ​ന​വും യേ​ശു​ദാ​സും എം.​ജി. ശ്രീ​കു​മാ​റും ചേ​ർ​ന്നു പാ​ടി​യ ‘സ്നേ​ഹം തേ​ന​ല്ല നോ​വി​ൻ ക​യ്പ​ല്ല, ക​ണ്ണീ​രും കൈ​ലേ​സു​മ​ല്ല’ എ​ന്ന ഗാ​ന​വും പാ​ട്ടു​പ്രേ​മി​ക​ൾ​ക്കി​ഷ്ട​മാ​യി.

ഇ​ള​യ​രാ​ജ​യോ​ടൊ​പ്പം ചാ​രു​ത​യു​ള്ള നി​ര​വ​ധി ഗാ​ന​ങ്ങ​ളൊ​രു​ക്കാ​ൻ വ​യ​ലാ​ർ ശ​ര​ത്ച​ന്ദ്ര​വ​ർ​മ​ക്ക് ക​ഴി​ഞ്ഞി​ട്ടു​ണ്ട്. സ​ത്യ​ൻ അ​ന്തി​ക്കാ​ട് സം​വി​ധാ​നം ചെ​യ്ത ‘വി​നോ​ദ​യാ​ത്ര’ (2007) യി​ൽ മ​ധു ബാ​ല​കൃ​ഷ്ണ​നും ക​ല്യാ​ണി​യും പാ​ടി​യ ‘മ​ന്ദാ​ര​പ്പൂ​മൂ​ളി കാ​തി​ൽ തൈ​മാ​സം വ​ന്ന​ല്ലോ...’, മ​ഞ്ജ​രി പാ​ടി​യ ‘കൈ​യെ​ത്താ ദൂ​ര​ത്തോ ക​ണ്ണെ​ത്ത​ണം...’ എ​ന്നീ ഗാ​ന​ങ്ങ​ൾ പു​തു​മ​യും സാ​ഹി​ത്യ​ഭം​ഗി​യും കൊ​ണ്ടു ശ്ര​ദ്ധേ​യ​മാ​യി. ഇ​തേ ടീ​മി​ന്റെ ‘ഭാ​ഗ്യ​ദേ​വ​ത’ സി​നി​മ​യി​ൽ ‘അ​ല്ലി​പ്പൂ​വേ മ​ല്ലി​പ്പൂ​വേ...’ എ​ന്ന ഗാ​നം വി​ജ​യ് യേ​ശു​ദാ​സും ശ്വേ​ത​യും ചേ​ർ​ന്നു പാ​ടി. ‘സ്വ​പ്ന​ങ്ങ​ൾ ക​ണ്ണെ​ഴു​തി​യ മ​ത്സ്യ​ക​ന്യ​കേ...’ രാ​ഹു​ൽ ന​മ്പ്യാ​രും ചി​ത്ര​യും ആ​ല​പി​ച്ചു.

2008ൽ ​ശ്യാം ധ​ർ​മ​ന്റെ സം​ഗീ​ത​ത്തി​ൽ പി​റ​ന്ന ‘ഓം​കാ​രം ശം​ഖി​ൽ ചേ​രു​മ്പോ​ൾ’ (ചി​ത്രം: വെ​റു​തെ ഒ​രു ഭാ​ര്യ) എ​ന്ന മ​നോ​ഹ​ര ഗാ​നം ഉ​ണ്ണി​മേ​നോ​നെ മ​ല​യാ​ള സി​നി​മ​യി​ൽ വീ​ണ്ടും ശ്ര​ദ്ധേ​യ​നാ​ക്കി.

‘ആ​ഴി​ത്തി​ര ത​ന്നി​ൽ വീ​ണാ​ലും വി​ട​രു​ന്നു​ണ്ടെ​ന്നാ​ലും സ​ന്ധ്യേ നീ ​സു​ന്ദ​രി​യാ’ (ഭാ​ഗ്യ​ദേ​വ​ത (2009) ഇ​ള​യ​രാ​ജ / ആ​ലാ​പ​നം : കാ​ർ​ത്തി​ക്), ‘മു​ത്തേ മു​ത്തേ കി​ങ്ങി​ണി മു​ത്തേ...’ (കാ​ണാ​ക​ൺ​മ​ണി (2009) ശ്യാം ​ധ​ർ​മൻ /ശ്യാം ​ആ​ലാ​പ​നം: ധ​ർ​മ​നും സു​ജാ​ത മോ​ഹ​നും) ‘അ​നു​രാ​ഗ​വി​ലോ​ച​ന​നാ​യ് അ​തി​ലേ​റെ മോ​ഹി​ത​നാ​യ്...’ (നീ​ല​ത്താ​മ​ര (2009) വി​ദ്യാ​സാ​ഗ​ർ/ പാ​ടി​യ​ത്: വി. ​ശ്രീ​കു​മാ​റും ശ്രേ​യ ഘോ​ഷാ​ലും), ‘കി​ഴ​ക്കു​മ​ല ക​മ്മ​ലി​ട്ട ത​ങ്ക​ത്താ​ലം ക​ളി​ക്ക​ളം ഒ​ളി​ത്ത​ടം’ (ക​ഥ തു​ട​രു​ന്നു (2010), ഇ​ള​യ​രാ​ജ/കാ​ർ​ത്തി​ക്) തു​ട​ങ്ങി​യ​വ​യാ​ണ് ശ​ര​ത് ച​ന്ദ്ര​വ​ർ​മ​യു​ടെ പി​ന്നീ​ടി​റ​ങ്ങി​യ ഹി​റ്റ് ഗാ​ന​ങ്ങ​ൾ.

‘സ​കു​ടും​ബം ശ്യാ​മ​ള’​യി​ൽ എം.​ജി. ശ്രീ​കു​മാ​റി​ന്റെ സം​ഗീ​ത​ത്തി​ൽ യേ​ശു​ദാ​സ് പാ​ടി​യ ‘വി​ളി​ച്ചോ നീ​യെ​ന്നെ വി​ളി​ച്ചോ നി​ന്റെ മ​ന​സ്സാം കി​ളി മെ​ല്ലെ ചി​ല​ച്ചോ...’ എ​ന്ന ഗാ​ന​വും ആ​സ്വാ​ദ​ക​ർ​ക്ക് ഏ​റെ പ്രി​യ​പ്പെ​ട്ട​താ​യി. ‘പ​തി​നേ​ഴി​ന്റെ പൂ​ങ്ക​ര​ളി​ൽ പാ​ട​ത്ത് പൂ​വി​ട്ട​തെ​ന്താ​ണ്...’ (വെ​ള്ള​രി​പ്രാ​വി​ന്റെ ച​ങ്ങാ​തി (2011)/മോ​ഹ​ൻ സി​ത്താ​ര/​ആ​ലാ​പ​നം: ശ്രേ​യാ​ഘോ​ഷാ​ലും ക​ബീ​റും), എം.​ജി. ശ്രീ​കു​മാ​റി​ന്റെ സം​ഗീ​ത​ത്തി​ൽ ‘കു​ഞ്ഞ​ളി​യ​ൻ’ (2012) എ​ന്ന ചി​ത്ര​ത്തി​ൽ യേ​ശു​ദാ​സും സു​ജാ​ത​യും പാ​ടി​യ ‘ചെ​മ്പ​ഴു​ക്ക ന​ല്ല ചെ​മ്പ​ഴു​ക്ക’ എ​ന്നീ ഗാ​ന​ങ്ങ​ളും ല​ളി​ത​സു​ന്ദ​ര പ്ര​ണ​യ​ഗാ​ന​ങ്ങ​ളാ​യി.

2012ൽ ​‘രാ​സ​ലീ​ല’ എ​ന്ന ചി​ത്ര​ത്തി​നാ​യി വ​യ​ലാ​ർ, സ​ലി​ൽ ചൗ​ധ​രി, യേ​ശു​ദാ​സ് എ​ന്നി​വ​രു​ടെ മ​ക്ക​ൾ ഒ​ന്നി​ച്ചു. സ​ഞ്ജ​യ് ചൗ​ധ​രി​യു​ടെ സം​ഗീ​ത​ത്തി​ൽ വി​ജ​യ് യേ​ശു​ദാ​സ് ആ​ല​പി​ച്ച ‘നീ​ലാം​ബ​രി നീ ​മു​ന്നി​ലെ പൂ​മ​ഞ്ജ​രി...’ എ​ന്ന ഗാ​നം മോ​ശ​മാ​യി​ല്ല. ‘അ​ഴ​ലി​ന്റെ ആ​ഴ​ങ്ങ​ളി​ൽ അ​വ​ൾ മാ​ഞ്ഞു​പോ​യ് നോ​വി​ന്റെ തീ​ര​ങ്ങ​ളി​ൽ ഞാ​ൻ മാ​ത്ര​മാ​യ്...’ എ​ന്ന ഔ​സേ​പ്പ​ച്ച​ൻ സം​ഗീ​തം ന​ൽ​കി​യ ഗാ​നം (അ​യാ​ളും ഞാ​നും ത​മ്മി​ൽ (2012) പാ​ടി​യ​ത്: നി​ഖി​ൽ മാ​ത്യു) ശ്രോ​താ​ക്ക​ൾ ആ​വ​ർ​ത്തി​ച്ചു​കേ​ൾ​ക്കു​ന്ന ഗാ​ന​മാ​ണ്. ‘ചി​ൽ ചി​ൽ ചി​ഞ്ചി​ല​മാ​യ് ചി​ൽ മ​ഴ നീ’ (​തോ​പ്പി​ൽ ജോ​പ്പ​ൻ (2016) വി​ദ്യാ​സാ​ഗ​ർ/ആ​ലാ​പ​നം: മ​ധു ബാ​ല​കൃ​ഷ്ണ​നും ശ്വേ​ത​യും) ‘പോ​ത്ത​ൻ​വാ​വ’ (2006)യി​ലെ ‘മ​ഞ്ചാ​ടി മ​ണി​മു​ത്ത് പെ​യ്യു​ന്ന പോ​ലെ’ (എം.​ജി. ശ്രീ​കു​മാ​ർ, ജ്യോ​ത്സ്ന) എ​ന്ന ഗാ​ന​വും മി​ക​ച്ച പാ​ട്ടു​ക​ളു​ടെ പ​ട്ടി​ക​യി​ലു​ണ്ട്.

ഈ​ണ​ത്തി​നൊ​ത്ത് പാ​ട്ടൊ​രു​ക്കു​മ്പോ​ൾ സാ​ഹി​ത്യ​ഭം​ഗി ന​ഷ്ട​പ്പെ​ടാ​തെ എ​ഴു​താ​ൻ ക​ഴി​യു​ന്നു​വെ​ന്ന​താ​ണ് വ​യ​ലാ​ർ ശ​ര​ത്ച​ന്ദ്ര​വ​ർ​മ​യെ വേ​റി​ട്ടു​നി​ർ​ത്തു​ന്ന ഘ​ട​കം. ശ​ബ്ദ​ഘോ​ഷ​ങ്ങ​ൾ​ക്കൊ​പ്പം എ​ന്തെ​ങ്കി​ലും വാ​ക്കു​ക​ൾ നി​ര​ത്തി​യാ​ൽ മ​തി​യെ​ന്ന ചി​ല സം​ഗീ​ത​സം​വി​ധാ​യ​ക​രു​ടെ അ​ഭി​പ്രാ​യ​ത്തി​നൊ​പ്പം​നി​ൽ​ക്കാ​ൻ വ​യ​ലാ​റി​ന്റെ മ​ക​നെ കി​ട്ടി​ല്ല. ദേ​വ​രാ​ജ​ൻ മാ​ഷി​ന്റെ ഉ​പ​ദേ​ശം മ​ന​സ്സി​ലി​ട്ടുകൊ​ണ്ട് ത​ന്നെ സ​ഞ്ച​രി​ക്കു​ന്ന​തു​കൊ​ണ്ട് അ​ച്ഛ​ന്റെ പേ​ര് ഇ​തു​വ​രെ ക​ള​ഞ്ഞി​ട്ടി​ല്ല എ​ന്ന് ഗാ​നാ​സ്വാ​ദ​ക​ർ സ​മ്മ​തി​ക്കു​ന്നു​ണ്ട്. ഇ​തി​ന​കം അ​ഞ്ഞൂ​റ്റി​യ​മ്പ​തോ​ളം പാ​ട്ടു​ക​ൾ സ​മ്മാ​നി​ച്ച വ​യ​ലാ​ർ ശ​ര​ത്ച​ന്ദ്ര​വ​ർ​മ നി​ര​വ​ധി മ​നോ​ഹ​ര ഗാ​ന​ങ്ങ​ളി​ലൂ​ടെ മ​ല​യാ​ള സി​നി​മാ ഗാ​നാ​സ്വാ​ദ​ക​രു​ടെ മ​ന​സ്സി​ൽ സ്ഥാ​നം നേ​ടി​ക്ക​ഴി​ഞ്ഞു എ​ന്ന കാ​ര്യ​ത്തി​ൽ സം​ശ​യ​മി​ല്ല.